甲亢病者請入！

轉介左我7月去內科同9月去臨床腫瘤科
內科通常對甲亢復發有咩建議？會傾向食藥？
我知去臨床腫瘤科就一定會叫我食多啲碘

我早排有一段時間都有啲肌肉問題
但唔知個種痛同你係咪一樣
我係全身每組肌肉都好繃緊
繃緊到個情況係伸個懶腰，個背肌或心口啲肌肉瞬間好似拉親咁，會好痛，然後個組肌肉要5分鐘左右先痛完
最撚慘既係你唔會估得到邊組肌肉會突然拉緊
有時訓係張床度伸一伸隻腳都可能令到小腿勁痛

我記得既有背肌，心口，小腿，腰，byebye肉都試過呢個情況

多謝你答我，我暫時係頸，心口上方。有諗過係唔係因為甲狀線再腫得勁左所以先係咁
食緊一日3粒無減過
如無意外星期六覆診睇下點先

最後應該係直接切？

個時我都諗住覆診先同醫生講
（但其實個時都諗，都唔知點形容比醫生聽，外人聽到，繃緊你咪拉鬆佢囉，但你知個種繃緊唔係平常個種）
最後未去到覆診，呢種情況又消失左，又不了了之

個種繃緊係從內發生架 所以先覺得奇怪

未飲碘前之前問過醫生話而家係唔建議切
多數會飲左碘水先 (當然都視乎番你既情況)
不過飲完一次唔得再飲就有機會變甲低
咁就以後都要食補充
利申:變左甲低

甲亢甲低你覺得邊樣難頂啲⋯⋯
甲低keep住食supplement就ok ？

其實真係人人唔同症狀
我個陣甲亢有眼突同頸脹
你問我甲低就無咩FEEL 可能係易攰D
不過就要成世食藥
最理想係飲一次碘就控制到正常水平
咁就乜都唔洗食

太低會抽筋

好撚癲 原來我30都係碎料

同你一樣 醫生話係甲狀腺素太低嘅反應 要減藥

係呀, 咁啱個期抽血個指數低得制要減藥
so far減左之後就再無呢個情況出現

你地有冇打針？見有指引有甲狀腺病唔可以打針

你甲低嘅時候眼同頸回復原狀？
最理想係食丸仔就好返以後唔翻發

低得滯會勁抽筋 好似比電電咁
我之前唔知 死忍難忍 忍到抽完血見醫生

我都有試過食得太多綠色丸搞到甲低 成身好易抽筋
但個陣條頸都無回復正常 都係突岀黎

係唯一我食完放射碘後一個月 條頸真係縮番入去
變番正常人既頸

可惜我而家又復發

我頸變番正常 但眼就仲有少少咁
因為丸仔唔可以長期食... 同埋甲狀腺好易復發
所以做多D運動同保持心情愉悅好緊要

你食完碘都復發呀？

係呀食完之後2個月復發

咁快！！！
然後食第二次？
絲打你係咪工作壓力好大？

未食第二次呀 排緊期
係真係壓力導致我都知衰了

又要飲多次
最辛苦係飲碘前要戒口戒兩星期仲要戒到勁清
雖然係香港呢個地方好難做到 但希望你都可以放鬆少少啦

我會架啦衰過2次 知道一定係壓力造成
多謝你