甲亢病者請入！

我第三次覆發啦，都諗緊飲唔飲碘水
你飲完有冇副作用？我見過人飲完甩頭髮

無呀
就算之後變左甲減都唔多覺有咩徵狀 唔係定期驗血我自己可能會更遲先發現有問題
甩頭髮反而甲亢個陣就有甩
依家無乜特別

想問下平時抽血係咪一定係TSH 同T4一齊抽？
因為我今日發現黎緊個半年個醫生淨係開左TSH 比我抽
冇開到抽T4
唔知係咪佢開漏左

搞咗差唔多一年，食綠豆仔，依家正常返水平了。

我都想知

我個私家醫生都係咁講
不過我病發以來 都轉過幾個醫生
轉過唔同藥廠，有時綠色，有時白色
綠色都有幾種綠
但so far食落都冇乜分別

女仔如果切左甲狀腺仲生唔生到BB半年前確診甲亢，食左半年藥，好驚第時都控制唔到要切甲狀腺，但甲狀腺有控制荷爾蒙作用，如果切左係咪生唔到BB

無問題架
切左變甲減只係食返補充劑
只係如果係飲碘水 就個段時間唔可以懷孕 好似唔知2年定3年

唔該哂你，之前確診果時，個醫生問我有冇懷孕計劃，佢話暫時唔適宜懷孕，我就好驚之後幾次睇醫生都唔敢問

如果係眼腫唔係眼突 就算停咗藥都唔會變返以前咁 食selenium 應該都唔可以去返之前咁但會幫你改善眼腫情況

一係做眼部手術 我遲啲應該去做眼部手術 但醫生話我指數未穩定 建議我唔好做住 但我都諗住呢2個月做咗佢
想問下有冇已經做咗手術既巴絲分享下

我一年前做過眼皮手術(我右眼戚起左，大細眼)我好彩無眼突，所以只係做一個就得。

去私家定診所到做？ 都係甲亢嗎
我想問你個下眼皮係咪都腫？因為我上下眼皮都腫 想知做手術係咪都會幫你整晒上下眼皮 整完會唔會真係變返以前咁定都係有少少泡

我係睇開個眼科診所醫生book法國醫院做既
我好彩d我只係上眼皮戚高左 我唔肯地我地係咪同一個手術 我個手術係介開個眼皮 之後佢會拎把野剪左你眼皮既組織
整完對眼係正常返好多 不過我本身係單眼皮 依家變左一單一雙 但都好過之前好多架啦
記得做完手術一定要好好護理傷口 我有一晚無好好護理 搞到爆血 依家隻眼條疤都係會有d腫 但好過未做手術嗰陣100倍

多謝你呀聽完個心都定啲 我都想快啲做手術呀

加油等穩定嗰半年係最難捱 人都唔想見

點樣分眼腫定眼突
因為我食咗Selenium同戒煙後隻眼係無咁腫/突
但未完全康復，唔知最後會唔會100%好返
但我眼科醫生話點會醫唔返㗎喎
巴打你做個手術幾錢
同係咪真係100%拎得返原本隻眼

好似好恐怖咁但為咗個樣我咩都肯做

乜唔係因為甲亢先大壓力抑鬱
而係調轉？

係架 因為唔係全身麻醉 你係睇到同聽到佢剪你眼皮d肌肉 最恐怖係有時麻醉弱左 你會痛然後佢就會再幫你加麻醉
不過我算好架啦淨係做最後一期手術 有d人眼突有複視嗰d好似話要做4期手術 又敲碎眼骨又盛。。

你瞇起隻眼係咪係咪有泡野係上眼皮同下眼皮？ 或者你用手輕輕咁摙下你上眼皮係咪軟林林 如果係就應該係眼腫
眼凸好似話合唔埋對眼 隻眼好乾 眼白會露好多 你可以睇眼科醫生再判斷

我睇過政府醫生同埋診所 佢話我冇甲狀腺上眼 眼凸 但係就有眼腫 眼腫係無得醫 除非整形手術 呢個一定要搵私家醫院 同眼科診所 （未必間間診所有得做）政府醫院唔會同你做眼腫手術
眼凸嘅就可以透過眼眶減壓手術去改善

但其實我間唔中都有食過一兩枝煙 又唔會話好突 但為咗個指數靚 都係戒煙穩陣啲 但我睇過一啲網話 selenium 真係會改善到眼突 但應該唔會去到之前咁 我諗過如果減肥 隻眼嘅脂肪會唔會跟住減

我仲未做手術啊 我10月頭去睇眼科醫生佢建議我半年至9個月先去做手術 但我等唔切 想1月搞掂佢 我12月尾去甲狀腺覆診 如果個指數都冇問題嘅話 就應該問下眼科醫生 睇吓可唔可以快啲做 希望可以去返之前咁啦

真係絕對明白隻眼凸咗搞到成個人都好冇自信 勁想變返之前咁 希望大家都可以一齊樂觀啲 希望幫到你啦

眼皮唔係不嬲軟綿綿㗎咩仆街喇
同我開始唔記得原本隻眼係點
我甲亢睇開個醫生完全無解釋到兩者分別
同明明未食藥前我隻眼都無漲咗嘅
病情穩定反而隻眼有事
未睇眼科前我問過本身個醫生隻眼有無得縮返
佢諗都唔諗就答無，屌我依家咪又係縮咗
我問做手術嘅野佢又話無咩醫生會為外觀理由幫你做
屌但眼科醫生明明比咗呢個最後option我
你個醫生會唔會好啲？如果係方便比個名嚟？

同埋你有無試過搽類固醇啊隻眼⋯⋯？你隻眼等多陣肯定佢唔會再漲先做好啲喎聽落，雖然我都好明嗰種急我屋企人朋友話少少腫啫，但我心諗，屌我丁屎咁多腫我都要做手術整撚走佢

我之前唔驚死照食煙，發現個樣出事即刻半啖都唔敢食，同眼科醫生話煙會令甲亢上眼，二三手煙都唔食得

我都係因為食煙食到甲亢上眼 真係唔好食呀嚇到我即時介煙 嗰陣已經食左6年煙