[信長撚]有冇朋友有興趣聽戰國史?

各位諗到話題想互動，或者有Q&A歡迎提出

人數好似少左

加油啊我會繼續支持
如果有得賜酒一定會賜到你寫完為止

btw想問下點睇人質呢樣政治交易？
有時又好有用(如秀吉將佢老母俾左徳川,就基本羅左大半個天下)
有時又無料到(木曾義昌照樣背叛，完全唔理人質)
究竟理論上要係咩情況發揮作用，or要去到咩程度就會失去作用

驟眼睇德川食花生等信長打天下 之後慢慢同秀吉挑機

Btw 巴打努力 一路有追

btw想問下點睇人質呢樣政治交易？
有時又好有用(如秀吉將佢老母俾左徳川,就基本羅左大半個天下)
有時又無料到(木曾義昌照樣背叛，完全唔理人質)
究竟理論上要係咩情況發揮作用，or要去到咩程度就會失去作用

其實中國春秋戰國時代、宋朝都有人質既出現。從日本戰國角度，日本班國人好見風使舵，人質可以方便管治。國家之間既人質可以係盟約、臣屬，總之接收質既一方勢力較強。

正常如果你個國家夠穩固、控制力強，班家臣都唔會作反，而木曾義昌作反係判斷武田失墜，唔作反會被肅清家門，至少自己呢個「家督」尚在，女人可以再娶、仔可以再生，但血唔可以斷，佢應該都在意過呢樣，但為了局勢著想只好痛捨。

秀吉送老母俾德川，對方亦送個仔俾秀吉，你當互惠互利既關係，我覺得當時只能叫「戰略停戰」，係到左秀吉統一西日本先正式就範

即係話，發揮作用當然係你國力強、家底穩固，但戰略、時局有變時，為左自保必然變卦，呢個時候人質就失去作用。

驟眼睇德川食花生等信長打天下 之後慢慢同秀吉挑機

Btw 巴打努力 一路有追

其實同北條出擊既原理相近，冇左信長既威迫，自己大條道理出兵喇，而且剛好畿內大亂、甲信空虛，唔食真係浪費

人數好似少左

加油啊我會繼續支持
如果有得賜酒一定會賜到你寫完為止

人數好似少左

仲有人睇

日日追嫁

點解織田信雄會投降/議和臣屬秀吉？
明明好似個勢贏緊小小

本來雜賀眾響本願寺投降後親近織田，但本能寺之變後「雜賀孫市」鈴木重秀被主戰既土橋派反擊，離開雜賀眾並改投羽柴秀吉，曾經參加過小牧長久手之戰。

1585年4月，羽柴秀吉與德川家康、織田信雄議和後，諗起雜賀眾曾背刺大坂城，決定完全殲滅呢班滋事份子，率領十萬大軍進攻雜賀。雜賀眾、根來眾聯手響和泉國建立「北方絕對防衛線」，羽柴秀吉於是兵分三路進攻。



雜賀眾「北方絕對防衛線」

東邊戰線以羽柴秀次、筒井定次、黑田長政、長谷川秀一為首，進攻根來眾既千石崛城，城內千五根來眾及四千五平民以強大既火力死守，側擊既部隊被鐵砲雨沐浴。筒井軍乘夜迂迴到後門，對城內放火矢，因城內藏有大量硝石火藥而爆炸，陷入火海既根來眾陣腳大亂，羽柴軍乘勢攻城，屠殺城內所有百姓及動物。

中央戰線以細川忠興、大谷吉繼、蒲生氏鄉、池田輝政主，攻打積善寺，細川先鋒軍率先抵擋鐵砲攻擊，傷亡慘重；蒲生部將松井康之趁機殺入，擊破敵兵並圍城，隔日積善寺投降。

西邊戰線以高山右近、中川秀政為主，攻打沼城，中川秀政身先士卒，攻破二丸後沼城請降，羽柴秀長准許，三線攻破後整個「北部絕對防衛線」各城紛被攻破，徹底崩潰。



雜賀眾各據點圖

3月23日，羽柴秀吉轉進岸和田城，殘兵不多既根來寺隔日被燒毀，竹中重門《豐鑑》記載寺院係秀吉下令燒毀，另有記載指根來寺自己燒寺，同時附近既粉河寺亦被燒毀，逃亡既根來眾首領被增田長盛截殺。

北線被破，雜賀眾開始發生內亂，國人白樫氏策反雜賀岡眾，攻打湊眾，湊眾坐船到四國投靠長宗我部家，羽柴軍到雜賀火燒村莊，雜賀眾殘兵死守太田城。

3月25日秀吉包圍太田城，勸降失敗後大舉進攻，初時強攻失利後，下令修築堤壩，轉水攻。另一邊仙石秀久、中村一氏、小西行長由水路進入紀州南部，攻破反抗勢力 - 湯河直春、畠山政尚既居城。28日仙石秀久、杉若無心攻陷泊城，再兵分兩路進攻，不過因為南紀州軍既反擊而陷入對峙。



太田城堤壩圖

4月5日堤壩完成，加上時逢暴雨，太田城被河水淹沒大片地方，秀吉出動十三艘安宅船包圍，點知太田城派一班游泳健將潛入，從下擊沉，呢班人響今日既話，可以挑戰「徒手游出公海」。另外圍城期間宇喜多秀家位置崩堤，淹死百幾人，之後趕緊修復。

而南紀州方面，奧熊野既堀內氏善響4月13日投降，而口熊野既安宅家亦歸順秀吉，南紀州平定。另外秀吉亦響4月16日與高野山既僧人達成共識，解除山上武裝。

太田城方面，4月21日秀吉再派安宅船炮轟城池，一度佔據大半座城，但被雜賀眾死戰擊退。被圍城斷糧一個月，首領太田左近等53位雜賀首領終於響4月22日提出切腹換百姓平安，太田城開城投降。秀吉戰後沒收武器，破壞神社及清剿餘黨，不過至少歸還農具，呢次沒收武器被認為係秀吉日後「刀狩令」、「全國兵農分離」既開端。此戰後，現任「雜賀孫市」鈴木重秀下落不明，此後再冇記載。

戰後秀吉安排藤堂高虎修築和歌山城，以桑山重晴擔任城主，藤堂高虎、杉若無心、堀內氏善協助，隨後羽柴秀長開始「檢地」明定紀州一帶既石高，紀州徹底平定。



現存既和歌山城

點解織田信雄會投降/議和臣屬秀吉？
明明好似個勢贏緊小小

織田信雄見德川唔積極，加上對峙太耐影響生產，就自己去議和，嚴格黎講唔算投降。

秀吉起碼俾個個北伊勢俾佢，南伊勢當時都守唔住了，秀吉既籌碼已經算俾面，所以信雄就唔想打了

戰國真係多城堡 可惜係拆既就拆左 燒既燒左

其實小弟呢幾年去日本時其中一日行程會去日本百大名城同埋買埋啲城堡擺設 去過大阪城 名古屋城 犬山城 小合城同埋封左入唔到去既唐津城 有生之年唔知去唔去得晒全部城堡

戰國真係多城堡 可惜係拆既就拆左 燒既燒左

其實小弟呢幾年去日本時其中一日行程會去日本百大名城同埋買埋啲城堡擺設 去過大阪城 名古屋城 犬山城 小合城同埋封左入唔到去既唐津城 有生之年唔知去唔去得晒全部城堡

係小倉城加埋熊本城

新讀者追到live留個靚名

戰國真係多城堡 可惜係拆既就拆左 燒既燒左

其實小弟呢幾年去日本時其中一日行程會去日本百大名城同埋買埋啲城堡擺設 去過大阪城 名古屋城 犬山城 小合城同埋封左入唔到去既唐津城 有生之年唔知去唔去得晒全部城堡

係小倉城加埋熊本城

我只係去過二條城、大阪城，好想下次行山陽道去姬路城一帶

我覺得啲大名武將走佬成日俾平民殺死好on9，點解咁易殺

我覺得啲大名武將走佬成日俾平民殺死好on9，點解咁易殺

邊個同你講佢地係事必要好打
你估仲係當初武士一定要落場親身打個年代咩

戰國時代長宗我部家屬土佐一條家旗下，應仁之亂後土佐割據，七個當地勢力推舉一條家做盟主，而長宗我部家以岡豐城為根據地，為土佐最弱勢力。據《土佐軍記》記載，當時家主長宗我部兼序態度傲慢，惹起其他城主不滿，結果當1508年隨細川政元被殺，就被四家圍攻，通說兼序自殺，但亦有人提出兼序逃亡，三年後與四家和睦，重返岡豐城，後將家督讓予長宗我部國親。

長宗我部國親重視內政改革，實行「一領具足制」，亦即「兵農合一」，要求擁有三公頃以上土地既人，每戶都要準備盔甲，平日種田鍛練，要打仗時即刻出擊，呢個制度令土佐人「24小時on call」，亦可以專注農務，動員力上盡取優勢。然而，士兵平時缺乏團體、戰法訓練，而且太受農耕期影響，唔夠持久。整體而言，「一領具足制」閒時種田，戰時動員，維持兵糧補給既特徵，就係類似曹操建立既「屯田制」。

此外，又同仇敵本山家結親，自1547年後奪得土佐西南部，再將昔日敵人山田家殲滅，土佐各城主懼怕呢股新興勢力，1556年香宗我部家就派三子- 香宗我部親泰從屬長宗我部家，1560年借兵糧被搶為藉口攻本山家長濱城，長宗我部國親該年6月急病而死。



土佐各勢力

然後進入全盛既長宗我部元親時期，1563年攻破本山家重鎮朝倉城，本山家家臣叛投長宗我部家。元親細佬 - 吉良親貞繼承吉良家，香宗我部親泰繼承自家，隨後本山家退守瓜生島城至1568年投降，一年後打敗安藝國虎，再於1571年打敗津野家，統一東土佐地區。

此消彼長，昔日土佐盟主一條家響1567年1月進攻伊予河野家，結果3月毛利家既小早川隆景、乃美宗勝、村上水軍登陸伊予國，將一條軍徹底擊敗，而村上吉繼、乃美宗勝更於11月徹底平定伊予國。戰後一條家勢力大減，家督一條兼定響1574被趕走到九州豐後，投靠大友家，長宗我部元親趁機統一土佐國。

然而1575年7月，一條兼定向大友家借兵攻打土佐，兩軍於四萬十川對戰。一條兼定估唔到長宗我部家既「一領具足制」動員力強大，人數劣勢下仲被分散兵力，長宗我部元親一鼓作氣，全軍渡河擊破一條軍，奠定土佐統一。



土佐統一 主要戰事



土佐統一後 四國勢力



長宗我部元親

隨後與織田家友好，長宗我部元親響1578年進攻阿波國，一年後打敗沒落既三好、十河家，而讚岐國亦派人降伏，一口氣控制兩國，但伊予國既進攻就因為毛利家既支援而陷入僵持。兩年後織田信長威脅長宗我部投降失敗，便暗中資助三好家、十河家，兩家亦請羽柴秀吉幫忙壓迫。1582年織田信孝組織四國征伐更伐長宗我部家陷入絕境。

直到1582年本能寺之變後，長宗我部元親反擊，8月響中富川擊敗十河存保，以大軍攻破勝瑞城。1583年柴田、羽柴對立，長宗我部家支持柴田勝家，羽柴秀吉4月派仙石秀久、小西行長從淡路率兵二千進攻讚岐，前往引田城，並響入野原用鐵砲隊伏擊香川信泰既部隊，然而長宗我部既二萬大軍增援，用人海戰術壓倒仙石，最終兵敗逃回淡路。

1584年小牧長久手之戰，長宗我部家支持德川家康，趁機攻破十河城並平定讚岐，又同毛利家支持既西園寺、河野家作戰，但一切響家康議和、秀吉攻破紀州後大變。



讚岐國 地圖

1585年春天，長宗我部終於打敗伊予河野家，但大家對長宗我部此時是否統一四國，仍有不少意見。首先贊成統一既代表 - 山本大著書認為當十河家、三好家、河野家被擊敗後，長宗我部擁有土佐、伊予、阿波、讚岐，已經算統一左；

然而反對派認為兩點：「阿波讚岐未制壓」或「伊予未制壓」，前者論據係十河城之戰後，阿波仍有反抗勢力，另外東邊既土佐泊城被秀吉控制住，長宗我部家未算完全掌控；後者論據係河野家部份據地未完全奪取，只係河野家名義上投降。

1585年6月，羽柴秀吉勸降長宗我部家失敗，下令羽柴秀長從東面淡路國、毛利家既小早川隆景及吉川元長從西北伊予國、宇喜多秀家從北面讚岐國進攻，總數十萬大軍迫近四國，長宗我部元親動員四萬迎擊。



四國平定 路線圖

首先宇喜多秀家攻破讚岐喜岡城、香西城等，然後迂迴堅守既植田城，轉到阿波國會合羽柴秀長。羽柴秀長登陸阿波國後，蜂須賀正勝斷絕木津城水源，城內投降；隨後長宗我部既香宗我部親泰、吉田康俊退回土佐，羽柴軍七月中深入一宮城，用斷糧斷水戰術迫降一宮城。

伊予國方面，小早川隆景7月先降伏丸山城，再攻破金子城，城主金子元宅轉戰高尾城，毛利與長宗我部兩軍在高尾城決戰，雙方各有重大傷亡，最終金子元宅戰死，之後伊予國各地投降。

面對三面圍攻，長宗我部元親響8月決定投降，羽柴秀吉只留低土佐俾長宗我部，並收取人質；阿波、讚岐、伊予分別賜俾蜂須賀家政、仙石秀久、小早川隆景，而加藤嘉明及脇坂安治平分淡路國，四國就此平定。

次回

關白就任 - 佐佐成政平定戰

「回憶」
薩摩島津家 登場 - 島津貴久時代

自己一路寫一路學返四國歷史，根本就成班黑社會圍爐打交，幾百對幾百，統一土佐後先稍有睇頭 但敵不過潮流

LM

自己一路寫一路學返四國歷史，根本就成班黑社會圍爐打交，幾百對幾百，統一土佐後先稍有睇頭 但敵不過潮流

其實武士打仗一開始就係咁
一D發達D既地方咪開始打得大規模D
好似四國奧羽呢D咪打D戰國末年都仲係小朋友齊打交

唔好意思，次回內容更改，聽日會係

關白就任 - 佐佐成政平定戰

真田抬頭 - 第一次上田合戰

自己一路寫一路學返四國歷史，根本就成班黑社會圍爐打交，幾百對幾百，統一土佐後先稍有睇頭 但敵不過潮流

其實武士打仗一開始就係咁
一D發達D既地方咪開始打得大規模D
好似四國奧羽呢D咪打D戰國末年都仲係小朋友齊打交

我仲以為長宗我部統一土佐有幾精彩，點知係叫人做「港奴」隨時on call