拍拖八年求咗婚買咗樓 想分手

你覺得佢care唔care你？

佢care 既

我估將上面既大意講佢聽 佢會有改變 但有啲野根本係佢性格

你淡咗，完。

工作際遇嘅嘢每個人條命都唔同，用轉工次數去衡量咩情緒管理，你同經濟日報果啲HR顧問有咩分別。當你條女抗壓真係低，佢死頂到焦慮症，你係咪覺得好啲？你都開到口唔想再係工作上俾支持佢，你仲覺得自己已經做得好好？

小鳥依人就真係性格，唔排除你哋耐咗佢當咗你屋企人，同佢講下你唔鍾意呢啲態度，睇吓有冇好啲啦

儲錢。呢個問題睇你地點deal。如果你哋將來有咁多計劃，點解一開始冇一齊儲錢？好多人理財觀念差，真係要人督促，開個聯名焗佢每個月入錢落去囉。佢有冇家庭負擔係另一因素。唔好同我講咩咁大個人自己應該要識諗，人人都識諗世界就唔會搞到依家咁，你同佢一齊8年，你唔清楚佢嘅金錢概念，你都有問題。你哋要結婚，即係未來你哋要互補不足，合作行完餘生，唔係怪對方做得唔好就完，咁係8年嚟你對佢都仲唔夠了解，定係你馬後炮，只有你自己最清楚。

買樓。你開你盤數俾佢睇，問下佢可以點囉，我夠想住獨立屋，俾佢睇下個budget，順便同佢講佢要夾幾多，佢唔夾都ok，咁咪考慮簽婚前協議，好fair。

性愛，唔識俾comment，但女仔都會有屌厭嘅感覺，試新嘢會痛會唔舒服，要慢慢嚟，等佢都覺得享受，就玩乜都得。條女保守就你唔好彩啦。

一叫到尾都係
你淡咗
感情要經營
趁未結婚，諗下點樣可以將8年感情keep到係三年嘅溫度，如果唔係你只會得到一個家人，你定佢偷食，都只係睇邊個頂到悶啲。

最後，講到自己乜都做到足，條女就乜都係缺點，你嘅性格應該都唔好得去邊。繼續行一定會難過分手，但幾肯定嘅係，換人你都一樣會有淡嘅一日，分別只係眼前人值唔值得你維繫。