甲亢病者請入！

我既情況係2018年係街症驗左血係甲亢，再去私家睇，睇今年睇到山窮水盡就轉去政府專科，用app申請咋，黎緊9月頭有得睇
我好多報告同紀錄，同埋啲報告好差，唔知關唔關事

唔好食煙同二手煙，兩樣野都會令到眼凸

我同你一樣以前都係勁中意食紫菜同海鮮，但而家冇食過成兩年啦，即係軍艦壽司都唔食得，唔好諗就得架啦

平伏返 差小小就好返晒
我果時次次覆診都追問醫生(外科醫生) 佢叫我放心 只係時間問題
因為QMH嚇鳩我 條8婆醫生話唔會好返 叫我做眼矯形手術 仆佢個街 好彩冇聽佢講

昆布都唔好掂呀！
周月拉麵係昆布湯底 我冇食2年 做完手術好返就狗衝去食

咁咪好多嘢唔食得，其實久唔久食少量都應該可以？我仲覺得紫菜健康係咁食，上年年尾開始工作上同啲同事食飯食多咗海鮮，都唔知係咪因為咁加重咗個病情
我驗第二次仲未出報告，未confirm真係甲亢，但醫生話睇TSH個指數似係

下，連昆布湯底都唔得咗大鑊，我食咩好⋯

係呀我好掛住拉麵呀

想問吓你眼凸嗰陣時隻眼有冇乾？我宜家直頭有乾眼症要時時刻刻滴眼藥水

我去咗中大眼科度睇眼，想講嗰度真係好乞人憎唔再去睇。 佢本身叫我考慮打類固醇落眼皮收返入去，但唔保證到會唔會凸返出黎，成個療程幾萬蚊，睇完你咁講我都覺得好好彩我冇打。

唔知公立幾時可以做到手術呢

係，紫菜昆布蜆殼類一定唔食得

基本上去日本冇咩嘢食

有呀！成日都好乾 但我忍到頂唔順先滴眼藥水 因為人地成日話滴到慣左對眼會唔識自己造眼水 唔知真定假 但好驚
你食左幾耐藥？幫我做手術果個醫生話 食藥食2年都唔得就唔可以再拖呀

由依家開始停啦 上網睇下乜食物含碘量高就盡量唔食

我用緊hylo gel，成份好似係最好最簡單，其他眼藥水我一啲都唔敢滴

食左兩年啦

呢隻病好困身，嗰陣病發唔知返新工，細公司就冇體諒仲有少少欺凌，我之後身體太差頂唔順都辭咗職冇做野，睇私家洗哂啲錢，保險都供唔住，想去私家做手術都唔得 唯有而家等政府啦

欺凌果啲正仆街 鬼唔望佢哋都有依個病
咁你有冇爛面？我有一段長時間不停爛面爛咀 真係好大壓力 越大壓力個病又越衰
希望你都可以快啲醫好佢啦

有呀而家爛緊經歷緊
本身塊面一啲油都冇，而家係咁出油吽好多瘡好多暗粒眼又凸又肥勁醜樣

你點先好返架？就手術就一切回復正常？

我叫醫生開藥膏比我搽啲暗瘡 然後自己去藥房配 $28-$40枝 唔太記得 夜晚薄薄地搽好左好多
仲有要幫自己瘋狂地保濕 控制住佢出油既問題

不過治標唔治本 做完手術就完全好返晒

你搞到我好期待手術

呢排食藥食到depress自己停左藥，情緒好返啲嗰陣又開始出汗手震，個人好唔舒服難受，但又死忍住唔想心情太波動

但岩岩追post睇到你講你既經歷令到我終於喊左出黎 原來真係唔係自己一個，同你經歷過同樣既野而你又同埋可以好返，令我情緒好返好呀

多謝你

原來可以用app 點book

Download預約通
你要去咗街症佢比轉介信你先得，嗰度有個QR code，用預約通掃完，冇記錯係入少少資料同埋揀你喺邊度睇就得。6至14日左右佢會通知你排期幾時有得睇

我想問下有冇人係有埋敏感？
聽過呢個病會令皮膚痕？

好啦，多謝你，但請問你食完藥之後有冇咩影響？例如肥、甩頭髮嗰啲？

好似好恐怖咁，又爛面又會肥又會甩頭髮，好驚⋯

即係我鍾意食嘅都唔食得⋯

會戒到架唔難架
因為我以前都係淨係中意食呢啲野，一下子戒嗰陣係有啲掛住，但盡量唔諗同埋搵啲嘢代替海鮮都OK嘅。我好鍾意食三文魚，就用牛油果加豉油Wasabi黎過下癮

應該話係會令指數高左，病癥嚴重咗，例如心跳手震腳震，同埋會暴躁啲，心情大起大落好唔好受㗎