2008年，32歲，我去了一趟印度。

蛇叔貓

871 回覆

415 Like 8 Dislike

登高入地恩為我 2020-05-12 05:15:44

Lived. 巴打文筆幾好，有小說感。

ZzzXxx 2020-05-12 06:31:52

一晚睇哂追到live、巴打加油寫埋佢

有種莫名嘅感動、人生中冇乜大事做過；記憶中最開心嘅日子係同個老死十幾年前兩條友鳩fing fing上網求其搵咗少少資料print出嚟就去巴塞玩左十幾日。完全勾起番嗰種冇Smart phone時代嘅backpack嘅醍醐味。（我哋兩個喺巴塞俾人開袋開到由鳩佢哋開

）

冇Whatsapp 冇Iphone，你知道你每遇到嘅每一個人都一定只會係你生命中佔極少篇幅嘅過客。所以你先會更加珍惜當時同佢哋接觸嘅機會，可能只係一兩個鐘頭。

我估就算仲有心力去再做一次都唔會有番嗰種感覺，而家去外國玩，啲人第三句就問你拎IG、唔啱傾就懶撚得傾自己玩IG

蛇叔貓 2020-05-12 13:03:38

第十三天
翌日，我同Jin佢地去左藝術館，其實係香港我好少黎呢種地方。

到了藝術館，仲以為都係啲印度風作品，豈料大部份都係外國畫，或者一啲奇怪藝術品。
我同佢地黎到一個奇怪既裝置藝術品前，有一塊黑色磁石板，上面有好多唔同形狀金屬棒同一啲似係西方糕點模具既野。Jin和Hye興致勃勃地將呢啲野砌成唔同”面孔”。

jin問我覺得佢既作品似乜，我話似古代土著面具，jin反問似咩？我話似呀，其實同你個樣都幾似tim。
佢就話其實果個樣係你黎，講完就好開心咁笑，係香港我有幾耐冇見過咁純粹既笑容呢？

我話咁都唔錯喎，都幾有威嚇性，問佢知唔知，古代土著都有呢類嚇人既面具黎趕走惡靈，好多軍人部隊都會有類似既設計做成徽號，等敵人記住。其實我係想起高達內，自護同聯邦軍入邊小隊徽號。

hye同我講，話我人好厚面皮，如果啲有錢仔聽到比人咁串佢實發老脾。
我話冇計，我又唔係有錢仔，如果比人講兩句就發火，人生早就玩完。

Hye的眼神閃過一點異樣，不過我估唔到佢諗乜。

我從來都唔知藝術館可以咁具娛樂性，見到佢地討論不同日戈弓女山作品，熱烈地爭拗著不同作品產生既含意，感覺很有趣。可惜我對藝術既領悟力低，大部份展品對我黎講完全不明所以。

明天就要走，我幻想過呢種日子如果可以無限期延續都不錯。可惜理性告訴我，有啲野，留係有限日子中較好。

古都光 2020-05-12 13:10:13

個背影係jin?

呃鬼 2020-05-12 13:11:34

Omg竟然有相

jin定hye？

鄭欣宜 2020-05-12 13:20:03

簡陋過雞竇

地拖味咖啡 2020-05-12 13:44:28

有背影收貨啦

Cup大位死全家 2020-05-12 18:44:47

好似好好身材

蛇叔貓 2020-05-12 19:08:05

由呢度開始，都係新寫，舊登唔會有，所以只可以每日一更，不過絕不爛尾，只怕大家唔會睇到尾。

蛇叔貓 2020-05-12 19:17:11

離開藝術館後我地到甘地博物館，那裡是甘地生前住所同被刺殺既地方。
呢度係我恒河外幾想黎既地方，好想睇吓甘地生前住既地方，被刺殺既位置，一路周圍行，會見到唔少甘地生前講既金句，望住佢被刺殺既位置，我諗究竟佢為乜要付出咁大，係2008年，根本冇咩所謂本土意識，當時只係好單純buy 甘地既做法同實踐，覺得要爭取改變，就要和理非，當然我唔否認，係果陣我係好buy泛民果套，尤其大狀黨班人講既野。因為果陣同而家比，大部份人都係守法守規則，包括政府，再講多次，無話過果陣好完美。都有問題。
但果陣既問題最多只能叫大家和平遊行。

如果放係今日，甘地既思想真係超危險，搞印獨，又搞本土化，要求印度人唔用英國貨，大家自己織布，搞黃色經濟圈，真正自己印度自己救。
呢一年香港發生既事，半個世紀前印度已經搞左，當然目的不同，我深信香港人不搞港獨，只係想做真正建制派，建造更好既香港。

所以當時英國拉甘地坐過幾次監，又拉晒班支持者，仲搞好多小動作去打散場運動。而最後，只能話只有堅持到最後既人至係勝利者，如果當時世局不變，甘地可能一世都冇機會，但又因為佢堅持冇放棄，所以當世局一變，佢就一遇風雲變化龍。而一切，唔係已月計，係已年計。

當然地，當年邊會諗到呢堆野，我只會諗，當年既香港，和平理性非暴力，人人有工開，開開心心做港豬，文明有質素，點解都仲未有普選，明明大家都係講道理，明明上街遊行都極高質，點解都仲要拖？不過當年，大家肯投票都已經偷笑，管得好，理鬼你點搞。