拍拖八年求咗婚買咗樓 想分手

日常生活唔夾
性生活又唔夾
大家又無一齊為共同目標努力
樓主直頭講埋幻想唔到同女朋友嘅將來
趁早分手放低好過啦
俾嗰女仔早啲搵第二個
日常生活同性生活唔夾點過人世

分手啦💔⋯⋯
理由你自己都寫哂出嚟⋯⋯

拍拖8年都唔出聲迫你結婚既女人係邊度搵
你不如唔好數佢既缺點， 試下佢有咩優點先？

佢揾幾錢？
d 錢洗左去邊？

同埋唔好諗住搵第個會一定好啲，樓主講嘅野好多都係婚姻通病，我自己都面對緊，除非你話唔再結婚拍拖，下個恐怕都差唔多。或者試下慢慢傾下？，又或者傾唔到試下寫出來俾佢睇，咁就表達到自己意見，唔使俾人窒住窒住, 又可以俾時間另一半反應？
有啲時候話題太敏感，當面講好易變鬧大交，寫出來可能好啲，唔使當面為撐而撐。

笑左出聲
的確啊
你未計埋男人太老會甩頭髮 發福肥
其實最死係性能力

希望樓主真係認真搵適合既“商業partner”相濡而沫（越來越覺得婚姻係搵適合既合作夥伴多過純愛，但都已經係事實）
唔好隨便不負責任曬人世間
發現有問題就即刻行動，唔好好似對你而家呢個咁，拖到第八年

如果唔係呢d詛咒真係甩唔到：比o靚妹玩幾年飛 人地無打算照顧你落去

兩三年就講? 兩三個月都開始講了

其實睇完你一堆問題都唔覺得係咩大問題要同8年伴侶分手，唯一係貪新忘舊，所以舊女朋友任何問題都係當死罪一樣睇，難道你又覺得自己好完美？我信你女朋友個心都會一堆你既缺點，無人係完美，完美嘅女人你又夠資格要嗎？但你真係醜陋就真，唔識保養身體皮膚唔識同你狗仔式都可以比你放上網臭數。。。唔通你一世都唔會老？希望個女仔早日發現你真面目，千祈唔好嫁俾你，千祈唔好同你生小朋友，踏入婚姻就係「執子之手 與子偕老」，偕老呀，你知唔知咩叫老？人一定有佢缺點，人會老，皮膚會退化，身體會變差，包括你係男人你都會有不舉之時，都會出現冇頭髮，所以你直接同佢分手啦，唔好浪費大家時間

樓主接受唔到自己單方面付出咁，對方一句真性情就可以漠視自己任何缺點嘛，但最大問題係點解一齊到8年，仲要求得落婚

其實宜家只係睇到樓豬果邊
女方點諗唔知
而家咁樣講個女仔好唔公平

同意 同邊個一齊都要互相夾下

點知到上年頭我問佢儲咗幾多錢佢先坦白同我講無咩點儲 得幾皮野（講緊做左6年野有多）

你離開（一陣）其實係幫左佢

講撚到咁辛苦做咩姐

收佢皮啦

就係囉
依家都係樓主一面之詞數個女仔有幾多缺點
我剩係想講人無完人
呢啲缺點肯定唔係呢個星期先出現
但突然先黎係咁數佢
咁樓主自身有咩問題又有無細諗過
兩個人相處本來就係互相遷就㗎啦
最嬲係樓主未諗清楚就同佢求婚
仲要拎埋女仔個名做擔保按揭
即係點？得到你想要嘅嘢就開始嫌個女仔
8年感情8年青春絕對唔係少嘢
希望你地兩個坦誠相對傾出一個結果
亦都希望真係要分手嘅話
你賣樓唔好拖住個女仔個擔保囉

多數嘅所謂性生活唔夾，就係當男方想要時個老婆唔想俾，然後就俾人話唔夾，永遠都唔會關心吓老婆係咩原因唔想要，係工作壓力，定係身體不適？

有時發覺做女人都幾慘，做雞都話有錢收，做人老婆要隨時ready迎合男人需求唔俾又會俾人話性生活唔夾

出下軌、食下女、叫下雞，有助挽回感情，師兄試左未？

無話公唔公平
愛情不嬲無分對錯
喺樓主眼中條女乜都唔好既話
咁咪散算無謂勉強

同條女玩撚左8年，婚都求埋
一句唔岩就分手？
真係覺得條女好撚慘，但係唔岩就早d出聲

唔好覺得人地真係唔知自己衰係邊，只不過可能係差左少少“提醒”

我曾經同你一樣，又係未結婚就一齊買左樓，但相處上面仲係有條刺

最後我一獲過將所有野原原本本爆曬出黎，省左條女獲金既(已經盤算左層樓點處理)

宜家好地地搞結婚

我覺得重點之一係面對返你都有呢種不快情緒
唔好覺得自己係聖人 唔可以有負面野 唔係我驚你會爆

講真如果你話份工有問題所以你咁諗 唔係唔岩 但如果可以轉係人都轉左啦 問題就係轉唔到住 咁你另一半係呢個時候比唔到支持你 你可能係有問題 但佢都有問題囉

咁如果轉唔到工 就唯有轉人架啦

你講佢咁多 我最憎既一點係話想一齊搬出黎住但一年儲一皮野 真係唔該哂 訓街啦去