甲亢病者請入！

想問下結節你有咩病徵？

排咗期飲碘水，good luck to me
利申第一次病發至今已十年，中途停過3次藥，最近一次停咗2年藥，結果都係翻發，果排行兩步都扯氣，脾氣超差 依家唔知心理作用定咩，好似甩好多頭髮咁　最終都係比醫生說服飲碘水，好緊張，希望可以啱啱好唔使食補充劑　願所有甲亢巴絲早日康復　

甲亢7年人仕留名分享經歷
冇眼突冇頸腫本身個人都係瘦底
有一日心跳得唔舒服 壞疑自己有心臟病 去左醫院check 確診 每日食一粒 正常返工 唔覺得身體有咩野
冇戒口壽司海鮮狂食 開心人生
唯一我有嘅徵狀係啲指甲會會白 爬過好多文都好似唔係好多人會有呢個症狀 成日以為係灰甲 原來係甲亢其中一個症狀

食第一個療程隔兩個月已經復發 開始決心想團名街食紫菜同海鮮但真係好難做到 有時會偷偷地食一兩餐
終於食完第二個療程隔咗半年又復發返
放棄食藥決定飲碘水

飲完碘 醫生話可以狂食壽司海鮮都冇問題
然後我食咗一餐高級海鮮一層層果啲 食完立即感覺到心有啲唔舒服 慢慢再過多一個月就越嚟越唔舒服 指甲又白最後發現又復發 要食返一粒藥 真心勁唔開心
在下一次複診仲要加到兩粒藥 但越食越辛苦
到抽血嘅時候就話俾我知停藥先 應該我變左更甲低
但我又有肚痾
開始運動人生 唔知做咩無啦啦 停藥後冇再反彈過到而家過左半年 希望唔會再復發啦

好認同呀

係

亦有機會係壓力太大

我都係飲碘之後變甲減
飲完一個月抽血甲亢指數高咗
醫生話無效 要飲多次碘水
好彩比飲碘水間醫院彈返轉頭 話等幾個月再決定
之後覆診甲亢指數變低 慢慢到零

甲亢嗰陣食緊唔肥
甲減就變返正常 要做運動keep

加油阿 希望你一次搞掂甲亢 啱啱好

因為食完反彈果刻我問醫生係咪代表冇效 佢話係架啦 要排期做下一次 都嚇到心離一離 勁唔想食多次
原來我有同路人都係會反彈完變返正常 太好啦
你而家正常左幾耐？ 食海鮮紫菜會唔會覺得唔舒服？
我到而家都好驚又變返甲亢 情願佢甲減食補充劑真係

個心成日覺得痛 唔舒服

內分泌醫生話如果穩定左打疫苗又冇問題

咦諗諗下我都係咁喎，唔係抽筋咩？我仲要pat pat條筋成日抽跟手戒埋係床伸懶腰就抽少左

我同你情況應該差唔多，但醫生有冇叫你帶眼罩訓同食selenium？我覺得work既係有改善到

我食selenium only ，同滴眼藥水，戴眼罩瞓係有咩用？

如果驗完有轉去排政府拎藥要唔要等好耐

因為我本身訓教對眼合唔埋，眼凸左之後漏左好大條罅出黎，起身對眼又乾又痛。帶眼罩可以固定返啲眼凸冇咁惡化，我帶左眼罩訓三個月左右，都真係明顯冇以前咁凸

普通嘅瞓覺眼罩？我又戴下先thanks 巴打
我依家大細眼同double眼袋

絲黎 我有試普通眼罩但最舒服都係絲質
我上年都係double眼袋呀又勁水腫，長期對眼乾到損

你依家點？想問眼合唔埋自己知唔知定人哋講先知
我都係絲 醫生長期放置play

淨係覺得自己頸異常地腫係唔係都可以去私家睇下

想問你地甲亢 數值係幾多？

我tsh0.02 mIU/L
但free t4 就正常 11.6 pmoI/L

好似叫亞臨床甲亢？

我既tsh係咪低得好緊要？

想問返你 ，你tsh最低時係幾多？
我tsh 0.02 mIU/L
free t4 11.6 pmoI/L

同你一樣 得tsh低

唔該哂