［短篇］香港都市傳說 - 一筒歸西

（二十六）援兵（２）

「喂，你兩個搞咩呀？怡欣，唔好亂嚟呀！」

「唔係呢，正宇佢哋喺河度，我要落去搵佢。」

怡欣回過頭來看著阿軒，眼神一片空洞，旁邊的哲瑋亦是同樣的狀況。

「你兩個......無辦法啦。」

阿軒看到兩人神情呆滯，感覺像是失了魂似的，他馬上從袋裡拿出一個紅色的錦囊，然後衝到兩人身旁。

當錦囊觸碰到兩人身體時，能清楚地聽到兩下像是小朋友的慘叫聲發出，接著一縷白煙從他們頭頂冒出離開。

本來失神的兩人，一下子回過神來，怡欣更嚇得馬上回到地面。

「啱啱發生咩事？我點解會半個人喺欄杆外面？」

「啱啱你哋兩個好似撞邪咁無晒反應，我咪即刻拎個錦囊出嚟囉，好在你哋清醒返咋。」

「呢個就係你同正宇細佬講嘅後著？」

哲瑋指了指阿軒手上的錦囊。

「係，呢個錦囊跟咗我好多年，係有一次遇到啲怪事之後，我阿媽去求咗個錦囊畀我，之後我就真係無再遇過啲奇怪嘢。我平時習慣跟身，估唔到真係咁有效啫。係呢，你兩個點呀？仲行唔行到？」

兩人對望了一下，雖然臉上多了一點猶豫，但還是很快地點了點頭。

「你哋係得先好喎，我自己一個行都得㗎，唔好勉強。」

「無事，繼續行啦，早啲帶埋正宇佢哋走就唔駛再留喺度。」

「咪住先，就算要行，頭先我哋一直都行唔到㗎喎，點搞先？」

哲瑋雖然贊成繼續前行，但也指出了問題所在。

「呢層，我諗無問題㗎啦，你睇。」

阿軒邊說邊拿著錦囊前行，原本一直無法前行的地方，在錦囊越的一剎那，又再響起了一陣又一陣小朋友的慘叫聲，這次眼前湧起了如霧一樣的白煙，往四周散去。

怡欣和哲瑋看得目瞪口呆，不知道該如何反應。

「仲望，行啦。」

「喂，阿軒，呢個錦囊，其實有咩來頭啫？」

「咪講咗係我阿求返嚟㗎囉。」

「唔係呢，哲瑋唔知就話啫，我同你小學識到依家，都無聽你講過有舊咁嘅嘢。同埋，呢個錦囊好似好勁咁喎，實有啲嘢嘅。講嚟聽下啦。」

「唉，服咗你兩個，呢啲時候仲諗呢啲嘢。呢個錦囊的確係有啲來歷，等完咗件事，有機會再同你哋講啦。」

三人邊說邊走，很快便來到常寂園的入口。

「到啦喎，有無感應到啲咩呀？」

怡欣看著阿軒，看來從剛剛開始，怡欣便認定了阿軒有某種能力或身份，不然不會擁有如此奇怪的錦囊。

「痴線，我同你哋一樣咪又係普通人，唔好亂諗嘢啦，周圍睇下有咩線索好過啦。」

阿軒揮了揮手，示意怡欣別再亂想，然後三人便開始在四周搜索。

「頂，周圍乜都無，怡欣，哲瑋，你哋有無發現？」

本以為很快便會得到回應的阿軒，卻沒有聽到兩人的聲音。

「怡欣，哲瑋，唔好玩啦，出句聲好無？」

阿軒停止了在常寂園外的搜索，開始注意著四周，但仍是不見兩人的踪影。

「應我呀，唔係連你兩個都消失埋呀？喂！」

任阿軒如何用力哮叫，卻仍然沒有任何回應。

難道兩人真的憑空消失了？

（二十七）援兵（３）

「哇，乜呢度咁陰森恐怖嘅？」

「唔好講啦，快快手手搵下周圍有無咩線索先啦。」

哲瑋和怡欣踏進了常寂園後，便感到一股寒氣。

但兩人心中都擔憂著正宇的情況，故沒有多想便繼續搜尋著線索，連四周發生的轉變也絲毫沒有察覺到。

「我呢邊咩都無呀，哲瑋你嗰邊呢？」

「我呢邊除咗啲雜草之外就咩都無啦，阿軒你出面有無發現呀？」

兩人停止了搜尋，互相詢問著情況，但卻得不到阿軒的回答。

「喂，阿軒，你去咗邊呀？應下我啦。」

哲瑋半晌得不到回應，便又再次大喊，只是仍然沒有得到回應。

「喂，怡欣，阿軒呢？」

「吓？我唔知喎，頭先咪講好佢喺出面搵，我哋喺呢度搵線索囉，會唔會佢行遠咗聽唔到咋？」

「咁呀，我哋出去搵下佢囉。」

兩人踏出常寂園的入口，把入口附近的位置都搜索了一遍。

兩人互相對望，搖了搖頭，仍然找不到阿軒的身影。

「咁依家點算？」

「阿軒佢有個錦囊，應該唔會有事嘅，一係我哋兩個繼續搵正宇先囉。」

「都好嘅，我都擔心正宇。咦？哲瑋，你望下楝建築物，唔係話翻新咗嘅咩？點解好似......咁殘殘舊舊嘅？」

「無理由㗎，翻新咗㗎喎，點會咁㗎？」

哲瑋愈看愈不明白，臉上充滿了疑問。

就在兩人充滿迷茫之際，建築物來突然傳來了一聲女性的尖叫聲。

「呢把聲......係安映！」

「行啦，仲望，安映同正宇應該係入面啦。」

「怡欣你冷靜啲先，我哋就咁衝入去可能好危險。」

「唔係點啫，頭先咁嗌法肯定出咗事啦！再唔過去佢哋就真係危險啦。」

「我明，唉，點都好啦，搵啲嘢旁身先啦。」

哲瑋隨手撿了兩支木棒，把其中一支遞給了怡欣後便向建築物前進。

進到裡面後，兩人發現了那放滿骨灰龕的房間，亦嚇了一大跳。

「呢度做咩咁多骨灰龕嘅？」

怡欣躲在哲瑋背後，不太敢直視那些骨灰龕。

「唔知，不過點睇都唔似係好嘢。」

「算啦，咁我哋唔好理咁多啦，安映同正宇應該喺樓上，我哋上去啦。」

怡欣催促著哲瑋，哲瑋思考了一會後，拿起了其中一個骨灰龕打算離開。

「喂，你搞咩呀？放返低啦。」

「唔係呀，我硬係覺得呢度好唔妥，邊有可能咁殘舊嘅建築物，呢度啲骨灰龕會咁新㗎？肯定有古怪。」

「就算有古怪你都唔駛拎走㗎，你拎走咗咁又點啫？」

「我其實係想將呢度啲骨灰龕全部破壞㗎，因為個感覺實在太奇怪。不過救安映佢哋重要啲，所以係咁易拎走一個。」

哲瑋也說不上為甚麼會想拿走這個骨灰龕，但他感覺就是要拿走才對，怡欣看到無法阻止哲瑋，也不再說甚麼，只是催促他盡快到樓上去。

走到一半的時候，他們兩人聽到樓上傳來人聲，走在前方的怡欣馬上作出噤聲的手勢，阻止了哲瑋前行。

「大師，你要點對佢哋都好，求下你快啲，我得返十分鐘咋。」

「得啦，我依家就將你個咒轉畀佢哋，不過唔係兩個，係四個。」

兩人聽到這裡，不禁互相對望了一下。

就在那位所謂的大師準備把詛咒轉移到安映他們身上時，兩人馬上從樓梯衝出來阻止此事發生。

好突兀... 無啦啦就拿走骨灰甕... jm9

放心，唔係bug嚟

好睇加油！！！

睇得出有伏筆...
但無啦啦兩條友好驚 跟住寫個腦話佢知要破壞啲骨灰甕又要拎走一個？ 又要驚又要拎？

（二十八）援兵（４）

哲瑋和怡欣從樓梯處跑了出來，看到正宇和安映加上另外兩人被紅色圈包圍著，另一邊則是中年男子。

在這兩組人中間則是穿著道袍的男人。

最吸引兩人眼球的，是中年男子頭上那團黑氣，正緩緩飄向正宇和安映那邊。

「停手！」

雖然還不清楚事情的始末，但從剛剛的說話中和從正宇弟弟那邊得來的資訊，大概也能猜出個大概來。

哲瑋和怡欣各自拿著剛剛檢來的木棒撲向道袍男。

「又邊個呀？我只係想擺脫呢個死人詛咒啫，點解硬係要嚟阻頭阻勢！」

「今晚客人真係多，不過依家無時間招呼你哋。同我乖乖地企定！」

道袍男一聲令下，哲瑋和怡欣便好像被人用力抓著，無法再往前一步。

「大師，得返三分鐘咋。」

「放心啦，夠晒時間，保證你無事。」

雖然道袍男嘴上這樣說，但神情明顯變得緊張。

唸口訣和結手印的速度明顯變快，額頭亦冒出大量汗珠，看來消耗了不少體力。

「可惡，哲瑋你諗下辦法啦。」

「諗鬼諗馬咩，郁都郁唔到，邊有計啫。阿軒條友去咗邊呀，快啲嚟幫拖啦。」

兩人看著道袍男在施法，卻完全無法阻止，只能眼睜睜地看著事情的發生。

「咦？怡欣你聽唔聽到有聲呀？」

「聲？咩聲呀？唔好玩啦，快啲諗下計好過啦。」

「唔係呢，好似真係有聲呢？係邊呢？」

哲瑋在道袍男全神貫注在施法時，突然聽到好像有一把奇怪的聲音響起。

剛開始時聲音十分微弱，但隨著道袍男體力大量消耗，哲瑋總算聽到了那把聲音。

「將我掟向嗰個臭道士身上。」

「吓？」

「你無啦啦又吓咩呀？」

「唔係呀，你真係聽唔到咩？」

「聽咩呀？你唔好嚇我喎，唔係連你都出事呀？」

「唔係呀，真係有喎。你聽下！」

「襯個臭道士力量減弱，快啲將我掟向嗰個臭道士身上。」

哲瑋再一次聽到那把聲音，怡欣卻完全感受不到。

就在哲瑋四處張望時，他感覺到手上好像有甚麼東西震動了一下，然後他發現了剛剛從樓下拿來的骨灰龕在微微抖動著。

「唔好望我啦，掟啦！」

哲瑋此刻確信，那奇怪的聲音正是來自手上的骨灰龕。

「點掟呀？我都郁唔到。」

「哲瑋你講咩呀？」

「信我啦，依家個臭道士全副精神放晒落去嗰個中年男人度，加上消耗咗咁多體力，佢無辦法完全控制我哋，你一定郁到㗎！你想救你朋友嘅話，就盡你能力掟我去個臭道士度啦！」

哲瑋聽到後，半信半疑地嘗試移動自己的身體，才發現的確如那把神秘的聲音所言，束縛的力量比剛才減弱許多。

即使束縛力量減弱，哲瑋移動身體時的阻力仍然強勁，而且強行移動時，能感到肌肉被緊緊拉扯著，感覺像是在健身房用盡全身力氣在做重量訓練的感覺。

眼見中年男子頭上的黑氣已快要進入到安映和正宇那邊的紅圈內，哲瑋也不作多想，使盡全身的力氣把手上的骨灰龕全力扔向道袍男身上。

希望這一著真的能幫到安映和正宇他們吧。

巴打嘅故真係幾好睇 我自己就覺得幾有代入感 btw 子鋒仲有冇出場機會

好掛住子峰 但係心巴話差唔多要幫子峰故埋尾

多謝支持
子鋒嗰邊完咗呢個故會開始寫
但因為子鋒用嘅時間會多好多，可能唔會好似呢邊咁每日或者隔日更新
暫時諗嘅係一星期更新一次，跟住寫到幾多篇就出幾多篇，又或者寫到十話八話存貨先至出

因為希望寫子鋒同時可以寫另一個故，所以要再度度點搞
不過肯定嘅係，嚟緊會寫埋子鋒個故

子鋒係我決定寫故之後第一個創作嘅長篇故（唔計另一個被我封印咗嘅爛尾愛情故）
想當日寫嘅時候純粹為應下個鬼節，原本諗住都係短篇嚟，簡單將我以前聽落嘅鬼怪嘢加埋少少親身經歷去完成呢個故
點知寫下寫下啲角色就出晒嚟，埋尾嗰陣已經過咗十萬字
見都有人睇下，結果又出下一集

呢個故由2016年開始寫，都陪咗我幾年嘅時間
依家睇返，嗰陣啲文筆，故事鋪排各樣嘢都...
既然開咗個頭，我都想好好地咁埋尾
睇住子鋒由中一開始撞鬼，去到會考又撞，高考又撞，大學畢業嘅同時，佢嘅撞鬼經歷都應該畢業㗎啦，如果唔係都幾慘

所以佢大學畢業嘅同時，都要幫佢埋個靚尾，等佢可以重新做人

所以如無意外，下個子鋒故會係講佢大學撞鬼同埋搞掂埋佢體內隻嘢，收埋個尾，子鋒正故就叫完晒㗎啦

當然，入面啲角色有啲嘢未交代嘅，會另外再寫嘅，不過都係之後嘅事啦

依家等我打完呢場一筒歸西先
之後再慢慢寫

推

最記得你有個故講腸粉 個女主角死得好慘
隻鬼睇到我火遮眼

（二十九）援兵（５）

哲瑋這出奇不意的一投，骨灰龕恨恨地命中了道袍男的背部。

可能仍然被束縛著的關係，縱使哲瑋已使出全部的力氣，這一投亦只能令道袍男稍為停頓一下。

倒不如說，這個狀態下，哲瑋仍能準確命中道袍男，已經是不容易的事了。

骨灰龕擊中了道袍男後，沒有造成甚麼傷害便掉到地上破掉，內裡的骨灰散落一地。

道袍男回過頭來向哲瑋怒目而視，而當他發現掉在地上的骨灰龕碎片，臉上由忿怒變成震驚。

「你做咗啲咩？你知唔知自己做咗啲咩呀？！」

道袍男停止了口訣和手印，轉身蹲在地上，希望把散落的骨灰集中起來。

哲瑋和怡欣看得一頭霧水，而作為肇事者的哲瑋更是不明所以。

「大師你做咩停手呀？我無時間啦。」

中年男子看到道袍男停下了作法，嚇得馬上大喊，而在這期間，本已慢慢離開中年男子的黑氣，亦慢慢回到中年男子的頭上。

「你收聲，我依家無時間理你，如果我搞唔掂呢度，你同我都要死。」

「你講咩呀？你又話會幫我，又話咩一定搞得掂，依家咁啫係點呀？我又幫你起人哋啲墳又起人哋啲骨灰，你依家同我講啲咩嘅嘢？」

「係呀，我係話會幫你呀，但我叫你搵一個人做替死鬼，你就搵咗兩個，仲要引咗咁多人入嚟。我叫你搵個普通人，你就偏偏搵兩個一樣中咗咒嘅人過嚟。我叫你起啲骨灰嗰陣要記實佢哋啲咩，你就求求其其有啲有名有啲無名，有啲仲要錯嘅。你知唔知呢啲全部都會影響到我！」

「咩呀？怪我呀？我全部做之前都有問過你，係你話無問題㗎！我唔理呀，你快啲繼續幫我搞掂佢，快啲呀，啲黑氣返到過嚟啦！」

「搞掂？你依家搞到我一身蟻仲想我幫你！」

道袍男聽到中年男子的話後，站起身來怒視著中年男子。

「你做咩？放......放手......」

中年男子突然用雙手緊抓著脖子，狀甚痛苦地看著道袍男。

「你唔係叫我幫你搞掂咩？喺你個詛咒生效之前殺咗你，咁你咪唔會好似你嗰幾個朋友咁被麻雀哽死囉！」

哲瑋和怡欣在道袍男把心思放到那些散落的骨灰上後，發現束縛的力量漸漸消失。

而他們只在一旁看著道袍男和中年男子狗咬狗骨，絲毫不敢作聲，深怕出聲之後會引起道袍男的注意並改為對付他們。

哲瑋和怡欣乘著這個時間，來到安映和正宇身旁。

兩人輕鬆進入到紅圈內，之前用來防止其他人進入圈內破壞儀式的保護措施看來已經消失。

「正宇，安映，醒下呀。」

「無反應喎，唔好理啦，搬咗佢哋出去先啦。怡欣你抬安映，我抬正宇。」

「你哋想做咩？」

兩人抬頭一看，發現道袍男不知道甚麼時候發現了他們，而中年男子則已暈倒在紅圈裡。

「你放棄啦，頭先我已經聽到晒，你個儀式失敗㗎啦。」

「死八婆你講咩呀，我係唔會失敗！我只要殺晒你哋，將你哋變晒做鬼仔，就唔算係我失敗！」

道袍男眼神流露出殺意，看來一次又一次受到阻礙後，他已不能好好保持理智。

就在道袍男結起手印的同時，中年男子突然醒轉過來，無視了現場所有人，一下去從樓梯往下跑。

「可惡，夠鐘啦，最衰都係你班細路！」

哲瑋和怡欣本以為又會像剛才一樣被道袍男束縛著，但此刻卻感受不到任何改變。

「點解，點解你哋唔受我控制，點解！」

道袍男察覺到無法束縛兩人，像發瘋了般大聲喊叫。

「哲瑋，發生咩事呀？」

「我都唔知，唔理啦，快啲叫醒正宇同安映，再帶埋其他人走。」

哲瑋和怡欣嘗試喚醒正宇和安映，努力了一下後，兩人開始緩緩醒轉過來。

「哲瑋，怡欣，發生咩事？安映呢？」

「我喺度，正宇你無事嘛？」

「你兩個唔好講住啦，快啲襯依家走啦。」

怡欣提醒二人後，便把失去意識的安映哥哥和他的朋友攙扶起來，準備逃離這鬼地方。

「你哋一個都唔駛旨意走！」

道袍男擋在眾人面前，不讓眾人離開。

他們一行人能成功逃脫嗎？

pishhhh

Live咗

有新篇未
live 咗
舊嘅有邊個好睇

依家開始寫

舊嘅全部都
https://www.shikoto.com/authors/18352.html

去紙言度可以一次過搵晒
可以睇咗熟食攤檔先

（三十）援兵（６）

「臭道士，係你唔駛旨意走呀！」

一把奇怪的聲音突然響起，而這次不只是哲瑋，所有在現場的人都聽得到。

「區區小鬼想阻止我！」

「我阻唔到你，但我哋全部加埋就可以！你哋快啲落去樓下打爛晒啲骨灰龕，我會拖住呢個臭道士！」

「你哋唔駛旨意！」

道袍男正想作法阻止眾人，卻突然停止了動作。

「你哋快啲落去，我阻唔到佢幾耐！」

安映、正宇和怡欣還未弄清楚發生甚麼事情，只有哲瑋一個反應過來。

「我哋行啦，佢係幫我哋㗎！啱啱我話聽到嘅嗰把聲叫我掟個骨灰龕過去嘅，就係佢啦，我哋快啲落去啦！」

哲瑋邊說邊催促其他人行動，來到樓下那個放滿骨灰龕的房間，哲瑋拿起木棒準備破壞掉這地方。

「快啲救我哋！快啲打爛晒呢度啲骨灰龕！」

怡欣和哲瑋拿著木棒大肆破壞著房間內的骨灰龕，每破壞一個便隱約聽到傳來「多謝」的聲音，直到最後一個骨灰龕被破壞後，四人便扶著安映哥哥和他的朋友離開這楝建築物。

逃出建築物，眼前這座古舊的建築物發出了最後的咆哮聲，「轟隆轟隆」的倒塌了。

「總......總算走得甩。」

哲瑋看著眼前倒塌的建築物，不禁抹了一把冷汗。

他轉過身來，看見正宇緊緊抱著安映，感覺應該是在保護著她。

怡欣向哲瑋示意，兩人識趣地走向一旁。

「總算救得返佢哋，你做咩悶悶不樂咁嘅樣，哦，係咪見到正宇同安映有著落所以......」

哲瑋話還沒有全說完，肚子便吃了怡欣一拳，痛得再也說不出話來。

「所以你個頭，我係擔心緊我哋點樣離開呢個地方咋。仲有，頭先你都聽到嗰個道士講，要救安映哥哥嘅話，就要搵個無辜嘅人將個詛咒轉移過去。但係咁樣做係無意思，就算真係轉移咗個詛咒，都係會有人死，咁樣都係治標唔治本。」

「詛咒啲嘢我哋出返去先再諗啦。依家我哋被個道士困咗喺呢度，都唔知可以點走。」

「頭先楝嘢冧成咁，個道士唔死都重傷，我本來以為佢死咗我哋就可以自動出返去，但依家睇嚟唔係咁囉。」

「定其實......個道士根本未死呀？」

「吓？唔係啩，正宇佢哋咪危險囉！」

兩人回到正宇和安映的所在地，真的看到了他們正在和那道袍男在對峙著。

「正宇，安映，你哋無事呀嘛？」

怡欣跑到兩人身旁，正宇則向怡欣搖了搖頭，示意沒有問題。

哲瑋亦緊隨怡欣來到兩人身旁，但他發現眼前的道袍男沒有了剛剛的氣焰，而且，看上去好像老了很多和虛弱了很多。

「你個儀式衰咗㗎啦，你仲想點？」

正宇擋在安映前方，向道袍男質問。

「我修行咗幾十年，估唔到就咁被你哋幾個細路破壞咗個儀式，而且仲要破埋我嘅法，我呢一生人可以話係玩完啦。」

道袍男說話時氣若遊絲，看來不是說笑。

「呢啲都係你自己攞嚟！」

「哈哈，係，係我自己攞嚟。你哋放心，我應承咗個男人救佢但做唔到，本來已經破咗戒要自己受返，再加上我困住嘅鬼仔被你哋放走晒嚟對付我，我已經命不久矣。」

道袍男看了看仍在昏迷狀態的安映哥哥和他的朋友，臉上露出了複雜的神情。

「呢個詛咒本身嘅力量太犀利，就算真係轉移去其他人度，都未必能夠解開個詛咒。諗深一層，我會諗住將詛咒轉移，話唔定，都係受到詛咒影響。」

道袍男的說話大大出乎眾人的意料之外，安映作為他哥哥的至親，實在無法接受這個詛咒原來是無法被破解的。

「你嘅意思係，根本由一開始，你就無辦法破解呢個詛咒？」

「係，至少到依家，我覺得會搞成咁，都係個詛咒影響，因為我想妨礙佢，所以佢就令我受到呢個教訓。可惜，我只係差少少，我就可以破解呢個詛咒！我已經知道點做，只要畀時間我，我就一定做到，一定做到！」

道袍男愈說，臉容便愈是扭曲，看來他的神志亦開始出現問題。

「做唔做到都好，都已經過去啦，而且要你幫手嗰個男人已經唔知去咗邊，你不如放我哋走啦。」

「放你哋走？好......好呀，不過，你哋唔想知點樣破解個詛咒咩？我真係知點做，你哋唔想知咩？唔通你唔想救返你阿哥咩？」

道袍男的話牽動了安映的神經，雖然道袍男看似瘋言瘋語，但畢竟還是學法之人，而且他已經親身接觸過這個詛咒，要說有機會能夠破解詛咒，道袍男的確是最有可能做到的。

但，他們真的應該選擇相信道袍男嗎？

lm

點會信
岩岩佢地4個人想殺佢 令佢冇曬鬼仔 法力 幾十年修行 又即刻變老
點會真心幫佢地

經過3年嘅歷練
短篇都仲係短篇

咁安映哥哥點算呀
信又唔得，唔信又唔得

無錯，依然童叟無欺，真正短篇