2008年，32歲，我去了一趟印度。

LIVE咗

咁絲打有冇旅程同鬼仔發生感情仲搞埋？
我覺得人在外地，可能氣氛同想法都唔同
其實唔難

好彩樓主醒目 如果全部人飲晒 到時Jin同Hye俾人姦咗就慘喇

我諗連登最好就係可以貼圖
所有野都係唔等人
尤其進步

冇啦 識果啲都係亞洲人黎
有鬼佬approach 但係比假電話佢我覺得識朋友係ok 但係要我發生關係我唔得

香港果陣都有迷煙黨同析福黨

人在外地我都想好似鬼仔鬼妹咁玩得咁放
但無奈呢方向經驗少好緊張好驚比人呃

前排睇報導話有個唔知咩暗星係埃及跟人番屋企結果比人性侵同禁錮左

連登又見有個貼講番多年前一對女仔係巴拿馬失蹤事件
人在呢類地方其實都應該有多少少介心

出左事，去報警都知冇咩用

我話佢只係累訓左，而家返酒店，麻煩你讓開，佢仲話要請我地返警局，睇吓我地有乜要幫忙。
果陣已經頭昏腦脹，我判斷唔到佢想要錢，定想搞九jin兩個女仔。
其實我已經好口乾，頭先又唔敢飲佢地杯奶茶，我只係同條友講，你要點我阻唔到你，但我會叫我朋友即走，我地美國人黎，我朋友會叫大使館幫手，到時我係警局慢慢休息，你就自己同你上司慢慢解釋。

如果呢句大佢唔到，係要睇我護照，又或者，原來呢度根本冇大使館，就死梗，黎印度我係只憑一種衝動，我知太多資料搜集後，我呢種船頭驚鬼船尾驚賊既就唔敢去，所以我講既只係隨口吹，不過我知呢個時候保護到我地既唔係香港，唔係外交上麻麻地既中國，係美帝。最多咪叫hye走，睇佢地肥肥地都追唔到，到時寄望佢救我地。

不過呢類感想，講真當然係事後至諗，果一刻最直接反應，就係只有美帝至大到佢地。就算果陣上網資訊冇而家咁誇張地發達，都仲知美國呢個係大佬，中印最多只係表面友好，但成日比人當水魚，話中國人實冇著數。
嗱我講清楚，係2008年至係咁咋，而家中國咁強大，我實同佢地講，你死啦拉左我就叫戰狼黎。

好彩似乎有效，佢冇出聲就咁揮手叫我走。

hye話我好利害，唔驚佢地拉我地返警局，我話點會唔驚，驚到瀨尿，只係我好累，同埋我憎呢度每個人都想佔我地便宜（呢句錯錯地，印度都遇過好人好事）

終於三個人搵左架Auto-Rickshaw，但地點係返我住既旅館。hye問點解。
我話我點知佢地幾多人，一陣原來有人跟住我地，知你地住邊間酒店，搵人係門口伏你地出黎就麻煩。
我又唔可能廿四小時陪你地。不如今日係呢度休息。明天至陪你地返酒店。
反正明天我就要回新德里。至少希望你地之後會安全。

hye問我可唔可以留多幾日，我話冇計，火車飛係預訂冇得改，而且去到新德里，我都係留多幾日就返香港。
hye就冇再講野，而我心思已經去左新德里既博物館。

返到旅館。hye好訝異我住係咁既房，果個表情好似想講，你無撚野呀。

我問佢。五千KRW (韓圜)係韓國可以食到乜，呢度房租一日三十四港銀，我將呢個金額轉成韓圜問hye。
佢話大慨食到炒辣年糕同埋紫菜飯捲再加多杯食醯(註)啦。

就係咁囉，呢個價錢係韓國都只能食到咁既野，而呢度可以住一日，我仲有咩好講。
hye解釋番，冇諗過我咁辛苦自己，話至少都租間有冷氣既。

jin似乎冇咩事，只係訓得好冧，而我都相當累，而家原來只係五點幾，雖然離正常休息時間仲早，但今日實在太多事，乜都好似扯盡晒，就係咁我訓鬼左。

hye話佢訓唔到，可唔可以陪佢傾一陣，我話都可以既，但唔好期望我會有良好反應。我亦未必明佢講乜，因為集中唔到精神
hye話冇所謂，只係想搵人傾計。

然後佢同我講番點解咁想去買燈，雖然事後我有寫低佢講乜，但我都係半訓半醒，只係大慨佢爺爺打過韓戰。試過走失去左唔知咩山洞避，又見得太多死人，所以好怕黑之類，亦好中意收集唔同國家既燈返黎。

不過我冇經歷過戰爭，根本感受唔到果份恐怖。

註：食醯係朝鮮族傳統甜米酒，通常用係野飲或者甜點。單睇名當時我完全想像唔到係乜，Hye講左陣我至明白。

Lived

頂, 好有同感, 屈極都係差幾10蚊hkd
但係要到個唔屈你錢既又好難

樓主個遊記真係好拿精彩

撚得好搞笑

好好睇
一口氣追到live咗
忍唔住手搵埋樓主舊登個post睇

雖然都多謝你
但希望你支持呢度
因為我會盡量刪晒多餘又長既對白等進度快啲
我認左只係無理由自己做既野唔敢認咁on9

放心呀 一早留咗名
覺得呢邊似遊記多啲

狗也不屌既印度
人生咁短仲要去劣質地方去難為自己
話就話去追求精神上既滿足感

加速
jin圖

其實你當時都32歲，究竟你有冇做返同你年紀相若既事？
打防疫針又唔做research，成個旅程又冇規劃，呢個態度去日本當然冇問題，可能仲別有一番風味，但你去既係印度。
當然，你可以話，12年後我咪又係相安無事係度打遊記你睇？但我相信呢個係態度問題，希望你呢12年已經明白左呢個道理。

Lived.
忍唔住上高登追埋, 可能個邊書面語, 文學創作成份感覺重d
無論幾多真幾多假, 都支持樓主係呢邊完埋個故/遊記佢, 好多位講香港人都好有共鳴, 加油

呢個就係連登或者現實世界同人互動既有趣地方

首先多謝你比意見

但唔同人因為出生成長同經歷仲有教育
行為思考模式同決定仲有行動都唔同

所以人同人間要互相理解明白其實好困難
更多既就係相互間既不認同或者希望對方明白自己果套
無論大家如何討論或提出理據都好

尤其我地都算有唔錯教育思想獨立

你問我三十二歲時有冇做番同齡做既事
我理解為一連串理性思考後既一連串行為

我只能話我唔太清楚你對一個三十二歲既人做人標準同要求係乜
我只會坦言，好多人一生或許有個時候
好想跳出自身既恇恇，試試一種完全在自己範圍外既事

憑既就係一種衝動
雖然好多人結果都停留係想法中

無論點
都希望你會係度繼續睇埋

你真係幾好彩，先唔好話騙子，就算係好人願意幫都好多時9up，佢地其實都唔太知，係果邊問路時有發生指錯路ge情況

我諗你係近期睇得太多pk旅遊出事要政府救所以反應大左。

如果你去開旅行ge你會發現其實咩人都有，我都去過印度而且係好怕死好多野要plan定要打防疫針帶藥果d人，但亦有唔少好似樓主呢d人，大家成長方式唔同處事方式唔同好正常，重點係最後攪得掂，冇要人地幫手。

以過程同結果黎講佢都係一個識隨機應變ge人，咁攪得掂咪ok囉，唔洗咁嚴格ge，畢竟到最後大家都係為自己ge決定負責，唔洗對樓主太harsh啦