2008年，32歲，我去了一趟印度。

sony dsc p100

有少部份用手機映，冇記錯果陣用sony k790

咁應該有唔少cdrom既。

你真係好掂，二十歲我至第一次坐飛機去泰國，仲要係跟康泰
不過我希望如果而家有巴絲覺得年紀大唔敢試某樣野既，
千其唔好咁諗，幾大都唔算遲。做人係對自己交待。同其他人完全無關。

好可惜我嗰陣喺瓦拉納西冇去到火葬場 嗰度係咪會不停燒屍體？

講起叫遊客俾錢 嗰陣都我都俾左好多 坐船會有人黎賣花燈俾你喺河度放 上左岸個船夫又叫你俾錢啲祭司 但係我都唔敢唔俾

係不停燒，果度露天燒根本燒得好慢。
其實你見我寫，我係全部都有比，只係唔會比太多。

其實你睇我開頭寫，我根本唔算有準備。
真係掛個勇字就去，但你唔駛擔心而家後生。

科技進步得太好，有咩事要求救搵路等等都好方便。
但係我想講，我覺得老強姦呢樣野，全世界好多地方都好多。
唔係印度專利，不過香港新聞成日都拎黎講。

上網睇，墨西哥或者南美都唔少，只係冇人報。
有去既可以證實我以下說話真假。
係印度，我就見唔少鬼妹就咁背心短褲周街行，但果陣lonely planet 又寫話印度好保守叫大家唔好著咁少

咁絲打你果陣去，有冇比人昆或者有咩特別事

咁係印度一個女仔咁著又
咁講啦

我眼見好愉快果堆覺得安全既都成班男女一齊玩
即係好似我係琥珀堡遇到既係三個女仔一齊

一個既你仲要敢夜晚出去的確大膽
當地人都係覺得外國女仔好隨便
你繼續睇我遊記就明

之後沿河行，雖然景好靚，但其實處處都有少少腐爛垃圾味。

我地走到Dasashwameth Ghat前”石床"，書上話每晚大約七點會有祈福會舉行。

儀式開始時，石床後既人會不停唱歌，而部份穿上金色衣裝既工作人員就各自坐好然後唸經。過左一陣，一位穿白色衫老翁出黎幫各人祈福，最後各祈福者會將點上火蓮花型燭臺放到河中。儀式差不多持續一小時，好很多民眾圍觀。
Jin聚精會神觀看儀式，而Hye更是其中一位受祝福者，我心中非常奇怪，佢地幾時去”預約”又點預約？

儀式結束後我地係附近酒店天台食飯，雖然話酒店，但其實只係獨立一座七八層高大廈。大慨每層都有三四個住房，不過租金唔平，最平要50美金一晚。

係天台上睇住恆河大家飲住啤酒，Jin問我。點解想黎呢度
我話其實冇咩特別目的，只係想搵個冇香港人既地方過一段短時間。

佢話點解一定要冇香港人，問我係咪好鐘意寂寞。
我話梗唔係，相反好鐘意熱鬧。只係如果去左另一個地方仲遇到本來生活既人，就好似冇出過門咁

jin串我話咁我應該去月球，果度連人都冇。
我話乜都冇，連奇怪既事都唔會有。
佢就話可能有外星人。
我答佢我同外星人又冇共同語言，傾唔埋。

jin突然好認真咁望住我，問我咁我地係咪有共同語言，我get 到既同我想表達既。係所謂共同語言唔係指真係講既語言，係俗稱大家啱青盧。

我話我唔太清楚，我只係識左佢地只有一日。
突然佢好大聲咁打斷我既說話，鬧我唔好講野咁唔清唔楚。話係韓國已經聽左好多呢類廢話，話如果再係咁。佢就立即去跳河，雖然大家都飲左幾杯，但我諗佢酒量唔會咁差呀？
不過見佢成塊面紅晒又想爆喊。我諗緊點算。

突然我想起一件事就唔理jin去問hye，點解你會去果個祈福會既？係咪有咩特別事。

Hye冇理我係咁食著個冇肉味只有醬料既肉丸，結果係Jin答我。冇諗到第一句話嚇鬼死。
Jin若無其事咁講，Hye佢個多月前殺左自己個bb
我心諗我冇聽錯呀？

Jin再講，話hye個仔兩個幾月就死左，頭先hye將bb 放係蓮花燈度送去神果邊。我想左陣就明白，原來係指墮胎，不過其實我都唔知墮胎既英文應該點講。
但見到hye個樣好似輕鬆晒咁。

咁點解要咁做，我嘗試問。
jin話，咪就係因為唔容許出現囉。好多野唔係話面對就解決到。
本來想再追問，但人地既事，我又幫唔到忙，就連安慰都做不到，我又何必深究？就如Jin講有好多事總係這般無奈。

呢餐飯，就在各懷心情既情況下結束。飯後Hye同隔鄰件老外傾得好愉快，好似心情好好想搵開心咁。

我睇睇錶都差唔多十一點，我話我要返guesthouse了。
jin問可唔可以送佢返去。
我話可以既，咁快啲叫埋hye走。
jin話唔駛理佢。我話唔係咁好呀。一陣佢點返去？佢一個女仔坐auto會好危險。點知jin仲話邊個話佢要返去酒店，佢想點就點，總之明天去Allza Hotel食早餐。
仲叫我放心，話佢比我想像中長大得好多好多，我諗Jin是想講成熟吧？

要提一提，其實我同佢地既英文都係有限公司，好多時發音又唔準大家聽唔明，就寫低。比對方睇，再唔掂就用埋身體語言。係呢度，我實習左好多唔同既溝通方法。係香港呢個地方先咁計較大家語言能力同笑人地唔掂。

睇落去就知。
不過先多謝支持。

你去邊度咁好運呀

有冇jin嘅相可以公開都12年啦唔怕啦

係走時，我叫hye有事打比我，hye就笑我話以為我只係對jin好，我話只係唔想啱啱認識既人出意外。
hye就話放心，唔會再有任何意外。當時我只係覺得佢語帶雙關，但我未了解佢到知道咩意思。
就咁樣，佢繼續同老外吹水開心，我就同Jin坐Auto Rickshaw返去佢住既城中酒店。

去到房門，我就同jin講要走啦，明早一齊食早餐啦，印度天氣真係堅熱，又發生左咁多事。實在好累好想訓。

jin見我咁就話不如入黎抖陣，我話唔好啦，咁靚既地方，入左黎我唔想走。望住入邊。唉.....連我都開始覺得自己好孤寒，有少少妒忌可以住咁貴既房。

jin話咁就訓一晚囉，想同我傾多陣，不過叫我唔好諗衰野，訓就訓hye張床。
我話你有少少誤會，我係絕對唔會答應我控制唔到既事。
jin話咁即係我一定做衰野？
我話一定啦，我又唔係同性戀。
jin話如果佢話唔得呢，你會格硬黎？
我話我可能會，雖然我完全唔想坐監。
點知jin話信我，知我唔係果種人。其實我理解唔到佢口中既果種人即係邊種人。
只係見佢個樣超認真咁。