2008年，32歲，我去了一趟印度。

蛇叔貓

871 回覆

415 Like 8 Dislike

月女我女子食我 2020-05-02 15:21:59

如果係女自己去會晤會危險

蛇叔貓 2020-05-02 15:26:02

如果係傳統既旅遊三角加恒河，我就幾強烈覺得要兩個人以上。
就算唔講比印度佬搞，都有唔少人搵食主動埋黎。
一個女仔會比人煩到hihi應該。

蛇叔貓 2020-05-02 15:30:43

我解釋比佢地知，我買咁多係有部份送比朋友，有部份想試放上yahoo bid 賣。睇吓補番啲旅費。
佢地就話不如幫我買晒啲野，咁就唔駛咁擔心。
我話冇打算要接受。jin問我係咪覺得咁好傷我自尊。
我想起黃子華講，講真心話，用外語特別真心。
我話咁講啦，如果我呢刻真係接受左呢個好意，咁頭先我做既其實都係白費。我做咁多都係想知自己眼光，想知香港有冇人認同，你比錢我買，同直接比錢我駛其實冇分別。

聽左我解釋後。佢地都唔出聲諗左陣。
無耐，hye同我講，話坦白唔明白，覺得我想法好奇怪好曲折，話如果一個客都冇，我而家做既同樣冇任何意義，咁點解唔接受佢地好意，定係話我唔介意最終個結果。
我話，如果真係一個客都冇，證明我唔適合做，雖然可能心靈會幾受傷，但人總係想係各種事情上找尋一個答案。
如果我而家收你錢，咁個答案永遠沈係大海。

蛇叔貓 2020-05-02 15:32:32

本來食完就想再周圍行，點知有個印度人走埋黎，好親切既態度同我地問好傾計。
個後生仔叫asija，話附近有間工場，有好多好靚既傳統燈飾，誠邀我地睇。
係印度遇過唔少呢種人，我諗一個人窮要搵食就係咁，香港人有錢，所以唔駛咁樣出賣尊嚴扮friend.
我冇出聲，正想示意叫佢地唔好理人，點撚知（冇錯果刻完全吹脹）兩個好開心咁。同條友係咁傾起上黎

雖然asija在場，但我唔客氣直問jin做乜想去睇，我完全係想比條友聽到。
jin話想送一個比爺爺，我話點解要係燈，帶番去又大又易爛。
心底完全響起紅燈，三唔識七咁埋黎一定冇好事。
jin話爺爺好鐘意燈，有時會望住成個鐘，hye話佢爺爺都成日照顧佢，都想一齊去睇。

我問有危險點算，有事可以同邊個求救。
jin話我做乜要對人咁有戒心，話佢地都信我，如果有事話我會幫手。果吓我真係屌左一聲。

我話，你係咪以為香港人都係格鬥家同黑社會，如果有事我一定會即走，冇本事保護你地。呢句好認真，呢個時候扮英雄其實好傻。

而且我唔想去咩工場，我敢保證100%有問題，一定要買好多野至走得。我明係想條印度仔聽到。絕對唔可能有例外今次。但條友夠厚面皮當聽唔到。

佢地話其實都有少少驚，但真係想去睇，話最多如果有危險，我講一聲就即走。
其實我覺得好為難。明知仙人跳，都要跳落去。

jin話，其實佢地都知印度人覺得外國女仔好隨便，可以任搞，但又真係好想睇，覺得有個男人係度應該好好多。

理性上，我都警告左佢地唔聽就算，就此分開都唔應該覺得有咩責任。但成件事放係眼前，就咁當睇唔到，之後我諗實會後悔。香港人，可能係世上最叻避開任何危險既人（係2008年，我覺得呢個感受完全冇錯）

蛇叔貓 2020-05-03 00:01:34

我同條印度仔講，如果地方真係城中，可以去睇，但你呃我既話，乜都唔駛講，即走。
雖然我覺得asija 根本唔會講真話。

但印度仔不單止笑晒口話冇問題，仲話我好叻叻，同時有兩個女朋友，我諗佢唔黎香港做地產經記真係浪費。
我話係呀，真係好很勁。
仲話你聽到啦，唔係城中，即走，佢話梗係啦，我地朋友黎架嘛。係印度，信我，你會好易識到朋友。

工場座落恆河西北方向一條叫Station Road路側一間白色房子，呢度係一個小社區，全部都差唔多白色兩層平房。

我地入去時，個個都超nice，好似入左迪士尼咁，店主當然熱情招呼我地幾條水魚，而Jin同Hye都好開心咁四圍睇
jin仲話你睇佢地都係好人黎架。我笑左聲唔答。

金色的戰士 2020-05-03 00:14:58

Cls 想像到個畫面一定係呃你買嘢嗰啲舖

納粹黨衛軍 2020-05-03 00:55:04