甲亢病者請入！

其實所謂傷身，佢抽血都會幫你驗埋到底有冇真係影響到健康去到唔正常既地步嫁啦

驗到副作用影響到你身體先算
理論上補充劑副作用低過綠豆仔

老實講，我都食左差唔多9年，唔覺有咩副作用。

碘水同手術一樣都係以破壞甲狀腺為原理。一旦破壞過多導致甲減，咁就一世。而且醫生根本都好難判斷到底手術後情況點樣，會唔會破壞太多。會甲減個風險係好大

我個case講明左唔適合碘水，我reject左手術。所以做唔做真係自己考慮清楚。但做左個，出黎個結果就跟你一世。

我有。
其實主要係減眼壓防青光眼，
或者你想改善外表（眼太突），
或者眼突導致你合唔埋眼導致長期眼乾之類
醫生會建議你做。

我做完有減到眼壓同隻眼的確無咁突
正常都應該無乜副作用

萬寧有得買，但通常啲鋪都無貨要上網訂
我印象中屈臣氏都有。

其實我覺得又無話邊隻brand好。同維他命之類差唔多，成份都係一樣既姐

上年我都去過中大眼科睇，錢就洗左但咩都做唔到，一肚氣

我兩隻眼都有突，而家左眼突啲右眼就平返少少，經常都覺得漲住漲住，眼乾多紅筋，難頂既

我係香港眼科醫院做
眼乾多紅筋其實未必單靠減眼壓手術可以完全解決，有時可能仲要做再做眼皮/鞏膜手術。

都係嗰句，好多手術效果都係要睇康復狀況。眼皮，眼壓，鞏膜手術我都做過但亦未完全好返晒。最後都係建議你找醫生問返。

我係會feel到跳得有啲大力
我諗唔單止睇心跳掛
有冇食極唔肥
擔心既話 去私家驗血 夠快 買個安心

講下自己經歷
上年年中發現個人好虛 力不從心 又瘦左
行路多過十分鐘 攰到仆街
搭巴士地鐵企係到個人會震
企係到搭地鐵搭幾個站就想嘔
一開始以為係工作太忙定大壓力
過多幾個月老母話條頸漲漲地 話可能甲亢（屋企人以前都有）
上網check過症狀都中哂 加上上面提到既愈黎愈嚴重
第二日即刻walkin睇私家 驗埋血
過幾日睇報告真係甲亢 叫醫生寫轉介信去政府睇
一個月後去左政府睇 發現唔係甲狀腺專科 又叫佢地轉介
依家睇緊專科 食緊一粒藥 但個數字都係上上落落
仲要一隻眼突 又成日發炎 要睇埋眼科

由私家轉去政府甲狀腺科用左4個月
但呢4個月total重左20kg

明白。想問下你係等到甲狀腺穩定先去醫眼定點？

同埋醫眼嗰度介唔介意講下洗左幾錢左右？我睇下黎緊公立覆診問佢寫轉介信去醫下眼，眼球好硬同朝朝起身要滴眼藥水先開到眼咁滯

另外上面價錢唔包藥費

巴打手術前佢有冇用咩醫你隻眼？
因為我見大多數醫生都係話觀察住先無咩可以做

想問下甲亢係咪就算食左藥都會有肚痾既症狀
食左差唔多三星期藥 一開始有少痾左
但最近又痾返 一日keep住痾3-5次水

2樣都有（據醫生講）
手術我揀全身麻醉，所以我唔清楚手術過程

係呀就係中大莊金x囉，呢條友真係不得了
唔俾病人問問題，一問就話睇返我訪問啲片未，未睇哂唔好黎睇，話你未背好書，話咁樣好曬大家時間

如果你真係想睇佢呢，真係正如佢所講，睇哂佢YouTube啲片就夠，完全冇必要去佢度睇。

啲前台護士做野又係差，甩漏多俾漏報告仲要想話返個客轉頭

總之就私家價錢，下欄服務

我家族無人有呢個病唔知點解我咁唔好彩會有，停左年幾藥又黎過。。。
食d 藥副作用成日皮膚痕到要食敏感藥。。食藥食到好心灰

見人話飲川貝湯斷尾，飲左3個月暫時唔覺有咩效用。。