［短篇］香港都市傳說 - 一筒歸西

係咪順住校園故事睇?

打錯咗
返去執返晒啲字

原來有子峰 一開頭以為無

子鋒次序係
紅衣 -> 十不思議 -> 澳門 -> 無能子鋒 -> 子鋒完結篇 （預定八月開始連載）
預定翻外篇
天命叔中山遊（時間軸：十不思議期間）
拯救黃炎冰（時間軸：無能子鋒後 ， 完結篇前）
暫定係咁

客串下

炎冰呢個名好耐無聽過

我啱啱都睇返自己寫嘅嘢
跟手再望下被我自己睇嘅大綱，我發現我只係update到去澳門篇，啫係我要更新返個故事大綱先可以寫

（四十八）安映的危機（９）

正宇看著眼前這一幕，不敢相信竟會出現這種狀況。

原本手腳應該被釘著，身體十分虛弱的安映。

在發出了慘叫聲後，硬生生把被釘著的手腳拔了出來。

而且，她更用那穿透了手掌，沾滿了鮮血的釘子，刺向阿邦身上。

「點解......」

阿邦完全沒有想過安映會發動如此奇襲，腹部被釘子一下貫穿了。

受了安映的一擊後，阿邦掩著腹部跪在地上，大量鮮血從腹部流出。

「發生咩事？」

正宇還沒有從如此震撼的場面恢復過來，眼前又發生了異變。

只見阿邦整個人倒在地上，身體因失血而抖動著，臉上的表情仍是一副無法接受的模樣。

安映靠近了倒在地上的阿邦，把藏在身上的符咒貼在阿邦頭上。

然後便看到一絲黑氣從阿邦身體裡慢慢跑出來。

雖然正宇沒有親眼看到那道士把詛咒轉移給安映哥哥的過程，但從阿軒他們口中已經了解到當時的情況，正宇大概猜到現在的情況，心裡暗叫不妙。

這時正宇才發現子鋒沒有追上來，雖然不知道原因，但現在也只能由他想辦法了。

看到安映右手一直按著阿邦的頭，正宇嘗試慢慢靠近，希望能阻止安映。

「企喺度！」

安映的說話仿佛帶有魔力一般，正宇聽到後竟真的停下了腳步。

「你......唔係安映，你到底係邊個？」

正宇聽到安映的聲音，但本能地感到她有點不同，大膽地提出質問。

「哈，明明我係用緊佢把聲，點解你會發現？」

此時的安映，聲音不再是那甜美怡人的感覺，而是變成了一種低沉，略帶滄桑的感覺。

而更重要的，是正宇有聽過這把聲音！

「臭道士，係你？放咗安映！」

「你都傻傻地，我咁辛苦帶佢過嚟成為呢個詛咒嘅容器。邊有可能放過佢，你都係慢慢企喺度睇戲啦。」

正宇在聽著的同時，一直嘗試移動他的身體，但身體卻不受控，一步也無法前進。

「大師......點解......」

躺在地上的阿邦，聽到了二人的對話，他廢盡了全身的力氣擺動右手，抓著安映的手腕，氣若遊絲地質問對方。

「傻仔，怪就怪你信錯人啦，由始至終，你都係我嘅實驗品。我原本就諗住如果你失敗咗，我就再捉埋呢個女仔個阿哥過嚟去轉移呢個詛咒。呢個詛咒被我學過嘅降頭強大太多啦，我一定要得到佢。而你，我都好感激，感激你將你嘅血肉分畀我，等我嘅力量可以恢復得咁快。」

阿邦聽到後，兩眼死死地盯著安映，既後悔，又無奈。
只是，當中亦有一點愧疚，大概是人之將死的關係，阿邦突然覺得，如果他沒有聽那道士的說話，至少不會連累到安映。

「安映，韋洛......對唔住......」

「死到臨頭都仲幫其他人諗，真係太感人啦。為咗你好，我會好好咁善用呢個詛咒同呢個女仔嘅身體。」

安映手上用力一按，黑氣從阿邦體內激發而出，阿邦徹底失去知覺，暈死過去。

只見黑氣被之前從阿榮體內抽出時更加巨大。

「果然，每殺一個人，個詛咒力量就會增強。真係好想知道放任呢個詛咒一直殺人，會成長到咩地步。」

安映雙目發光地看著這團黑氣，仿佛看到甚麼寶藏似的。

「過嚟啦，呢個軀體係你㗎啦！」

安映張開雙手，迎接著飄向她的那團黑氣。

難道正宇只能在旁邊看著這一切的發生？

好緊張 子鋒去咗邊
心巴今日早咗喎

Happy Friday ar ma

新讀者一嚟就live咗
提提樓主執返好啲被/比/俾(/畀)

早兩日睇咗頭十章 見個故未完就出返去廢事live
但始終心掛掛屎忽痕走返入嚟 然後live咗
想睇呢篇完咗先開子峰嘅故事嚟睇呀

（四十九）安映的危機（１０）

子鋒在看到正宇跑走後，亦立即從後追上。

當子鋒來到分岔路口前，卻停下了腳步，並且仔細觀察兩條道路。

子鋒眉頭緊皺，像是不太確定應該往哪邊走才對。

想了一下後，子鋒拿出了一道黃符，口中默念口訣數遍後，便把黃符拋到半空之中，以桃木劍刺向黃符。

桃木劍刺向黃符，這一劍並未刺穿黃符，因為在觸碰到黃符之前，符咒已燃燒起來。

黃符燃燒的時間十分短暫，大約一秒後便已消失不見。

但在火炎熄滅前，黃符已替子鋒指出了道路。

「右邊嗎？唉，點好呢，佢走咗去左邊......」

子鋒嘴上嘀咕了幾句，抓了抓頭，看來有點下不了決定。

「算啦，有人睇實佢應該無事嘅。擒賊先擒王，就呢邊啦！」

子鋒在說了一句語意不明的話後，便獨自往右邊走去。

右邊的道路不如左邊般順暢，除了經常出現分岔路，亦佈滿了不少機關和小鬼，目的不在於收拾入侵者，而是在於爭取時間。

如果修為稍有不足的人，要通過這漫長的道路想必也是十分困難，而且即使能安全通過，只要走錯一步，所花的時間至少要多兩到三倍。

如果是數年前的子鋒，可能還會受到一定的考驗，但經過了大學的一役後，再加上畢業後的持續修行，這些雕蟲小技已不可能對付得了子鋒。

把那些機關陷阱一一拆解後，子鋒總算來到一個寬闊的空間，目測大概有半個足球場大吧。

而在這片寬闊的空間裡，正中間的地方，有一個人正閉目打坐，他正是子鋒正在追尋的元兇，把安映擄走了的道士。

子鋒看到他在打坐，並沒有貿然靠近，而是撿了一顆小石子，用力扔向那道士。

這一下的勁道絕對不容忽視，要是命中要害，雖不致死但也肯定能對對方造成不小的傷害。

只是，這狡滑的道士怎可能任由自己曝露在危險之中，小石子來到道士身前約兩米處，突然碎成了粉末，就像在道士前方有一道無堅不摧的屏障一樣。

「唉，垂死掙扎。臭道士，你依家投降嘅話我可以放你一馬。」

子鋒邊說話邊繞著道士慢慢移動，像在觀察著甚麼似的。

「臭小鬼不知天高地厚，憑你就想對付我？」

那道士的嘴唇分明沒有移動半分，但他的聲音卻清楚地在這個空洞之中響起。

「我就係不知天高地厚，以前先會過得咁慘。不過呢，依家嘅我要對付你係綽綽有餘，我講多次，投降罷啦。如果你肯投降，我應承你唔會破你法，只會驅走你身上嘅邪道。只要你肯乖乖地接受懲罰，改過自身，之後仲有機會修成正果。」

經歷了十年生死劫的子鋒，早已不像從前般莾撞。而出來工作後，經過了世間人事的歷練，現在即使面對懷著敵意的人，亦不會咄咄逼人，反而會替對方留一條活路，大概，這就是所謂的成長吧。

「投降？改過自身？修成正果？哈哈哈哈，唔好引我笑啦！要我放棄咁多年嘅修為接受懲罰，仲要再嘥十幾廿年去修成你口中嘅正果？無可能！」

道士語氣變得強硬，說話的同時，子鋒能清晰地感到洞內那強烈的震動，那不是地震，而是道士利用他的靈力影響子鋒身邊的氣，對子鋒作出威嚇。

而這樣的舉動，亦等於道士不接受子鋒的建議，並向子鋒正式發出戰帖。

「唉，你我本是同道，又何苦要走到呢一步呢？」

子鋒搖了搖頭，深深嘆了一口氣。

「同道？我係暗你係光，我係黑你係白，我哋永遠都係相反嘅存在，唔會有交錯嘅一日！」

「既然係咁，我都無辦法。」

子鋒說話的同時，在道士四周的地方突然冒出了好幾道光芒。

仔細觀察後便能發現，剛剛子鋒移動過的地方，都貼了黃符，看來子鋒已料到道士不會合作，在說話的同時已準備好對付他的方法。

光芒所到之處，能聽到一些像是玻璃破碎的聲音。

直到光芒消失後，子鋒慢慢走近道士，剛剛保護著道士的屏障已然消失。

「好啦，投降啦。」

子鋒來到道士前方，給多他最後的機會。

「投降？我承認你嘅功力比我高，不過，今次係你輸咗！」

道士臉上露出了自信的笑容，看來還隱藏了甚麼把戲。

多謝提醒啲錯字，我要慢慢搞
呢篇應該今個月會完

嗚啊越來越想追返子峰嘅故事
等你埋呢個故嘅尾呀樓主

子鋒依家咁堅揪

呢個時間線嘅子峰係咪已經過咗終結篇嘅時間線？

係，出嚟做嘢兩三年

好 睇到兩篇正

其實讀落去有啲奇怪 有陣時有個角色話心入面/本能上要做啲野 好似之前救個中咗咒既人 點都要拎埋個骨灰龕 上一篇就本能上覺得唔係安映

仲有好多個都係咁 哩啲話係伏筆又唔係 好似係無啦啦安插落去既一啲冇編排過既轉折位

一黎上面既情節好突兀
二黎啲故事線其實對比以前啲故好亂 好似無啦啦諗啲劇情出黎 冇編排
三黎出文慢（明白作者係提供免費娛樂 感謝）加埋8個難記既冇咩特色人名 追得/記得好辛苦... 決定等樓主一次過出曬再追！真係每睇一篇都要重新諗過邊個打邊個...

好啦，我寫完之後重新執一次啦
執完會抆走子鋒嗰部分
到時會變返以前嘅都市傳說
利申：會寫完先再搞

（五十）安映的危機（１１）

「你話我輸咗？」

「無錯，我相信你一早已經察覺，我做咁多嘢都只係為咗拖時間。而依家，時間到啦，你再唔係我對手。」

道士自信地看著子鋒，然後手中結印。

「臭小鬼，去死啦！」

道士完成結印後，兩手指向子鋒，但子鋒卻沒半點緊張，只是靜靜地看著。

時間一秒一秒的過去，過了短短數秒後，道士終於發現了不妥。

「點會咁？無可能......再嚟，急急如律令，欶！」

道士發現手印無效後，臉上馬上蒙上了一層陰影，頭髮亦以肉眼可見的速度在變白，他仍不明白為甚麼結印會失效。

「一早叫你收手㗎啦，又唔聽。依家你控制唔到個詛咒仲被反噬，就算後悔都嚟唔切㗎啦。」

「無理由，明明我已經操控咗個女仔......係你，你做咗啲咩？」

「你唔駛咁激動，我咩都無做。」

「無可能，如果無人阻止，個詛咒應該已經為我所用！一定係你！」

子鋒看到道士像瘋了般看著自己，不禁輕輕嘆了口氣。

「其實本來你拖延嘅戰術係成功嘅，天命叔喺我出發前已經提咗我，對付道士同鬼怪唔同，唔可以太仁慈，但結果我都係被你成功拖延到時間。呢次我都叫上咗一課，既然你咁想知道點解會無效，不如你直接問佢啦。」

子鋒向入口位置指了一指，只見安映和正宇已經來到入口處，慢慢走向子鋒。

「哇，乜個女仔傷成咁呀？」

子鋒看著安映的四肢血跡斑斑，臉色蒼白如雪，不禁皺了皺眉，然後看了道士一眼，像在後悔沒有早早收拾他一樣。

「你唔好淨係望啦，快啲幫下個女仔啦。」

只見安映對著子鋒大喊，語氣中好像在說別人的事一樣。

「得啦，你唔好再郁啦，我依家過嚟。」

子鋒聽到後馬上來到安映身旁，緊急處理安映身上的傷口。

「搞掂，你唔好喺佢度啦，快啲出返嚟等佢抖下啦。」

「知啦，正宇你過嚟扶實安映。」

正宇聽到「安映」的呼喚後，馬上過來扶著安映，然後一秒前仍在說話的她，此刻卻像脫力了般暈倒在正宇身上。

三人分明在處理著安映的事情，但根據談話內容，卻像是有四個人一樣，到底怎麼回事呢？

「原來......原來係咁！仲話咩正派邪派，你自己咪又係用鬼仔嚟幫你！」

道士在旁邊看到三人，突然明白了甚麼。

「鬼仔？唉，你真係搞錯晒。」

「我先唔係咩鬼仔，臭道士！」

在子鋒回應的同時，他的身旁顯現了一個模糊的影像，慢慢的，那影像變得愈來愈實在，甚至能看到她的外觀，是一名樣貌清秀的少女。

「你唔係鬼仔係啲咩？唔通......無可能......」

「就算係靈體，只要行正道一樣可以修煉成仙，關鍵睇你選擇行條咩路。不過，你啱啱已經放棄咗呢條正路。」

道士難以置信地看著子鋒，不願意相信他的說話。

「我咪講咗我唔係咩鬼仔囉！不過你啲邪門歪道，唔覺得我哋可以修成正果一啲都唔出奇。」

「算啦小詠，唔好同佢講咁多啦，中咗『一筒歸西』嗰個人呢？」

「你話阿邦呀嘛，喺我上咗安映身之後，佢就走甩咗，我諗佢應該唔得㗎啦。」

「連你都阻唔到佢？」

「無辦法啦，個臭道士用鬼仔操控住安映，我又要趕走隻鬼仔，又要保住安映嘅靈魂同軀殼，無辦法之下只可以任得佢走。」

「唉，唯有盡力試下搵佢啦，唔好講啦，我哋快啲出去，仲要送安映去醫院。」

「咁個道士點？」

小詠指了指仍在混亂狀態中的道士。

「帶埋佢出去啦，睇怕佢都做唔到啲咩㗎啦。等佢出去接受應有嘅懲罰啦。不過佢咁嘅狀態......小詠，要拜託你幫幫手上佢身啦，我想盡快離開呢度。」

小詠聽到後露出一臉嫌惡的神情，然後望向子鋒。

「乖啦，呢度得你可以上佢身帶佢走㗎咋。」

「唉......好啦。」

正當小詠準備動手之際，道士突然發狂。

「我無輸！我唔承認！我唔承認！就算我要死，都要拉埋你哋陪葬！」

子鋒和小詠察覺到不妥，便想馬上制止那道士。

只是道士的動作比他們更快，當他們意識到道士有異時，他已用小刀刺穿了自己的心臟。

然後地洞裡傳來猛烈的震盪。

「仆街，臨死都要搞咁多嘢！正宇，我哋要即刻走啦，跟實我；小詠，安映就交畀你啦！次次都唔畀我輕輕鬆鬆搞掂！」

子鋒話音剛落，所處的洞穴便開始出現崩塌，三人一靈體只好馬上逃走。

尋日追到live左就睇左樓主頭2個子鋒故
好正