[信長撚]有冇朋友有興趣聽戰國史?

傳統講法係清州城主織田信長出發去熱田神宮「祈福」
然後收到部下梁田政綱嘅探子回報
指今川義元路經桶狹間
於是趁暴雨突襲得手
但係其實喺熱田神宮係等緊援軍跟上
遠至美濃國境嘅川並眾蜂須賀氏同埋苗木城嘅遠山氏都有參戰記錄
而且應該唔係雨中突襲而係趁能見度低接近今川軍
然後等停雨後突襲

請問唔係雨中突襲呢個史料來自邊度？

雨中突襲出自小甫瀨庵嘅信長記，雨後正面攻擊係出自太田牛一嘅信長公記，一般認為前者文筆如小說，而且冇直接效力過信長公；後者係信長公嘅古參近臣、右筆，文章性質為記錄文件，故信長公記比較可信。
另外，跟據大久保忠教嘅三河物語記載，義元軍曾經確認過桶狹間山岡上嘅信長軍位置，並對本陣的西北角加重左防備。正常有常識嘅人都唔會直接雨中突襲，今川義元亦唔會咁樣比人突襲到

btw why so serious?
整圖都係想深入嘅嘢淺出d姐
咁大篇嘢打我好辛苦

戰國點將錄 - 太原雪齋

太原雪齋，又名太原崇孚，今川家家臣，父母均為今川重臣親屬，自幼到善德院修行，從需渴望成為僧人，十四歲到京都正式出家。

太原崇孚在年近三十時回到駿河，為年幼的今川芳菊院教學，呢位芳菊院來頭唔細，佢就係後來的「梅岳承芳」，即廣為人知的「東海第一弓取」今川義元。二人在1525年至1535年期間，曾經二訪京都的建仁寺及妙心寺，芳菊院改名「梅岳承芳」，1535年回到駿河善德寺，繼續兩師徒修行。

本身梅岳承芳排第五，冇得做家主，咁當然係靜寂生活，點知現任當主今川氏輝28歲就去左三途川，早夭無子嗣，第一順位的二弟又無端死亡，結果梅岳承芳就同三哥玄廣惠探爭奪繼承權，兩邊各有重臣支持。做老師點都幫學生，太原雪齋就同梅岳承芳生母- 壽桂尼策動其他重臣幫亡，最終梅岳承芳響駿河、花倉城擊敗玄廣惠探一派，做左話事人，結束呢場「花倉之亂」

提返句，梅岳承芳爭繼承權時還俗，先取名今川五郎，後來接受大將軍足利義晴偏諱，改名今川義元。

做左家督，師父太原雪齋的舞台亦開始了，首先佢以外交手腕與甲斐的武田信虎修補關係，由義元娶信虎個女，武田晴信娶今川家遠親個女，利用婚姻建立「甲駿同盟」，但反而得罪左相模的北條。1536年雙方在河東爆發衝突，富士川以東落入北條家之手，得罪方丈仲想走？1545年，今川家就與武田、關東上杉、古河足利氏聯手攻打北條家，重新奪回河東之地，本以為北條GG, 點知北條氏康響河越夜戰大勝上杉聯軍。

當大家留意東線時，1547年西三河地區都出現紛爭，尾張既織田信秀在美濃失利，轉向當地的松平家，太原雪齋主動率軍救援，雙方響小豆阪交手，太原雪齋設伏打敗織田，令今川勢力伸延至西三河，並得到松平家的依賴。期間，松平家當主 - 松平廣忠無端被殺，1548年雪齋率軍攻破安祥城，活捉織田信廣，用佢交換在織田做人質的 松平竹千代 （德川家康），今川家亦正式控制整個三河。

之後今川就計劃上洛，1554年太原雪齋就主動安排武田晴信、北條氏康及今川義元，響自己成長既善得寺會面，組成聞名的「甲相駿三國同盟」。不過一年後，雪齋就因病逝世，終年六十。



個人感想：

太原雪齋在世時，主理今川的軍事、政治、外交，為今川家締造輝煌鼎盛既時代，佢在世時憾動鄰近豪強，促使三國同盟，更令今川勢力在三河、遠江、駿河得以鞏固，在內則協助在著名分國法-《今川假名目錄》追加21條，規範「寄親寄子制」的內容，律例完善，令今川在上洛時能輕易動員三萬以上兵力。

另外，太原雪齋亦廣收門徒，除左前面的今川義元，仲有日後聞名的德川家康。老實講，太原雪齋的死對今川家係一大損失，如果佢響三途川重遇五年後在桶狹間戰死的今川義元，不知會否嬲到由棺材彈返起身？

戰國點將錄 - 太原雪齋

冇雪齋就唔會有咁強大的今川家
btw信虎出走係唔係都係雪齋接佢去駿河？

我最想知佢地嗰個年代嘅兵糧係咩
同盔甲係用咩做同咩結構
呢啲知唔知？
我有試過搵，但係都好少資料
淨係知會乾炒炒熟啲米，有啲係用黎以備不時之需
食嗰陣就會加落麵豉湯到等佢有啲味冇咁難食

唔知有冇記錯

如果今川果陣有蜻蜓切同埋地王，會唔會走到？

其實唔係真係咁似 如果你係用歷史唯物主義或英雄造時勢去睇

織田信長同曹操都係改革者

但其他事件嘅起因經過結果都好唔同

當然因為有三國在前 日本戰國好多人冠名都用返三國人物

例如竹中重治=今諸葛 本多忠勝=日本之張飛

日本戰國真係好亂...好多條line同時行進中,只係信長,豐臣同德川三家係統一日本中佔比重多d先會做到核心人物

玩信長島津家成家都9字頭 、但好似好少人講

一直都唔明上洛意思係咩 帶隊上京見將軍?
可唔可以講多D關於上洛
果陣幕府都已經冇料到 純粹為左可以名正言順打天下而擁護將軍?

戰國最奇怪係 各種25仔都可以生存落去唔俾人斬
背叛真係家常便飯

有冇人研究古代戰爭的指揮、管理，其實好有趣！

現代戰場有無線電，古代戰場如何做到指揮甚至改變早已定下的戰略？

一直都唔明上洛意思係咩 帶隊上京見將軍?
可唔可以講多D關於上洛
果陣幕府都已經冇料到 純粹為左可以名正言順打天下而擁護將軍?

戰國最奇怪係 各種25仔都可以生存落去唔俾人斬
背叛真係家常便飯

略講少少，上洛除左見將軍，還可以因得到支持，而獲得名聲、領地名份、武家官位（如守護代、安堵、管領等職。戰國早期上洛係幫助將軍平亂勤王（如朝倉、山名、細川家）

戰國中期，即應仁之亂後，武家衰落，如巴打所講，將軍成為大名的操控工具，以求名正言順打天下（如大內、三好、織田家等）

如果今川果陣有蜻蜓切同埋地王，會唔會走到？

個人認為，真正戰場上，大將的重點是管理、指揮、判斷、鼓舞士氣，一個人的戰鬥力唔會有巨大的影響

sor9我想講遠dd
近排睇緊大河劇真田丸去到最後大坂之陣，有個情況我真係諗左好耐未諗得通

織田家打左大半個天下可以一野羽柴秀吉完全繼承，究竟身為一個家臣點解可以一野做左大名仲要令原本個繼承者（織田秀信）再無人跟隨？

到豐臣秀吉死左完全被徳川家康竊國，直到大坂之陣完全無大名支持豐臣家，究竟政權的轉移係點做到

sor for 1999 ，我其實最想問織豐德政權轉移同中國王朝篡位傳位究竟有咩分別？

信長死左之後
織田家都分左幾個派系 各有唔同既支持繼承者
唔係秀吉一個唔該就食到
秀吉支持信長個孫做當家
另一家老柴田勝家(阿市改嫁果個)支持信長另一個仔
然後講唔啱就開戰：賤ヶ岳之戰
打完呢場 秀吉推左信長個孫上位
然後天皇賜姓豐臣 先算做到天下人

德川家康都係
秀吉死左之後留低5大老
德川家康 石田三成 柴田利家
前2者係到柴田利家死左之後先鬥到出面
之後就打関ヶ原
然後德川家康被封大將軍

以上內容憑記憶寫 記錯勿插

同中國謀朝簒位唔同係由頭到尾天皇都冇俾人郁過
日本人心中你搞唔到天皇就咩都得
豐臣定德川 其實同邊個做首相差唔多

sor9我想講遠dd
近排睇緊大河劇真田丸去到最後大坂之陣，有個情況我真係諗左好耐未諗得通

織田家打左大半個天下可以一野羽柴秀吉完全繼承，究竟身為一個家臣點解可以一野做左大名仲要令原本個繼承者（織田秀信）再無人跟隨？

到豐臣秀吉死左完全被徳川家康竊國，直到大坂之陣完全無大名支持豐臣家，究竟政權的轉移係點做到

sor for 1999 ，我其實最想問織豐德政權轉移同中國王朝篡位傳位究竟有咩分別？

信長死左之後
織田家都分左幾個派系 各有唔同既支持繼承者
唔係秀吉一個唔該就食到
秀吉支持信長個孫做當家
另一家老柴田勝家(阿市改嫁果個)支持信長另一個仔
然後講唔啱就開戰：賤ヶ岳之戰
打完呢場 秀吉推左信長個孫上位
然後天皇賜姓豐臣 先算做到天下人

德川家康都係
秀吉死左之後留低5大老
德川家康 石田三成 柴田利家
前2者係到柴田利家死左之後先鬥到出面
之後就打関ヶ原
然後德川家康被封大將軍

以上內容憑記憶寫 記錯勿插

同中國謀朝簒位唔同係由頭到尾天皇都冇俾人郁過
日本人心中你搞唔到天皇就咩都得
豐臣定德川 其實同邊個做首相差唔多

甘原來的織田後人如何處理？