［短篇］香港都市傳說 - 一筒歸西

痴線嫁樓主一次過出曬

三萬

而家每次打牌打到三萬一定加句thanks

嗚啊一返嚟就可以睇到尾 好幸福
可以安心開返子鋒嘅故事嚟睇了

多謝你

嚟緊會將子鋒故埋尾，應該有排寫

多謝支持

我都覺得自己痴咗線

三萬一定thanks

子鋒啲故都多多地，慢慢睇

你嘅短篇竟然咁快完
好期待下一個

好多文 一陣慢慢睇

真．短篇

好快睇晒

個小彩蛋係咪安映同正宇嘅故事
想追返之前啲故但又驚... 我琴晚追完你個故真係發惡夢

有諗過寫，但可能暫時留白
主要因為呢一次嘅都市傳說，整咗個 奇聞異事學會 出嚟，係為咗之後可以寫啲圍繞住佢哋幾個，以及用呢個學會嚟帶出更多都市傳說

嗚 樓豬快啲出子鋒篇 好想睇

度緊度緊，歡迎繼續追稿

彩蛋：一筒歸西 - 尚未結束（一）

「喂，正宇，點呀你，又話十點鐘中環碼頭等？」怡欣那高分貝的聲音響遍整個中環碼頭。

「Sorry呀，我好似有啲唔舒服，未必同到你哋去長洲。」電話另一邊傳來正宇聽來有些虛弱的聲音。

「唔好扮晒嘢喎，溝到女就唔識人呀？」哲瑋在怡欣旁邊大喊。

「無扮呀，堅唔舒服，可能噚晚送安映返屋企淋咗少少雨，依家個人有啲攰。」

「正宇你唔駛理佢兩個，真係唔舒服就唔好嚟啦。」阿軒的回應總算比較有人性。

「我陣間會去睇醫生，食少少藥睇下有無好啲啦，有好啲我再入嚟搵你哋。」

「記得入嚟呀，我哋等你打牌呀！」怡欣說出去長洲的其中一個目的。

「係呀，三缺一唔好玩㗎。」哲瑋也附和。

「你兩個咪嘈啦，畀正宇抖下。正宇你睇完醫生之後休息下，入唔入到嚟都無所謂，我哋去到拎完渡假屋再Whatsapp你啦。」

「好啦，對唔住呀......咳咳，咁我瞓陣再睇醫生。」

怡欣和哲瑋再說了兩句廢話後，便掛斷了電話。

「咁依家點呀，得我哋三個？」

「點？梗係照入去啦，我預咗入去燒嘢食㗎！」

哲瑋和怡欣看著阿軒，等待著他的決定。

「渡假屋都訂咗，行啦。」

阿軒以行動代替回答，兩人亦隨之而跟著。

大約一小時後，三人便下船，亦在碼頭附近找到負責人拿到渡假屋的鑰匙。

「鎖匙交畀你哋啦，有咩需畏打畀我啦，聽日一點前退返條匙就得㗎啦。」

「唔好意思呀，我哋幾個無入過嚟住，可唔可以帶我哋過去？」

怡欣那正常的提問，負責人臉上卻露出了些許遲疑的神色，雖然稍縱即逝，卻仍然被阿軒看在眼內。

「我要看住個檔口唔係咁方便，你哋沿住呢條路直行上去再問人啦，好易搵㗎咋。」

既然負責人這樣說，三人也不便再說甚麼，便拿著鑰匙自行尋找東堤小築的位置。

「你哋兩個有無留意頭先個人，聽到我哋叫佢帶路之後，面色變得有啲難睇？」

怡欣和哲瑋搖了搖頭。

「可能天氣熱唔想行嚟行去啫。」

「可能係啦。」

雖然哲瑋說的也有可能，但阿軒還是有點放不下心。

三人走了一會，總算來到東堤小築的入口處，哲瑋看到這外表，忍不住說。

「終於到啦，哇，呢個東堤小築都幾......幾有個性喎。」

然而這邊的渡假屋外觀看起來十分破舊，雖然明顯看得出來有經過翻新，但仍無法掩蓋那種殘舊的感覺。

「話唔定屋入面會好啲呢，行啦。」

怡欣雖然也有點被這渡假屋的外表嚇到，但仍對屋內抱有一絲希望。

阿軒拿著鑰匙，走到租用的房間前。

打開房門後，屋內傳來一陣舊樓獨有的氣味，應該是那種類似發霉的味道吧。

「哇，呢陣咩味嚟？咁臭嘅！」

站在阿軒身後的怡欣也感受到那股怪味，不期然吐出心聲。

「哇，係喎！有無得換房呀？」

哲瑋也捂著鼻子，看來不是很好受。

「等我開燈同開返晒啲窗先。」

阿軒走進屋子裡，把窗簾拉開和打開窗戶，再把屋裡的抽氣扇和風扇等都一一啟動。

過了一會後，屋裡那種奇怪的氣味總算消失。

「望落間屋都無乜問題。」

阿軒在房間內逐一檢查，確保電器都能正常運作。

「係囉，睇落啲嘢都幾新淨。」

雖然一開始是被房內那奇怪的氣味嚇到，但仔細看房裡的傢電，能發現房裡明顯經過翻新，傢具甚至是全新的感覺。

「咁點先，我哋係住呢度啦嘛？係嘅我就放低啲嘢啦。」

哲瑋說完，阿軒和怡欣對望了一眼，便開始放下行裝。

三人整理好後，時間已然來到正午。

「好肚餓，我哋出去食嘢啦。」

「係囉係囉，出去食海鮮啦。」

「好啦，咁我哋依家出去食啲嘢，行一陣再去街市買料今晚燒嘢食。」

決定好後，三人便瞬速離開，殊不知離開的同時，屋裡的落地玻璃門悄然無聲地打開了。

用左一個星期，不眠不休咁睇晒作者所有都市傳說同陳子鋒系列，都係個句，大佬幾時寫埋佢睇完無能鬼覺得好空虛，同埋可唔可以bbq做結尾，想睇子鋒同啊奶好返

同埋成個故事令我諗起死神 子詠就係lugia rukia 子鋒就係一護，一樣有黑同白

睇完都係好掛住阿奶 唔知結局篇會唔會有多啲戲份

新讀者留名 好好睇
之前啲故可以係邊到追番

彩蛋：一筒歸西 - 尚未結束（二）

「長洲啲海鮮餐都幾平，每人都唔駛百五蚊。」

「平就平啦，不過唔係咁好食啫。」

「咁嘅價錢食到五樣餸，差唔多啦。點呀，你哋想依家去買定嘢食先，定周圍行下先？」

三人吃過飯後，便捧著大肚子離開，阿軒詢問二人意見的同時，亦給正宇發了訊息。

「食到咁飽，天氣又熱，嗱嗱聲買完嘢返去抖下吹下冷氣啦。」

「今次我就贊成哲瑋啦，不過我哋預幾人份好呀？正宇又唔知嚟唔嚟。」

「我啱啱Whatsapp咗佢，佢連睇都無睇，應該唔嚟多㗎啦，我哋預三人份量先啦。最多佢真係入嚟嘅話，再去超市買啲肉返去燒囉。」

三人商議好後，便出發去搜購燒烤的用具。

「哇，痴線㗎，熱到我呢！都叫你唔好掛住睇衫㗎啦，間鋪又細又無冷氣，搞到我同阿軒要喺出面等你。」

「咩啫，難得入到嚟見到有啱心水梗係要睇下啦。」

「就係入到嚟呢到你都仲要睇衫嗰下好嘢，阿軒你話係咪啦？」

「唔好嘈啦，唔熱都熱咗啦，快啲入去嘆下冷氣再整埋啲嘢食，之後咪可以慢慢抖下囉。」

阿軒邊說邊拿出鑰匙，打開門後又一次嗅到那種像是發霉的氣味。

「哇頂，點解又有嗰陣味嘅？」

哲瑋滿心歡喜跑進屋裡，準備淋浴在冷氣之下，卻發現室內又一次充滿了那種發霉的味道。

「係喎，又係頭先嗰陣味。咦？點解露台個玻璃門開咗嘅？」

怡欣進屋後，繼氣味後，便注意到玻璃門被打開了。

「哦，係咪你頭先無閂門？」

「痴線，肯定唔係我，最尾出間屋嗰個係你，肯定你無閂門唔記得咗！」

阿軒無視二人在吵鬧，默默地走到露台位置。

「奇怪，我好肯定走之後係閂實咗度門同埋有鎖㗎喎，點解會咁？」

阿軒沒有把心裡所想告訴二人，畢竟說了也是無法證實，他只好仔細地觀察露台。

「你哋嚟睇下。」

二人聽到阿軒的說話，便一起走到露台。

「做咩呀？哇，咁臭嘅？」

「哇，點解咁臭㗎，頭先都唔覺咁臭㗎！呢袋係咩嚟？」

怡欣捂著口和鼻，指了指地上一個膠袋，內裡長滿了像是霉菌的東西。

「我都唔知，但頭先好似唔覺有呢袋嘢。」

「咩都好啦，即刻掉咗佢啦，好臭呀。」

「係囉，咁哲瑋你快啲拎去掉啦。」

「痴線，你去唔好？頭先你咪買咗新衫嘅，呢套整臭咗都無所謂，你快啲拎去掉啦。」

二人你一言我一語，都不想去接觸這袋長滿霉菌的垃圾。

「等我嚟啦，你哋幫手洗下嘢同清下陣味，我一陣返嚟再幫手。」

二人聽到阿軒自動請纓，馬上點頭，恨不得阿軒立刻行動。

阿軒戴上手套，把那袋不知名的垃圾拿到屋外。

「咦？奇怪，出到嚟袋嘢又好似無咁臭。」

阿軒邊走邊想，為手上的垃圾感到有點奇怪。

就在他走出東堤小築範圍，他突然感到脖子被甚麼人吹了一口氣，回頭一看，甚麼人也沒有。

「搞咩呀？唔係撞鬼呀？」

阿軒心裡一驚，馬上伸手往褲袋。

「仆街，個錦囊呢？唔係無拎入嚟呀？」

阿軒努力回想起早上出門的情況，然後他總算想起錦囊被他安好地放在書桌上。

「無事嘅，唔好自己嚇自己，應該係太早起身太攰先有呢啲奇怪感覺，同埋都係一日半日啫，無事嘅。」

阿軒努力地安撫自己，邊把垃圾拿去遠處的垃圾桶，邊祈禱著一切順利。