［短篇］香港都市傳說 - 一筒歸西
心層次
536 回覆
109 Like
8 Dislike
第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁
今日夜啲有
點解出隻一筒四家食糊
一筒之後流局喎
Between，唔好quote文
多謝支持
你唔係第一個諗起
一起心巴舞
（五十二）安映的危機（１３）
三人緊張地看著那隻怪手，但那隻手伸出來後便沒有了動靜，眼前的情形就像是土裡突然生出了一隻怪手出來，狀甚詭異。
「子鋒，唔會係個道士啩？」
「應該唔係，佢頭先擺明想玉石俱焚，就算佢捅唔死自己，都應該監生活埋咗佢先啱。」
子鋒回應了正宇的提問後，示意兩人停在原地，自己則走上前觀察情況。
當子鋒走近後，看到那隻泛紫的怪手，從外觀看起來應是男性的手掌。
子鋒看這怪手再沒有任何動靜，便嘗試再靠近一點。
「無反應，你兩個自己小心，我依家試下拉佢出嚟。」
「吓？萬一佢真係個道士，你拉佢出嚟襲擊你點算？」
「唔駛擔心，隻手雖然係男人手，但比起頭先個道士粗糙得多。而且佢隻開始變紫，估計應該死咗。」
子鋒無視了正宇的勸告，走近那隻怪手，用力地嘗試把那隻怪手的主人給拉出來。
「仆街，咁鬼死重嘅！我唔信拉你唔出！」
子鋒大喝一聲，運用全身的力量把那怪手給拉出來。
只見拉出來的真的是一具屍體，而且這具屍體，小詠和正宇剛剛才跟他接觸過。
對，這具屍體正正是阿邦。
只見他整個人腫脹起來，口裡亦被塞滿了一隻又一隻的麻將。
「點解會咁，佢頭先唔係走咗嘅咩？」
正宇不敢相信眼前的屍體竟會是阿邦本人。
「我諗最奇怪嘅係，佢點會有咁多麻雀塞到落佢個身入面。」
小詠對阿邦死去並沒有表現得很錯愕，反而更著眼於作為致死原因的麻將從何而來。
子鋒也沒有顯得十分錯愕，畢竟歷練多了，甚麼東西也接觸過，屍體對他來說已算不上甚麼。
此刻的子鋒，看來也對屍體裡被塞滿了麻將的情況產生了疑問。
他把屍體拉上來後，仔細觀察嘴巴內的東西，以及阿邦手上緊抓著的麻將。
「全部都係真嘢嚟......到底點解會有咁多麻雀喺度呢？」
子鋒沉思了一會，把屍體輕輕挪開後，便開始搜尋著屍體背後的位置，然後發現了不尋常的地方。
「小詠，你頭先咪問啲麻雀邊度嚟嘅，你自己睇下。」
小詠走到子鋒旁邊，然後竟發現泥土裡放了好幾個用來存放麻將的膠盒。
「吓？好地地邊個會放啲麻雀盒喺度呀？」
「我估係阿邦嚟呢度嗰陣無意識咁拎過嚟，你睇下啲盒同麻雀幾新淨。」
「但唔係話個道士會控制到個詛咒咩？到時啲麻雀咪無用囉？同埋個道士無理唔察覺阿邦拎啲麻雀過嚟㗎？」
「可能由始至終，就算我哋唔插手，個道士都無辦法控制到個詛咒，所以阿邦可能註定點都係要死。至於個道士有無察覺到阿邦拎呢啲嘢過嚟，同埋點解無阻止佢，我諗得佢先知。」
正宇聽兩人說到這裡，忍不住搭話。
「你哋咁講，啫係個道士其實都無辦法轉移到詛咒去第二度？咁安映哥哥係咪無得救？」
子鋒和小詠對望了一眼，然後有默契地搭著正宇的肩膀，兩人一起說。
「放心啦，天命叔話有得搞就有得搞㗎啦。」
雖然只是簡單的一句說話，但正宇卻能感受到說話中的份量，不安的心情亦馬上平靜下來。
在白車來到後，小詠便離開了安映的身體，正宇和安映二人便登上白車前往醫院接受治療。
而子鋒則留在現場跟調查的人員進行協調，熟練地回答著他們的問題。
大概阿邦死亡的情況，亦會像輝仔和阿榮一樣，被強行壓下去吧。
子鋒對這樣的處理當然十分感激，畢竟並不想因此而惹上甚麼麻煩。
而這漫長的一夜終於迎來終結，雖然阿邦是救不回來，但至少安映保住了性命，這應該算是順利地完成了任務吧。
三人緊張地看著那隻怪手，但那隻手伸出來後便沒有了動靜，眼前的情形就像是土裡突然生出了一隻怪手出來，狀甚詭異。
「子鋒，唔會係個道士啩？」
「應該唔係，佢頭先擺明想玉石俱焚，就算佢捅唔死自己，都應該監生活埋咗佢先啱。」
子鋒回應了正宇的提問後，示意兩人停在原地，自己則走上前觀察情況。
當子鋒走近後，看到那隻泛紫的怪手，從外觀看起來應是男性的手掌。
子鋒看這怪手再沒有任何動靜，便嘗試再靠近一點。
「無反應，你兩個自己小心，我依家試下拉佢出嚟。」
「吓？萬一佢真係個道士，你拉佢出嚟襲擊你點算？」
「唔駛擔心，隻手雖然係男人手，但比起頭先個道士粗糙得多。而且佢隻開始變紫，估計應該死咗。」
子鋒無視了正宇的勸告，走近那隻怪手，用力地嘗試把那隻怪手的主人給拉出來。
「仆街，咁鬼死重嘅！我唔信拉你唔出！」
子鋒大喝一聲，運用全身的力量把那怪手給拉出來。
只見拉出來的真的是一具屍體，而且這具屍體，小詠和正宇剛剛才跟他接觸過。
對，這具屍體正正是阿邦。
只見他整個人腫脹起來，口裡亦被塞滿了一隻又一隻的麻將。
「點解會咁，佢頭先唔係走咗嘅咩？」
正宇不敢相信眼前的屍體竟會是阿邦本人。
「我諗最奇怪嘅係，佢點會有咁多麻雀塞到落佢個身入面。」
小詠對阿邦死去並沒有表現得很錯愕，反而更著眼於作為致死原因的麻將從何而來。
子鋒也沒有顯得十分錯愕，畢竟歷練多了，甚麼東西也接觸過，屍體對他來說已算不上甚麼。
此刻的子鋒，看來也對屍體裡被塞滿了麻將的情況產生了疑問。
他把屍體拉上來後，仔細觀察嘴巴內的東西，以及阿邦手上緊抓著的麻將。
「全部都係真嘢嚟......到底點解會有咁多麻雀喺度呢？」
子鋒沉思了一會，把屍體輕輕挪開後，便開始搜尋著屍體背後的位置，然後發現了不尋常的地方。
「小詠，你頭先咪問啲麻雀邊度嚟嘅，你自己睇下。」
小詠走到子鋒旁邊，然後竟發現泥土裡放了好幾個用來存放麻將的膠盒。
「吓？好地地邊個會放啲麻雀盒喺度呀？」
「我估係阿邦嚟呢度嗰陣無意識咁拎過嚟，你睇下啲盒同麻雀幾新淨。」
「但唔係話個道士會控制到個詛咒咩？到時啲麻雀咪無用囉？同埋個道士無理唔察覺阿邦拎啲麻雀過嚟㗎？」
「可能由始至終，就算我哋唔插手，個道士都無辦法控制到個詛咒，所以阿邦可能註定點都係要死。至於個道士有無察覺到阿邦拎呢啲嘢過嚟，同埋點解無阻止佢，我諗得佢先知。」
正宇聽兩人說到這裡，忍不住搭話。
「你哋咁講，啫係個道士其實都無辦法轉移到詛咒去第二度？咁安映哥哥係咪無得救？」
子鋒和小詠對望了一眼，然後有默契地搭著正宇的肩膀，兩人一起說。
「放心啦，天命叔話有得搞就有得搞㗎啦。」
雖然只是簡單的一句說話，但正宇卻能感受到說話中的份量，不安的心情亦馬上平靜下來。
在白車來到後，小詠便離開了安映的身體，正宇和安映二人便登上白車前往醫院接受治療。
而子鋒則留在現場跟調查的人員進行協調，熟練地回答著他們的問題。
大概阿邦死亡的情況，亦會像輝仔和阿榮一樣，被強行壓下去吧。
子鋒對這樣的處理當然十分感激，畢竟並不想因此而惹上甚麼麻煩。
而這漫長的一夜終於迎來終結，雖然阿邦是救不回來，但至少安映保住了性命，這應該算是順利地完成了任務吧。
留名
（五十三）消失的韋洛
正宇和安映到達醫院後，經診斷後正宇只是疲勞過度，沒有大礙，隨時可以出院。
相反安映的情況則比較嚴重，送進醫院的同時便被送進手術室去。
「安映佢點呀？」
出現在正宇面前的，正是安映的哥哥 — 韋洛。
正宇正奇怪為甚麼韋洛會出現在這裡，然後他看到緊隨其後的阿軒、哲瑋和怡欣，三人臉上帶著一片歉意，正宇馬上理解到應該是告知三人現況時，韋洛亦聽到有關情況，所以才會出現在醫院。
「安映佢......做緊手術，不過應該無事嘅。」
韋洛聽到後，看著亮了燈的手術室，用力地打向牆上，然後對著空氣大喊。
「個詛咒係我惹返嚟，要搞就搞我！做咩要搞我阿妹！點解？」
韋洛的叫喊聲惹來了旁人的側目，鄰近的護士亦想靠近了解情況，阿軒三人見狀便主動跟對方解釋，才沒有引來不必要的麻煩。
「你......你冷靜啲先，我頭先同安映一齊搭車過嚟，雖然佢有受傷，但佢臉色唔錯，應該完咗手術就無事㗎啦。」
聽到正宇的說話後，韋洛嘗試逼使自己冷靜下來。
「嗯，希望佢真係無事，如果唔係，我會內咎一......世......」
韋洛說到最後時，聲音低得幾乎沒有人能聽到，語氣中充滿了不確定性，大概是想到了他的所謂一世，可能還剩下短短數天而已。
正宇察覺到韋洛的不妥，正想安慰韋洛時，手術室的門被推開了。
只見安映躺在床上，韋洛馬上跑向安映，卻被醫生和護士攔下來。
「我，我係佢哥哥，我想問佢依家點呀？佢無事呀嘛？」
「先生你冷靜啲先，啱啱嘅手術非常成功，只係病人嘅身體比較虛弱，暫時要留院觀察。」
目送著安映送入病房，卻未能在身邊照顧她，韋洛顯得有些無奈，卻又不敢大吵大鬧，怕影響了安映的休養。
強壓下心中的不安，韋洛向醫生詢問。
「我可唔可以去陪下我阿妹？」
「等護士安頓好佢之後，會話你知病床號碼同探病時間，依家你可以幫佢登記咗入院先，登記完成應該可以探病㗎啦。」
韋洛聽罷便打算跟從醫生的指示前往登記處，正宇本想陪同韋洛一起，卻被韋洛婉拒。
「唔駛陪我去啦，如果陣間可以入去探病，你代我去陪下安映，同佢講聲係阿哥唔好，搞到佢咁。」
「呢層無問題，但你親口同佢講好似好啲。」
韋洛搖了搖頭，迴避了正宇的說話。
「雖然安映同你只係識咗幾日，但我感覺得到你對佢好好，同埋安映睇人眼光一向都唔錯，而且發生啲咁嘅事你都肯去幫佢同陪住佢，我真係好多謝你。希望你可以繼續對佢好好啦。」
正宇聽到這番說話，想起自己過往曾離棄過安映，加上現在對安映的感情，便對韋洛堅定地點了點頭。
「咁就得啦，我幫安映登記入院先，你陣間去陪下安映啦。仲有，你身邊呢幾位朋友，我都好多謝佢哋，安映識到你哋真係太好啦。」
話畢，韋洛便獨自乘坐升降機返回大堂。
阿軒他們在韋洛離開後，便靠近正宇詢問他的情況，大家聊了一會，大致上了解情況後，一名護士慢慢接近他們。
「你哋邊位喺蔡安映屋企人？」
「我哋係佢朋友，佢哥哥落咗去同安映搞入院手續，請問係咪可以入去啦？」
「病人依家仲瞓緊，等麻醉藥過咗之後就會慢慢醒返。佢身體狀況應該無乜太大問題，但要靜靜地休養，你哋如果要探病嘅可以入去，但注意唔好太大聲，會阻到病人休息。」
護士交代完畢後，四人便進入病房。
正宇看到安映那稍為恢復了血的臉容，心裡頓時輕鬆了不少。
在確認了安映沒有大礙後，四人商量了一下，決定只留下怡欣陪伴安映，如果安映清醒了四人亦能馬上得知。
「韋洛佢咁耐都未上嚟嘅？」
「可能要填啲咩入院表格同對資料啩。」
「咁我哋不如落去大堂搵佢，話聲佢知安映無事，順便可以搵個地方畀正宇休息下。」
三人來到醫院大堂，卻不見韋洛的身影，向護士查詢後，只知道安映的入院手術早已辦妥。
那韋洛到底哪裡去了？
正宇和安映到達醫院後，經診斷後正宇只是疲勞過度，沒有大礙，隨時可以出院。
相反安映的情況則比較嚴重，送進醫院的同時便被送進手術室去。
「安映佢點呀？」
出現在正宇面前的，正是安映的哥哥 — 韋洛。
正宇正奇怪為甚麼韋洛會出現在這裡，然後他看到緊隨其後的阿軒、哲瑋和怡欣，三人臉上帶著一片歉意，正宇馬上理解到應該是告知三人現況時，韋洛亦聽到有關情況，所以才會出現在醫院。
「安映佢......做緊手術，不過應該無事嘅。」
韋洛聽到後，看著亮了燈的手術室，用力地打向牆上，然後對著空氣大喊。
「個詛咒係我惹返嚟，要搞就搞我！做咩要搞我阿妹！點解？」
韋洛的叫喊聲惹來了旁人的側目，鄰近的護士亦想靠近了解情況，阿軒三人見狀便主動跟對方解釋，才沒有引來不必要的麻煩。
「你......你冷靜啲先，我頭先同安映一齊搭車過嚟，雖然佢有受傷，但佢臉色唔錯，應該完咗手術就無事㗎啦。」
聽到正宇的說話後，韋洛嘗試逼使自己冷靜下來。
「嗯，希望佢真係無事，如果唔係，我會內咎一......世......」
韋洛說到最後時，聲音低得幾乎沒有人能聽到，語氣中充滿了不確定性，大概是想到了他的所謂一世，可能還剩下短短數天而已。
正宇察覺到韋洛的不妥，正想安慰韋洛時，手術室的門被推開了。
只見安映躺在床上，韋洛馬上跑向安映，卻被醫生和護士攔下來。
「我，我係佢哥哥，我想問佢依家點呀？佢無事呀嘛？」
「先生你冷靜啲先，啱啱嘅手術非常成功，只係病人嘅身體比較虛弱，暫時要留院觀察。」
目送著安映送入病房，卻未能在身邊照顧她，韋洛顯得有些無奈，卻又不敢大吵大鬧，怕影響了安映的休養。
強壓下心中的不安，韋洛向醫生詢問。
「我可唔可以去陪下我阿妹？」
「等護士安頓好佢之後，會話你知病床號碼同探病時間，依家你可以幫佢登記咗入院先，登記完成應該可以探病㗎啦。」
韋洛聽罷便打算跟從醫生的指示前往登記處，正宇本想陪同韋洛一起，卻被韋洛婉拒。
「唔駛陪我去啦，如果陣間可以入去探病，你代我去陪下安映，同佢講聲係阿哥唔好，搞到佢咁。」
「呢層無問題，但你親口同佢講好似好啲。」
韋洛搖了搖頭，迴避了正宇的說話。
「雖然安映同你只係識咗幾日，但我感覺得到你對佢好好，同埋安映睇人眼光一向都唔錯，而且發生啲咁嘅事你都肯去幫佢同陪住佢，我真係好多謝你。希望你可以繼續對佢好好啦。」
正宇聽到這番說話，想起自己過往曾離棄過安映，加上現在對安映的感情，便對韋洛堅定地點了點頭。
「咁就得啦，我幫安映登記入院先，你陣間去陪下安映啦。仲有，你身邊呢幾位朋友，我都好多謝佢哋，安映識到你哋真係太好啦。」
話畢，韋洛便獨自乘坐升降機返回大堂。
阿軒他們在韋洛離開後，便靠近正宇詢問他的情況，大家聊了一會，大致上了解情況後，一名護士慢慢接近他們。
「你哋邊位喺蔡安映屋企人？」
「我哋係佢朋友，佢哥哥落咗去同安映搞入院手續，請問係咪可以入去啦？」
「病人依家仲瞓緊，等麻醉藥過咗之後就會慢慢醒返。佢身體狀況應該無乜太大問題，但要靜靜地休養，你哋如果要探病嘅可以入去，但注意唔好太大聲，會阻到病人休息。」
護士交代完畢後，四人便進入病房。
正宇看到安映那稍為恢復了血的臉容，心裡頓時輕鬆了不少。
在確認了安映沒有大礙後，四人商量了一下，決定只留下怡欣陪伴安映，如果安映清醒了四人亦能馬上得知。
「韋洛佢咁耐都未上嚟嘅？」
「可能要填啲咩入院表格同對資料啩。」
「咁我哋不如落去大堂搵佢，話聲佢知安映無事，順便可以搵個地方畀正宇休息下。」
三人來到醫院大堂，卻不見韋洛的身影，向護士查詢後，只知道安映的入院手術早已辦妥。
那韋洛到底哪裡去了？
（五十四）尋找韋洛
「安映阿哥無啦啦走咗去邊？」
「係囉，安映依家仲喺醫院，佢唔留低照顧佢走咗去邊？」
阿軒和哲瑋感到奇怪，而正宇則在回想剛剛韋洛跟他的說話。
「你代我去陪下安映，同佢講聲係阿哥唔好，搞到佢咁。」
「我真係好多謝你。希望你可以繼續對佢好好啦。」
正宇想到這邊，便向醫院入口處跑去。
走到醫院外，正宇漫無目的地在醫院附近尋找著韋洛的身影。
「正宇你搞咩呀？無啦啦跑出嚟，你身體仲未好返晒㗎。」
「唔係呀！阿軒你聽我講，頭先韋洛喺醫院同我講咗幾句好奇怪嘅說話。就好似.....」
「好似咩呀？」
「好似係道別，又好似係遺言咁。話咩多謝我哋，又叫我好好睇住安映。」
「吓？」
正當正宇三人在入口處找尋韋洛時，便感到手機震動一下，是怡欣發來的訊息。
「安映醒咗，可以上嚟。」
三人互相對望了一下，決定先上去看看安映的情況。
「陣間，暫時唔好同安映講佢哥哥唔知去咗邊。」
正宇稍為提醒兩人，便向病房前去。
只見安映臉色比剛剛有好了一點，微微張開的雙眼，明顯感到十分疲累。
「安映，你醒啦？」
正宇來到安映旁邊，用手輕輕摸了摸安映的頭。
大概因為剛醒來的關係，安映還不能說些甚麼，但正宇像是會讀心般，了解安映的意思。
「我無事，其他人都無事。」
安映嘴唇微微動了一下，做了「阿邦」的口形。
「佢......走咗啦。」
安映聽到後，閉起了雙目，輕嘆了一下。
「不過你放心啦，我哋已經搵咗個師傅幫手，佢好犀利㗎，佢話一定可以幫手解開到個詛咒，所以你可以放心。」
正宇的說話傳到安映的耳內，雖然因為麻醉藥的影響下，未能好好表達出自己的感受，但旁人都能明顯感到安映露出了久違的淺笑。
「好啦，安映你再休息下，我哋都要去搵師傅商量下跟住落嚟點做啦，你安心休息啦。」
正宇為免安映提起韋洛的事情，便打算盡快離開。
安映好像察覺到有甚麼不對，使盡全身的力氣，輕輕抓著正宇的右手。
「放心休息，醒返嘅時候會有好消息話你知㗎啦。」
正宇再次輕撫了安映的頭，安映感受到正宇手心的溫暖後，緩緩地又進入了夢鄉。
離開了病房後，三人馬上跟怡欣說明了現況。
「吓？唔見咗？佢唔係覺得自己連累咗安映，所以自己走咗去呀？」
怡欣的一句話，點出了韋洛突然消失的原因。
「咁依家點算呀？」
「仲點算，梗係分頭搵啦。」
「人海茫茫，點搵呀？」
「我哋不如去一次天命道堂，搵佢哋幫手啦。」
阿軒想了一想，便向三人提議，三人也認同這方法，於是便再次向天命道堂出發。
「安映阿哥無啦啦走咗去邊？」
「係囉，安映依家仲喺醫院，佢唔留低照顧佢走咗去邊？」
阿軒和哲瑋感到奇怪，而正宇則在回想剛剛韋洛跟他的說話。
「你代我去陪下安映，同佢講聲係阿哥唔好，搞到佢咁。」
「我真係好多謝你。希望你可以繼續對佢好好啦。」
正宇想到這邊，便向醫院入口處跑去。
走到醫院外，正宇漫無目的地在醫院附近尋找著韋洛的身影。
「正宇你搞咩呀？無啦啦跑出嚟，你身體仲未好返晒㗎。」
「唔係呀！阿軒你聽我講，頭先韋洛喺醫院同我講咗幾句好奇怪嘅說話。就好似.....」
「好似咩呀？」
「好似係道別，又好似係遺言咁。話咩多謝我哋，又叫我好好睇住安映。」
「吓？」
正當正宇三人在入口處找尋韋洛時，便感到手機震動一下，是怡欣發來的訊息。
「安映醒咗，可以上嚟。」
三人互相對望了一下，決定先上去看看安映的情況。
「陣間，暫時唔好同安映講佢哥哥唔知去咗邊。」
正宇稍為提醒兩人，便向病房前去。
只見安映臉色比剛剛有好了一點，微微張開的雙眼，明顯感到十分疲累。
「安映，你醒啦？」
正宇來到安映旁邊，用手輕輕摸了摸安映的頭。
大概因為剛醒來的關係，安映還不能說些甚麼，但正宇像是會讀心般，了解安映的意思。
「我無事，其他人都無事。」
安映嘴唇微微動了一下，做了「阿邦」的口形。
「佢......走咗啦。」
安映聽到後，閉起了雙目，輕嘆了一下。
「不過你放心啦，我哋已經搵咗個師傅幫手，佢好犀利㗎，佢話一定可以幫手解開到個詛咒，所以你可以放心。」
正宇的說話傳到安映的耳內，雖然因為麻醉藥的影響下，未能好好表達出自己的感受，但旁人都能明顯感到安映露出了久違的淺笑。
「好啦，安映你再休息下，我哋都要去搵師傅商量下跟住落嚟點做啦，你安心休息啦。」
正宇為免安映提起韋洛的事情，便打算盡快離開。
安映好像察覺到有甚麼不對，使盡全身的力氣，輕輕抓著正宇的右手。
「放心休息，醒返嘅時候會有好消息話你知㗎啦。」
正宇再次輕撫了安映的頭，安映感受到正宇手心的溫暖後，緩緩地又進入了夢鄉。
離開了病房後，三人馬上跟怡欣說明了現況。
「吓？唔見咗？佢唔係覺得自己連累咗安映，所以自己走咗去呀？」
怡欣的一句話，點出了韋洛突然消失的原因。
「咁依家點算呀？」
「仲點算，梗係分頭搵啦。」
「人海茫茫，點搵呀？」
「我哋不如去一次天命道堂，搵佢哋幫手啦。」
阿軒想了一想，便向三人提議，三人也認同這方法，於是便再次向天命道堂出發。
今日仲有冇文
希望仲有
咁多文，正呀
可唔可以講下子峰既故事出場次序😭第一次睇你d故，一晚就追晒啦
多謝支持
子鋒次序係
紅衣 -> 十不思議 -> 澳門 -> 無能子鋒 -> 子鋒完結篇 （預定八月開始連載）
預定翻外篇
天命叔中山遊（時間軸：十不思議期間）
拯救黃炎冰（時間軸：無能子鋒後 ， 完結篇前）
暫定係咁
至於呢篇文嘅子鋒已經係畢咗業，過晒以上時間軸，純粹出嚟宣傳 客串下
另外有啲散文會不定時放下紙言，FB
有時間可以去我FB望下支持下
#1 有FB連結，唔重複啦
子鋒次序係
紅衣 -> 十不思議 -> 澳門 -> 無能子鋒 -> 子鋒完結篇 （預定八月開始連載）
預定翻外篇
天命叔中山遊（時間軸：十不思議期間）
拯救黃炎冰（時間軸：無能子鋒後 ， 完結篇前）
暫定係咁
至於呢篇文嘅子鋒已經係畢咗業，過晒以上時間軸，純粹出嚟
另外有啲散文會不定時放下紙言，FB
有時間可以去我FB望下支持下
#1 有FB連結，唔重複啦
Lm
live左
好鍾意睇你啲文
但希望子鋒可以快啲完 已經唔記得咗之前個啲講乜了
但希望子鋒可以快啲完 已經唔記得咗之前個啲講乜了live左 好好睇
天命叔
推po