甲亢病者請入！

前日檢完中左甲亢
一日食6粒綠色藥同3粒心臟嘅藥
想問下係咪正常？

六粒

係
一日3次1次2粒

我今星期頭驗完而家食緊6+2小你一粒心臟藥
佢話頭一個月比重d下個月覆診再較

有冇轉介你睇內科？

冇，剩係寫紙去照超聲波

有冇人知轉去內科係點
一開始又x光又心電圖再驗血
跟住就食藥加轉去內科

斜視手術無辦法完全醫好返重影
你可以想像為你眼球無辦法轉動，卡死左，所以當你望向不同角度
一隻眼可以轉，另一隻唔得，所以就會變左無法對焦有兩個影
你眼球無法轉動可以是卡左係向下，向上，向左，向右之類
(所以就只會可能望上／下／左／右無重影，其他角度有)

斜視手術其實只係幫你調整眼球角度去返正面，個眼球仍然唔識郁
等你「望正面」既時候不會有重影(至少我做完之後係)
但你望上下左右一樣會有

（醫生有講肌肉纖維化係無得醫，但做之前無同我講呢件事，佢係話會幫我放鬆條肌肉等我睇野會好返啲，但其實所謂既好返啲就係改成正面無重影，事後我問返佢就係咁答）

我一開始都係呢個份量
兩個月減到而家每日一粒甲狀腺藥

我打咗第一針
已經買咗幾份保險

公立定私家？咁都得嘅？咁搞法個病人連做咗個咩嘅手術都唔知

謝謝你的分享
我同你病情好似,包括双腳冇力都試過
我依家眼有重影,醫生話等希望佢自然好或稳定後手術
問多句,你有甲亢眼到手術等佐幾耐?

佢地實話打得
依家連啲長期病患都話穩定就打得
真係睇自己會唔會take 個risk

食咗年半藥，一直穩定，最近翻發，食白色好傷肝

覆診有問醫生可唔可以打biontech，佢話指數未穩定唔好打住，咁睇個個醫生講法都唔同？

嚴格黎講我係知手術內容係咩
不過不論上網找定醫生解釋都無講到實際個術後結果係點
所謂「協調雙眼的活動和接收影像功能，從而改善外觀和視覺功能」
其實只係幫你較返對眼去正面無重影咁解

單純等就一至二年
如果有涉及到其他因素就要解決左其他因素先

如果你甲狀腺未穩定／減眼壓手術未做晒，一般醫生會建議你搞掂晒，至少去到病情好穩定同做晒上面所有手術先會幫你安排做

我甲狀腺打左兩針疫苗冇事

依家feel到自己明顯有曬D甲減症狀
個人成日好攰 好腫
真係寧願亢都唔想減
甲減先係真正難頂

手術結果係重點，點解會無講清楚⋯⋯
不過都係要做㗎喇
你依家生活點？

講到尾同甲亢相關既術後結果全部都好難預計
全部都係同你講要睇下癒合之後情況點樣再決定進唔進一步做手術
只係同你講有幾大風險做完唔會出事

就算眼球抽脂減眼壓，可能都減唔夠最後要拿走部份軟骨再減，

切甲狀腺／放射碘就更加，切完會唔會變甲減又係答你唔到，理想就切完一部份剩返可以變返正常，一個唔好彩破壞太多你成世就食補充劑

斜視手術較到正面無重影都唔敢包成功之後唔駛再做，手術之後傷口癒合都係要返去左度右度檢查睇下駛唔駛再做多次較角度

依家其實等緊再做眼皮+鞏膜手術(眼皮第4次，鞏膜第2次)，因為我眼突導致眼皮內翻眼捷毛刮到眼同對眼無法自然合埋，所以要做相關手術改善，但之前全部都做完唔理想(捐贈鞏膜唔相容身體會被身體消化吸收左，眼皮就係傷口好翻之後結果都係內翻返)，所以要再排期做。

重影方面就其實都已經習慣晒，例如落樓梯之類會好自然用單眼睇野。不過因為個甲狀腺指數一直都上上落落不停較緊藥，又測到有嚴重睡眠窒息(會睡醒頭痛肌肉痛精神唔好)，黎緊都有排搞。

你性格係咪本身好易緊張/抑鬱嗰啲？
有無調節下生活習慣同情緒？
本身甲亢可以係壓力trigger
愈病就愈大壓力愈難受愈大壓力就愈病
但愈亂迫自己唔可以大壓力就愈大壓力
真係要搵啱方法

上上落落有無醫生建議全切？
等個數值穩定病情穩定再搞眼？

可能啦

搞眼好早就開始搞，因為當初隻眼病情嚴重到唔搞唔得
(如果唔係分分鐘會盲)

之後病情穩定可以搞既都幾乎搞晒，係個眼皮同合埋眼個度搞左好耐同幾次小手術個術後結果都唔理想，結果要再試唔同方案
鞏膜都係做左二次剪眼皮結果唔好先改左要做

甲狀腺其實都穩定過一排，不過一停藥又升返結果又要重新較過藥
醫生有建議全切，但講明全切就要成世食藥
老實講又未差到完全控制唔到個甲狀腺指數去到一定要切
所以我就揀左唔切，反正都係食藥
除非差到控制唔到

情緒方面就，其實依家連訓都訓唔好，好難有咩好情緒
淨係失眠都搞到個人情緒好差。好早之前都有同個內科醫生講過
結果排成二年先去到醫院做個睡眠測試
然後做完先發現個指數超標得好緊要，佢有個睡眠窒息指數(AHI)
AHI 30或以上係最高(嚴重睡眠窒息)，我做完測試差唔多有60
最理想係5或以下

個睡眠窒息剛剛先開始去睇，連成因都未清楚

白色心臟藥?

你有無個標準係嚴重到點先切？
食supplement 點都穩定過藥丸掛
如果心跳快都幾難瞓得着

再唔係會唔會試下中醫靜觀睇吓self care書有無用？
同有可以支持自己嘅人都重要，我因為個病反而比以前open up咗，如果可以你都試下，會無咁難捱