2008年，32歲，我去了一趟印度。

揾唔到舊登個post
可唔可以share條link

Ok thx

講真舊登冇del
你地想睇我冇意見
但就希望唔好貼link係度

反正我每日都會更新

而且都講左，其實果邊係爛尾，呢度會寫晒最後結果

只係我覺得，如果有人問當唔知
人地以為我抄人文就超on9
最難過都係咁比人話自己抄自己文

仲有其實大家講野已經好比面

連登就同現實社會冇分別
咩人都有，所以出得係度，啱唔啱聽既意見都要接受

訓醒時房黑晒，睇睇錶原來成十一點幾，太熱令我全身濕晒，好唔舒服，想沖涼又驚嘈醒佢地，就走出房露台吹風。

當我食緊煙時，hye走出黎問我想緊乜，冇燈光只有天既自然光。
大家都因為太熱訓得唔好
我話冇想緊乜，只係諗我會帶住一個點既自己返香港。
佢問我咩意思，我話，唔知返到去，我會依然故我，定會有所改變。

hye只係話，做人忠於自己，最多世界討厭你，但你自己唔會討厭自己。
或者啦，我話，香港人都慣隨波逐流。

之後hye問我可唔可以請佢食支煙，我話隨便，佢問我點解鐘意食。
我話都唔太講得上鐘意，只係有時好想食，咁我問番佢點解食。
佢話佢覺得咁可以同其他人距離拉近啲。

我無奈地同佢講，我既情況係食唔食都冇所謂，只係有時，好純粹咁想食。無稱得上原因既理由。

hye問我，好似結婚生仔咁？
我話你個比喻都幾有趣，唔通你覺得呢類行為只係純粹本能需要？
hye話係，覺得同食煙冇咩分別，理由都只係用黎交待。
然後大家無言。
每一次都係咁，我好多時會將話題帶去接唔到既位，正宗氣氛殺手。

我地默默咁食住煙，然後好似一對默契好好既拍擋咁，同時吻上對方，冇擁抱，只係無聲地輕吻，間中舌尖互碰，感受住對方同一種香煙既味道。

hye問我想唔想，我諗指果方面，我直接話唔想，佢問點解，係咪驚jin唔開心。我話同邊個都無關，只係而家濕立立好唔舒服，呢度環境又差，我指住天花板話，咁多壁虎，一陣跌幾條落黎都幾恐怖。
唔知hye係咪覺得我講緊笑話，佢好開心咁笑起上黎。係香港我就唔敢講笑啦，對方多數會恥笑或冷笑。

hye細聲話，佢係第一次比人拒絕，我就答佢，我係第一次拒絕人。
hye話，係韓國，啲男仔聽到有得搞實開心死，係邊度都搞得無所謂。

我話唔同既，佢地大氣嘛，係我個人麻煩啫。
hye話唔同意，話我好溫柔，冇佢地咁只係想滿足自己，成隻野狗咁。

我想左一陣同佢講，個世界任何好事總會附帶一件壞事，相反亦然。
例如你覺得我溫柔，只係因為我黎自一個冇戰爭既地方，亦冇當過兵，香港好和平，連示威遊行都相當和平，每次都係街行完就算。黎自呢個地方既人，多數對好多事都會好包容唔會反抗，唔會太激動會好理性，唔似你地，打過仗，八九十年代示威又暴力又死人，仲有黎自隔離地區既威脅，有一種天生既不安感。

我想大家呢度睇，
係因為有部份想法，我而家又有其他感受。
希望少少分享。

係當年，上邊果段我覺得好合理。香港就係一個咁既地方，果陣撚曾做特首，社會當然有問題，但坦白講冇人激進得起。就算咩社民人力都係得把口。

我以為，咁既香港會直到永遠，因為理性永遠壓倒勝過激情。

但係，咁既我，就顯得太軟弱，無法保護到任何人，面對困難都好易就縮。
但你地唔同，知道唔強，就會比人食，做人地奴，雖然可能韓國男仔比較剛強，但有責任感，有咩困難都唔會走左去。
你見到我好既一面，只係因為我地相處時間太短，短到可以掩飾任何缺點。

hye話我好白痴，點會有人好似我咁講自己缺點比人聽，話我係香港實冇咩女仔鐘意。
我話，或者你講既係啱，所以我至諗，返到香港，我會唔會改變。

hye問我幾時走，我話我會坐下午六點火車離開，我同佢講離天明仲有四個幾鐘，印度早上四點就天光，如果要拍日出就要果刻，我話我想影日出，都係早啲休息。
hye話返到酒店，要同我大戰一場，我話我會好期待。

第十天
我訓左係露天餐廳長椅上，晨光整醒左我，簡單梳洗後拎部相機就去河邊影相。正走出門時jin拉住我
jin話都想出去睇日出，我問佢有冇事，佢就笑住話乜事都冇，只係訓得太多肌肉痛。
我問佢對尋日既事有冇印象。
佢話當然記得，話我趁佢訓著搞左佢幾次，仲叫hye係隔離睇。
我嘆左口氣，話咁你應該去搵警察。

jin至老實答我，話記得有一段路比個男人截住，你又講得好大聲好唔耐煩。同埋見到我同hye接吻。
唔知咩時候，hye都醒左出埋黎，話都要跟我地出去。
走到去河邊，正當我專心影相時，jin問我點解會滿足佢地咁任性既想法。
我本來想答佢，因為香港人都唔太識拒絕人。

結果我話，睇在同你做過幾次。我可以補償既只有呢樣。
jin話原來你真係趁我訓左搞左幾次？
我話當然假啦，我對冇反應既野冇興趣。
jin話我成日好認真咁講笑，不過唔討厭，我就答佢咁你呢，想唔認真咁過日子？
佢話係呀，我問點解，佢答我話，認真面對好痛苦。
我除左望住部dc 既日出外，我唔知仲可以做乜或者講乜。

就係咁影相散步，搞到成九點至去食早餐。係印度，因為熱又乾，每日其實食好少就夠，我同樣食左芝士蘑菇三文治，佢地就食左一個印度式「早晨全餐」。









下邊就係我住既guesthouse，大家點睇，入邊既畫唔係我搞既。
三十幾蚊港銀

啱啱係舊登睇返先記得你當年爛尾
今次希望睇到結局

韓妹文化同我地有d唔同所以我又明白點解有時佢唔明你講乜 你又唔明佢地講乜。

寫得好好睇 一次過追晒 希望快啲睇倒結局
睇睇吓遊記變左愛情故

兩條韓妹都想俾你屌

睇完好想自己一個去印度

FF咗jin做下面呢個韓妹
https://www.instagram.com/miuforyou/?hl=zh-hk

未睇晒 留個言先
john fitzgerald kennedy 係咩意思
同埋hye個樣可唔可以都形容下

前幾頁講左
自己踢爆等大家唔好想太多
Jin似梨泰園同仆正路一齊個女主但好少少

有去過韓國尤其去過大學既
都知現實極少女團咁靚既

面型多數係李英愛果種

Hye反而似樓上呃鬼貼既ins link果個
不過再平凡啲同身型冇咁靚

好老實講靚女香港最多

台灣都係你睇我好行街都冇香港咁多靚女

至於john....呢個年紀講番都好醜怪
唔直接答你但比個例子你

果陣年年香港都重播而大家都仲會睇既經典作品
家有喜事
咁我諗你明我當時我講左乜啦

所以大家真心唔好掂呢樣野

都好難明
簡單黎講姐係9up?

係
一定係9up
等於你去浦場飲酒見啲酒鬼醉左斷片都係講堆廢話一樣

之後佢地提議去睇戲，就咁我地去左城中一間戲院睇左套名為TASHAN的現代動作片，其實幾日前至睇過，男既身型操得好掂，女既唔肥唔瘦，係果種肌肉鍛練得非常結實運動型。

戲其實冇咩好講，都係香港果類打鬥槍戰典型動作片，兩男一女組合不停扮型同溝女，但就夾左好多歌舞場景。
jin問，點解兩個男人會同時愛上一個女人，我反問，咁你地又同時鐘意我？
佢地就好大聲講Shame on you
我話其實都冇咩原因，男人都怕麻煩，見身邊有件正既，就唔會想去第二度搵。
jin話即係同朋友反目都要咁？
我話當然，全世界都係咁。
hye話我講到好似真咁。

睇完戲送佢地返酒店後我就講再見。
jin問我可唔可以留多幾日，我將同hye講過既再答一次
jin話仲有好多野未講，我話咁遲啲我黎韓國搵佢再講，雖然果陣有email 同msn
但方便程度同而家冇得比，大家好清楚，一別後九成都keep唔到。
jin話到時再講就太遲，我唔知佢指乜。
jin話不如搞多次，就當送個記念比我，不過我話唔太好，佢問點解，我話我唔想唔捨得。

巴黎鐵塔...？

點知佢又爆喊，做女仔真好，想喊就喊，如果一個男人喊，應該會比人恥笑。
我叫佢冷靜吓，佢就大聲話我做乜一定要走，話如果咁做乜陪佢去呢度果度，之後都聽唔清佢講英文定韓文，係咁一路喊一路講，我就同hye求救，點知hye一幅你搞出黎自己搞番掂既表情，完全唔出聲，我就超無奈，個行程我定好晒，我點知會有咁多事。

中間我只能叫佢冷靜，佢咁喊我根本唔明佢講緊乜，但佢唔理我，唯有尤佢喊，竟然喊左半個鐘，點解女人都咁喊得？
到佢冷靜洗完面出黎都差唔多過左成個鐘，佢話正如我見到。佢地都係有錢人，不過同樣受左好多苦，黎呢度只係想散心想recover，冇諗過會遇到我，佢話係韓國無人會咁認真聽佢地講野，又會耐心答佢地問題，仲會滿足佢地要求，但咁快就走話我好殘忍。完全冇心理準備。
無想過會比人咁埋怨，但我唔明，我極其量只不過係個旅伴，在旅行上遇到旅伴而又分開應該好正常？

嗰兩條韓妺真係咁on9淨係識得靠人真係遲早出事

我無奈答佢，我話我實在無做過咩事值得你咁反應，我答應你黎韓國搵你地啦。
jin好細聲話，冇下次架啦。。。而我當然唔明點解佢咁強調呢點。
jin話唔想為難我，話我三日後返香港，可唔可以留多三日。
我話真係唔得，由呢度坐火車返新德里都要十二個鐘，仲要坐個幾鐘的士至去到機場。

而家可以隨時上網，或者搵hotline可能冇咁驚，但果陣，如果miss左班機我係完全唔識應付。
jin話咁算啦，係佢地太過份，講完又喊過。

唔知各位巴絲，如果有類似情況會點解決，但我的確軟弱，就咁走我應該餘下幾日都唔開心。
我就叫jin咪喊住留心聽我講。

唔覺得會因為一個識左幾日嘅人而喊半粒鐘囉