［短篇］香港都市傳說 - 一筒歸西
心層次
536 回覆
109 Like
8 Dislike
第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁
小詠都無事就太好了
番去追晒子鋒之前啲故 好正
樓主以前係咪寫過城大四不像？
太耐冇追故 已經唔係好記得個作者名
太耐冇追故 已經唔係好記得個作者名
多謝支持
雖然嗰陣文筆相對稚嫩
但你睇得開心就好
雖然嗰陣文筆相對稚嫩
但你睇得開心就好
竟然有人記得蛋黃哥
小詠到底幾時先可以擺脫子鋒
追晒都要啲時間
多謝支持
多謝支持
被你發現咗
係我嚟，你耐無追時我都耐無寫啫
打和super
係我嚟，你耐無追時我都耐無寫啫
打和super
睇住心巴文筆一步一個腳印 第一次追係fb無端端recommend咗十年後嘅紅衣女孩 跟住煲返晒d故 再追到live埋個澳門故同都市傳說 再之後無能故同個天星小輪等咗幾年 終於等到完埋同開新故
原來好多年之前已經睇過你既腸粉故同其他👍🏻
一見到 香港都市傳說 六個大字咩回憶都返晒嚟
由你開呢個post個日已經留定名
今日先入嚟睇
竟然仲未完
btw已經唔係好記得子鋒啲故
今日先入嚟睇
竟然仲未完
btw已經唔係好記得子鋒啲故
（五十一）安映的危機（１２）
「個臭道士整埋晒啲陰濕嘢，邊有人預咗自己會死，仲要預埋搵人陪葬！小心！」
子鋒邊跑邊抱怨，還得照顧著身為一般人的正宇，伸手拉了正宇一把，避開了頭上的落石。
「你咪講咁多嘢啦，快啲搵路走啦。」
小詠再次附身在安映身上，緊跟著子鋒，讓子鋒可以少一分顧慮。
「咪搵緊囉，個道士如果唔係行歪路嘅話，應該喺陣法方面會有一番成就。」
「點解咁講？」
小詠好奇地問。
「因為......我到依家都搵唔到出口囉！」
「吓？咁點算，正宇就嚟頂唔順，安映個殼都捱唔到好耐。」
「我......我無事，最緊要可以令安映安全出返去。」
雖然聽得出正宇有點勉強自己，但仍未到完全走不動的狀態。
只是，再拖下去三人一靈體可能會被埋在地洞裡不見天日。
「無辦法啦，搏一搏啦。你兩個過嚟我身邊，唔好踩到我個陣呀。」
子鋒邊說邊在地上以朱砂刻劃出一個陣法。
「子鋒，得未呀，就嚟冧啦。」
「唔好吹啦，得啦！祖師爺保祐呀！」
子鋒結好手印，嘴上不斷唸咒，直至地洞頂端崩塌，大量沙石落在他們身上，三人就這樣被沙石活活埋葬。
「沙沙，沙沙」
在沙泥中突然響起了這樣奇怪的聲音，然後，一隻手從泥裡破土而出。要是附近有人在的話，大概會嚇個半死吧。
「出，出嚟啦！」
重見光明的子鋒，激動地大喊了一聲。
「呸呸，次次同你一齊去捉邪驅鬼都無好事發生。」
小詠操控著安映的身體，把身上和口裡的泥土全部弄掉。
「仲好講，如果個維園阿叔肯自己嚟嘅話，駛鬼搞成咁咩。好在臨尾個陣有效啫，如果唔係都唔知點算。咦？正宇呢？」
「喺呢度呀，快啲幫手拉佢出嚟啦。」
子鋒見狀馬上來到小詠旁邊，用力把正宇拉出來。
雖然正宇仍然清醒，但看來已經疲憊不堪。
「哇，你個樣好唔掂喎。」
「我無事......你哋快啲，快啲帶安映去醫院，我擔心佢身體有咩事。」
正宇的精神明顯已快要到達極限，卻仍然以安映的身體為先，看來安映在他心中的確佔了很重要的一席位。
「得啦，放心啦。出到嚟就唔會有事㗎啦，我依家即刻送你同安映去醫院。小詠你暫時附身喺安映度先，等救護車嚟度先離開佢身體啦，我照顧唔到兩個人。」
小詠點頭示意明白，子鋒亦拿出手機報告了現況。
「搞掂，好快有白車過嚟，你哋抖下啦。總算無驚無險完成今次件事。」
子鋒伸了伸腰，看來今次的事件也令他感到疲累。
正當三人在原地休息，等候救援之際，在三人身後不遠處，亦出現了「沙沙，沙沙」的聲音，一隻奇怪的手從泥裡破土而出。
難道，那道士仍未死去嗎？
「個臭道士整埋晒啲陰濕嘢，邊有人預咗自己會死，仲要預埋搵人陪葬！小心！」
子鋒邊跑邊抱怨，還得照顧著身為一般人的正宇，伸手拉了正宇一把，避開了頭上的落石。
「你咪講咁多嘢啦，快啲搵路走啦。」
小詠再次附身在安映身上，緊跟著子鋒，讓子鋒可以少一分顧慮。
「咪搵緊囉，個道士如果唔係行歪路嘅話，應該喺陣法方面會有一番成就。」
「點解咁講？」
小詠好奇地問。
「因為......我到依家都搵唔到出口囉！」
「吓？咁點算，正宇就嚟頂唔順，安映個殼都捱唔到好耐。」
「我......我無事，最緊要可以令安映安全出返去。」
雖然聽得出正宇有點勉強自己，但仍未到完全走不動的狀態。
只是，再拖下去三人一靈體可能會被埋在地洞裡不見天日。
「無辦法啦，搏一搏啦。你兩個過嚟我身邊，唔好踩到我個陣呀。」
子鋒邊說邊在地上以朱砂刻劃出一個陣法。
「子鋒，得未呀，就嚟冧啦。」
「唔好吹啦，得啦！祖師爺保祐呀！」
子鋒結好手印，嘴上不斷唸咒，直至地洞頂端崩塌，大量沙石落在他們身上，三人就這樣被沙石活活埋葬。
「沙沙，沙沙」
在沙泥中突然響起了這樣奇怪的聲音，然後，一隻手從泥裡破土而出。要是附近有人在的話，大概會嚇個半死吧。
「出，出嚟啦！」
重見光明的子鋒，激動地大喊了一聲。
「呸呸，次次同你一齊去捉邪驅鬼都無好事發生。」
小詠操控著安映的身體，把身上和口裡的泥土全部弄掉。
「仲好講，如果個維園阿叔肯自己嚟嘅話，駛鬼搞成咁咩。好在臨尾個陣有效啫，如果唔係都唔知點算。咦？正宇呢？」
「喺呢度呀，快啲幫手拉佢出嚟啦。」
子鋒見狀馬上來到小詠旁邊，用力把正宇拉出來。
雖然正宇仍然清醒，但看來已經疲憊不堪。
「哇，你個樣好唔掂喎。」
「我無事......你哋快啲，快啲帶安映去醫院，我擔心佢身體有咩事。」
正宇的精神明顯已快要到達極限，卻仍然以安映的身體為先，看來安映在他心中的確佔了很重要的一席位。
「得啦，放心啦。出到嚟就唔會有事㗎啦，我依家即刻送你同安映去醫院。小詠你暫時附身喺安映度先，等救護車嚟度先離開佢身體啦，我照顧唔到兩個人。」
小詠點頭示意明白，子鋒亦拿出手機報告了現況。
「搞掂，好快有白車過嚟，你哋抖下啦。總算無驚無險完成今次件事。」
子鋒伸了伸腰，看來今次的事件也令他感到疲累。
正當三人在原地休息，等候救援之際，在三人身後不遠處，亦出現了「沙沙，沙沙」的聲音，一隻奇怪的手從泥裡破土而出。
難道，那道士仍未死去嗎？
決定再頭睇一次呢個po先
巴打呢個故會有幾長
巴打呢個故會有幾長
沒文章的第二日 
點解出隻一筒四家食糊
文筆幾好，支持
諗起奇幻潮
仲有十話左右，希望今個月前收尾