[信長撚]有冇朋友有興趣聽戰國史?

官位方面唔太熟，剛才略為補完後，應該唔係德川家康安排，而係擔心秀賴成長後權力開始恢復，就會重啟「公武關白制」。所以德川家康先響江戶另開幕府，以源氏後裔建立新政體應對。

我響度諗，呢部份係唔係同源氏、室町幕府既起源相似？都係想架空公家大權，而另設實權政體

如果係咁都真係幾諷刺，表面係武家奪公家權，但實際只不過係一個武家奪另一個武家權

豐臣家幾時係公家

你咁講即係做過關白or其一門都唔可以算係公家？亦係未唔可以講豐臣家係「公武合體」的一種？
亦即是話公家只可以個五家的人先係？

島津貴久首先以旁邊既大隅國作為目標，南九州三國雖然都有守護，但亦有不受管轄既國人，薩摩蒲生範清就係一個例子，為左鞏固勢力更先發制人，於1554年9月聯合薩摩及大隅國人祁答院氏、菱刈氏、入來院氏，攻打臣服於島津家既加治木城。



加治木城、岩劍城一帶分佈

島津貴久率領二千人救援，三位兒子 - 島津義久、島津義弘、島津歲久初次參戰，攻打位於附近既岩劍城，城池有三面為斷崖，地勢險要，易守難攻。

9月13日島津義久、島津義弘到白銀坂駐軍，燒掠村莊，而島津忠將率領既分隊迂迴到岩劍城東部，兩軍用鐵砲交火。到左10月1日蒲生範清救援岩劍城，兩軍響平松一帶交戰，島津義弘冒著箭雨、鐵砲殺入敵陣，斬殺祁答院重經，並斬殺五十幾人，蒲生軍撤退。兩日後岩劍城陷落，殘存女子都跳崖自殺，戰後島津義弘獲封岩劍城。

到左1557年，島津貴久猛烈進攻之下，蒲生範清等西大隅國人全部降伏，島津貴久開始下一個目標 - 東大隅國既肝付家。但係肝付家先發制人，當主肝付兼續聯絡日向伊東家，一齊攻打島津豐州家既島津忠親，引起兩家不滿。

到左1561年，雖然兩家關係出現裂縫，但終究係協力平定薩摩既同伴，肝付兼續參加島津舉辦既宴會，島津家臣伊集院忠朗迫肝付兼續食鶴羹，由於肝付家紋係鶴，所以肝付兼續發難，兩家正式決裂。



肝付兼續 與 島津家既戰爭

肝付兼續聯絡伊東家、南大隅國人伊地知氏、禰寢氏攻打大隅北部既迴城，島津忠將及島津義久率一千人增援，擔任先鋒既島津忠將響竹原山被伏擊戰死，島津義久撤退，最終肝付家奪取迴城，以及東部既志布志城，同時聯合薩摩國人菱刈氏、日向北原氏包圍島津家，島津家喪失大隅東部及北部大片土地。

1562年，島津、相良、北鄉三家復興北原氏，但對方忘因負義，島津歲久就出兵攻破居城橫川城，並受任為吉田城主。然而日向伊東家、肥後相良家私下結盟，擴大對真幸院一帶（日向東南、大隅東北）既領土。

由1564至1566年之間，島津家一直處於捱打狀態，直到1566年11月島津貴久由薩摩渡海直搗肝付家本據 - 高山城，肝付兼續長子肝付良兼戰死，肝付兼續響破城後再冇記載，通說係隱居或自殺。

戰後，島津貴久隱居，將家督交俾島津義久。隨後，島津家率二萬大軍進攻日向國伊東家，響新建城池 - 小林城一帶對峙，伊東軍主動迎擊失敗，被島津義久、島津義弘、島津歲久聯手攻破外圍，只剩下本丸未破。然而伊東義祐既主力抵達，從背後偷襲島津軍，島津三兄弟疏於防範，令唔少將領戰死，島津義弘亦身受重傷，呢場戰鬥令島津家元氣大傷，一時無法出動。



小林城合戰

島津三兄弟望住日向國，只留低一句：「We will come back....」

雖然初戰失利，但島津義久、島津義弘及島津歲久，以及後來登台既島津家久四兄弟將會打破困局，令薩摩走入順境。



島津四兄弟 （概念圖）：我地既時代，正要開始

次回

「外傳 - 薩摩島津家」
木崎原之戰 - 島津義弘奮起
耳川之戰 - 釣野伏戰法

官位方面唔太熟，剛才略為補完後，應該唔係德川家康安排，而係擔心秀賴成長後權力開始恢復，就會重啟「公武關白制」。所以德川家康先響江戶另開幕府，以源氏後裔建立新政體應對。

我響度諗，呢部份係唔係同源氏、室町幕府既起源相似？都係想架空公家大權，而另設實權政體

如果係咁都真係幾諷刺，表面係武家奪公家權，但實際只不過係一個武家奪另一個武家權

豐臣家幾時係公家

你咁講即係做過關白or其一門都唔可以算係公家？亦係未唔可以講豐臣家係「公武合體」的一種？
亦即是話公家只可以個五家的人先係？

關白家啫係五攝家但公家除此之外係仲有一大堆公家貴族
至於豐臣家有D特別
地位家格係等同五攝家冇錯
但佢出身就唔係公家而係武士又點算係公家
所謂"武家關白"啫係武士扮公家做關白
豐臣式"公武合體"其實就係武家集體扮公家

釣野伏
打信長呢招超勁

島津義弘瓦解伊東家，島津義久亦開始全面平定大隅國既作戰，1573年肝付兼亮被島津軍北鄉時久擊敗，國人伊地知氏、禰寢氏叛投島津，肝付兼亮被家臣驅逐，最終肝付家擁立肝付兼護繼任，於1574年臣從島津家，並僅守高山城為根據地，自此島津家完全接管大隅國，完成復興既第二步。

1575年，島津家久前往京都工幹，從薩摩前往九州北部，沿山陽、山陰道前往近畿，再到伊勢神宮祈求復奪舊領，途經伊賀、和歌山一帶遊覽，並且響京都認識連歌師里村紹巴、公家眾及堺港商人，之後受明智光秀款待，呢次旅程充實島津家久既視野，並將旅程記錄於「家久君上京日記」。



島津家久旅程 節錄（想睇全程可以google, 識日文可以睇）

就響家久工幹之際，織田信長透過前關白 - 近衛前久要求九州大名停戰，共抗毛利家，島津家與相良家一時停戰，然而對伊東家就不留情面。

1576年，島津義久攻打日向高原城，伊東義祐雖派援軍，但一場似樣既戰鬥都冇發生，眼白睇住高原城缺水投降，隔日小林城、須木城等與島津相鄰既城池望風而降，邊境眾將不停向伊東義祐告急，但歷經木崎原大敗既伊東義祐變得驕橫傲慢，根本唔聽家臣說話，任由邊境逐個失陷。

1577年6月，伊東義祐下令飫肥城伊東祐兵進攻南邊既櫛間城，被守備既島津忠長反殺，同時日向北部既國人反叛，眾叛親離既伊東義祐退讓家督予伊東義賢，但仍無法扭轉家臣、國人叛變既事實。12月，伊東義祐響本據佐土原城計劃後路，最終決定捨棄日向國，與伊東祐兵投靠大友家。自此，島津義久完成家族夙願：收復薩摩、大隅、日向三國。

耳川之戰 - 釣野伏戰法

講耳川之戰前，先略為介紹大友宗麟（大友義鎮）既背景，大友宗麟響1550年時因為繼承人問題，籠絡重臣政變，殺死父親大友義鑑並自任家督（「二階崩之變」）。一年後細佬大友晴英受陶晴賢邀請繼承大內家，改名大內氏長，此後大友家勢力擴展到西國周防、長門地區。而內政方面，大友宗麟重視海外貿易、硝石交易，同時因緣認識耶穌會教士 - 聖方濟各沙勿略(San Francisco Javier)，同意基督教在領內傳播，自己亦從佛教轉為基督教，成為日本著名既基督教大名之一。

1554年大友宗麟肅清叔父菊池氏，將勢力擴展至肥後地區，但係之後幾年發生多宗叛亂，令宗麟從府內城遷移到豐後沿海既丹生島城。1557年由於大內氏滅亡、毛利家勢力染指北九州，雙方開始於北九州築前、豐前國衝突，兩年後大友宗麟受封為九州探題，領土遍佈築前、築後、豐前、豐後等北九州地區，進入全盛時期。(又係全盛時期?)



全盛時期既大友家勢力 (至1560年為止)

直到1569年，毛利元就、肥前大名龍造寺隆信左右夾擊大友家，毛利家因為山中幸盛既尼子再興軍侵擾而撤退，然而龍造寺隆信卻於1570年，在今山一戰役大敗大友軍，奪取肥前、築後一部份領土，自此大友軍開始失利，但仍穩守「北九州霸主」既地位。

回到島津家主線，1577年伊東義祐逃離到大友家，向宗麟求援，為左宣揚耶教、將九州建設成「耶教國」，大友宗麟欣然相助。然而，重臣立花道雪、田原親賢等認為現時不宜進攻，應該專注毛利及龍造寺既侵擾上。同時，由於近年大友宗麟為宣揚耶教，不停火燒領內寺廟、神社，向家臣表示「呢個係神既考驗」後，更令傳統家臣感到不滿，形成大友家既內憂。即使重臣反對也好，大友宗麟依然力排眾議，堅稱「上帝叫我進攻島津」，遂於3月15日安排兒子大友義統率領四萬人出征，並安排分隊經肥後國南下，消滅國人吉村氏。

4月，大友軍進入日向國北部既社原地區，將附近既寺廟、神社燒毀，另建教堂，派僧侶海招降附近民眾，結果釀成另類既「文化大革命」，日向國古書文物慘被破壞。



耳川之戰一帶城池, 紅色為大友軍, 藍色為島津軍

6月，長倉祐政、山田宗間等伊東家餘黨響應大友軍，在日向國北部石城起事，島津義久、島津忠良、伊集院重棟率兵鎮壓，但因為石城險要、守軍負隅頑抗而失敗，大友義統更寫信表揚伊東舊部既奮鬥。到左8月，島津征久進攻石城南部，同樣離反既上野城，開始時沿住一瀨川進攻，但被守軍以地利擊退，島津征久在地駐紮一個月後，與伊集院忠棟、新納忠元等人會合，先攻破支城隅城，再從後生偷襲上野城，響裏應外合下攻陷城池。挾住勝利之勢，島津征久再次攻打石城，伊集院忠棟為克服地利，下令伐木搭橋，再度攻擊。在亂戰之際，島津征久見到城兵整一個寫上自己名字既人形，挑釁征久，反被對方一箭貫穿，鼓舞島津軍全力進攻，最終響石城身心俱疲、糧草斷絕之下，向島津征久議和，島津津久讓守軍安然撤退，互補禮節後，接管石城。

此時，大友宗麟亦到達本陣，眼見西部戰線陷落，決定由東面渡過耳川，進攻高城，又響本陣修築教堂與耶穌會教士日夜祈禱，同時在軍中高舉紅色既十字軍，象徵「神打救你地」。島津義久眼見呢批「日本十字軍」進迫，駐守高城既山田有信向身在佐土原城既島津家久求援，島津家久趕到現場協防。

10月，大友宗麟安排田原紹忍擔任總大將，徹底包圍高城進攻，星野鎮種、田北鎮周等人協助，四萬大友軍燒掠城下町。島津軍既高城地勢較高、城池狹長險要，大友軍要進攻並不容易，鐵砲弓箭亦難以發揮，大友宗麟見形勢不妙，下令「新式部隊」出擊。隔日，島津軍被震耳欲聾既聲音刺激，高城本丸受到強烈震動，部份防衛設施瞬間被毀壞，島津家久見到本丸外一望，竟然係兩架佛朗哥大炮！由於力量強到猶如地震一樣，被砲彈擊中既地方寸草不生，因此日本人稱呢種砲為「國崩」。不過，由於地形限制，砲彈無法擊中本丸內，所以島津家久鼓舞士兵：「不過只係比較吵雜既發射裝置，各位習慣就得！」於是，島津家久、山田有信繼續死守，並向島津義久求援。



國崩出擊, 炮轟高城

11月11日，島津義久親率兩萬人救援，派上井覺兼擔任分隊，前往高城，自己抵達根白坂一帶佈陣，而島津義弘、島津征久就從東部既財部城偷渡小丸川，到松原破壞大友軍補給站，燒毀大友軍後方陣地。11月12日，島津、大友兩軍隔住小丸川對峙，九州南北大戰即將爆發，但由於後方補給失陷，主和既田原紹忍、佐伯宗天認為島津勢強不宜作戰，然而田北鎮周就恥笑佢地，堅持作戰，重臣角隈石宗調停雙方，交予大友宗麟決策，最後大友軍拒絕決戰。

島津軍方面，島津義久趁夜佈署部隊，由島津征久擔任伏兵，潛伏於小丸川、一瀨一帶既山林裏，自己率軍於勝坂、小丸川一帶佈陣，與北鄉久盛、川上左京等千餘人正面迎擊。昨日於軍議失利既大友軍將領 - 田北鎮周，日出時擅自從小丸川出擊，冒住島津軍既猛攻，捨命突破島津前軍並斬殺北鄉久盛等人。大友軍田原紹忍、佐伯宗天等人見到田北鎮周出擊，只好跟住一齊進攻，大友軍擊破島津前軍後，衝向根白坂既島津義久本陣。島津義弘、伊集院忠棟正面迎擊，島津歲久亦出兵增援。



耳川之戰 初時攻擊

當大友軍殺到根白坂下時，島津義久、島津義弘、島津歲久、島津家久，以及島津征久都有默契地進軍，島津義弘下令全軍對半渡既敵軍猛烈射擊，島津眾人向大友軍喊道：「大友十字軍，呢個就係我地島津家既釣野伏戰法！接受上帝既考驗啦！」島津軍四面夾擊，島津義弘親率死士殺入敵陣，斬殺多員大將，混戰中大友家重臣田北鎮周、角石隈宗、佐伯宗天等人全部陣亡，陣腳大亂既大友軍有3000人溺死於耳川之中，大友軍蒲池鑑盛、蒲池統安率領死士逆襲島津義弘，壯烈戰死，總大將田原紹忍倉皇逃離。



釣野伏戰法發動, 島津軍徹底圍剿大友軍

島津軍繼續乘勝追擊，直搗位於高城附近既大友軍本陣，大友宗麟嚇得落慌而亡，島津軍享受一場愉悅既追殺盛宴，向敗逃既宗麟齊身高唱：「煮能夠～煮能夠～」，恥笑大友宗麟。此役過後，大友軍損失多名重臣，士兵傷亡慘重，北九州霸主地位瞬間崩潰。隨著大友家衰倒，肥後龍造寺隆信、築前國人秋月種實乘機謀反，自此無力問鼎九州統一，「耶教國」既夢想亦化為黃梁一夢；而島津家重奪日向北部，其得意戰法 - 「釣野伏戰術」自此聞名天下。



大友軍倉皇而逃, 島津軍贏得勝利

之後，隨著大友家既衰落，島津家開始繼續北進，與肥後大名 - 龍造寺隆信既爭戰，無法避免。

備註：關於日向國、耳川之戰詳情, 歡迎參閱以下網址
(日語) 佐土原城 遠侍間
http://www.hyuganokami.com/kassen/takajo/takajomenu.htm

次回

「外傳 - 薩摩島津家」最終章
降伏相良家，南九州霸業已成

沖田畷之戰 - 「陣王」島津家久

釣野伏
打信長呢招超勁

當你睇埋下文, 島津家點樣發揮到淋漓盡致時, 你就不得不服島津家

「外傳 - 薩摩島津家」 最終章

1578年島津家於耳川之戰大勝後，北九州龍造寺、秋月家乘勢而起，「肥前之熊」龍造寺隆信在耳川之戰前，多次企圖奪取肥前既支配權，但當時既大友家壓制龍造寺，所以只能加強對領內國人既管轄權。直到耳川之戰後，龍造寺隆信攻打有馬家本據松岡城，完成對肥前國既統一，然後出兵奪取築前、築後、肥後國北部、豐前等大友家領土，勢力一時無兩。

而島津家亦繼續擴張，首先攻打肥後國南部、昔日既對手相良家。當主相良義陽在任期間重視與明朝既貿易，積極發展內政，對外與日向伊東家、豐後阿蘇家同盟，不時牽制島津義久既擴張，但大友家衰落之後，相良義陽已無力量抵擋島津家，島津義久於1579年開始對相良家攻擊，相良義陽據守人吉城、水俁城一帶頑抗。

1580年，島津軍開始進攻肥後北部勢力阿蘇家，與當地國人聯合進攻矢崎城、綱田城，家臣中村惟冬戰死、中村二大夫投降。不久，織田信長為平定毛利家，派公卿近衛前久斡旋大友、島津和解，島津義久隔空向信長稱臣。

而北九州既龍造寺家則進攻築前國，攻破大友家既荒平城，並朝豐前國立花山城進攻，立花道雪透過築紫廣門仲介，與龍造寺和議，約定豐前東北六郡歸大友家，西南九郡歸龍造寺家，立花道雪成功幫大友家保留重鎮岩屋城及立花山城。



島津、龍造寺擴張路線（毛利及大友為過去）

1581年7月，龍造寺隆信懷疑家臣蒲池鎮漣私通島津家，其所在既築後國柳川城，位於肥前國與九州中部既出入口，有重要既戰略價值，於是龍造寺與家臣鍋島信生進攻柳川城，響大軍包圍之下，柳川城彈盡糧絕，龍造寺隆信叫家臣田尻鑑種借和議為名，引蒲池鎮漣出席宴會，蒲池鎮漣與兄長鎮久一同出席，但估唔到係一場「鴻門宴」，蒲池鑑連、蒲池鎮久全數戰死，龍造寺隆信趁機奪取柳川，將蒲池家滅族

1581年9月，島津義弘圍攻水俁城，相良義陽將肥後西部既葦北郡割讓，正式臣屬於島津家，至此島津家奪得肥後南部，而肥後北部既甲斐宗運則臣從於龍造寺隆信，島津、龍造寺兩雄正式接壤。

12月，島津義久命令相良義陽攻打肥後北部既御船城，由於相良義陽與城主甲斐宗運為好友，曾經簽下互不侵犯誓約，所以戰鬥前燒毀誓約書，並祈求自己戰死沙場後出擊，大軍留守於響野原既本陣。甲斐宗運利用濃霧突襲相良軍本陣，相良義陽戰死。此後，甲斐宗運及阿蘇家改變策略，透過與龍造寺、島津兩家友好，保存獨立既地位



「肥前之熊」 龍造寺隆信

1582年本能寺之變勃發，島津義久重新開始九州征服作戰。1583年，龍造寺及島津兩家終於發生衝突，龍造寺隆信、島津義久雙方各自派兵抵達肥後國中部既高瀨川地區，雙方「曬馬」對峙，為肥後爭戰不休，中立既秋月種實主動調停兩家，提出「與其爭奪，不如平分」，讓島津全取肥後高瀨川東南地區，龍造寺全取西北，秋月種實亦安排兩家在隈本城和議，提出共同對抗大友家，至此兩家暫時相安無事。不過，一切只係暴風雨既前夕。

1584年3月19日，位於島原（長崎)，曾經臣從於龍造寺隆信既有馬家突然謀反，籠絡島津家，龍造寺隆信率領二萬五千人進攻島原城。島津義久既要提防阿蘇家、大友家既動向，又要控制整個肥後國，而且島津家與有馬家隔住個海，不適宜大軍推進，因此島津義久只能派小部隊出擊。呢個時候，島津家久主動請纓表示：「我島津家久願率三千，去打獵肥前大熊」

於是，島津家久帶領三千精兵，連同兒子島津豐久，大將穎娃久虎、新納忠元、伊集院忠棟等在22日出發。龍造寺家臣鍋島信生收到消息後，勸喻龍造寺隆信以逸待勞，以持久戰迫使島津家、有馬家自己潰散，但龍造寺隆信不聽諫言，堅持表示：「人地只有六千人，我地坐擁二萬大軍，我地全軍壓境進攻，更容易輾壓敵陣，彰顯「肥前之熊」既軍威。所以話你地班三十後(鍋島信生1538年出生）真係不思進攻，跟我學野啦。」(老友，你只係大佢9年....而且你地兩個都係中年阿叔了)



沖田畷之戰進軍路線

當島津家久到達島原後，有馬晴信提出等待島津義久既援軍協助，島津家久就表示：「唔會有援軍黎喇，我地薩摩隼人一向靠自己，今次我有自信可以殲滅龍造寺既主力」

於是，島津家久安排部隊進駐島原北部既濕地 - 沖田畷為戰場。由於島原周邊都係濕地、山林，而沖田畷剛好夾雜在山岳與海岸線中間，所以道路相對狹隘，島津軍為左引誘龍造寺前往沖田畷，用柵欄封鎖周邊既道路，響附近既森岳城加強防備，到左3月23日完成佈置。



沖田畷之戰 島津軍佈陣

島津、有馬聯軍安排有馬晴信據守森岳城，並派部隊在海岸線、山林一帶設伏，島津家久既兒子 -　島津豐久初戰參戰，見到龍造寺陣容「龍造寺四天王」有五個人既名字，就向家久問道：「點解龍造寺四天王會係成松信勝、百武賢兼、木下昌直、江里口信常、圓城寺信胤五個？」

島津家久敲打豐久個頭，笑道：「正蠢材，四天王有五個人是常識吧？」

其實呢個係同記載有關，《九州記》、《陰德太平記》都有記載龍造寺四天王，然而無論名號、人物都各有不同，因此出現「四天王有五個」既流傳。



「四天王有五人」 既起源⋯

3月24日，龍造寺隆信大舉進軍沖田畷，由鍋島信生走山路、江上家種及後藤家信走海邊，自己率大軍從中央突破。龍造寺軍輕鬆輾過攔路既島津軍，全軍追擊至沖田畷一帶，當龍造寺前軍進入濕地之後，潛伏既島津軍立即向龍造寺軍齊射，嚇得龍造寺軍陣腳大亂，被困在山道既龍造寺軍進退不得，任由島津軍射擊。島津家久指揮部隊四面夾擊，再度施展「釣野伏戰法」！島津豐久一馬當先，斬殺一員大將，而島津家久正面迎擊「龍造寺四天王」江里口信常，刺傷家久左腳，隨後被家久刺死，家久惋惜對方既武勇後，繼續進攻。

「龍造寺四天王」成松信盛、圓城寺信胤，百武賢兼為保護龍造寺隆信，全員戰死，島津軍繼續殺到本陣。據聞龍造寺隆信打仗時，由於身材肥胖，習慣坐在八人大轎上，面對島津軍排山倒海既進攻，士兵爭相放棄大轎逃命，龍造寺隆信走避不及，被島津將領川上忠堅用鐵砲射殺，川上忠堅舉起首級大叫道：「我地薩摩隼人今日在沖田畷狩獵，成功獵到大熊喇！」

最終，龍造寺軍潰敗，當初諫言既鍋島信生與「四天王」最後一人 -　木下昌直悻然撤退，沖田畷一戰家督龍造寺隆信、重臣「四天王」，以及龍造寺康房、小河信俊等二百三十名重臣戰死，龍造寺軍經歷呢場戰役後，徹底失去問鼎九州既實力。島津家亦趁機接收北九州既國人，將國土伸延至肥後、築前、築後地區，成為九州最強既勢力。

而大友軍趁龍造寺衰落，決定重奪築後地區，由立花道雪、高橋紹運等人帶兵出擊，秋月種實趁機率兵攻打立花山城，守將立花宗茂率領部隊突擊，夜襲秋月軍本陣，令秋月軍在混亂中互相廝殺，擊退秋月軍進攻。而高橋紹運、立花道雪於9月收復多座築後國城池。立花道雪、高橋紹運響一年後更於久米留、筒川一帶擊退龍造寺、秋月等人既聯軍，穩守大友家在築後既勢力。

另一方面，島津家亦於1584年10月開始進攻阿蘇家，由島津義弘率領大軍出擊，1585年8月相繼攻破阿蘇家各個要所，最終響甲斐宗運病逝，阿蘇家失去重臣及重鎮後，向島津家投降。



島津家不理「惣無事令」，繼續與大友交戰

為統一九州，島津、大友兩家再次燃起戰火，然而呢個時候已改姓豐臣既羽柴秀吉卻頒布「惣無事令」，禁止九州大名互相攻伐，而島津家眼見九州統一在即，自己為九州統一拼搏四十幾年，又點會接受呢項條件？因此，豐臣秀吉以大友家求援、島津家抗旨為名，大舉進攻九州。

次回

「三英傑主線」
岩屋城之戰 - 高橋最後志氣

賜姓豐臣 - 德川、上杉歸順

我既後人超無骨氣
居然投降烏龜

薩摩島津家發跡史，就此結束
之後會接返落去主線「九州平定」

島津家發跡，就係睇島津忠良、島津貴久點樣統一宗家，然後到島津四兄弟恢復舊勢力，用同一招擊敗大友、龍造寺兩雄，稱霸九州⋯

響戰國時代黎講，島津四兄弟既齊心實屬罕見，各司其職，治者義久、武者義弘、謀者歲久、戰者家久，能夠比擬既應該得毛利兩川、北條一家。然而，與豐臣對抗既佢地，卻逐漸走入悲劇⋯

我既後人超無骨氣
居然投降烏龜

起碼有抵抗過，算係交足貨了。

薩摩島津家發跡史，就此結束
之後會接返落去主線「九州平定」

島津家發跡，就係睇島津忠良、島津貴久點樣統一宗家，然後到島津四兄弟恢復舊勢力，用同一招擊敗大友、龍造寺兩雄，稱霸九州⋯

響戰國時代黎講，島津四兄弟既齊心實屬罕見，各司其職，治者義久、武者義弘、謀者歲久、戰者家久，能夠比擬既應該得毛利兩川、北條一家。然而，與豐臣對抗既佢地，卻逐漸走入悲劇⋯

真係有d眼濕濕，原本兄弟同心，最後一係似被毒死，一係就被殺，再唔係就老死不相往來，真係同佢地前半生打天下好有強烈對比

講開九州，其實單以呢個島的人力物力，有無辦法可以同畿內勢力打過呢？（sorry打機上腦，最鐘意用島津屌打其他人 ）

講開九州，其實單以呢個島的人力物力，有無辦法可以同畿內勢力打過呢？（sorry打機上腦，最鐘意用島津屌打其他人 ）

我第一時間諗起幕末長州藩、薩摩藩，因為九州係最先接觸歐洲勢力、外國科技武器既地方，如果講科技水準、財力及國際關係，九州係有優勢。

但你都要識選擇對手，呢個時候織田、豐臣都如日中天，壟斷資源，如果用當時既角度思考，兵器諸如鐵砲及大筒技術未完全改良，物量及傳統作戰仍很重要，所以當豐臣攻打九州時，就係用物量克服地利。

整體而言，能問鼎，但打唔低豐臣

最撚中意

講開九州，其實單以呢個島的人力物力，有無辦法可以同畿內勢力打過呢？（sorry打機上腦，最鐘意用島津屌打其他人 ）

冇可能
最接近叫由九州打番近畿個次係得足利尊氏一個叫試過但呢次有D特別
而且比較繁榮都只係得北九州
論繁榮成個中國四國九州計埋D其他野好似銀山貿易個堆都仲叫有得玩下
但人口唔夠又係一個問題
當時近畿就係全日本唯一有錢又有人既地方
之後西國D雄藩玩工商業突破呢個限制就係後話

講開九州，其實單以呢個島的人力物力，有無辦法可以同畿內勢力打過呢？（sorry打機上腦，最鐘意用島津屌打其他人 ）

冇可能
最接近叫由九州打番近畿個次係得足利尊氏一個叫試過但呢次有D特別
而且比較繁榮都只係得北九州
論繁榮成個中國四國九州計埋D其他野好似銀山貿易個堆都仲叫有得玩下
但人口唔夠又係一個問題
當時近畿就係全日本唯一有錢又有人既地方
之後西國D雄藩玩工商業突破呢個限制就係後話

切入當時角度，我反而覺得島津想佔領整個九州，維持獨立多於主動進攻其他地方，只係佢地同時間鬥快失敗⋯

講開九州，其實單以呢個島的人力物力，有無辦法可以同畿內勢力打過呢？（sorry打機上腦，最鐘意用島津屌打其他人 ）

冇可能
最接近叫由九州打番近畿個次係得足利尊氏一個叫試過但呢次有D特別
而且比較繁榮都只係得北九州
論繁榮成個中國四國九州計埋D其他野好似銀山貿易個堆都仲叫有得玩下
但人口唔夠又係一個問題
當時近畿就係全日本唯一有錢又有人既地方
之後西國D雄藩玩工商業突破呢個限制就係後話

睇你咁講就好似聽到伊達政宗的哀怨:點解我唔出生係近京都的地方呢

講開九州，其實單以呢個島的人力物力，有無辦法可以同畿內勢力打過呢？（sorry打機上腦，最鐘意用島津屌打其他人 ）

冇可能
最接近叫由九州打番近畿個次係得足利尊氏一個叫試過但呢次有D特別
而且比較繁榮都只係得北九州
論繁榮成個中國四國九州計埋D其他野好似銀山貿易個堆都仲叫有得玩下
但人口唔夠又係一個問題
當時近畿就係全日本唯一有錢又有人既地方
之後西國D雄藩玩工商業突破呢個限制就係後話

切入當時角度，我反而覺得島津想佔領整個九州，維持獨立多於主動進攻其他地方，只係佢地同時間鬥快失敗⋯

其實有無可能獨立得到？只要守住下關同別府灣，由本州黎既人力物力仲可唔可以有發揮空間？
島津我反而覺得佢仲要多d時間控制北九州，大友家始終名將輩出，俾島津滅左一樣又有大友再興軍的出現，所以豐臣家要平九州其實再遲d都無咩問題

講開九州，其實單以呢個島的人力物力，有無辦法可以同畿內勢力打過呢？（sorry打機上腦，最鐘意用島津屌打其他人 ）

冇可能
最接近叫由九州打番近畿個次係得足利尊氏一個叫試過但呢次有D特別
而且比較繁榮都只係得北九州
論繁榮成個中國四國九州計埋D其他野好似銀山貿易個堆都仲叫有得玩下
但人口唔夠又係一個問題
當時近畿就係全日本唯一有錢又有人既地方
之後西國D雄藩玩工商業突破呢個限制就係後話

切入當時角度，我反而覺得島津想佔領整個九州，維持獨立多於主動進攻其他地方，只係佢地同時間鬥快失敗⋯

其實佢地咪同其他大名一樣只係想擴張
當九州穩固左自然會向西國擴張
野心係隨你實力不斷增大
就算係毛利元就之後既毛利家保守到唔保守一樣都有不㫁東擴

講開九州，其實單以呢個島的人力物力，有無辦法可以同畿內勢力打過呢？（sorry打機上腦，最鐘意用島津屌打其他人 ）

冇可能
最接近叫由九州打番近畿個次係得足利尊氏一個叫試過但呢次有D特別
而且比較繁榮都只係得北九州
論繁榮成個中國四國九州計埋D其他野好似銀山貿易個堆都仲叫有得玩下
但人口唔夠又係一個問題
當時近畿就係全日本唯一有錢又有人既地方
之後西國D雄藩玩工商業突破呢個限制就係後話

切入當時角度，我反而覺得島津想佔領整個九州，維持獨立多於主動進攻其他地方，只係佢地同時間鬥快失敗⋯

其實有無可能獨立得到？只要守住下關同別府灣，由本州黎既人力物力仲可唔可以有發揮空間？
島津我反而覺得佢仲要多d時間控制北九州，大友家始終名將輩出，俾島津滅左一樣又有大友再興軍的出現，所以豐臣家要平九州其實再遲d都無咩問題

如果島津搵外國勢力介入呢
不過外國勢力都冇咩特別理由支持島津

講開九州，其實單以呢個島的人力物力，有無辦法可以同畿內勢力打過呢？（sorry打機上腦，最鐘意用島津屌打其他人 ）

冇可能
最接近叫由九州打番近畿個次係得足利尊氏一個叫試過但呢次有D特別
而且比較繁榮都只係得北九州
論繁榮成個中國四國九州計埋D其他野好似銀山貿易個堆都仲叫有得玩下
但人口唔夠又係一個問題
當時近畿就係全日本唯一有錢又有人既地方
之後西國D雄藩玩工商業突破呢個限制就係後話

切入當時角度，我反而覺得島津想佔領整個九州，維持獨立多於主動進攻其他地方，只係佢地同時間鬥快失敗⋯

其實有無可能獨立得到？只要守住下關同別府灣，由本州黎既人力物力仲可唔可以有發揮空間？
島津我反而覺得佢仲要多d時間控制北九州，大友家始終名將輩出，俾島津滅左一樣又有大友再興軍的出現，所以豐臣家要平九州其實再遲d都無咩問題

如果島津搵外國勢力介入呢
不過外國勢力都冇咩特別理由支持島津

當時既外國勢力根本冇能力干預老撚咁遠既日本