[短篇]香港都市傳說 - 一筒歸西
心層次
536
回覆
109 Like
8 Dislike
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
第 13 頁
第 14 頁
第 15 頁
第 16 頁
第 17 頁
第 18 頁
第 19 頁
第 20 頁
第 21 頁
第 22 頁
咪玩啦頂
2020-07-13 23:35:37
係 心巴好頹
出得好慢
西方大俠
2020-07-14 01:31:35
加油樓主 聽日再黎過
咪玩啦頂
2020-07-14 12:14:26
心巴 琴晚冇貨
可可米星球
2020-07-14 12:39:51
留名
之前都有睇腸粉同四不像
心層次
2020-07-14 13:38:34
噚晚食藥瞓死咗,今晚再出
咪玩啦頂
2020-07-14 15:59:31
心巴又作病
心層次
2020-07-14 22:52:33
(四十六)安映的危機(7)
五人兵分兩路,阿軒、怡欣和哲瑋趕回去安映家裡設置保護安映哥哥的陣式;而子鋒和正宇則趕去迎救安映。
只見在子鋒頭上的白煙,像有生命般引領著兩人前進。
兩人不發一言地跟著白煙前行,沿路上正宇偶爾會暫停步伐休息,看來還沒有從虛弱的狀態中恢復過來。
「喂,唔好死頂喎。」
子鋒看到正宇像是快要不行的樣子,忍不住開口說。
「我無事......係咪要再快啲?我得㗎。」
正宇想強裝沒有問題,但蹣跚的步伐卻騙不了人。
「你算罷啦,企都企唔穩。抖一抖先啦,如果唔係去到之前你死鬼咗就無意義啦。」
「唔得,我唔可以畀安映有事。」
子鋒好言相勸,但正宇的態度卻執著到有點異常。
「其實,我聽阿軒佢哋講,安映同你哋都係識得幾日,你有必要對佢咁執著咩?」
的確,以現在的情況來說,讓阿軒跟著子鋒,又或者子鋒一個去尋找安映,其實都能夠救出安映。
正宇的存在與否,對整件事影響不大,那麼為甚麼正宇執意要跟著子鋒去拯救安映呢?
「其實......我唔係第一次見安映。正確啲講,我其實識咗安映好耐。」
「識咗好耐?」
「係,不過我諗安映已經唔記得我,一齊......都係我嘅錯。」
子鋒邊聽著正宇的故事,邊緩慢地向著山裡前進。
除了能給予正宇一點時間恢復體力外,子鋒也想多點了解正宇對安映那種執著感的由來。
「所以,當時嘅你就捨棄咗安映,而你依家就純粹想做返補償?」
「補償......可能係嘅,但......我唔只想補償佢,我係真心為佢好,我希望見到佢開開心心。我......我從以前開始已經鍾意安映!」
正宇把和安映的經歷都說完後,子鋒便剛好停下了腳步。
「呢番說話,留返你自己同佢講啦。當然,係救咗佢之後再講啦。」
子鋒和正宇在山裡的行人道途中,遠離了正常行人道,往樹林中前進著。
而現在,白煙停留在樹林中的正中間,動也不動,似乎是到達了終點,但放眼四周,卻完全不見那道士和安映的蹤影。
「做咩停低咗?」
「唔係我想停,你睇團白煙。」
正宇看著在上方的那團白煙,此刻呈現靜止的狀態。
「咁啫係點?我哋跟甩咗個道士?」
「我哋無跟甩,團白煙嚟得呢度,呢度就一定係終點。只係唔知用咗咩方法匿埋咗啫。」
就在子鋒思考著如何找到突破口之際,在上方的白煙,正以肉眼可見的速度慢慢消失。
子鋒注意到這狀況,拿出了一瓶紅色的東西。
「呢樽係?」
「硃砂,睇嘢啦。」
子鋒把硃砂向著白煙一潑,純白的氣體馬上染上了紅紅的色彩。
在變成了紅色後,兩人看見這團紅煙,正以極少的數量慢慢向地上落下,鑽入了泥土之中。
「原來喺下面!跟實我啦,我哋依家就去救人兼收個道士皮!」
子鋒拉著正宇,口中默唸了數句咒語後,右腳用力一踏,兩人像是失重般向下墜落,然後來到了一個像是地洞般的地方。
這地洞雖然呈封閉的狀態,但仍能有看得到四周的情況,感覺陽光仍然能透進來似的。
而兩人身處的位置,雖然微弱,但仍能聽到好像有甚麼人在唸著甚麼奇怪的經文,感覺好不詭異。
而在這詭異的唸經聲中,正宇發現了一絲不同。
「安映!我依家嚟救你!」
正宇從唸經聲中竟聽到安映的呼喚,那是幻覺?還是真的聽到了安映的求救?
心層次
2020-07-14 22:55:43
頂, 我編輯錯咗添...補返呢一細段
(四十五)安映的危機(6)
面對正宇的反對,子鋒沒有說話,而是集中精神盯著正宇。
在旁邊的怡欣和哲瑋雖然不是和子鋒對望,但仍能感受到子鋒帶來的壓力。
而正視子鋒的正宇,則面露痛苦的表情,但眼神沒有半點要退讓的感覺。
「好,及格。改變策略,正宇同我一齊去搵安映,阿軒同你兩個上去安映屋企睇住佢阿哥,就咁。」
子鋒說話的同時,那種無形的壓力已然消散,那是某種試驗嗎?
「吓?你畀正宇去?佢咁嘅狀態點去呀?」
阿軒為子鋒的決定感到驚訝。
「頭先我望實佢咁耐,佢咁嘅狀態都無退縮,仲邊有辦法阻止佢。陣間我同你出發之後佢跟住嚟仲煩,倒不如我依家就同佢一齊去,至少可以睇實佢。」
「咁我都一齊去,多個人多個照應。」
「你咪玩啦,頭先喺天台你見到㗎啦,個臭道士真係唔簡單,我無可能同時保護你兩個。簡單講,你兩個只係累贅,可能嘅我完全唔想你哋跟過嚟。不過同頭先一樣,我要有一個識得安映嘅人跟住我,以防有啲咩事。」
阿軒聽罷,心裡仍有不服,而且正宇的狀態實在教人擔心。
「阿軒,你幫我上去睇住安映阿哥,我好快會返嚟。同埋你同我講佢好勁㗎嘛,交畀我哋啦。」
阿軒看著正宇,然後又看了看偷聽到正宇說話,正在屈著手臂展示那若有若無的二頭肌的子鋒。
「好啦,我同佢哋喺安映屋企等你,搞掂之後我哋再去飲返杯,迎新營嗰邊我哋仲未慶功㗎。」
阿軒和正宇對望了一下,互相點了點頭。
「得啦,咪生離死別咁啦。總之跟住我,好快搞掂㗎咋!」
西方大俠
2020-07-15 01:46:22
又追到文
樓主加油
咪玩啦頂
2020-07-16 09:36:38
推post
出哂位
2020-07-16 12:09:28
文呢
伽藍
2020-07-16 17:31:24
我不會計會計
2020-07-16 17:35:57
無文的第二日
心層次
2020-07-16 17:42:58
今晚出
不過會夜啲出
水原希子
2020-07-16 17:43:57
仲以為有文..
水原希子
2020-07-16 18:05:14
巴打 子鋒第一個故係邊個? 澳門再早d?
心層次
2020-07-16 19:59:01
紅衣小女孩係第一個
山寨嘻哈俠
2020-07-16 21:06:18
啱啱live左
水原希子
2020-07-17 00:30:30
好夜喇樓主
心層次
2020-07-17 00:40:56
(四十七)安映的危機(8)
正宇循著安映的求救聲跑去,當他能更清晰地聽到求救聲時,眼前出現了一條分岔路。
正宇沒有半點猶豫便向左邊跑去,而遲來一步的子鋒,在觀察了一會後,竟向右邊的路前去。
「安映!我嚟緊啦!」
愈接近聲音來源的同時,安映那痛苦的求救聲便愈發清晰。
穿過了漫長的道路後,在正宇眼前的,是手腳均被鐵釘狠狠鐅穿了的景象。
只見安映手腳一直流淌出鮮紅的血液,臉上卻是一片蒼白,形成了強烈的對比。
而在安映身旁的,便是那天跟著道士離開,「一筒歸西」的第三個涉事者 - 阿邦。
除了這兩人外,映入正宇眼簾的,還有在阿邦身旁的好幾個水桶。
正當正宇猜想水桶的用處時,阿邦突然拿起水桶潑向在地上的安映。
「你做咩呀!」
正宇被阿邦的舉動牽動了神經,大喊的同時撲向施以毒手的阿邦。
阿邦則是冷不提防出現不速之客,還未反應過來便被阿邦撲倒在地上,臉上捱了一拳又一拳。
可惜正宇的體力還沒有完全恢復,一輪纏鬥後阿邦還是甩開了正宇,但臉上掛彩,右眼亦半腫起來,影響了視力。
「你個賤人,點解你要咁對安映?」
被阿邦甩開後,正宇的怒火仍然沒有減退,對著阿邦怒哮。
「我對佢做咩關你咩事!我話你知,唔好阻頭阻勢,大師話爭少少佢就可以幫我將個咒轉移落去呢個八婆度!我唔可以功虧一貴!」
「你要解咒係你嘅事,但搞著安映就唔得!」
稍作休歇後,正宇再次撲向阿邦。
但阿邦已有了防備,一下子向旁邊躲開。
正宇撲了個空後便重整架勢,卻發現阿邦只待在遠處,沒有進行反擊,只因阿邦此刻的心思早已全放到安映身上。
「你究竟想對安映做啲咩?」
「我咪講咗,要將個咒過落佢度囉。」
「就算係咁,點解你哋要傷害佢!」
「哼,嚟到呢個地步我唔怕同你講,大師講過呢個咒唔係咁簡單,要轉移嘅話一定要獻上大量鮮血。而且接受呢個咒嘅人,身體絕對唔可以比中咗咒嘅人強,而且亦要佢一直保持清醒,如果唔係呢個轉移詛咒嘅法術就會失敗。」
阿邦的說話正好解釋了為甚麼要這樣對待安映,為了確保安映比阿邦的身體來得虛弱,於是便弄傷了安映。
而阿邦定期向安映潑水,就是為了確保她是清醒的狀態。
「你哋要轉移詛咒,求其搵一個人咪算囉,點解要搞安映?佢話晒都係你朋友嘅妹妹,點解你咁都落到手?」
「怪就怪佢唔好彩!如果喺街度求其捉個人返嚟,就算轉到個咒過去,都好難交待點解會有人失蹤咗。但如果係安映嘅話,就算失咗蹤,佢只會被班死差佬當同佢阿哥一樣,死喺『一筒歸西』嘅詛咒之下。」
「你個人渣!」
「人渣?當你親眼見到『一筒歸西』嘅人點死,當你知道死亡慢慢向你逼近,當你知道走投無路嗰陣,你就咩都做得出㗎啦!你依家可以大義凜然咁話我,但換轉係你,你都一樣會咁做。」
「我唔會!我已經決定,唔會再掉低安映。更加唔好講去害佢。」
「哼,唔係你就嚟死梗係講得出呢啲嘢啦。不過點都好,時間已經到啦,你同佢講聲拜拜,送佢最後一程啦。」
阿邦看了看手錶後,從身上拔出了一把小刀,刀上用血字刻劃了一些奇怪的圖案,看著也令人感到不舒服,看來像在刀上施加了甚麼似的。
「你唔好亂嚟!」
正宇意識到阿邦想對安映不利,便馬上撲向阿邦。
但剛才對話的同時,阿邦不經意地慢慢遠離正宇,騰出了足夠的距離,讓他有足夠的時間,把這把小刀刺向安映。
「呀!」
伴隨著安映的慘叫,事情難道就這樣迎來終結?
伽藍
2020-07-17 00:45:50
心層次
2020-07-17 01:06:35
咁夜仲有人
今次GG了
2020-07-17 01:14:50
唔算夜
日日都無啦無啦
2020-07-17 06:19:12
呀呀呀呀呀呀呀呀
水原希子
2020-07-17 09:27:19
阿邦則是冷不提防出現不速之客,還未反應過來便被阿邦撲倒在地上,臉上捱了一拳又一拳。
係咪打錯左, 自己撲自己?
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
第 13 頁
第 14 頁
第 15 頁
第 16 頁
第 17 頁
第 18 頁
第 19 頁
第 20 頁
第 21 頁
第 22 頁
吹水台
自選台
熱 門
最 新
手機台
時事台
政事台
World
體育台
娛樂台
動漫台
Apps台
遊戲台
影視台
講故台
健康台
感情台
家庭台
潮流台
美容台
上班台
財經台
房屋台
飲食台
旅遊台
學術台
校園台
汽車台
音樂台
創意台
硬件台
電器台
攝影台
玩具台
寵物台
軟件台
活動台
電訊台
直播台
站務台
黑 洞