2008年,32歲,我去了一趟印度。
蛇叔貓
871 回覆
415 Like
8 Dislike
煮酒論精蟲
2020-05-15 02:38:10
可以透露多少少Jin 同Hye 家庭背景?
睇你咁寫 佢哋似係富二代 唔憂柴憂米
唔同你紅褲仔出身
Found404
2020-05-15 14:47:56
追到live
LM
蛇叔貓
2020-05-15 14:55:59
極限係,最多知係有錢人,家庭做既野唔會太乾淨。
即係大家認知呢個世界既有錢人咁。過程唔會完全白色。
咁講應該好清楚?
唔係唔想講,識得咁短知得幾多。如果我話我去埋佢地屋企。
對埋親家。
咁成件事就會變成科幻劇。
不過個世界,人地講幾多信幾多,只能自行判斷
我睇唔少連登貼,巴絲係現實識個香港人。
佢個底有幾多真幾多假,都要假已時日至會露真身。
所以老人家我成日話,對任何人,無需一口咬定佢係仆街衰人。
但唔好期望太好,一個人你覺得好,只係你未知佢過去有幾衰。
一個人表現好衰,可能暗地裡救過好多人你又唔知。
總之,我既人生態度係,你可以對自己有期望,但對其他人,佢地做到答應你既事,已經要感恩。
講得太多離左題唔好意思。
bbjump
2020-05-15 15:16:47
對別人存希望
不如靠自己吧
最少靠自己衰咗 唔會咁失望
冇期望冇失望 冇咁辛苦
Cup大位死全家
2020-05-16 20:51:20
煮酒論精蟲
2020-05-16 22:26:04
此po 已完?

集思港益
2020-05-16 23:09:50
2008 有手機啦, 有電腦, 有internet, 係冇智能手機
集思港益
2020-05-16 23:10:58
2008 有手機啦, 有電腦, 有broadband internet, 係冇智能手機
煮酒論精蟲
2020-05-17 01:55:42
08年有smartphone
但 4G 都未普及
更何況印度
集思港益
2020-05-17 10:33:43
Smartphone未普及咪即係無(對大多數人黎講)
蛇叔貓
2020-05-17 17:57:49
hye問我仲記唔記得返新德里前我答應過乜,當然有點醉意既我直言不知道,hye走埋黎吻著我,話要同我搞番次,就擁抱住我錫,我稍為推開佢問點解?我點睇你都其實唔似會對我呢種人上心,佢只係話,想知jin鐘意我乜,想對我前幾日玩到我hihi作少少補償,同埋比起韓國好多得把口既男人,我比我自己形容黎得勇敢好多,女人都喜歡咁既人,仲話唔好破壞氣氛,好多野,只係各取所需,唔好想得太複雜,亦唔好想得咁嚴重。
我諗,如果佢係香港識我,佢一定講唔出咁既說話。一定唔會對我個人有咁over既評價。
我覺得佢地兩個,唔係對性隨便,係對人生隨便,好多野,都覺得變成點都無所謂,我唔清楚係因為佢地生活太美好,唔知地獄係咩境況,定係因為,佢地對生活已經好厭倦,覺得就算有咩事發生都ok。只係識左幾日既我當然唔會知答案。想起黎,大部份既事,我都唔知道答案,係因為發生太多,定我問得太少?
蛇叔貓
2020-05-17 17:58:18
當然地,我冇抗拒,只有性無能或者同性戀者至會反抗,尤其我講過,我無任何罪惡感,我冇強迫人做,亦冇女友,如果必須為這件事感到傷害左某人,應該係傷害左無遇過呢種事既人吧?
只係,在做既中途,hye問我有冇諗起邊個女仔,我話冇,佢話佢唔鐘意對方在做既時候想起其他人。
事後,我地繼續傾計,對我黎講,肉體上既需索,遠不及文化和各類討論來得渴求,在限定時間內,我想知既,唔係對方既事,係對方身處世界既事。
感覺,就好似before sunrise咁,大家交流既,係大家對各種事既睇法,果種完全意料之外既想法。果種新鮮感,唔係本地人可以得到。有試過旅行識到外國朋友既人,應該會明白呢點。
如果jin係港女既話,我會覺得佢係一條典型既魚生。生勾勾,on99。hye就似個黑面神,好聽就叫cool,唔好聽就叫串,再唔好聽就係西口西面。
我內心好清楚,如果佢地係香港人,就算幾靚都好,都係最克人憎果種。原因大家可以FF吓萬一佢地同一說話,同一態度,變左港女你會點?你真係頂得順?
蛇叔貓
2020-05-17 17:58:49
我仲記得有問過hye,做乜咁唔小心比人搞大個肚,你咁醒唔似喎,佢話我知,係有心既,因為真心想同果個男仔永遠一齊,點知,一如所有既老土故事咁,條友知hye大左肚就走鬼左了,一定要說明原因,就因為受唔到果種壓力,hye話,開頭以為個男仔唔成熟,頂唔順,其實,只係單純個男仔無佢諗得咁愛佢,咁想同佢一生一世。
我話,你呢個年紀,就想講一生一世,都幾唔現實,我暗中偷笑,今次個回力鏢仲射唔應你。
佢好直接認,係呀真係好超現實,反問我,乜唔係人人都有過一個moment,對某種事有超乎理解既幻想同期望架咩?
人人都會有一刻,唔想承認眼前既一切,想去改變。問我咁有錯咩?
女人就係最叻玩反問,明明係佢先否定一切。
蛇叔貓
2020-05-17 17:59:05
我話如果你想一生一世,咁而家同我做既野唔係好矛盾咩?佢笑笑話,有乜所謂,過埋聽日,你同我都扯唔上關係,佢唔同其他人咁覺得一碰釘就放棄,佢終於明白點先可以同一個人一世。
我話我想知係點做到,佢話好簡單,只要搵個人唔好太醒,又唔好太有志氣,對人生無太大追求,又怕無左眼前既野,只要搵到個咁既人就得。
我話你都反省得幾徹底,其實佢講得太複雜,可惜我唔知點表達佢知,係香港,好多港女都咁做,我地就話呢種港女玩夠就搵傻仔埋單。
係我認知中,男人往往將唔同既野混埋一齊,搞到唔清唔楚,但女人多數心水清,知自己想要乜,某角度睇,都幾乾淨利落。
Cup大位死全家
2020-05-17 18:01:04
小白蟲
2020-05-18 09:42:11
其實本身真係睇遊記... 之後發覺冇甜唔好睇

果粒慘
2020-05-18 10:25:46
本身我以為係印度遊記,睇睇下以為係甜故,望真啲發現係港韓文化交流

專業報狗撚
2020-05-18 12:18:30
2016去過南印, 同朋友兩個人包個TOUR去玩
無比人昆過, 不過都係感覺一街既人都想打你主意
同樓主一樣經歷過景點既小朋友好奇撩你玩
去廟無除鞋比當地人屌(導遊話我地外國人唔使除, 最後佢反屌D當地人)
導遊同司機都好好人, 臨走各比左500佢地超級開心
蛇叔貓
2020-05-18 20:42:16
係最後一日,其實我都冇咩景點想去睇,如果作為一個遊旅者,可能唔多合格,因為比起好多巴絲,我去既地方,睇既野其實好少。
大慨到中午,我地一齊出門食野,無目的咁慢行,不著邊際地聯天。冇傾到咩好重要既野,就好似踢波咁大家搓波,唔想進攻咁,就似唔想面對別離既時間。
下午果陣我地係麥叔叔稍事休息,中間仲試過停電左一陣無燈無冷氣,係呢度,遇上一個好有趣的既老人家。
其實佢大約六十歲左右,穿著西裝,說話有禮,個樣同髮型,仲有打扮,超級似愛因斯坦,所以我就姑且叫佢做愛恩斯坦啦,佢開頭問我地係咪遊客,又問我地黎自何方,我就貪玩話我地來自日本,然後佢竟然話佢都去過日本,曾留在當地好幾年教書,就咁樣大家傾起黎。
可能佢比我印象唔似扮老友想賣野啦,唔知講到乜佢話如果印度成為世界最勁就人人學Hindi(印度語)。如果日本最勁就人人學日語。之後又係張紙上劃左個地圖,話以前地球得一個大陸,中間係阿富汗,左邊係伊朗,右邊係中國,然後等佢講完我又問佢其實係做邊行。佢話佢係美國做President!!!
蛇叔貓
2020-05-18 20:42:44
我英文差,唯有厚著面皮問佢乜係President,佢話即係leader of country,仲話如果係英國貝利雅做果種叫Priminister。無錯雖然佢係瘋言瘋語,但佢係印度令我最放心傾得埋既人,呢個老人. 雖然講既野好離譜但聽得好開心,至少可以放開心情溝通,因為我唔駛去諗佢係咪又黎搵我著數,告別後就返到旅館執拾行裝。
係旅館我叫左架的士去機場,等待既過程中,hye問我有冇睇過before sunrise 同 before sunset
我話我有,仲極鐘意,重睇過好多次,佢問我地呢幾日似唔似,我話都好似。而且坦白同佢仲有jin講,係香港我未試過可以咁放開心同一個人傾計,無保留咁交流大家心中所想,佢話佢同jin都係。我地都覺得,係同一環境同文化下,反而好難交心。
hye同我講,唔知我係香港面對既係咩壓力,但係我比我本人所想更tough,但同時又好似唔想承認呢個自己。
hye問我係咪真係會去韓國搵佢地,我話當然會,又唔係去非洲,唔會太難。然後各自同佢地擁抱。同jin擁抱時,佢只係同我講左一句說話,話等我黎。我簡單答,我知道。
當時我同before sunset個男主角一樣,將時間拖到最尾,因為我太清楚。今次一別,唔知大家仲有冇果份動力,亦唔知道,所有野,會唔會極速變質。
蛇叔貓
2020-05-18 20:43:08
雖然有巴打提議叫我唔好將重點紅字,尤大家想,但以下真係對我好重要,我覺得超無奈。好想好想有人睇到後話我知只有我一個人咁搞笑。或者話我知,其實冇咩奇怪,個個都遇過。
旅館叫既的士到黎,點知係一架輕型貨車,即van仔。司機隔離仲坐住個東歐妹,我坐中間位。後邊有幾包紅白藍大袋係東歐妹,我好奇問佢買咁多手信,佢話係買番去賣。我超無奈,我叫的士係自己坐,唔係同人share,真心我屌左一聲,但唔坐我都唔知點返機場。同東歐妹冇咩好傾,佢坐前我坐後,只係知佢同幾個人黎,但佢先拎貨返去,都係去左最熱門果幾個地方。
蛇叔貓
2020-05-18 20:43:59
未完
仲有係機場既少少事。
同埋返到香港後同jin 佢兩個少少後續
希望各位會支持睇到最後