2008年，32歲，我去了一趟印度。

推

好睇。追左兩日

留名支持
好睇

睇緊 等你埋尾

Jin 同 Hye 靚唔靚女？

等緊你個尾

如果係醜既，火車站應機果幕唔會存在

根據樓主形容，jin係梨泰院class女主角金多美嗰type但靚啲。

Lm

一路都睇緊 好期待你寫落去嫁
不過P牌仔冇得正評

hye同我講，話我成日都強調現實，叫大家唔好諗得咁美好，佢知我同jin講過乜，所以好奇怪我點解會有咁既想法，可能係對韓國唔太了解，只係同樣地，睇到美麗既一面，佢話韓國人，由出生，就冇輸既本錢，大部份平民，就好似入左個漏斗咁，大部份人入去，只有少部份人可以出黎，能夠上流既人就只有少數。而且議員同總統照舊貪污，照舊有各種明顯唔合理既事發生，只係因為大家越黎越有錢，所以寧願去享受，去搵錢，都唔想再過流血既生活，同民主冇咩關係。

估唔到，我會自己中左回力標，原來中回力標既感覺真係幾痛。
但我唔服氣，我話民主當然唔係解決一切既方法。但就係好有效減少問題既方法，如果仲係好似外國獨裁統治，韓國可能變成北韓，或者古巴，又或者，如果有一日獨裁領導同你未來老公講，佢想搞你，咁你老公有咩方法可以保護你？到時可能要連你個女都一齊奉上至夠誠意。果刻我想起海虎中地獄政治所講既說話。

無錯，當時我就將民主同法治掛勾，覺得有民主，就有法治，有規管，唔會乜都亂黎。
hye話，咁你真係想得太多了，或者表面上，為左面子，或者為維護一個虛假既殻，大家唔會明殺，但同樣可以用唔同既手段迫死你。講到底，一個人無權無靠山，就什麼都不是。

至此，我明大家既最大分歧點，我只係個公屋仔出身，無權無勢，所以渴求民主分享到既權力。亦希望成為參與者。共建美好家園，但可能一切的確只係一堆性幻想。
而佢地接觸既世界，就係權/勢/錢壓倒一切，凌架一切，香港果陣既韓國新聞唔係示威就係北韓搞九佢地，又冇而家咁好多人乜都寫乜都講。但其實有乜所謂，佢講既野，放係香港一樣適用。
不過我又點會咁順灘，我同hye講，就算一切如你講，但係民主就係令最弱勢既人，都分到權力，令為佢地做事既人，例如議員/政府既人，都唔會太過份，太明目張膽，都會為佢地諗諗，令社會唔會太一面倒向住某一方向行。
何況，你冇答我，你有冇想過，如果南韓係獨裁統治會點？可能衰十倍既野係社會發生。

這刻到hye沈默。之後佢望住我好認真講，到時，同而家都無分別，都一樣係睇邊個最硬，可以企到最後。佢話我而家見到既一切，只係虛假既和平。冇左有型既加害者(講明先，無講到咁靚既唔想再有人誤會大家英文好好，只係好直接話無左一堆合法既殺人者)，但就有一堆無型既殺手係度，物價啦，地位啦，所謂既認同感，所有野，問我知唔知，一年有幾多韓國人自殺？
我諗，對人性既睇透，佢比大部份高登仔高(當年無連登)
而我，係唔想承認人性既醜惡，定認為香港仲有得救，有得改善？放係今日，大家心中自然有不同答案。

在氣氛不算太好既情況下，結束這個甘地之旅。

返到去Central Park附近，我地無目的行，係一間影碟鋪睇碟，大家各自買左幾隻有強烈印度風特色dvd。呢間野，絕對無人去sale你買野，由得你慢慢睇，好耐冇試過買野咁舒服。
之後去左個商場，因為冇影相，無記錯係寫住國營，入邊有好多手信，我就買左好多唔同靚靚包裝既大吉嶺茶，而佢地就買左唔少擺設返去。同樣地，冇人會理你，冇人會熱情招呼你，你問職員人地都唔太想答你。

之後食過飯就返左去酒店休息，三個一齊慢慢飲酒傾計，講真我比較喜歡咁，除左工事上我冇識過任何香港以外既人，好想好想知道佢地生活，佢地想乜，好想知大家既分別係邊，點解會有咁既分別。

睇到中段有啲想吐槽樓主同韓妹英文都幾犀利，估唔到你咁快兜咗。

寫文想好睇啫，都話修靚晒，總之所有原本對話，係好直接既英文黎。

絕無才子用字咁靚。
而家你諗諗，真係咁順，上面堆對話幾分鐘講完。
但實際行左成個幾鐘。

仲睇緊 p牌正評唔到

唔好爛

樓主呢

首先記性好好既jin，話我答應左我會話佢知我係香港既地位同咩出身，同埋有咩想做，就前一句，如果係港女咁直接，我走鬼左了，但當時我真係冇反感，可能因為大家都知大家係英語有限公司，只係想盡量表達所思所感，我只係單純覺得佢想了解我，唔係想睇吓我有幾多身家呀係咪醫生律師果種。

我想左陣咁樣形容自己，我想講我係公屋仔，但如果照講住estate，我估佢會以為我住好靚既大屋之類，我就話我出世住既地方，係政府比既一個極低租金既單位，好細，住四個人，讀普通既中小學，出黎社會做事幾年至慢慢讀個大學學位返黎，所以無試過正常大學生活，對呢樣野好羨慕，拍過幾次拖，有想結婚既對象但對方另謀高就，亦有我唔成熟而錯失既人，到左呢個年紀，有好多凌角都磨到圓左，又有啲位比以前尖左唔服輸，天資有限，冇打算做咩大事，只係希望唔好死得太樣衰，最後呢個我就係一個你會係香港隨便都搵到一大堆既普通人。

然後大家東拉西址乜都講，例如佢地係韓國食好住好，正宗你地睇果種ig女神，日日生活唔係食好西就係購物，或者唔知係邊個國家海灘曬太陽，咁我問佢地呢幾日跟住我係咪覺得好受苦，佢地又話好有趣，好得意，不過行到hihi，如果唔係我，多數會包的士周圍去，但又因為我，見到好多未見過既野。

無耐，jin話可能今日又曬又行到累，好唔舒服，我摸摸佢額頭有啲熱，唔知發燒定點，我話你咁樣仲飲酒，係咪覺得條命唔係好重要，佢話好多野都無咩所謂，我話你只係未遇到真正要珍惜既野，所以麻煩你之前，先珍惜自己條命，雖然我的確黎印度係好衝動，但至少應急既藥都帶左唔少，我叫佢訓半個鐘先，然後我比左頭痛同感冒藥佢食，無耐佢就訓得好沈好沈，只係聽到幾重既呼吸聲。

我同hye繼續飲，本來好想食煙，但係無露台唔想影響jin，唯有作罷。

然後我同hye交流兩地既教育問題，hye話，係韓國，霸凌呢樣野好普遍，只要班中有男仔比較內向一啲，就會成為對象，中學果陣，佢對果啲比人玩比人洽既人其實冇咩感覺，有時都會玩埋一份，純粹係覺得好好玩，根本無咩所謂同理心，冇覺得錯，亦冇覺得傷害左人，只係覺得對方又唔反抗關人撚事，佢話，應該個個玩人既都係咁諗，所以都冇咩罪惡感。
不過佢最多係同大班人潑水潑濕人地，冇傷害過人。但佢見過最過份既，係有班人特登推個男仔出馬路，差啲比車車死，但結果都撞斷腳入左院好耐，但冇人告發，唔知點解當時人都冇爆出黎，就咁不了了之。

佢反問我，問我人性係乜，點解無仇無怨都可以做到咁？仲話呢班人，開開心心上大學，然後入大公司，因為佢地讀書叻，醒目又識玩，知道點踩界，知道點玩呢個社會遊戲。問我，民主有冇幫過受害者，有冇人為受害者拎個公道？

我當然唔知點反應，如果呢場係辯論比賽，第一回合已經徹底輸了，其實我真心原意只係想吹吓水，叫佢教吓我韓語，輕輕鬆鬆過呢一日，但飲左酒既人，都好似好想發表一堆平時講唔出口既野。

然後hye繼續講，話我不時同jin講乜野係現實，由佢眼中睇真係有啲幼稚，佢話所謂既現實就只有一種，強既人會同一樣強或者比佢強既人一齊，弱既就好似病毒咁隔離，而兩者之間有一條睇唔到，越唔過既界。
佢告戒我，jin呢刻對我既感情，只係單純無見過我呢種人，覺得好新奇，好新鮮，好唔同，但當佢返去韓國之後，就會淡忘我，所以唔好將jin講既野睇得太重。

我話，呢樣野我反而好同意，一切只係期間限定，我本來都冇乜FF，雖然我未到好大年紀，不過都見過唔少野，兩個人要一齊，只要衝動就得，但要維持，就可能要付出大家都承受唔起既代價。

之後我稍為回應佢關於教育同埋對人生既睇法，我話香港都有佢果種韓式霸凌，不過至少我眼見既無咁大鑊，我同意，雖然講出黎超級唔好聽，但弱者就好似病毒咁。所以我話，我一啲都唔勇敢，我同好多人一樣，弱者被玩果陣，最多唔參與，但唔敢埋去同情，因為好怕比人當成同一類，怕會成為一樣比人玩既對象，情況就好似怕被惹到病毒，所以被人玩既人，多數都好孤獨。
但我唔同你，我雖然未致於有罪惡感，但會覺得咁既態度係錯，覺得可恥，只係表面上當一切都無發生過咁直行直過。

大家呢一刻，需要既應該唔係討論，只係想表白自己內心一直無法向任何人表達既想法。大家都明白，同自己同一語言既人，好多事都唔可以講出黎，如果睇到呢度既巴絲，唔明白點解既話，我只能話，你係個人好幸福既人，我真心羨慕。

又追到live左

lm