【南征聯合】《病港ＩＩ》（８）

叫豐林快啲幫虔誠者出書

好想睇小一

仲有其實想問墨b虔誠者係咪同寂之鴉兩個唔同世界觀
虔誠者都有好多殺手元素，但去到寂之鴉專講殺手世界，入面好似係另一套setting
古家啲人仲有冇機會再出場㗎

我覺得係唔同

墨巴我想早啲瞓呀

小一我暫時冇乜感覺
因為虔誠者太少描寫小一
由佢被人困住喺果個乜鬼輪迴機關之後就冇再出過場直到結局
最後連點解佢個名唔係雨部都未解
可能墨b預左佢係season 3主角所以好多嘢留翻遲啲先慢慢寫

講到小一接近zw咁
好想睇

墨B乖啦，唔好成日咁夜瞓

今晚大家都好興奮


熱烈地彈琴熱烈地唱

佢唔係叫傲霸咩
後黎先變做小一？

本身叫小一，之後改咗名

傲霸係zw上一任嘅頭號特工
zw殺左佢之後就取代左頭號特工個位

邊個故有傲霸？

冇
淨係背叛者和虔誠者提過一句
就係話佢被zw殺左之後頭號特工變左zw

「你哋嘅盔甲都係我設計嫁！」在騎士團離開後，博海德不忘大喊一句。

躲過了騎士團的搜查，我才得以放心繼續休息。

在雜物滿佈的閣樓裡，我拉了一塊厚布，打算折疊當作枕頭使用。

厚布積著塵，拍拍就可以。

布一拉走，木箱上安放的數十卷設計藍圖通通跌落。

那塊厚布本身用來掩蓋的東西，吸引了我的注意。

我把設計藍圖拾起的同時，多手打開一份來看。

「呢啲係......」入面的內容令我微愕。

雲梨見到那些藍圖先是一頓，再加以補充：「第一次南征戰爭遺留落嚟嘅產物。」

「厲害。」我手上藍圖的設計，名為堡壘坦克。

可以用一般精良鋼鐵製作而成，近似現代坦克的設計，但當然笨重很多。

另外，還有一些「改良型投石機」、「滑索器」、「全方位騎士盔甲」、「機關大炮」、「神機箭」、「火焰塔」等。

再打開木箱，就可以看見入面的發明成品。

「全部南征戰爭嘅機器工具，幾乎都係博海德發明。佢一個人嘅設計，可以抵擋一百隻病者嘅來襲，某程度嚟講，佢嘅設計令到佢成為當時殺敵數最高嘅病獵。」雲梨說。

「原來佢真正嘅智慧係喺宜到。」我說。

「但我睇，已經封哂塵。」

「兩位，拎咗啲甜蜜嘅果醬同香軟嘅麵包俾你哋......」驀地爬上閣樓的博海德，見我掀開了那塊厚布，眼神和嘴巴都發怔數秒：「我放喺到，你哋需要就拎。」

接著，他便爬回落大宅二樓，將上閣樓的梯子收好。

翌日天未光，我就準備出發，趕上大教堂的禱告。

這次，我沒讓雲梨一起出動，因為暫時危險性不明。

我只是想看教堂禱告時間，有沒有接近大主教的方法。

「病獵大師，你準備出去？」徹夜未眠的博海德，正在工作檯上製作什麼。

「係。」

「呢個俾你。」博海德給我一個淡淡散發金光的天環。

「你唔係話，你唔係正統天環人，點解會有？」

「我好難先製作得到嘅仿製品，因為用料太珍貴，同設計太難，基本上成個倖存區唔會有人仿製到「天環」出嚟，你戴咗唔會有人會懷疑。」博海德又像一早準備好，給了我假髮、新衣服：「換一換去，你用琴日嘅裝扮出去，好易暴露身份。」

「你都啱。」雖然昨天，只有樞機主教見過我真面目，其他什麼騎士都只能從口述認知，但變裝還是十全十美的方法。

我在一塊長鏡前換好更衣換髮，但要把假髮戴上前，我還是有點好奇......

「點解係爆炸頭？」我問。

「一部份天環人係走喺時尚尖端，嚟特顯自己同其他人與別不同，爆炸頭呢個look係好常見。」博海德解釋。

「仲有件衫好似美式足球件衫咁，個膊頭真係有必要放兩件肩甲喺到？」

「可能你會覺得係怪異，好吸引人注意，但請相信我病獵大師......」博海德親自走來，為我戴上爆炸髮：「喺天環區，只係好一般嘅事。」

「呢啲打扮令我諗起鯨寨一條酒吧街。」

「咁都正常，嗰到係某部份潮流尖端嘅天環人，會經常去狂歡嘅地方，唔受法律條文限制嘅地方，佢哋最鐘意。」博海德說。

「但唔好意思，我始終接受唔到。」我假咳一聲。

「你應該好清楚一旦被發現嘅下場。」

「清楚。」

「咁嘅話，我俾第二套正常少少嘅服裝你。」

多次交涉下，博海德總算拿出另一套較為正常的正式服裝予我，是一件純白色的禮服。

由於昨日是紮髮的形象，今天我就把頭髮放下來。

到達大教堂門外，有不少早起的天環居民聚集，當教堂大門一開，他們便通通往內裡去。

教堂比起外面氣氛就莊嚴許多，人們若要談話都自行降低聲量。

在教會準備的環節，我四處張望，不放過任何一點情報。

如博海德所說，的確天環居民會像我這般，穿著奇裝異服入來，但佔的比例不是很多，他們大部份還是正常人，一身正式服裝的打扮。

時間來到六時正，教堂的大鐘搖搖鳴響。

人們紛紛靜下來，教堂兩邊後門走入一群騎士，是昨晚那群黎明騎士團，他們果然真的像牆般，守護著走在正中的大主教。

大主教是個年約七十的老人，頭部光禿戴著頂聖冠，身形和臉骨皆瘦，但穿著一件寬大的聖袍。

各大聖職人員乃至到樞機主教都一一出現，將大主教包圍得嚴密。

在他們整頓好後，天環居民很自動站立。

「各位......請開始向神明禱告。」大主教的發話沉而穩。

人們抬起頭、合著眼，雙手合上的心中禱告著。

恐怕只有我一個偷偷張著眼，觀察四周圍情況。

為時三分鐘的禱告結束，大家有共識地張開眼睛。

「禱告......結束。」大主教宣佈。

「就係咁？」我心裡默唸。

原本我以為沒有下文，心裡又開始策劃接近他的方法。

沒想到，大主教卻指向我：

「請你留低。」

「......」席上的天環居民，同一時間望向了我。

被發現了......？

接著，教堂的大門打開，天環居民一個個從長椅秩序地離開。

只有被點名的我，不敢胡亂活動。

待居民離開得七七八八，那些神職人員亦從後門離開，大教堂只餘下騎士和大主教。

「點解係我？」見沒什麼閒雜人等，我才問。

「因為......我喺佢思想中見過你......」

「佢？」

「你未見過佢，但你定必同我一樣，感知過佢嘅存在......」大主教奧密，慢慢走近過來。

他身邊的騎士，則保持以主教作為圓心看守。

「你係指......」天腦？

「無錯，就係尊貴嘅衪。」大主教似有讀心術。

「數年前，佢就曾經有過一則預言......」大主教幽深而堅定的目光，盯向我靈魂的深處：「你要聆聽嘛？」

「......」我點頭。

「跟我嚟。」語氣緩慢的大主教，轉身而行。

劇情出乎意料地，引導我去大教堂的最高的地方──尖塔。

我居然不費吹灰之力，就能夠見到這個大主教。

尖塔呈六邊形，空空如也。

「守護者們，下去吧。」大主教讓騎士們離開。

如今，尖塔上只得我和大主教。

「等待你好耐，你終於如願咁出現咗。」大主教說。

我直入正題：「咩預言，你知道天腦嘅存在？」

「佢偉大嘅智慧，曾經預測過，暴風之日，將會誕生一位賢者，來自遙遠嘅北方。若干年後，佢將會踏足呢一片土地，成為威脅佢嘅存在，我有幸地讀取過佢思緒......」大主教眸子幽幽的盯向我，說：「嗰個人，原來就係你啊，如佢所言，你出現啊。」

「你知道我嘅外貌？」我應該從沒見過天腦或是大主教。

「你對付過嘅每一位神的子女，佢哋雙眼都清晰咁望見過你。」大主教溫和地微笑，溫和地注視：「既然係咁，神都會見到你。」

他的意思......

我曾經對付過的每一隻病者，

病者的眼睛都連結著天腦，從而間接被他觀察著......

對於這個推測，我原地發呆接近一分鐘。

「依你咁講，你可以同佢溝通。」我重整思緒，反問他。

「但論思想嘅同步率，可以達至最接近佢境界嘅，相信就只有你，因為你畢竟唔屬於人類一方。」

「我完全唔認識佢。」我否認。

「透過佢珍貴嘅腦液，我已經了解過你一切......Ｍ。」大主教說出的名字，繼而再說：「雖然無人知曉你嘅真實身份，但我知道，你係人類？唔係，你係「病者」，真正作為人類嘅你，由注射病者藥劑一刻，經已死咗，你不過係繼承人類Ｍ嘅記憶，你意識、你嘅誕生都係屬於「病者」，真真正正嘅病者。」

「......」

「我哋人類最多只能夠作為神的奴僕，但你作為病者之中天選嘅神子，可以帶領病者改變宜個世界。」大主教奧密給出我一個選擇，說：「Ｍ，你願意效力偉大嘅衪？」

「點解我要效力佢。」

「佢嘅智慧，能夠令呢個世界再無痛苦，世界會變至人一直所求嘅天堂，地獄之所以可怕，因為存在住痛苦，天堂令人嚮往，因為唔存痛苦，佢有能力令世人唔再感受到，生老病死帶嚟嘅痛苦，你見到宜個倖存區吧？每一日，每個人類都活得好痛苦，或者呢個世界所有人都係。」

「原來無痛苦嘅世界，就係快樂？咁點樣效力佢。」我想多套一點情報。

「再次行入港島南區，但唔好重複上個聖誕夜，帶有抗拒佢嘅意識，今次任由佢侵入你意識，流動於每顆腦細胞之間，完全臣服於佢嘅控制下。」

「......」說起來，上次真的很驚險。

差一點，

就給天腦完全控制。

大主教奧密又說：「當了解到自身嘅渺小，你就唔會再作出無謂嘅反抗，遵循佢嘅意思吧。」

「我只會效力人類。」我說下去。

「即使人類拋棄你......？」大主教停頓一問。

「係。」

「咁作為負責代表人類同神溝通嘅僕人，我嘅職責去到呢步就結束。」大主教奧密，忽然從袍拿出一把匕首：「Ｍ，人類將會拋棄你，就算你唔願意，你都會不得已咁加入病者嘅行列......」

「你......」

「因為，你殺咗天環教嘅教主！」話畢，奧密將匕首刺入自己的心臟：「嘿嘿嘿嘿......」

「......」我呆怔。

「呯」奧密在我面前倒下，臉上還保持著微笑。

就像天腦，對我釋出的微笑。

面對一個從未見過面的敵人，

居然會迫到我這個步去。

「喀......喀......」騎士們聞聲趕至。

「大......大主......教......」那群騎士看見死去的大主教，立馬在尖塔內將我包圍。

由奧密叫我上來尖塔一刻，要是他沒說服我加入病者的陣營，就會自殺迫得全個倖存區通緝我，令我被迫與人類作對。

中計......

我拿出鉤傘抓住尖塔天花，先是上升到半空避開他們圍剿的砍擊，然後拿出火傘跳落地面，身子擺出旋風式噴出灼熱之火，三百八十度以內包圍我的騎士，皆被火焰擊退。

我趁這個空檔跳出尖塔，從滑瓦片之間滑落，再以鉤傘勾拉落到地面逃亡。

好緊張

三百八十度以內

「佢偉大嘅智慧，曾經預測過，暴風之日，將會誕生一位賢者，來自遙遠嘅北方。若干年後，佢將會踏足呢一片土地，成為威脅佢嘅存在，我有幸地讀取過佢思緒......」

暴風之日即係帶著余博衝入龍捲風果次？

之後改左傲天

癡撚線

突然玩到咁大

三百八十度