［短篇］香港都市傳說 - 一筒歸西

正有文

天命叔都仲係咁過癮

推！

（三十七）天命道堂（４）

天命叔熟練地拿著卜卦用的道具，默默地在操作著。

三人看著天命叔，跟他們印象中的卜卦不太相同，很想詢問但又怕阻礙到天命叔。

「呢套嘢係呢個維園阿叔自己整嘅，聽佢講係用咗咩五行呀、易經呀呢啲嚟整嘅。類似係整理出你嚟緊嘅命運可能性，然後將最有可能發生嘅事顯示喺卦象度。」

子鋒看三人想問又不敢發聲的樣子，便代替正在卜卦的天命叔進行說明。

「自己整都得嘅咩？」

「得，其實每個師傅用咩工具都唔太大影響，重點係睇個師傅功力啫。好似佢咁，佢自己寫咗個程式放落iPad度，一樣做到個效果。」

子鋒聳了聳肩，不以為意地指著天賜。

「電子程式都得？」

「我寫呢個程式其實只係將傳統嘅易經放咗入嚟啫，用嘅方法同傳統易經卜卦無分別。同埋我堅信無論係鬼神定科學，兩者一定有佢哋可以互相配合嘅地方，所以我先整呢個程式出嚟。至於有無用呢，就仲要搵多啲樣本嚟試下先知。」

「咁啱啦，橫掂你老豆起緊卦，你用個App幫阿軒起支卦睇睇咪知囉。」

子鋒打趣地說，天賜則露出一副無可不可的表情。

「咁我即管試下，幫你起支卦睇睇你呢幾日嘅情況。子鋒，你唔一齊？」

「我唔啦，卜卦呢啲咁麻煩，留返畀你哋啦。」

子鋒說話的同時，眼神移到道壇旁邊一個神主牌位置，好像這番話在對誰說似的。

「好啦，搞掂啦。一句講晒，今次仆街了。」

三人沒有預計到天命叔突然這樣說，均露出錯愕的神情。

「做咩咁望我？你哋唔係好鍾意用呢啲潮語嘅咩？」

「潮語畀啲後生用㗎，你呢啲維園阿叔唔啱......」

子鋒還未說完，腹部便傳來「啪」的一聲，不知道甚麼時候桃木劍打到子鋒身上。

子鋒右手上托，明顯誤判了桃木劍的來勢，但中了桃木劍的他卻沒有露出疼痛的表情。

「估到你啦，好在運定功啫，如果唔係又中你招。」

「哼！廢事理你，講返你哋幾個。阿軒，啱啱支卦話，嚟緊呢幾日，如果乖乖地留喺屋企，唔好周圍去，咁你哋幾個就會無事。不過，如果你哋繼續多管閒事嘅話，就未必好似上次咁好彩㗎啦。」

天命叔簡單說出結論，同一時間，天賜亦已完成卜卦。

「我都卜好啦，你哋嘅處境的確好危險，如果繼續叉隻腳埋去分分鐘命都無。不過，如果有人幫手就唔同講法。」

天命叔盯著天賜，像在怪責他把多餘的話說出來。

「幫手？天命叔，求下你幫下我哋啦！」

「衰仔講咁多做咩？」

「扮咩嘢啫，你係咪都諗住幫㗎啦。」

「我原本諗住等佢哋驚下先，定好決心先再幫佢哋，依家畀你兩個搞禍晒啦。」

天命叔把眼神從天賜移到子鋒身上，怪責兩人如此多口。

「天命叔，你可以唔駛懷疑我哋嘅決心，我哋插手得呢件事就會幫到底。」

阿軒說話的同時，怡欣和哲瑋都點頭表示同意。

「唔係信唔信你哋嘅問題，只係講到有生命危險嘅話，係人都會重新諗一次個情況，呢個係人之常情。我只係想你哋經歷一次呢種狀態，不過......唉，算啦，正如子鋒所講，我點都會幫你哋。」

天命叔話音剛落，便又拿出了兩個符咒，和錦囊一起放到道壇上。

只見他口中念念有詞說了幾句話後，三人看到符咒和錦囊發出了些許亮光，然後有一種神聖的感覺。

「個錦囊我重新施過法㗎啦，阿軒你拎返住先啦。呢兩度符咒就畀你兩個，自己好好袋住，可以保你哋一命。」

「係咪咁樣就可以幫到我朋友？」

阿軒接過錦囊，緊張地詢問。

「梗係無咁簡單啦，呢幾樣嘢係畀你哋保命，等你哋唔駛死咋。至於你朋友，跟嗰個道士走嘅，應該就救唔返㗎啦。至於剩低嗰個，我可以幫到佢，但首先要解決咗道士個問題先，否則無從下手。」

「但憑我哋幾個，點樣阻止佢？」

「係啦，佢啲法術好犀利，佢一用我哋連郁都郁唔到。」

「天命叔你可唔可以陪我哋去搞掂個道士？」

三人期待地看著天命叔，到底天命叔會否答應出手相助呢？

維園阿叔

突登隔幾日先入嚟 咁快又睇完！

好睇好睇 一次過追曬

我都覺

多謝支持

巴打 依家係keep住寫 定已經寫好？

同以前一樣，都係一路寫一路出
有幾多出幾多

（三十八）天命道堂（５）

「要我幫你哋？呢層就難啲啦。」

本以為天命叔會一口氣答應三人的請求，未想到竟會得到這樣的回覆。

就連在旁邊的子鋒和天賜也感到錯愕。

「點解呀？係咪因為報酬？頭先你有講過要做嘢一定要有報酬先可以出手，我哋雖然都係學生，但我哋都有做下兼職同有啲儲蓄㗎。」

「錢呢，我就唔在乎嘅。如果我決定幫你哋，收一蚊同收一萬蚊都係一樣，你哋搞錯啦。」

天命叔語氣雖然沒有不滿，但阿軒不禁為自己的想法而感到一絲羞愧。

「咁係咩原因呀？係咪驚我哋唔夠誠心？」

「定驚我哋交晒啲嘢畀你拍下籮柚走咗去？」

怡欣和哲瑋搶著詢問，深怕他們的最後希望就此遠去。

「唉，既然你哋問到，我都唔怕老實同你哋講。其實呢，我幾年前為咗幫一個細路，將佢十年嘅死劫打破，結果大傷元氣，搞到依家要每日定時定候打坐復原，如果中斷嘅話唔單只法力全失，仲可能有生命危險。」

天命叔提到往事時，聲量明顯增大，眼神則一直盯著子鋒。

「哇哇哇，你咪吹得就吹呀，明明你一早恢復晒啲功力仲勁過以前，唔好扮晒嘢呀。」

子鋒知道天命叔正在暗示幫助過他的往事，馬上反駁。

「唉，我老啦，體力已經無以前咁好，依家每日依時打坐先勉強可以保住自己條命。同埋嚟緊我個仔結婚，我仲想有命飲佢同新抱仔杯茶。」

天命叔邊說邊搭著天賜的肩膊，說得好不感人。

「你哋唔好中佢計呀，佢扮嘢㗎咋。」

子鋒見三人眼神帶點擔憂和同情，像在對天命叔說「不要勉強自己」一樣，子鋒的說話半點也沒有聽進耳內。

「我哋明白，或者你可以教我哋點樣對付個道士，咁你咪唔駛親自陪我哋去囉。」

阿軒提出了最能解決現況的辦法，靜候天命叔的答覆。

「唉，如果得嘅我早就做咗啦。嗰個道士能夠操控咁多鬼仔，亦有能力將詛咒從人體上抽離，你哋無返三五七年功力係鬥佢唔過㗎。」

三人聽到天命叔的說話，內心不禁一沉。

「咁......係咪無其他方法啦？」

「唉，我想幫都幫唔到㗎啦。不過呢，其實就仲有一個方法嘅。」

天命叔說到這裡時，子鋒突然站了起來。

「呀，我醒起屋企未閂水喉，我要走先啦，Bye！」

拋下這句話的子鋒一下子衝到門口，但天命叔卻是紋絲未動，臉上則露出淺笑。

還未明白的子鋒來到門前終於知道原因，原來天賜不知道甚麼時來到大門前，阻止了子鋒的去路。

「哇，你個死仔，我識你咁耐你唔係咁都要阻我呀？」

「我都唔想㗎，嚟緊我同阿詩結婚，好多嘢要老豆一齊先搞到㗎。你唔係想睇住我個婚禮一鑊粥咁㗎？」

天賜對子鋒動之以情，果不期然，子鋒態度馬上有了轉變。

「唉，你都講到咁，我仲可以唔幫手咩......」

子鋒無奈地轉身走向天命叔，天賜看到這裡亦跟隨子鋒往前走。

「不過呢，諗諗下你哋離結婚仲有咁多時間，都唔差在少咁呢幾日啦。」

原來子鋒剛剛的都只是演技，把天賜引離大門後，突然轉身想撲向大門。

天賜也沒有料到子鋒竟會再次逃走，反應過來時子鋒已越過了天賜。

「今次仲唔係我贏！」

而當子鋒再次來到大門時，竟突然停下了腳步，難道是突然良心發現，願意幫忙了？

lm

子峰呢條衰仔

仆街仔畢咗業出嚟做嘢都仲係咁仆街

咁就要推吓post
一開有多一篇

好睇！
留名

今晚搞掂晒啲嘢再寫

聽日再入黎 睇下有未
加油樓主

（三十九）天命道堂（６）

雖然子鋒停了下來，但停頓的樣子狀甚滑稽，因為仍維時著跑動的姿勢。

阿軒雖然沒有意會發生了甚麼事，但在一旁的怡欣及哲瑋馬上反應過來，因為他們也設身體驗過被無形的力量截停了的狀態。

「小詠，連你都企喺維園大叔嗰邊？」

只見子鋒口中念念有詞，像在對誰說話似的，但三人看在眼裡只以為子鋒在唸甚麼咒語。

然後只見子鋒身上發出一陣微弱的金光，原本停住了的身體又能動起來。

雖然緩慢，但仍然能一點一點地前進。

「如果我行到出門口，就係小詠你輸啦。」

子鋒艱難地向大門走去，正當他想打開大門之際，身體突然浮起在半空中，然後像斷線風箏般飛向天命叔。

眼看子鋒快要撞向天命叔之際，天命叔雙手一托，子鋒的身體在翻了一整圈後，整個人狠狠地跪在地上。

「點呀？係你輸啦今次。」

天命叔笑看著子鋒，子鋒則是一臉不服。

「三對一已經唔公平，你仲要借力量畀小詠，點玩啫。」

「總之你依家就係輸咗，點呀，係咪想唔認數呀？」

天命叔盯著子鋒，子鋒抓了抓頭髮，一臉無奈地說。

「唉，得啦，我幫手啦好未？」

「喂，仲爭啲嘢喎，唔好諗住咁樣過到骨。」

天命叔示意子鋒轉向阿軒一行人，子鋒亦乖乖照做。

「得啦，煩。我陳子鋒願意幫你哋對付嗰個不知名嘅道士！你哋三個每人拎張廿蚊紙出嚟啦。」

三人猶豫了一會，天命叔對著他們點了點頭，三人從身上各自拿出了二十元的紙幣。

接過紙幣的子鋒，口中默念了數句後，便點起了三支香插在香爐上。

「一早肯幫手咪唔駛我搞咁多嘢囉。」

天命叔笑著拍了拍子鋒的肩膊。

「明明你去幫手仲快啦，做咩係都要我去啫？」

「我畀機會你同其他道士過招咋，同埋呢次對你嚟講都係一個修練嘅好機會。唔好咁多嘢講啦，你快啲同佢哋幾個去搵佢哋位朋友好過啦，個道士快則今晚，慢則聽日就會嚟對付佢哋。」

「知啦，你哋幾個都唔知好彩定唔好彩，我跟親啲個案都係大大鑊嘅，未試過輕輕鬆鬆搞得掂。」

子鋒的說話令三人略帶不安地看著天命叔求救。

「你個死仔包又亂講嘢！你哋放心，子鋒呢個人雖然衰衰格格同好黑仔，但跟親啲個案都無甩漏嘅。死仔包快啲去執埋啲嘢去幫佢地手啦！」

「好。」

子鋒進入剛剛天命叔打坐的房間收拾行裝，不消一會，子鋒便揹著一個大背囊出來。

「好啦，時間無多，我哋出發啦。天賜，小詠，我走啦，下次見。」

子鋒邊說邊打開大門，然後向道堂揮了揮手進行道別。

「死仔包又唔同我講聲咁無禮貌。算數，你哋幾個記住跟實個死仔包就無事㗎啦。就算有咩事都好，你哋都仲有符咒同錦囊，唔會有事嘅。」

「我哋明啦，但可唔可以問多一條問題。」

阿軒小心翼翼說，天命不知可否地看著阿軒。

「我想問，邊個係小詠？」

天命叔沒有直接回答，而是指了指道壇旁邊一塊神主牌。

三人意會到是甚麼一回事，故沒有進一步詢問。

而當他們離開時，仿佛看到神主牌上方有一個淡薄的人影向他們揮手道別。

「行啦，唔好再望啦，等我快快趣趣搞掂個死道士啦。」

三人加上子鋒，一行四人向安映家裡進發。

好耐冇見小詠喇 仲以為佢唔再喺度！

努力啲寫呀 係道壇到拖咗幾篇

留個名先