[信長撚]有冇朋友有興趣聽戰國史?

1001 回覆

259 Like 8 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁

潘朵拉（沙迦） 2017-01-05 23:00:29

好似仔仔女女無個好下場
戰國時代好似我咁無子無女
樂得清淨

你就係無明定繼任人，搞到御館之亂、家道中落呢，仲有柿崎景家父子、宇佐美定滿被你害得好慘

仲想問下毘沙門天點解唔打救世人統一天下

我為義而戰
鋤強扶弱
點會吞人塊地
（可睇下天與地，有鳩估謙信公個心態）

一句講哂
中二病

第六天魔王殺到黎，越後信濃上野無得避，要化身毘沙門天打救蒼生

精銳蒙古突騎 2017-01-05 23:16:53

好似仔仔女女無個好下場
戰國時代好似我咁無子無女
樂得清淨

你就係無明定繼任人，搞到御館之亂、家道中落呢，仲有柿崎景家父子、宇佐美定滿被你害得好慘

仲想問下毘沙門天點解唔打救世人統一天下

我為義而戰
鋤強扶弱
點會吞人塊地
（可睇下天與地，有鳩估謙信公個心態）

一句講哂
中二病

第六天魔王殺到黎，越後信濃上野無得避，要化身毘沙門天打救蒼生

上杉統治得唔太好，間唔中都有一揆叛亂同家臣叛變，佢自己都攪唔掂自己點救人…

石田佐吉三成 2017-01-05 23:23:48

一句講哂
中二病

第六天魔王殺到黎，越後信濃上野無得避，要化身毘沙門天打救蒼生

上杉統治得唔太好，間唔中都有一揆叛亂同家臣叛變，佢自己都攪唔掂自己點救人…

而且生性多疑，背後無故殘殺不少家臣

石田佐吉三成 2017-01-06 00:43:13

講到山中幸盛, 就要提及昔日西國之雄 - 出雲尼子家, 戰國初期尼子家響尼子經久時代, 曾奪下出雲、隱岐、備前、備中、備後、伯耆、美作、因幡、安藝、石見、播磨十一國, 領導整個山陽、山陰道, 抗衡九州大內家, 可以話係戰國初期最有霸者氣勢既大名。

尼子經久於1537年隱居, 尼子晴久繼位後, 安藝國人毛利元就叛投大內家, 尼子同安藝武田聯合攻打毛利首府 - 吉田郡山城, 結果因為大內家陶隆房救援而大敗, 一門尼子久幸戰死。因為戰爭失利, 尼子家國人叛投大內, 尼子失去安藝、石見、備前、備後、播磨等地。

五年後, 第一次月山富田城之戰, 尼子晴久抵禦大內軍, 並策反原來叛投既尼子國人並擊敗敵軍, 大內晴持戰死、毛利元就僥倖脫險, 形容過程九死一生, 尼子重奪石見並計劃收復失地。

尼子晴久時代疆域

尼子家多次擊敗安藝毛利、備前浦上家, 更於1552年被將軍足利義輝封為八國守護, 重拾昔日盛世。然而一切卻響兩年後急轉直下, 響尼子經久時代, 由於平定兒子鹽治興久之亂, 將鹽治領地交俾另一個仔 - 尼子國久。尼子國久為尼子家擴張盡力, 但由於功高蓋主, 又據傳受到毛利元就離間, 尼子晴久就借召見為名, 設伏誅殺尼子國久父子, 肅清新宮黨, 失去呢班勇猛善戰既勢力, 尼子家國勢急轉直下...

之後到尼子義久時代, 由於毛利家多次進攻, 加上領內國人不滿, 以及失去新宮黨既戰力, 尼子家領地被毛利、浦上逐漸攻破, 就任家督六年後, 終於響月山富田城向毛利投降, 尼子家滅亡。

但係, 尼子家仲有一班希望復興國土既將士, 當中以山中幸盛為首, 鍥而不捨尋求辦法, 流傳佢為左令主家復興, 響三日月之下立誓: 「為左復興主家, 就算受盡佛教七難八苦, 亦心甘情願!」通說既「七難八苦」就此出現

即使受盡七難八苦, 亦要復興尼子家....山中幸盛既忠心, 可昭日月

1568年, 山中幸盛到京都邀請成為和尚既尼子勝久還俗, 領導尼子再興軍, 並與舊敵 - 山名家聯手對抗毛利。一年後, 山中幸盛登陸出雲, 集結潛伏既尼子舊部共三千人, 攻下真山城作為據點, 四處擴張, 人數一度擴大至六千人。

但係毛利家響兩年後開始大舉鎮壓尼子再興軍, 結果毛利家臣兒玉就方既水軍奪取出雲制海權, 毛利軍逐步收復失地, 最後尼子再興軍於1571年9月被徹底鎮壓, 山中幸盛被囚禁於尾高城, 後來借機逃到隱岐。

藏匿期間, 山中幸盛聯合瀨戶海賊 - 村上武吉, 於山陰山陽地區多次劫掠百姓。1573年, 山中幸盛聯合因幡既山名豐國, 尼子再興軍攻破鳥取城、私部城, 以因幡東部為根據地。之後, 九州大友、備前浦上、美作美浦三家組成「反毛利陣線」, 山中幸盛於1574年一度擊敗宇喜多直家。

但到左1575年, 原來既支持者山名家與毛利結盟, 而毛利兩川 - 吉川元春、小早川隆景率領47000人到因幡鎮壓尼子再興軍, 同時由於反毛利陣線既浦上家衰落、美浦家投降, 尼子再興軍因為失去支持而失敗。

為左尋找支持者, 山中幸盛就去京都, 請求如日中天既織田信長幫手, 呢度就剛好接上主線了。織田信長安排山中幸盛同尼子再興軍加入明智光秀陣中, 負責攻打丹波國波多野家, 之後再計劃進軍西國, 助尼子家復興。

[img]https://timg01.bdimg.com/timg?wapbaike&quality=80&size=b1229_1638&sec=1349839550&di=3982301c9ff81e0b1448f7aaa16df7af&src=http://imgsrc.baidu.com/baike/pic/item/a8773912b31bb0513f95c715347adab44aede05e.jpg/[img]

山陰之麒麟兒 - 山中幸盛

正當織田信長專注應付本願寺軍時, 一個勢力決定出手對抗信長

次回
「百萬一心」、「一文字三星」西國之雄 - 毛利家出擊