拳願奧米加集中討論區7

見到拳願呢幾期都係講拳擊，我試下講講點解拳擊量級咁重要、而量級點解又會有極限? 即係拳擊出拳背後嘅科學

簡單黎講，拳擊手出拳唔係單靠上肢手臂嘅力量，力量由站姿賦予，腳要屈膝，用腳尖控制重心保持雙腳平衡，唔係左右腳一重一輕，拳擊出拳發力係由後腳開始、力量由後腳掌傳到腰、通過扭腰上背肌、經過胸肌再到肩然後全身力量集中係拳頭打出，全部力量用鏈式傳遞疊加，即係好似你揮出一條長鞭，手掌傳到鞭尖力量可以放大好多倍甚至可以令到鞭尖突破音速揮出音爆，所以呢個過程亦都叫「鞭梢效應」(當然人類全身關節有限所以力量加成無長鞭咁勁，除左刃牙入面嘅愚地克已)

同一道理，身高越高大、手臂越長嘅人用呢種出拳方式力量就越大，所以好多時格鬥迷會用「臂展」去判斷格鬥家嘅出拳力量，而身材越高大嘅人體重自然越大，拳擊量級嘅劃分同時都係拳擊手出拳力度嘅劃分(泰臣係其中一個異類，佢得1米78，係最矮嘅重量級拳王，而佢嘅打法亦同一般拳擊手唔同，多用勾拳而少用直拳)

咁問題黎喇，人類係身高係有極限，即係出拳力量加成有極限，所以重量級之所以唔設上限其中一個因素就係身高限制出拳力度，而體重反而唔係一個影響太大嘅指標，所以無乜野「越重越大力」呢回事，力量由肌肉發出、再經全身加成，好科學

打左半粒鐘結果無人睇？成日話有人嘈阻左討論，而家出d堅料又無人理

你自己唔覆姐 #692