［短篇］香港都市傳說 - 一筒歸西

搵邊個替死好

今日無文, 寫完篇隨筆就無力

聽日加文

全部都要

兩日都冇文

（十六）涉險（一）

「好多謝大家參與我哋嘅迎新營，希望你哋都鍾意我哋嘅安排啦。大家要留意我哋嘅Facebook同IG，仲有電郵，嚟緊會有更多活動等大家參與㗎。」

「另外我哋每個月嘅第二個星期五會開放活動室，入面會有更多都市傳聞以至靈異事件嘅資料同啲小活動，大家得閒嘅可以嚟玩下。如果係撞正黑色星期五仲會有特別安排添。」

阿軒和怡欣在迎新營的最後，做了宣傳和目送參加者和其他工作人員離開後，終於可以鬆一口氣。

「總算順順利利完成個迎新營，得四個人去籌備真係好辛苦。」

「係，真心辛苦，好想去飲返杯輕鬆下。」

「原本可以嘅，不過依家......諗下好啦。怡欣，點呀，正宇有無覆你？」

阿軒向著在二人旁邊來回踱步，焦躁不安的怡欣作出詢問。

「無，無人聽。安映嗰邊都無反應。」

「佢哋唔會有事啩？」

「我啋過你把口呀，死人林哲瑋。咁依家我哋三個點算呀？」

「啋咩喎，我擔心佢哋咋嘛。點都好啦，我哋出返去市區先啦，佢哋應該唔會約喺西貢呢邊㗎啦。」

「怡欣你繼續聯絡正宇同安映，我試下打畀正宇細佬，希望有線索。」

三人懷著忐忑不安的心情離開迎新營，心裡都在祈禱著正宇和安映不要出事。

==

正宇和安映二人乘著早上天還沒有亮的時候，便偷偷坐的士離開迎新營。

安映在過了一整晚後，臉色比昨天顯得更為蒼白，眼睛亦出現紅絲，看來昨天睡得不是很好。

剛坐上的士後，安映便倚在正宇的肩膀上緩緩睡著了。

「哈哈，你嚟啦？安映，你係咪想再參觀一次我嘅最後一程呢？哈哈哈哈！」

「唔好，唔好呀！」

「你放心，我之後就到阿邦，阿邦之後就到你阿哥，之後，就到你啦！哈哈哈哈！」

「唔好呀！！！」

「安映！安映！無事，無事，發夢咋，你發夢咋！」

「吁吁......吁吁......發夢？我啱啱......呢度係邊度？我哋喺邊？」

「呢度係我屋企，我哋頭先搭的士出返嚟，見你好攰又咁早，所以畀你上嚟休息下。嚟，飲杯暖水先。」

安映接過正宇手上的水杯，喝了數口後，總算鎮定下來。

「依家幾點？」

「十點半，仲有時間。」

安映聽罷，神情稍為緩和，不自覺地握著正宇雙手。

「多謝，多謝你。」

「吓？唔駛多謝我，我又無做啲乜嘢。」

「淨係你肯信我，我已經要多謝你。其實入營之前我搵過好多人，好多我好信任嘅人，同好多我以為會無條件信我嘅人，但......佢哋無一個相信我，就算我拎埋張相畀其中一個人睇，佢都只係話我傻，同叫我唔好再玩。」

安映說到這裡，眼眶有點泛紅，大概這數天受到後多委屈吧。

「唔緊要，我信你！而且唔只我一個，我啲朋友都信你！」

「多謝你。」

安映久違地露出了一絲淺笑，臉色雖然蒼白但卻有說不出的魅力。

兩人對望了一會，只有兩人的空間瀰漫著尷尬的氣氛。

「係，係喎，點解你會報我哋學會嘅迎新營嘅？」

「其實我由細到大都成日遇到啲奇怪事，不過咁耐以嚟都無受到咩傷害，我記得有一次喺街見到個老婆婆，佢好親切，仲帶我去附近公園玩。但原來嗰日佢帶我去公園玩之後，我企嗰個位發生咗車禍，如果唔係佢帶我去公園玩嘅話，我可能已經唔喺度。不過，我屋企人之後同我講返，公園入面根本無咩老婆婆，之後我就對呢啲奇聞異事產生咗興趣。難得見到有個咁得意嘅學會，咪試下加入囉。」

安映提及家人時，可能又想起了她的哥哥，臉上明顯添上了不安。

「唔好太擔心，我相信你哥哥一定可以無事。」

「希望啦。」

安映朝著正宇笑了一笑，令正宇心跳不已。

正當正宇想找其他話題時，安映的手機突然響起。

來電者，正是韋洛，她的哥哥。

太多人名又太耐冇更新 已經唔記得曬邊個打邊個...

仲以為有甜

等我覆返你
阿軒：奇聞異事學會會長
怡欣：副會長
哲瑋：副會長
正宇：財務
四個係朋友關係

一筒歸西涉事者
輝仔：第一個死者
阿榮：第二死者
阿邦：預定第三死者
韋洛：最後一個涉事者，未知死唔死好外加安映哥哥

安映：韋洛妹妹，靚女，自行想像

我好似未試過加甜

已經追返晒心巴所有故
好掛住子峰

利申 想追埋哩個故

如果樓主隔幾日先出一篇 建議你每一次都打個表出黎 啲名太難記 劇情都冇咩印象 亂曬龍

（十七）涉險（２）

「阿哥！你喺邊呀？」

安映接通電話後，韋洛那邊傳來陣陣的雜音，沒有人回應。

「喂，阿哥！聽唔聽到呀？喂！」

安映對著電話大喊，沒有得到任何回應的她更顯著急。

「你冷靜啲先啦，可能你阿哥唔出得聲，你咁樣大嗌對面有人聽到就麻煩㗎啦。」

正宇邊安撫安映邊從她手上接過手機，開啟了擴音模式。

慶幸的是，電話那邊的雜音頗大，安映的叫喊聲應該沒有驚動到對方。

過了好一會後，電話裡的雜音逐漸消失，但聲音仍然不是十分穩定，只能隱約聽到好像有人在對話似的。

「係阿哥把聲。」

安映聽了好一會後，壓低了聲線對正宇說。

正宇點了點頭，指了指手機，示意安映繼續集中精神聆聽電話的對話。

「你真係......『一筒歸西』之後無事？」

「係，呢度係......證據......」

「韋洛......有救啦......」

從電話的聲音判斷，其中兩人是韋洛和阿邦，另一人應該就是安映之前提到的「一筒歸西」生還者。

但可惜那邊的訊號實在太差，對話的內容變得斷斷續續，很多時候都只能猜測其意思。

「解決方法......簡單......」

「......幫我哋......點解......」

「因為......錢......如果......懷疑......」

「唔係懷疑......韋洛......試下......」

從部份的對話之中大概能猜得出來，韋洛對那個自稱生還者的人抱有懷疑，而似乎對方只是為了錢而來。

對比起充滿懷疑的韋洛，阿邦似乎並不認同，亦有可能是因為死期將至，顧不了那麼多吧。

「你哋......仲有幾多......」

「我......第五日......」

「今晚......行動......」

「......商量......」

「唔駛......我哋去......」

「咁依家去搵......」

正當兩人以為可以知道韋洛的去向時，電話突然掛斷。

「哥！哥！點解突然無咗聲嘅？係咪阿哥被人發現咗偷偷打畀我哋？佢會唔會有危險？我哋依家點算呀？」

安映拿起手機，不知所措地看著正宇。

「安映你冷靜啲先，依家暫時未肯定你哥哥係咪真係偷偷地打畀我哋。就算真係，頭先個電話一直都收得咁差，可能只係斷咗線啫。我哋整理下頭先電話啲內容，再等多陣睇下你哥哥會唔會有咩消息。」

經過簡單的整理後，大致上能知道韋洛已經跟那個自稱經歷過「一筒歸西」的生還者碰面。

對話中似乎對方是為了金錢而接近兩人，但不知道甚麼原因，韋洛似乎一直警戒著這個人。

假設韋洛不信任對方，才偷偷致電給安映，那麼事情就不是那麼簡單了。

「我都係打畀阿哥問下佢情況好啲。」

正當安映拿起手機準備致電韋洛時，正宇制止了她。

「唔好打畀佢，萬一你哥哥真係察覺到有問題先特登打畀你，你再打過去可能會驚動到對方，到時仲麻煩。」

「咁點算呀？我哋又唔知佢哋喺邊，愈拖我阿哥咪愈危險。」

安映說的話正宇也十分明白，但貿然行動卻絕非好事。

兩人不知所措期間，安映的電話收到了韋洛的訊息。

訊息中包含了數張照片，以及兩組意義不明的英文和數字。

到底這是甚麼意思？

有無考慮出甜故重口味

（十八）涉險（３）

「呢幾張相咁濛，咩都睇唔到。」

「你阿哥似乎影得好急，好唔想被人發現。不過勉強認得出，呢個應該係巴士站，佢哋應該就係搭車去搵人幫手。問題係呢兩組字係咩意思？」

「呢兩組字好熟口面，好似有見過，但又唔係好有印象。」

「我試下再睇下啲相，睇下會唔會有機會搵到呢度係邊度。你繼續諗下呢兩組字代表啲咩。」

一小時後，正宇總算找到一點眉目。

「安映，你睇，呢度似係觀塘APM出面。呢度啲車應該係去大埔嗰邊。」

「大埔？佢哋去大埔做咩？」

「唔知，亦都唔知佢哋係咪真係去大埔，定中間要再轉車。你嗰邊有無咩發現？」

「無，我搵過晒同阿哥啲對話，但都無任何資料。我仲摷過佢FB同IG都無發現。」

「定我哋去咗觀塘巴士站嗰邊，問下有無人見到你阿哥。」

「但我哋去完觀塘問得嚟，會唔會趕唔切搵佢哋？定我再試下Send Message畀阿哥。」

「都好。」

訊息是發送出去了，但等了好一陣子都沒有回應。

「無覆，就連睇都無睇......」

「算啦，唔好等啦，再係咁等落去都唔係辦法，我哋照去觀塘嗰邊問下人先，快得一秒得一秒。」

兩人正想出門之際，大門卻快一步被打開了。

「咦，細佬，你唔係要返學咩？」

「今日放假，係咪阻住你同你......朋友？咁我出去先。」

「唔係呀，佢係我個組女，佢......有啲事要我幫手，但未夠鐘，所以上咗嚟先。」

「哦，要你幫手......咁，我可以入屋啦嘛？」

「你入啦，我哋都準備出去。」

安映和正宇弟弟打了招呼後，便打算離開。

「你兩個玩得開心啲啦喎。」

「都話唔係玩囉，安映真係有嘢要我幫手㗎。」

「得啦得啦，明㗎啦。咦？你哋漏咗啲嘢，邊個將個電郵地址寫到咁？」

「張紙係我㗎，你頭先話，呢個係電郵地址？」

「哦，係呀，雖然寫到好似啲亂碼咁，不過肯定係電郵地址嚟，仲要係用啲細螢幕手機先會打成咁。」

安映經過提示後，再凝視了紙張上的文字。

「我知啦！呢個係我阿哥個電郵地址嚟，佢手機呀，FB呀，IG都係呢個電郵！唔怪之得咁熟口面！」

「細佬，咁下面嗰組字又係咩嚟？」

「既然上面係電郵嘅，下面應該係密碼啩。」

「安映，你快啲試下用個電郵同密碼開你阿哥啲嘢嚟睇下啦。」

本來已經在門外的兩人，一下又跑回屋內，正宇的弟弟看著兩人，只好默默地在一旁拿著手機耍樂。

「點呀，有無咩特別嘢呀？」

「啲帳號入就入到去，但乜線索都無。本來以為阿哥會留低線索畀我，可惜......」

其實正宇也以為安映哥哥會留下線索，但只要仔細想一下，安映哥哥打過來的電話和發過來的訊息也能感受到是慌亂之中傳過來的，怎可能有足夠時間留下線索。

「之前你咪話你阿哥喺外國嗰個匿名討論區搵到個『一筒歸西』生還者嘅，會唔會係用嚟登入嗰個討論區？」

「我試過啦，嗰邊應該係我阿哥朋友去搞，用佢電郵乜都睇唔到。」

正宇弟弟看著兩人一臉凝重，思考了一會後忍不住搭話。

「你哋......搵緊人？」

「係呀，佢阿哥就咁留低咗呢兩個訊息之後就搵佢唔到啦。」

「佢阿哥用咩手機㗎？係咪iPhone？」

「係呀，佢係呀！」

「咁你哋試下登入佢個帳號，話唔定可以見到佢喺邊。」

安映聽罷馬上嘗試，果然韋洛的手機定位顯示他們到了大埔。

「搵到啦！我哋即刻出發啦！」

「咪住，佢哋應該仲郁緊，我哋出咗就睇唔到佢哋最後去邊㗎啦。」

「咁點算呀？」

正宇思考了一會後，不懷好地看著他弟弟。

「細佬，你頭話你今日放假㗎啊？不如......」

你係啱嘅
不過我諗諗下，試下出密啲等大家有記憶好似仲好

可以一試
我寫重甜唔知會變成點
靈異甜故

輕輕一推
順手追返哂巴打之前個d都市傳說故

Lm

啱啱先見到呢個新故見到樓主個名咁熟先發現原來之前追過曬其他故 好耐冇見

好睇 樓主加油

（十九）涉險（４）

「喂，細佬，佢哋依家去到邊呀？」

「佢哋暫時都仲喺大埔，大佬，你究竟搞咩呀？失驚無神帶個女仔返嚟，跟住又失驚無神走鬼咗去，仲要我喺度幫你睇住佢哋個位置，你唔係做啲咩危險嘢呀？」

「唉，一匹布咁長，總之你幫我睇實個位置啦，我會自己睇住自己㗎啦。」

「你係先好講呀，唔好女朋友喺度就逞英雄呀。」

「女乜鬼......廢事同你講，發現有咩唔妥再通知我，係咁。」

正宇掛斷了電話，安映才敢作出詢問。

「點呀？我阿哥仲喺大埔？」

「係，好似完全無郁過咁。放心啦，應該好快搵到你阿哥㗎啦。」

「希望係咁啦。」

兩人乘坐的士來到大埔附近，正宇的電話突然響起。

「喂，阿哥，你哋到咗大埔未？」

「就到啦，啱啱上咗吐露港公路一陣，依家去緊梅樹坑遊樂場。」

「你哋快啲去，啱啱佢哋一直停咗喺梅樹坑遊樂場，但依家佢哋好似有動靜。」

「有動靜？」

「係，我見到佢開始喺遊樂場範圍不斷郁嚟郁去，但暫時仲未走。」

「你幫我睇實，有咩動靜再話我知。」

正宇掛斷電話後，馬上請司機加快速度，但理所當然地不獲得任何回應。

「啱啱你細佬講咩？」

「佢話見到你阿哥個位置喺度前後移動，唔知係有事發生定準備離開嗰度，希望我哋去到之前無事發生。」

兩人說著說著，的士來到大埔花園附近，兩人下車後正宇馬上收到電話。

「大鑊啦，佢哋個訊號唔見咗！」

「吓？唔見咗？點會咁㗎？」

「我都唔知，唔知係熄咗機定有干擾。總之頭先佢哋郁郁下就突然無晒反應，我呢邊咩都睇唔到啦。」

「咁佢最後顯示喺邊？」

「我睇返地圖，應該仲喺梅樹坑遊樂場入面。大佬，你哋究竟搞咩呀？如果有危險嘅話不如報警啦。」

「唔好，報警都無用，佢哋有心冚住件事你點報都無用。」

「你講咩話？冚住邊件事呀？！」

「你唔好問啦，總之我搞掂埋單嘢會打畀你㗎啦。」

「唉，好啦，不過你畀定你啲帳號名同密碼我先，有咩事我都可以知你去咗邊。」

正宇交低了自己的帳號和密碼後，便帶同安映一起越過林村河，來到梅樹坑遊樂場。

「呢度就係你哥哥最後出現嘅地方啦，但呢邊咁開揚，仲有人喺度散步，應該無事嘅。」

「望係咁望啦，不過呢個公園，硬係有啲令人唔舒服嘅感覺。」

「有咩？我又唔覺喎，咁啦，我哋一齊行唔好分散，至少有個照應。」

兩人進入遊樂場範圍後，四周看來沒有甚麼異樣，人雖然不多，但感覺就像一個普通的公園一樣。

「正宇，你覺唔覺得，我哋好似被人監視住咁？」

「吓？有咩？」

聽到安映的說話，正宇開始注意四周的環境，但沒有任何發現。

「會唔會係你多心咋？我啱啱望過四周圍，都係得幾個老人家，無人特別留意我哋。」

「唔係呢，我硬係凝住有人望實我哋，個感覺......好似有人......或者有啲嘢匿埋喺樹度偷望實我哋。」

「樹？」

正宇再次留意四周的樹木，並沒有看到有甚麼人或物躲在樹上，硬要說的話，倒是有每隔一段距離，都能發現有應該是貓頭鷹的雀鳥停留在樹上。

「我淨係見到有貓頭鷹咋喎......」

正宇指著附近的貓頭鷹，安映視線接觸的瞬間，身體莫名奇妙地顫抖起來。

「係......係佢啦......」

正宇聽到後，有點難以置信地看著安映。

貓頭鷹在監視他們？

這是怎麼一回事？

屌我上次真係打左隻一筒頭三隻係西 跟住大家靜左

（二十）涉險（５）

為了驗證安映的感覺，正宇嘗試在公園前後往返走動，然後好好觀察樹上的貓頭鷹。

奇妙的是，不論他們兩人跑到哪裡，亦能在樹上看到貓頭鷹。

而且，不知道是錯覺還是甚麼，貓頭鷹的視線一直追著兩人不放，真的如安映所言，像是在監視著兩人似的。

「正宇，我哋係咪被人監視緊？」

「我都唔知，但係啲貓頭鷹的確好古怪。我咁大個人都未見過咁多貓頭鷹，亦未見過咁有規律隔一段距離就有。」

正宇雖然說不出到底是否受到這些貓頭鷹的監視，但肯定的是，這個遊樂場絕對有古怪。

兩人來回踱步了好一會後，更加確定那些貓頭鷹十分奇怪。

即使受到正宇用石子攻擊，貓頭鷹還是動也不動地看著兩人。

「安映，我哋不如離開呢個遊樂場先啦。」

「但係......」

「我哋會再返嚟，我只係想驗證一下我嘅諗法。」

正宇牽著安映瞬速從原路離去，兩人越過林村河後，正宇馬上回頭觀察。

「安映，你依家仲有無嗰種被監視嘅感覺？」

「無咗！」

正宇想起剛剛他弟弟提到，安映哥哥突然在遊樂場裡前後徘徊，最終連訊號都消失了。

大概當時他們也察覺到遊樂場那種奇怪的感覺，於是嘗試從那種感覺中逃離，只是他們沒有像正宇一樣離開遊樂場，最終消失在公園裡。

安映似乎亦想到一件事，突然用力抓著正宇。

「阿哥佢會唔會有事？」

正宇不懂回答這個問題，只是他知道如果再追踪下去，很有可能像安映哥哥一樣在遊樂場裡無故消失。

但不往前走則甚麼也不會得到，最終兩人商討後，決定繼續往遊樂場探索。

「我哋再入去一次，但日落之前如果都無發現，一定要離開再諗辦法，好無？」

安映點了點頭，便再次進入遊樂場。

而這次進入遊樂場時，連正宇也能感受到那種被監視的感覺，而且這次明顯地感受到這視線是帶著惡意的，像是在警告兩人不要再深入追查。

而感受力更強的安映，臉上更露出厭惡的表情，但即使這樣也無阻安映的前行，正宇見狀亦只能跟隨安映前行。

遊樂場的範圍其實不大，兩人抵抗著那種帶著惡意的視線，很快便把遊樂場搜索了一遍。

除了有一些在做著運動的老人外，便沒有任何發現。

「無理由㗎，呢度明明有古怪，點解會咩都搵唔到。」

「會唔會佢哋已經離開咗遊樂場？」

「無理由，如果真係離開咗遊樂場，我細佬應該會注意到先啱。佢無講嘅話，至少消失前都一定喺遊樂場入面。」

正宇拿起手機，打開了地圖，發現遊樂場範圍外，上下均各自有一條路連接著。

上方的路似乎只是普通的地方，沒有任何特別的建築；而下方的路則通往傳說中著名的百年鬼屋 - 常寂園。

雖然常寂園已經重新修葺，不再像以前般荒廢，但若說遊樂場內可疑的地方，就只有這裡了。

正宇看了看手機上的時間，不知不覺已經到了下午三時，為了避免浪費時間，兩人沒有多大猶豫，便決定往常寂園方向前進。

「睇嚟我哋搵啱地方啦。」

兩人往常寂園的路上前進了一會，那股帶著惡意的視線明顯變強，兩人更確信他們走的路是對的。

只是，這一條筆直的大路，兩人卻好像走不完似的，到底是怎麼回事。