[極長文慎入]從電影500 Days of Summer學習感情要點!

543 回覆
439 Like 15 Dislike
2020-07-11 22:41:17
呢套有十年既經典電影描述現代都市裏常見嘅愛情故事,大把人睇過唔作詳介。未睇過快移步 Netflix 。由於呢套戲非常貼地,睇完等於睇咗一次人哋幫你失敗過嘅故事,如果當年啱啱拍拖嘅時候睇到呢套戲,或者就不會錯過某些人。

簡單講男主Tom係感情上嘅初哥, 有無藥可救嘅浪漫主義, 當佢深愛對方以為一切都會順利, 卻始終無辦法和女主角Summer更進一步,直到結尾先發覺自己都有需要改變。

女主summer 係一個無法相信愛情既人, 同Tom有男女之實,卻無法確定關係, 直到結尾離開咗Tom, 在第二個人身上搵到對愛情嘅信心。

坊間好多影評已經將呢套戲分析得好好, 早期睇大家通常鬧爆summer bitch, 慢慢亦發現Tom太一廂情願, 以及當Tom自我提升之後遇到更加啱嘅人, 得出一個結論就係原來感情真係唔夾就唔夾,唔係單單喜歡就夠。

確實搵一個夾嘅人十分重要, 但你的人生又是否準備好迎接她呢?

我哋抱住一個從失敗中吸取教訓嘅態度,嘗試分析一下點解Tom得唔到summer, 而另一個人卻把她帶進婚姻。

最後再提出幾個感情上嘅大原則,以應變多樣化既現實生活。
2020-07-11 22:41:38

未見過網上有人提到呢一幕,但當你了解完後面既一切,返轉頭會發現這是非常點晴的 ,呢段對話來自Tom同Summer第一次正式嘅傾計,就係呢段對話之後, Summer己經對Tom產生左興趣,甚至主動問佢係咪鍾意自己。

Tom喺呢度做啱咗一件事, 就係「否定亅, 當時兩人談到對愛情嘅認知, 並持相反意見, Tom無因為對面靚女而討好佢,反而勇敢地提出自己相信愛情既看法,就係因為佢咁做, 令Summer對佢產生好奇心, 卻亦是他在真正進入關係之後所失去的態度。

其實Tom並唔係真係好多人鬧得咁廢, 相反係條件唔錯嘅男仔, 所以打鐵還需自身硬。
首先喺職場上, Tom絕對係犀利嘅, 得到眾人嘅認同,喺辦公室圈子裏面, 佢就係優秀嘅男人, 加上身型外貌亦不俗, 呢啲都係人哋會想同佢試下嘅理由, 亦是我們要學習嘅第一點。

第二點, Tom其實很有趣, 睇到佢帶summer喺IKEA嘅互動調情,佢係一個幾好玩嘅人, 加上佢亦有自己聽音樂,建築設計方面等等興趣,都會畀人覺得係有內涵嘅人。

「我們不是朋友」
到呢幕佢哋已經開始嘈,Tom想要認真, 但係summer 俾唔到回應佢,但係至少Tom喺呢一刻仍然識得保持自己嘅需求,,沒有妥協進朋友圈,呢一點係要讚嘅。

呢度我哋先做一個小總結:
1.勇於表達自己
2.有事業能力
3.有社交認同
4.外型打扮
5.funny
6.尊重並保持自己的需求

(續)
2020-07-11 22:46:01
其實男人不外乎一句;Live your life

發生咩事都好,專注係自己生活同passionate嘅嘢,呢個先係你吸引到人嘅一面
2020-07-11 22:49:19
優點講完開始講缺點, Tom係點樣一步步邁向分手嘅結局呢。

先提一個俾人話得最多,貫穿全劇嘅一個死穴, 佢太被動。

Summer係一個想要就去做嘅女仔, 包括一開始喺電梯裏面,想搭訕就搭訕,喺打印機房,想錫就錫, 一切互動根本都係summer主導嘅, 於是呢度已經牽涉咗全劇最大嘅一個問題,「summer點解冇揀Tom。」

Tom其實做咗啲乜? 佢只係畀summer帶住開始關係,周圍玩下,上床,冇錯,連上床都係summer主動除衫誘惑嘅,反正就係吃喝玩樂, 如果係學生時期嘅初戀,咁樣或者已經夠, Tom亦都以為只要大家開心,關係就自然無問題。

導演喺佢哋睇電影「畢業生」果幕俾咗最大嘅提示, summer睇完喊哂覺得對於兩個人嘅將來一切都好迷惘,Tom係無意識到嘅, 佢忘記咗summer係唔識投入真心既人, 只係吃喝玩樂,總會有玩完嘅一日。

所以當結尾summer嫁咗人,佢哋相遇返,傾番嗰時嘅關係,summer話:
再睇返summer係點樣同佢老公結婚嘅? 係佢老公主動係書店搭訕,然後相識嘅時間好短已經主動求婚,可想而知係一個非常大膽,領導力非常強,一個好知道自己要做啲咩既人。

其實Tom是十分無奈的, 我完全明白佢既感受, Tom一路都想推進關係,卻苦無方法
佢係用一種提問嘅方式,而並非直接要求
當summer 猶豫不決或者reject嘅時候, Tom亦只能收起自己嘅需求, 乖乖地繼續呢段模糊嘅關係, 呢個時候佢已經做唔到一開始所講嘅勇敢否定對方,尊重自己需求, 而當佢喺無數嘅事情上面都係處於被動。

一個本身就唔相信愛情嘅summer更加無辦法覺得跟住佢可以去到邊。

仲有一點,Tom嘅事業都係自己妥協出嚟既, 佢其實唔想做寫賀卡呢份工,佢想搞建築設計,但係佢唔敢跳出自己嘅舒適圈,為難自己做唔鍾意做嘅嘢 ,相反summer係一個 非常主動,只要想做乜都去做嘅人,更加會覺得佢太懦弱, 呢個就summer回答無法確定嘅主因。

(續)
2020-07-11 22:54:35
小總結:
1. 要學習了解吃喝玩樂以外對方喺感情上嘅期望同真實需求。
2. 要大膽面對人生中嘅各種事項, 敢於追逐而不是不斷妥協。
3. 永遠要尊重自己嘅需求, 不要維持模糊嘅關係而期待修成正果。

「佢哋真係咁夾嗎?亅
成套電影以 Tom為視角出發, 喺Tom眼裏面,summer各方面都好正, 同佢一齊所有嘢都好開心, 似乎只係對方態度曖昧,一講到要認真,就不明不白。


但其實從呢張圖睇出 佢哋嗌交嘅次數其實唔少, 係一啲細節上面,看見到summer慢慢慢對佢失去興趣, ,但係佢冇諗過,其實好多興趣,大家未必一樣, 只係你淨係睇到開心嘅時刻。

一句老生常談,如果真係咁開心,點解人哋要同你分手呢?深陷於愛情嘅人 有太多盲點,值得我哋行遠D睇返清楚。

所以Tom其實一啲都唔差, 甚至summer呢個唔相信愛情嘅人, 亦曾經傾心於佢。

比如呢幕佢地嘈完, 因為summer對關係莫寧兩可嘅態度傷害到Tom,Summer竟然主動去佢屋企道歉,已經係一個非常之大嘅改變。

可惜當時嘅Tom 諗唔明呢一點, 佢問Summer:「點知你聽朝訓醒又會點」,Summer答佢:「唔知,無人知。」結果Tom也是沒有辦法。

唔敢去幫對方做選擇, 以為順其自然大家就會好, 否則的話結局可能唔一樣。
2020-07-11 22:57:39
Tom只係缺乏經驗, 最後亦有所改變, 咁但係呢一切,係因為我哋有上帝視角,可以馬後炮咁樣慢慢睇返清楚件事,喺瞬息萬變嘅現實生活裏面,每對男女都面對一啲唔同嘅問題 ,

可能summer係有依戀障礙,可能你同另一半出現緊其他狀況,咁有冇一啲大方向去遵守,即使一時間冇辦法分析清楚,亦都知道大概要點做?

我嘗試總結以下幾點:
1. 無論任何時候, 感情不是妥協出來的。

這個是多數人都會犯嘅一點, 可能係summer對你講唔想進入 serious relationship, 可能係關係當中你發現伴侶有好多過份要求, 你係唔認同嘅,但係佢話畀你知,想同佢一齊你就必須要咁做。

亦包括很多「佢已經冷淡我」,很多一些不公平對待,佢跟其他男仔眉來眼去,都是因為你最初開始就一點一滴地妥協出來的。

一開始的時候你以為不嚴重,佢話你知,你唔做好啲家務,就唔使同佢上床,咁咪做囉,好閒啫, 殊不知 從你答應開始,你已經變成一種被圈養既生物, 同你嘅性關係亦變成一種工作, 甚至佢已經唔會主動同你提出要做愛,你喺佢心中冇咗吸引力,到最後分開俾你好多理由,卻不知個核心其實係呢一刻開始。

(續)
2020-07-11 23:01:22
咁林兆波同林鄭應該真係好夾 唔係林兆波應該好愛佢
2020-07-11 23:02:40
「但係如果我唔妥協佢會離開我亅

無錯,好可能會, 你根本未有能力令佢心服,當然你可以選擇妥協,進入一段好似Tom咁樣嘅關係,但係結局佢都亦無辦法依賴你,你太弱,亦因為你的強忍和爆發,前後不一致,讓人感覺你無能,也無法有安全感。

呢個時候寧願華麗轉身,起碼會令佢保持對你既尊重,或者一段時間之後仲有緣份。

所以無論任何時候, 要敢於表達你自己, 無論對方點挑戰你,話你蠢話你矮 , 話你賺錢唔多點解黎溝我,你唔好受佢影響而迎合佢, 呢個你只能盡量記住,因為如果你無經驗, 現實中對方係有好多聽落非常之合理嘅理由黎指責你,你往往就會失去咗框架,所以你必須要,盡量記住呢一點。

2. 感情主導權掌握喺最唔需要嗰個人身上。

我哋如果想唔妥協,其實你一定要拎得起放得低, 唔係人哋知道你根本放唔低,你講咩都冇用。

3. 打鐵還需自身硬, 如果你越級打怪, 就唔好問點解打唔贏, 談領導之前, 先談談硬價值有多少, 如果你根本吸引唔太到人, 難怪人哋唔配合你。

4. 框架係捉大放小, 軟硬兼施。

實會有人話,相處當中係要有好多磨合㗎嘛, 冇錯,所以你要做到以上呢一點, 大方向你要把關, 比如Tom就係喺模糊關係上面妥協咗,後面佢約會嗰啲開心畫面幫助不大, 喺大框架之後,一啲小事情俾對方決定,適時展露溫柔嘅一面先係好事。
2020-07-11 23:13:37
最後一點

「不要相信命中注定」
雖然開篇講,搵一個夾既最重要,亦似乎係電影隱隱透露出黎既思想,
但這非常危險,會讓我們誤判局勢,不敢停損或過早離場。

其實「夫妻本是同林鳥,大難臨頭各自飛。」唔係否定感情,而係人非聖賢,本來就不應該期待童畫書一般純善的情節。

比起找一個太有默契既對象,更應該係我能讓關係變得更好,所以為什麼要反省,亦是活用於下一次。

大致寫到這裡吧。
2020-07-11 23:14:26
說得好
2020-07-11 23:16:00
不過已經失去咗,亦感覺怕咗serious relationship
2020-07-11 23:24:05
講得幾好
2020-07-11 23:26:14
長期是短期的延伸,不要有壓力和過份期待
2020-07-11 23:26:22
推畀更多人睇
2020-07-11 23:26:25
2020-07-11 23:26:42
2020-07-11 23:26:59
垃圾戲
2020-07-11 23:43:33
分析得幾好
本來真係覺得Tom麻麻
2020-07-11 23:44:57
2020-07-11 23:49:49
其實唔錯架啦,深情,工作能力好,一般人大概咁樣已經算高分,
好難下下占士邦。
2020-07-11 23:50:31
嗯,隨心啦,有時專注於自己仲有真實感。
2020-07-11 23:55:23
樓主分析得好好
但有時都不禁會諗,
「 感情主導權掌握喺最唔需要嗰個人身上」
如果一個人真係做得到呢一點嘅話,
其實呢個人係唔係真係鍾意對方?
2020-07-11 23:57:34
好文,推
2020-07-11 23:57:41
係鍾意的,拿得起,放得下,係一種境界。
2020-07-11 23:57:57
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞