[信長撚]有冇朋友有興趣聽戰國史?

勝賴另一個致命既錯著
其實應該係御館之亂之後同北條家反面搞到腹背受敵

咁我一直搞錯概念, 以為勝賴係長篠失敗後, 為重拾影響力先籠絡越後及關東, 甚至名義上參加第三次信長包圍網

係想安定後方啫
只係佢又點估到上杉一夜自爆

略為重溫御館之亂既史料
武田勝賴被迫同景勝議和, 算唔算係被將死?

係景勝被逼同勝賴議和下話
北條原本係請勝賴支援景虎
佢照做係就唔會搞到同北條反枱
但從另一角度諗越相合一既話
佢就俾北條2邊包圍住
2家實力就會失衡
所以其實佢支持景勝都唔可係話完全唔合理
呢個殘局都好難解

勝賴另一個致命既錯著
其實應該係御館之亂之後同北條家反面搞到腹背受敵

咁我一直搞錯概念, 以為勝賴係長篠失敗後, 為重拾影響力先籠絡越後及關東, 甚至名義上參加第三次信長包圍網

係想安定後方啫
只係佢又點估到上杉一夜自爆

略為重溫御館之亂既史料
武田勝賴被迫同景勝議和, 算唔算係被將死?

係景勝被逼同勝賴議和下話
北條原本係請勝賴支援景虎
佢照做係就唔會搞到同北條反枱
但從另一角度諗越相合一既話
佢就俾北條2邊包圍住
2家實力就會失衡
所以其實佢支持景勝都唔可係話完全唔合理
呢個殘局都好難解

就係頭先諗到呢樣, 先覺得似係死棋
所以先話武田勝賴好被動

講完鐵砲, 我地就講下武田騎兵團, 相信大家睇過戰國題材既二次創作後, 都對武田=最強騎兵有刻板印象吧? 我地而家就黎質疑呢點....

首先武田軍沿用既馬種, 係來自上野、信濃地區既「木曾馬」, 由平安時代開始已經用作務農、運輸用途, 後來先成為武士作戰既坐騎, 平均身高為133-136CM, 比西洋、蒙古馬種矮, 如果睇返圖片, 甚至會覺得似Pony(小馬)多過似Horse(馬)


日本馬分佈


日本木曾馬, 今日既木曾馬已非純種

《甲陽軍鑑》曾經記載武田赤備作戰方法, 大致係騎馬迅速殺入敵陣, 再落馬步行作戰, 偷襲敵軍側翼, 即係當推動器用, 與中國、歐洲既密集突破不同。而且, 考慮到「木曾馬」既特徵, 如果用黎突擊, 力量一定不夠。

另外, 關於武田軍編制, 大多作品都創作武田以騎兵隊為主力, 但根據家臣河窪信實既軍役定書, 曾經提到武田軍比例係「騎馬3、鉄砲5、持鑓5、長刀5、長柄10、弓2、旗3」(總數33), 如果按照3/33推算武田既12000突擊軍, 咁騎兵數只有1100左右, 反而鐵砲編劇更多。

甚至, 《甲陽軍鑑》都提到武田軍中騎馬人數比例為7-8/1000, 過去擁有戰馬係身份既象徵, 通常位高權重既大將、士官先有機會騎乘, 所以「武田騎兵團一字排開衝殺敵陣」之類既講法, 似乎不甚合理。

所以結論係, 武田軍主要編制並非騎兵隊, 日本既戰馬無突破作用, 前面其實都有幾位巴打提及, 日本既騎兵就係以機動力殺到戰場有利位置, 再落馬衝陣。

武田既編制及騎馬隊講完, 係時候返到歷史正題。

在此要先做修正, 前文講到武田因此役大敗而一蹶不振, 並非最正確講法, 多謝早雲巴打提點。話說武田勝賴戰敗後, 響信濃提防上杉既高坂昌信接應勝賴, 幫勝賴準備服裝, 令佢有顏面咁返去甲州。同時, 向勝賴提出幾項方案:

1. 將陣前逃亡既武田信豐、小山田信茂、穴山信君處死
2. 專注內政, 盡力與關東北條組成「甲相同盟」, 鞏固後方
3. 收納戰死名臣既優秀子弟、近習, 重組武田家臣團

武田勝賴除左第一點外, 都有聽信高坂昌信既建議, 開始重組武田國力, 其實長篠雖然戰死不少, 但高坂昌信仍有萬幾兵力、武田國土幾年間除左東美濃, 都未有消退。


高坂昌信, 又稱「逃彈正」, 據聞係戰國第一美男子, 更傳聞同武田信玄關係匪淺, 最後既「武田四名臣」

長篠之戰後, 織田軍打算乘勢收復東美濃地區, 織田信忠率領部隊包圍岩村城, 秋山信友曾經求援, 但武田勝賴忙於應付遠江戰局, 無暇救援, 包圍就持續落去了...

織田信長既勢力近年日益壯大, 開始連西國大名都紛紛投靠, 1575年5月至10月, 備前浦上家、播磨既赤松廣秀、小寺既黑田孝高 (黑田官兵衛)、別所長治相繼謹見信長, 以表效忠。

特別係黑田孝高, 1567年繼任黑田家督後, 成為姬路城代, 效忠小寺家。1569年擊退赤松政秀領兵三千攻打姬路, 被黑田孝高於土器山用300奇兵擊敗, 一時名揚天下。愛才既織田信長將愛刀「壓切長谷部」贈與黑田, 西國群雄在此初次登場織田既歷史之中。


黑田孝高

1575年8月12日, 織田信長終於進軍越前, 鎮壓已經蜂起一年既一揆, 率領三萬大軍進攻越前, 先進駐長濱城, 再同海軍夾攻越前, 3日後殺入敦賀郡, 羽柴秀吉、明智光秀擊破圓光寺既一揆, 討取二至三百人。當晚, 織田軍從背後殺向府中龍門寺城, 位於金崎一帶防線既一揆大驚, 退回府中救援, 但羽柴秀吉、明智光秀早就守株待兔, 輕鬆殺死2000人。

其中一名叫阿波賀三郎既首領想投降織田, 織田信長反下令塙直政殺死降將。當日, 織田軍殺向杉津城, 城主堀江景忠被下屬殺死, 投降織田。一揆眾下間賴俊、下間賴照、七里賴周相繼棄城逃亡, 一揆眾指揮系統失靈。

16日, 織田信長帶領1萬近衛軍殺入府中城, 四處搜索藏匿既一揆, 一年前投降既安居景健 (朝倉景健)以下間賴俊、下間賴照、專修寺住持既首級向信長請降。但佢絕對冇諗到, 信長當初只係籠絡人心先利用朝倉舊臣, 長島之戰更令佢變得殘忍, 立即下令安居景健父子自殺。

18日, 柴田勝家、丹羽長秀、津田信澄攻破鳥羽城, 殺死敵兵五至六百人, 金森長近及原長賴攻破大野郡, 響呢個時候一揆勢力徹底崩潰了。

《信長公記》提到, 受長島一揆既慘痛影響, 織田軍下令反抗者格殺勿論, 五日既鎮壓戰織田軍一共殺死12500人, 並將俘虜40000人送去尾張、美濃做奴隸。根據1932年響越前發掘既瓦片記載, 前田利家曾經對一揆眾處以磔刑, 甚至投到大油鍋煮死。



越前一向一揆 鎮壓戰

戰後, 織田信長安排柴田勝家為北庄城主, 統治越前、加賀地區, 所得領地共75萬石, 再安排前田利家、佐佐成政、不破光治於府中城輔助, 順便監視呢個舊臣。另外, 金森長近及原長賴領大野郡, 比例係2:1。經過呢場鎮壓, 石山本願寺既兩大地方勢力 - 願證寺及加賀被徹底擊破, 只係剩返石山本願寺及紀州一帶可以控制。

10月, 織田信長獲奧州大名 - 伊達輝宗贈送名馬兩匹, 而信長亦派村井貞勝向伊達回禮, 係織田同東北大名首次接觸。

11月, 響東美濃既織田信忠仍然圍攻岩村城, 武田勝賴派兵營救, 企圖夜襲織田軍, 卻被對方識破, 織田信忠更利用敗兵入城既機會, 突擊岩村城, 秋山信友不敵投降, 由織田信忠帶返去歧阜。

本來諗住有老婆織田艷呢位親屬幫忙, 可以得到赦免, 點知織田信長一直記住佢三年前拐走兒子既事, 仲痛恨呢位叛投既親屬, 將秋山信友、織田艷及其部下帶到長良川處以磔刑。就咁樣, 織田重奪東美濃地區, 武田家西進路線被徹底阻截。

織田信忠表現出色, 就響呢個時候, 織田信長突然講出一句

「我唔撚做喇, 信忠!!!」


次回
狙擊高手 - 雜賀孫市登場, 天王寺一戰成名
七難八苦 - 山中鹿介參上, 尼子家尋求復興

留名

留名

雜賀孫市

先講多次結論
就係長篠打擊唔係致命

首先長篠之後邊有失去過駿遠控制
遠江重鎮高天神城都去到5年後先失陷
長篠之後其實領土上冇咩大變動計落之後係仲有擴張
至於個批重臣係打擊冇錯但同時呢班信玄時代老臣勢力好大
死左勝賴制肘反而係細左先可以搞到咁多野
家臣對立反而係減輕左

之後家臣集體反水呢個係後話
但原因首先係本來武田家權力結構問題
呢堆豪族家臣勢力自主性就好大
二黎勝賴要佢地出血
三係最重要就係勝賴對高天神城見死不教
呢單先係對佢威信最大既打擊
比長篠仲要大

武田家既困局係信玄時代其實已經種下
一黎全家既權力一元化一直唔高
二黎武田在生時擴張空間已經冇咩三方原冇法子降服德川
攻下東海道
其實已經係等收皮

基本上同意
雖然班舊臣想延續信玄方針係過於守舊，對勝賴亦太多掣肘
但論軍政能力點都比起勝賴提拔既二五仔勁
如果係想肅清、集權，亦未見勝賴掌權後順利重整內部
而本身勝賴用人又係有問題

冇錯，呢個係所謂通說、電影及遊戲創作常見既一面，但睇完歷史文獻後，相信會發現一件事：武田根本維持優勢，整場戰爭主要係接近戰，係德川回防先有轉折。呢部份又係有些少爭議，《三河物語》呢本刷鞋小說甚至話「要不是我德川照顧，你地織田早就完蛋了」，呢刻我既表情同鄭嘉穎一樣⋯

設樂原決戰武田敗因主要係兵力懸殊同疲勞

《信長公記》
此の外、宗徒の侍・雑兵一万ばかり討死侯。或ひは山へ逃げ上りて飢死、或ひは橋より落とされ、川へ入り、水に溺れ、際限なく侯。
http://www.page.sannet.ne.jp/gutoku2/sintyokouki_9.pdf

武田軍戰死一萬人唔太可信。
大量逃兵被殺、跌落河浸死明顯係多數大將戰死，欠缺撤退調度，導致全線崩壞
士兵餓死估計係前日攻完長篠城，急於行軍到設樂原決戰，連食飯都冇時間。或者鳶巢山砦係糧道／糧草運送有誤，不得而知。

先講多次結論
就係長篠打擊唔係致命

首先長篠之後邊有失去過駿遠控制
遠江重鎮高天神城都去到5年後先失陷
長篠之後其實領土上冇咩大變動計落之後係仲有擴張
至於個批重臣係打擊冇錯但同時呢班信玄時代老臣勢力好大
死左勝賴制肘反而係細左先可以搞到咁多野
家臣對立反而係減輕左

之後家臣集體反水呢個係後話
但原因首先係本來武田家權力結構問題
呢堆豪族家臣勢力自主性就好大
二黎勝賴要佢地出血
三係最重要就係勝賴對高天神城見死不教
呢單先係對佢威信最大既打擊
比長篠仲要大

武田家既困局係信玄時代其實已經種下
一黎全家既權力一元化一直唔高
二黎武田在生時擴張空間已經冇咩三方原冇法子降服德川
攻下東海道
其實已經係等收皮

基本上同意
雖然班舊臣想延續信玄方針係過於守舊，對勝賴亦太多掣肘
但論軍政能力點都比起勝賴提拔既二五仔勁
如果係想肅清、集權，亦未見勝賴掌權後順利重整內部
而本身勝賴用人又係有問題

佢重整內部失敗係冇時間同埋御館之亂呢個意外啫
首先當時大名家既家臣來源其實就好窄多數都係親族豪族個D
好似信長個D忍者足輕都用既係異數黎
武田家
之前有義信事件死左一堆
加埋長篠佢其實都冇咩人可以用

冇錯，呢個係所謂通說、電影及遊戲創作常見既一面，但睇完歷史文獻後，相信會發現一件事：武田根本維持優勢，整場戰爭主要係接近戰，係德川回防先有轉折。呢部份又係有些少爭議，《三河物語》呢本刷鞋小說甚至話「要不是我德川照顧，你地織田早就完蛋了」，呢刻我既表情同鄭嘉穎一樣⋯

設樂原決戰武田敗因主要係兵力懸殊同疲勞

《信長公記》
此の外、宗徒の侍・雑兵一万ばかり討死侯。或ひは山へ逃げ上りて飢死、或ひは橋より落とされ、川へ入り、水に溺れ、際限なく侯。
http://www.page.sannet.ne.jp/gutoku2/sintyokouki_9.pdf

武田軍戰死一萬人唔太可信。
大量逃兵被殺、跌落河浸死明顯係多數大將戰死，欠缺撤退調度，導致全線崩壞
士兵餓死估計係前日攻完長篠城，急於行軍到設樂原決戰，連食飯都冇時間。或者鳶巢山砦係糧道／糧草運送有誤，不得而知。

再加上連續打8個鐘仗，被織田德川以逸待勞、逐漸消耗精銳，

冇錯，呢個係所謂通說、電影及遊戲創作常見既一面，但睇完歷史文獻後，相信會發現一件事：武田根本維持優勢，整場戰爭主要係接近戰，係德川回防先有轉折。呢部份又係有些少爭議，《三河物語》呢本刷鞋小說甚至話「要不是我德川照顧，你地織田早就完蛋了」，呢刻我既表情同鄭嘉穎一樣⋯

設樂原決戰武田敗因主要係兵力懸殊同疲勞

《信長公記》
此の外、宗徒の侍・雑兵一万ばかり討死侯。或ひは山へ逃げ上りて飢死、或ひは橋より落とされ、川へ入り、水に溺れ、際限なく侯。
http://www.page.sannet.ne.jp/gutoku2/sintyokouki_9.pdf

武田軍戰死一萬人唔太可信。
大量逃兵被殺、跌落河浸死明顯係多數大將戰死，欠缺撤退調度，導致全線崩壞
士兵餓死估計係前日攻完長篠城，急於行軍到設樂原決戰，連食飯都冇時間。或者鳶巢山砦係糧道／糧草運送有誤，不得而知。

再加上連續打8個鐘仗，被織田德川以逸待勞、逐漸消耗精銳。的確戰國打仗死傷最慘重，係追擊戰時。不過我都唔相信武田戰死萬人，如果係咁，甲州生產力一定大幅下降，難以重振，事實係勝賴返去仲有力發展，幾年就重返兵力三萬既水平，所以先講「勝賴回歸既時間點，未計其他因素」

先講多次結論
就係長篠打擊唔係致命

首先長篠之後邊有失去過駿遠控制
遠江重鎮高天神城都去到5年後先失陷
長篠之後其實領土上冇咩大變動計落之後係仲有擴張
至於個批重臣係打擊冇錯但同時呢班信玄時代老臣勢力好大
死左勝賴制肘反而係細左先可以搞到咁多野
家臣對立反而係減輕左

之後家臣集體反水呢個係後話
但原因首先係本來武田家權力結構問題
呢堆豪族家臣勢力自主性就好大
二黎勝賴要佢地出血
三係最重要就係勝賴對高天神城見死不教
呢單先係對佢威信最大既打擊
比長篠仲要大

武田家既困局係信玄時代其實已經種下
一黎全家既權力一元化一直唔高
二黎武田在生時擴張空間已經冇咩三方原冇法子降服德川
攻下東海道
其實已經係等收皮

基本上同意
雖然班舊臣想延續信玄方針係過於守舊，對勝賴亦太多掣肘
但論軍政能力點都比起勝賴提拔既二五仔勁
如果係想肅清、集權，亦未見勝賴掌權後順利重整內部
而本身勝賴用人又係有問題

佢重整內部失敗係冇時間同埋御館之亂呢個意外啫
首先當時大名家既家臣來源其實就好窄多數都係親族豪族個D
好似信長個D忍者足輕都用既係異數黎
武田家
之前有義信事件死左一堆
加埋長篠佢其實都冇咩人可以用

武田都幾有趣，北信濃「戶石崩」時都係死左一班老臣，靠提拔第二代，假以時日發展撐過；早雲公講得正確既，係冇左武田信繁，後來冇左直系武田義信一黨，改用舊敵諏訪系既武田勝賴，真係幾難籠絡傳統甲州人既心

冇錯，呢個係所謂通說、電影及遊戲創作常見既一面，但睇完歷史文獻後，相信會發現一件事：武田根本維持優勢，整場戰爭主要係接近戰，係德川回防先有轉折。呢部份又係有些少爭議，《三河物語》呢本刷鞋小說甚至話「要不是我德川照顧，你地織田早就完蛋了」，呢刻我既表情同鄭嘉穎一樣⋯

設樂原決戰武田敗因主要係兵力懸殊同疲勞

《信長公記》
此の外、宗徒の侍・雑兵一万ばかり討死侯。或ひは山へ逃げ上りて飢死、或ひは橋より落とされ、川へ入り、水に溺れ、際限なく侯。
http://www.page.sannet.ne.jp/gutoku2/sintyokouki_9.pdf

武田軍戰死一萬人唔太可信。
大量逃兵被殺、跌落河浸死明顯係多數大將戰死，欠缺撤退調度，導致全線崩壞
士兵餓死估計係前日攻完長篠城，急於行軍到設樂原決戰，連食飯都冇時間。或者鳶巢山砦係糧道／糧草運送有誤，不得而知。

再加上連續打8個鐘仗，被織田德川以逸待勞、逐漸消耗精銳。的確戰國打仗死傷最慘重，係追擊戰時。不過我都唔相信武田戰死萬人，如果係咁，甲州生產力一定大幅下降，難以重振，事實係勝賴返去仲有力發展，幾年就重返兵力三萬既水平，所以先講「勝賴回歸既時間點，未計其他因素」

其實場仗打得唔算差，只係唔應該打姐

武田都幾有趣，北信濃「戶石崩」時都係死左一班老臣，靠提拔第二代，假以時日發展撐過；早雲公講得正確既，係冇左武田信繁，後來冇左直系武田義信一黨，改用舊敵諏訪系既武田勝賴，真係幾難籠絡傳統甲州人既心

勝賴老母成家比信玄殺哂，勝賴唔憎老豆先奇
班老屎忽一定日日開口埋口都同佢講你老豆舊時點點點威水
比著我都忍唔住殺哂班老屎忽

終於轉到講西國 ，lm睇向月兒發誓既山中幸盛

劉名

Lm

武田都幾有趣，北信濃「戶石崩」時都係死左一班老臣，靠提拔第二代，假以時日發展撐過；早雲公講得正確既，係冇左武田信繁，後來冇左直系武田義信一黨，改用舊敵諏訪系既武田勝賴，真係幾難籠絡傳統甲州人既心

第四次川中島死個堆先致命
義信事件好大程度係第四次川中島柒完之後
信玄有感自己威信動搖先痛下殺手
鞏固自己權位結果又死一堆
但自己又唔夠家康長命夠時間再扶一個繼承人出黎
而唔少家臣早已經有離心結果咪勝賴硬食哂呢堆蘇州屎
加埋勝賴本身就已經送左出去做養子本來繼承就於理不合
咪仲死多兩錢重囉
佢咁既情況都做到咁認真唔容易

織田信長自就任家督後，一直征戰不斷，戎馬半生既佢於想休息一下，又見到織田信忠在岩村城既活躍，1575年11月決定讓家督位置俾佢，退居幕後，類似自己做董事長、信忠做CEO。就咁樣，織田信長正式從集團光榮退休⋯

既然信長退休，當然要有個渡假場所，聽聞琵琶湖南岸一帶坐山望海，地處日本中央，有主要幹道通過，去京都只需半日馬程，就決定係呢度啦！ 既然要起，就要起最好，就起夠五層七重、金碧輝煌，改名都要有兆頭，就叫「安土城」啦，「平安樂土」呀。就咁樣，信長於1576年下令丹羽長秀負責修築安土城，親自監工。


安土城範圍 概念圖

1576年，織田信長再次受到各種挑戰，首先1月丹波國波多野家背叛，明智光秀攻打黑井城失敗，波多野家盤據丹波地區。

2月，西國大名毛利輝元迎接流亡既足利義昭，於備中設立臨時幕府，足利義昭再向全日本大名發出討伐信長既御內書，於是石山本願寺響4月再度舉兵，由毛利提供糧草。

既然光頭黨再度出擊，織田軍荒木村重、細川藤孝、明智光秀及原田直政就派兵攻打，荒木村重水陸並進，封鎖北部河川，明智及細川於石山東南放火，原田直政死守天王寺一帶既道路，明智光秀及筒井順慶協防，織田於各地築城準備圍城。

5月，織田軍三好康長做先鋒，原田直政支援，攻打本願寺最後出口 - 木津城，準備徹底封鎖本願寺，織田先鋒隊實力包括勇猛既根來眾、大和、山城傭兵團。

就響呢個時候，本願寺軍出現一班驍勇善戰既鐵砲軍團，幾千支鐵砲以近乎無時間差不斷射擊，呢個係聞名既「釣瓶擊」，係紀州既雜賀眾！

本願寺軍擊潰三好康長軍，原田直政亦被包圍。混戰中，一個狙擊手瞄準原田直政，一擊即殺，呢個狙擊手通稱「雜賀孫市」，現任係鈴木孫一（鈴木重秀），原田軍死傷慘重，更有一門戰死，本願寺軍及雜賀眾乘勝殺向天王寺，明智光秀立即向信長求救。


現任「雜賀孫市」 - 鈴木重秀 概念圖 （信長之野望）

只不過退休五個月，織田信長就被呢件事刺激，立即出山，即刻發佈全國動員令，自己更快馬加鞭殺入京都，《信長公記》記載信長心急到連盔甲都著唔切。

由於事出突然，織田軍只聚集三千人，包括佐久間信盛、松永久秀、丹羽長秀、瀧川一益、羽柴秀吉、蜂屋賴隆、細川藤孝、池田恆興、稻業一鐵、氏家直通、安藤守就等人，但本願寺軍有15000人！

天王寺危在旦夕，信長下令全軍分三陣，由佐久間、松永、細川做先鋒，瀧川、丹羽、秀吉等將任第二陣，自己領親兵守第三陣。

織田軍面對雜賀眾既密集火力，繼續向天王寺殺出一條血路，織田信長親自上陣指揮，呢個時候雜賀孫市響混戰中再度出手，擊中織田信長！好彩只係射中腳，織田信長下令全軍變陣，將本願寺軍擊潰，斬殺2700幾人，天王寺解圍。

織田信長命佐久間信盛修築城池，全權負責石山本願寺既戰事，並將戰死既原田家嚴懲，追究敗戰責任。雖然織田信長勝利，但雜賀孫市、雜賀眾既善戰令石山攻略變得棘手。


天王寺之戰 （風林火山文部省）

信長返到京都之後，遇到一名訪客⋯佢來自西邊既因幡國，呢十幾年轉戰西國各地，只為復興主家，昔日領西國之雄 - 尼子家。

呢個訪客，名為山中幸盛，又名山中鹿介。

休息片刻，準備進入山中幸盛既短暫回憶錄

好似仔仔女女無個好下場
戰國時代好似我咁無子無女
樂得清淨

你就係無明定繼任人，搞到御館之亂、家道中落呢 ，仲有柿崎景家父子、宇佐美定滿被你害得好慘

仲想問下毘沙門天點解唔打救世人統一天下

我為義而戰
鋤強扶弱
點會吞人塊地
（可睇下天與地，有鳩估謙信公個心態）

而家首先逐一講長篠爭議部份，首先係鐵砲及三段戰法，之前篇文都提過織田有千挺鐵砲，但未計算其他聯軍部隊，所以只係保守估計，所謂「三千鐵砲」及三組射擊都只係可信度偏低既《甫庵信長記》描寫。

「三段戰法」最先記載於16世紀既歐洲，而江戶有學者認為織田用三段射擊，擊潰低估鐵砲能力既武田軍，但武田家臣河窪信實就有定書提及武田編制包括鐵砲，所以推斷武田唔會低估鐵砲威力，而且長篠城攻略戰武田都有應用鐵砲進攻，此說顯得不攻自破。

跟住落黎就要講戰國既鐵砲演進，鐵砲1543年經外國商人從九州傳入，後來九州種子島仿效製作，所以先有「種子島」呢個別名。呢個時間點，即使係歐洲，火槍射擊程序依然繁複，要先注入火藥包，填入鉛彈，利用點火或打火石引火射擊，再用長管清理雜物後，方可進行第二次射擊，熟練既人最快都要20至40秒。（參見日本學者鈴木真哉既論據）

就算二十年前，日本都只有立花道雪發明「早込」法，將火藥裝入竹筒或紙包，一次倒入槍管，加快裝填速度，尚未到三段戰法所描述既速度。響1575年既鐵砲演變看，當時既鐵砲最有效射擊距離為50米，相信射擊後既裝填時間，武田軍已經足夠殺到面前，而且當時鐵砲瞄準較低，就算鐵砲能手明智光秀、雜賀孫市都無法百發百中，能夠幾波鐵砲射殺全速突擊既部隊，織田軍一定人人準過打飛機。


火繩槍構造圖


火繩槍打火位置構造圖

所以，如果織田德川採用射擊戰術，可能係不規則製造近似連接既射擊，或者將鐵砲集中一點攻擊，不過威力及精準度一定不如「三段戰法」及「釣瓶擊」［1］，甚至可能忽略到集中範圍外既敵兵

就算用三段戰法，當時鐵砲既裝填時間，難以進行無時間差射擊，點都會被敵軍有空隙殺到面前。

所以後來出現左引用《甲陽軍鑑》，指織田打陣地戰既說法，認為織田利用嚴密既陣地佈防，武田即使初期佔優，但長期作戰消耗太多兵力及士氣，先被織田以逸待勞擊敗，可謂「一鼓作氣，再而衰，三而竭」，鐵砲只起消耗作用。

下篇文再講武田騎兵隊，休息下先。


長篠之戰 屏風

次回
長篠爭議：部隊編制及武田騎兵團
後顧無憂，越前、加賀一揆鎮壓

註1:釣瓶擊
由雜賀眾、根來眾擅長使用既狙擊戰術，透過不規則射擊方式，以及將槍管交給他人裝填，製造無時間差攻擊。

唔係因為明智光秀直傳既死亡空間戰術咩
利申：純粹用漫畫攪下笑

好似仔仔女女無個好下場
戰國時代好似我咁無子無女
樂得清淨

你就係無明定繼任人，搞到御館之亂、家道中落呢 ，仲有柿崎景家父子、宇佐美定滿被你害得好慘

仲想問下毘沙門天點解唔打救世人統一天下

我為義而戰
鋤強扶弱
點會吞人塊地
（可睇下天與地，有鳩估謙信公個心態）

一句講哂
中二病

留名