甲亢病者請入！

食左碘都冇好到
繼續食藥同要考慮食多次碘

我都想講
我都係冇遺傳同壓力
有次返大陸食四洲紫菜一人食左一大袋入面50細包
我就開始唔舒服
但過左幾個月先發現

我都係細個好鐘意食紫菜
隔幾日就一大包一大包咁啪

紫菜呢啲小食唔應該存在

我係巴打三個月前因為分左手情緒好差唔知係咪咁既關係,我有甲亢病徵去睇醫生驗血所有指數都超哂標醫生話中等嚴重好彩白血球同肝冇事,即刻開綠色果隻藥比我一日六粒早晚食,食左一個月再驗血所有指數低哂係有一項超左小小,但我有小小眼腫第一二次同個內醫生講佢話冇野,今次再同佢講佢開左隻for眼,食左一星期好似冇咁腫,同埋我有食緊洋蔥素同蘋果果膠,我最驚係隻眼有啲人甲亢好返但隻眼都係會凸

壓力同情緒真係好影響當我知道有哩個病果陣要好好咁控制唔可以比自己sad

六粒咁多 btw我想問你係食邊隻
我都食緊醫生開嘅supplement，隻眼好返好多
但仲係同以前有啲唔同，唔知之後會唔會完全recover
有一個醫生講我個病好返眼就會消腫
另一個話一啲啲人唔同，唔知邊個先啱

我都唔知咩黎係白白地色好大粒，我唔知食佢定食蘋果果膠有用而家隻眼係好左小小，而家綠色藥減到一日四粒，下個月又驗血驗血好貴🤦🏻‍♂️🤦🏻‍♂️🤦🏻‍♂️,其實除左眼我身體都感覺正常返係個身不停出瘡醫生話荷爾蒙變緊😭😭😭塊面淋巴位都有啲但佢出完好快謝但又係第二個位再出，唉身體醫緊但我覺得我個心都要醫近排成日都發夢

係，抽血又貴又痛

仲有心情唔可以太差㗎 啲symptoms會返嚟搵你，同埋要小心平時生活習慣

利申無理到搞到衰咗比醫生屌柒

所以我諗我可能要睇埋心理醫生，仲有食煙情唔好仲要唔比食醫生屌柒我唔好食

唔知係咪心理作用
一試食返一兩支就好似腫返
醫生都有叫我唔可以食，連二三手煙都唔掂得
我之前都有考慮心理醫生
但同期三個醫生會破產，不了

尋日覆診排期轉飲碘水
其實個病都幾辛苦
又斷唔到尾

我排政府新症排到2023七月

睇住普通科醫生先
我睇家庭醫生食左半年藥都好返好多

我用公司醫療卡睇緊但唔包藥同驗血，我食左一個月藥驗血都低哂減藥黎緊再驗，但我驚停藥又黎返因為我相信我應該係情緒影響到，果期情緒超級差，我懷疑仲有啲抑鬱因為我係想自殺

我之前食藥都變咗過底，甲狀腺素太底個人會好攰同心情唔好架
醫生幫我減左藥，精神都好左
如果你過低減藥藥費都會平番d啦
做下唔太大運動量嘅運動，跟youtube拉下筋練下呼吸都會舒服d
唔使太擔心啦

食左補充劑會好d，不過要時間觀察而家既份量夠唔夠。
我一開始食補充劑就唔夠藥效，越來越低，個人超呆。所以下一次抽血同覆診就加大份量。然後個人就精神返。