［短篇］香港都市傳說 - 一筒歸西

今次要唔要突破下開到post 3

完全諗唔到有咩理由要信

（三十一）援兵（７）

聽到道袍男的提議，眾人當然不可能相信。

就在數分鐘前，雙方還在以性命相搏；數分鐘後，敵方卻聲稱可以協助你，這樣的事情有可能嗎？

不，不可能。

「雖然唔知你想點，但你死心啦，呢度無人會信你㗎啦！」

正宇這番話說得倒也不差，正常情況下的確不會有人相信道袍男所言。

「你唔信我，我無所謂，但係你哋就唔會知道點樣解開個詛咒。我可以好肯定咁講，如果唔係親身經歷過、處理過一次呢個詛咒，就算法力幾強嘅人，都無可能解得開呢個咒！」

道袍男的說話聽起來一點也不假，如果真如他所言，即使他們全部人安全離開這裡，最後安映的哥哥和他的朋友也是難逃一死。

「如果你哋要搏下出面搵唔搵到人幫你哋，你哋可以即管試下，不過就算搵到，夠唔夠時間去解開呢個詛咒，你哋可以自己諗下。」

道袍男再次說出這種無法分辨真假的話語，雖然不至於讓人全盤相信，但至少確實起到了作用，安映開始有點動搖了。

「你講真？你真係可以救到我阿哥同佢朋友？」

「我可以。」

道袍男的一句話，令安映動搖得更厲害。

「安映，你冷靜啲先啦，佢頭先先話被我哋破咗佢嘅法命不久矣，又幾十年修為都無晒，佢仲點幫我哋？而且，我哋害到佢咁，佢根本無理由幫我哋㗎。」

「係囉，正宇講得啱㗎。同埋你諗下，如果要再搵人做替死鬼嘅話，就算你阿哥同佢朋友無事，咁之後呢？佢哋真係可以當無事發生過咁生活落去咩？」

「怡欣，正宇，我明，你哋講嘅我都明。但係......如果真係好似佢咁講，出面無人幫到手，淨係得佢有辦法救到我阿哥，我依家放棄嘅話，就等於眼白白送阿哥去死。你又叫我點生活落去呢？」

三人雖然在輕聲低語，但道袍男好像察覺到他們的疑慮。

「你哋唔好睇少我呢幾十年嘅修為，失敗過一次，我就可以知道點樣去破解佢。我無晒法力，但一樣可以借助外力去救返佢哋。重點係，你哋肯唔肯比我幫手。」

道袍男的說話，明顯是針對著他們的疑慮所說，要說是偶然也太過巧合，所以這並未能得到安映以外的人的信任。

「你究竟有咩企圖？」

「我只係唔容許自己失敗，無錯，失敗唔應該存在喺我嘅字典入面。只要再一次，再一次我就唔會失敗，一定唔會。」

道袍男回應正宇時，臉上滿是不忿，看來這次的失敗對道袍確是有很深遠的影響。

「咁點做？我哋要點做先可以救到我阿哥？」

安映聽到這裡，再也按捺不住向道袍男求助。

「你想知咩？你過嚟我話畀你知。」

安映正欲上前，卻被正宇抓著。

「唔好呀，佢一定唔會咁好心幫你㗎。臭道士，你要講就喺度講，點解要安映過去你先肯講呀？」

「我唔需要同唔信我嘅人講，你哋亦無資格去聽。但小妹妹你唔同，你相信我，你相信我救到你阿哥，嚟啦，過嚟啦，我話你知應該點做啦。」

「好，我過嚟，但你應承我一定要話畀我知點做先救到我阿哥。」

「無問題呀。」

正宇欲制止安映，但安映卻回頭看著眾人。

「你哋唔駛阻止我，就算只有一線生機，我都要去試。多謝你哋肯幫我，但接落嚟，交返畀我啦。」

安映向眾人道謝後，便慢慢往道袍男走去。

「點算呀正宇，哲瑋，快啲阻止佢啦。」

「你話阻就阻咩，如果我哋夾硬拉住佢，點知佢會唔會怪我哋累死佢阿哥㗎。正宇你有無計呀？」

正宇搖了搖頭，雖然他跟安映相處的時間不多，但他很明白安映決定了的事情，是很難阻止的。

而且哲瑋的說話也不無道理，若在這裡阻止了安映，抹殺了拯救安映哥哥的可能性，安映可能會因此而想不開。

就在安映快要去到道袍男身旁時，想不到竟發生了這樣的事情！

有文喇

你竟然停喺呢度
小心今晚喺上環站一路騎住四不像 一路食豬腸粉！！

推

會長係時候出現

（三十二）援兵（８）

「正宇，哲瑋，快啲諗辦法阻止安映啦！」

「點阻啫，佢都講到咁囉。」

「唔得，我點都要阻止安映，如果佢之後要怪嘅，就怪落我度啦！」

正宇再也按捺不住，正欲衝上前方之際，竟有一個人比他更快行動。

那人突然從背後把安映推倒在地上，然後跑到道袍男面前，是和安映哥哥一同被帶來這裡，本應仍然暈倒的「一筒歸西」的涉事者 — 阿邦。

「你真係可以解開呢個詛咒？係咪呀？答我啦！」

阿邦緊緊抓著道袍男的衣領，焦急地詢問著。

道袍男看到阿邦來到面前時，先是愣了一愣，其後則露出帶有深意的笑容。

「估唔到又多一個實驗品。」

道袍男用小聲得不能再小聲的音調說出了這句話。

「咩呀？你講咩呀？我問你係咪可以解開呢個詛咒呀？」

「當然可以啦，不過我頭先應承咗話畀呢個小妹妹知，你咁樣好似唔係好啱規矩喎。」

「反正你可以解開詛咒，話我知同話佢知有咩分別啫？你救完我再救佢咪得囉！佢阿哥等得，我唔等得啦。我得返兩日時間咋！」

「原來係咁，咁你真係危急好多。不如咁啦，你問下個小妹妹佢肯唔肯讓你先囉。但先旨聲明，我只會救你哋其中一個。哈哈，哈哈哈哈！」

道袍男的說話癲三倒四，加上這帶點恥笑意味的笑聲，再一次證明道袍男不是真心想幫助安映。

「點解，你頭先唔係講個方法畀我知嘅咩？點解淨係救一個？點解？」

安映接受不了道袍男的說，失控地大喊。

「我頭係有應承你話你知點樣做可以救到佢哋，不過我無話要救晒佢哋喎．同埋呢個方法只可以用一次，我本來就係要你親手選擇放棄一條人命，哈哈。」

「安映，你唔駛理佢，條友根本亂講，佢由頭到尾根本就係想玩我哋咋。」

「怡欣講得啱，我哋根本唔駛聽佢講，只要制服咗佢，再逼佢交待點樣可以解咒，件事就完結啦！」

正宇話音剛落，便示意哲瑋和怡欣準備包圍道袍男。

「你哋唔好諗住咁樣我會屈服，就算畀你哋捉住，我係一句嘢都唔會講，到時你哋連一個人都救唔返！」

道袍男雖然嘴上放出狠話，但身體卻是往後退了一步，似是在為逃走做準備。

就在雙方如箭在弦之際，阿邦抓著道袍男再次詢問。

「你係咪真係可以救到我哋是但一個？」

道袍男聽到後，在阿邦旁邊細語了幾句，阿邦臉上瞬間蒙上一層灰色，若有所思地回頭看了安映一眼。

「機會錯過咗就無㗎啦。」

道袍男說了這句話後，阿邦眼神變得堅定，然後點了點頭。

這些小動作全都看著正宇他們眼內，正宇馬上大喊。

「大家小心，個道士好似想做啲咩！」

正宇的猜測不錯，只見阿邦從道袍男手裡接過一把小刀後，狠狠地在手臂上劃了一下，鮮血馬上從手臂湧了出來。

道袍男把阿邦手臂上的血液塗抹在臉上，本來精神萎靡的樣子，突然恢復了神采。眾人還沒有意識到發生甚麼事之際，道袍男已結起手印，令眾人不能動彈。

「我哋走！」

「但你唔係話要......」

「我嘅力量唔係真正恢復，阻唔到佢哋幾耐，離開呢度再從長計議。」

道袍男拉著阿邦逃跑，兩人的身影緩緩消失在眾人眼前。

「可惡，終於郁得返啦，你哋無事呀嘛？」

正宇望向其他人，哲瑋和怡欣點了點頭，唯獨是安映沒有回應。

只見她一臉愁容地看著仍然暈倒的韋洛，可以感到她那種發自內心的擔憂。

雖然人是救到了，但接下來又可以做些甚麼，難道真的只能看著韋洛等死了嗎？

明天至星期日將會為我參加比賽的小說做最後整理，「一筒歸西」將會以龜速至冬眠的狀態書寫，預計星期一才會回復正常，敬請留意

樓主加油 等你

加油呀

巴打！好耐冇見！如果唔係上咗熱門都睇唔到
唔知巴打仲記唔記得我
以前有睇開子峰

留名

自膠 原來係我一開版面吹水台見到樓主個po

無啦，post2都開唔到

四不像食豬腸粉有得諗

咪玩啦頂，點會唔記得

做咩咁耐唔寫文呀巴打
仲記得嗰陣返住份垃圾工靠睇你故渡日

Btw Live咗
文筆比以前更好
快手出文啦！

嗰排起咗個新故，唔知做乜中間寫唔出
又唔想棄故，又唔想開新故
就放咗喺度一直無出文
之後返嚟執埋個尾，總算可以開始寫新故

多謝支持，會繼續寫

上年我都有keep住睇吓會唔會出咗新故
今年加油出多啲好故

Btw要等到星期一先有

呢段非常寫實。

今年應該會寫多啲㗎啦
同埋嚟緊都會抽時間幫子鋒埋尾（正式收佢皮）
星期一話咁快就到

兩日追哂樓主全部故
比賽加油

初黎報到