2008年，32歲，我去了一趟印度。

成個支那咁

到最後樓主砌咗兩條女幾多次？

遊記就睇得多
旅行豔遇嘅遊記都係第一次見識
樓主又唔介意share出黎
支持

btw全部都係真人真事定美好回憶?
所有對白隔左咁耐都念念不忘
睇黎樓主對佢地有好深厚嘅感情

我會簡單直接講
只要睇得開心想追落去就夠

如果任何人覺得係假係ff
我反而感到安心

又睇到live左
估唔到呢兩個韓妹啲感情黎得咁快
又單純又直接
本身好傷心既佢地比你治癒左 仲對你產生埋依賴
想像唔到我係你既話會點做

我都想去旅行有艷遇
好睇支持樓豬

最後會唔會同韓妹黎個3p送別

LMLM

正皮聽日睇

去過印度七次，Mumbai, Delhi, Agra, Kolkata 呢啲城市去過哂，都冇巴打呢種艷遇
Btw好佩服巴打當年冇Uber+google maps下勇闖印度嘅勇氣

樓主有冇其他旅行經歷比呢單深刻

追到live
羨慕樓主
去旅行遇過既韓國女仔同呢兩個完全唔同

Btw一直想去印度 鼓唔起勇氣
好驚搞唔掂佢地呢種待人接物方式

我話一陣我地去火車站碰運氣，睇睇有冇人賣黃牛飛，冇既就睇有冇人肯賣，咁咪大家玩多三日。但如果冇我就冇計。
然後jin好興奮咁問，真係會幫我地買兩張車飛？
我話只係試，冇人知結果，唔知係我表達得差，定佢接收錯左野，至少我冇講一定，亦坦白講我只有大慨做法，得唔得我都唔知。
然後jin仲話，你肯去做就得，相信我一定做到，呢句令我超感壓力。
如果jin係運動外向型，咁hye就係相反，文靜唔多出聲，成日好似好多野諗緊。
不過正如我講，我望住佢地，都只係好似隔住玻璃咁，一切根本唔了解。

其實，果刻既心態，唔似咩日韓劇咁浪漫，覺得咩一見鐘情呀，有得食唔食呀，實際有幾大落差，如果我身在日本，台灣，我直頭唔想離開酒店日夜扑啦，事後同人威都威啲係咪咁講先，但係印度，一個其實我都幾想去既地方，如果兩邊要選擇，我始終都希望堅持定左既行程完成到尾，因為我唔知我仲有冇勇氣黎第二次。
而且我唔知係咪年紀已大，我實在覺得，如果有太多既期望，係一件好over既事。一切我都只當超限定期既體驗。

差唔多四點到我返到旅館退房，佢地就執好行李係河邊等我。

如果睇番幾個巴打講既話。
而家有google map 有uber，其實都少好多好多呢類野。
至少有人話要帶你路，你有google map 駛鬼咩。
仲可以即時手機搵景點。

同埋我好相信，所有旅館，火車飛等等，可以網上訂定晒。
消費又可能有各種e pay，根本無需擔心

大家係河邊望住黃昏，好靜好靚，hye話呢個係恒河最後睇既黃昏。
我話唔再黎啦?佢話唔啦，已經冇遺憾

我地沿住河邊走，途中遇到個賣明信片既細路女，大約六歲左右，雙眼好大好靚，我同佢買左幾張明信片，但我想幫佢映幾張相時顯得好唔願意咁，個頭左右擰，我從來都唔鐘意迫人，就收機想走。

jin同hye呢個時候逗個細路玩，個細路女仲坐係hye大比度。
jin笑住同我講，話呢個世界唔係咩都可以用錢買番黎。
我勁無奈，估唔到比個有錢人教訓自己世界唔係乜都可以用錢買番黎呢個真理。

係去火車站路上，我忍唔住問佢地，點解可以同個細路女玩得咁開心，
hye答我，錢對佢都冇咩意義，只係比父母教佢出黎做，佢想要既都係人地既關心，其實佢都唔明錢既價值。
當時我只係讚佢靚，幫佢整吓頭髮，佢已經勁開心，人，最終需要既都只係別人既關心。

我話真係好有道理，心中居然有少少慚愧，係呢度同人習慣講價，乜都講錢，都唔記得左呢樣野，不過可能反過來，只有佢地果種唔太在乎錢既，至可以表現出咁既情操。
jin話，我都係一樣咁對佢地(指關心佢地)，所以佢地至想要更多更多。
我答話唔止一次講過，其實我冇咩做過，事實確如此。只有幾日，邊有做過乜，我諗佢地只係忘記左日日係身邊關心佢地既人。

jin話我好怪，成日都否認付出過既事，好似唔想人地咁覺得咁。仲話我咁既性格好蝕底。

黎到火車站，因為要查左票至上到月台，所以唔可以扮冇買就上火車，火車站好多鬼佬同印度人，我諗要外國人讓飛應該好難，行黎行去又唔覺有人賣黃牛。出奇地，呢個時候想做水魚，又冇人埋黎扮好nice咁幫我。
唯有試試搵印度人埋手，但要分出係坐咩class既人，就咁睇又唔太可能，唯有將果班一睇就係窮撚既排除左先。即係好似第二日上果架殘巴果堆人咁，大包細包又著得好平民既，先唔理佢地。

七次，點解唔去下其他國家

另一個麻煩係，好似合資格既人，都係全家人一齊或者單身一個既，但單身既睇黎又似勞工，應該買最平既飛，我睇LP，話呢個車卡都堆滿人，成車都係印度香料味，而且有個女仔係入邊一定比人搞。
好苦惱其實我都唔知點好，唯有先大膽試試問問一家大細既再睇睇會點啦，好多野，得個諗字，永遠都唔知會點。

搵左幾堆咁既對象，但完全唔work，佢地根本對我既提案冇興趣，我諗，呢類人，至少都係吠舍級，根本唔需要咁搵錢。試左陣，都係放棄買AC CLASS想法，埋去同似民工既買，英文就不必啦，拎住十蚊美金，指指張飛應該明。
如果還價太利害，就直接放棄，即係一開口話要一百既就走，中間既，就試試還價。
其實就同香港街頭問卷冇咩分別，都係一個不停試既過程，任何技巧都不必要，只係香港我唔會做，無想過係呢度做。
結果五點幾，總算撞到兩父子，每人比左三十美金佢地讓兩張飛。我諗呢個價可能已經係佢地半個月工資，雖然我冇問個老豆做乜工。

車飛係有名既，我AC1張飛一樣，不過之前坐火車我發覺，車長係唔會檢查護照，只係睇一睇張飛就打上識別。(註)
(註）2013年睇過背包客forum，上到火車後車長都係唔會檢查護照

好想知呢兩年有去印度而又有坐火車既巴絲，上到車廂查飛有冇檢查護照，定而家有新方法去檢查一個人身份。令黃牛無得做。

我話，你地其中一個訓AC，我同另一個去另一個硬座訓，開始果陣，佢地好堅持我訓ac，佢地訓硬座就得，我唯有耐心咁解釋，咁樣成晚你地都唔駛訓，我比左lonely planet佢地睇，入邊既背包客寫得好清楚有幾惡劣。

結果，都係要佢地抽簽，我同jin一齊去硬座，hye去ac class。

五點九，係月台等候火車黎。等既時間，我睇到幕令人難已愉快既情景，一位媽媽係月台對面不遠為個仔沖涼洗澡。個仔大慨只有三四歲，四肢非常瘦弱，水從旁邊街道水喉處抽出黎。

果位媽媽面容瘦削，眼睛深陷無彩，露出如骷髏既手掌為兒子洗刷。佢地身後二十尺左右有個用禾草堆成既”屋”。我諗，呢個就係佢地居所。

我示意佢地望去，我話，呢個就係現實。
(紅色字至係我到今日仲有感覺感受既地方)
hye問點解有啲人會咁，點解其他人好似冇任何感覺，我話，根佢地宗教既講法，呢種人都係前生做左壞事，今生要受苦，受完還左就可以重生。
hye話咁好唔公平，佢地又冇前生既記憶。同埋點解要接受而唔係改變。
我話呢個就係印度既特別制度，因為種姓，有班人一開始就好有錢，係貴族，有班人連姓都冇，一世都只係地底泥，所有野一開始已經定好左，而呢個制度令佢地全部人都甘願接受一開始設定既命運。
我諗，真正既旅行，唔似跟團咁只係睇到好既野，好多唔好既活生生放係你面前，好多道理，香港人都明，但見到，又會係另一回事。

Jin問我，咁我會唔會接受咁既世界。然後順住黎行，我話大部份香港人如我，都冇想過要改變乜，只希望乜都唔變，係個框裡面生存，就算中間有咩唔太好既，只要唔損害到自己利益，多數都不了了之。
Jin聽完冇再出聲，而火車呢個時候亦到左。

以上果段我想補充既只有，
本來香港人就係咁，有飯開有工做，就算比人屈水。
要供樓，要辛苦，都可以忍，可以挨。

大家睇睇tvb，睇英超，睇nba又一天。
大家心裡都明白鬥唔過，咪得過且過囉，守得住否決權咪算囉。

但結果，就好似我係印度見既世界咁，最後，大家都會被迫面對現實。

高登討論區嘅歷史可分為三個時期：DrJim營運時期（2000年至2003年）、Fevaworks營運時期（2003年至2008年）同AM&C營運時期（2008年至今）。

你如果早D上高登 可能仲有用過睇LP

唔想太批評舊登，因為我而家個 account都冇左，只係見佢介面變晒，但我想要既野唔知有冇加入去。

可能08年有去高登，但都只係睇吓感情台之類，但覺得高登好慢，
好似到13年都仲係好慢，成日load唔到。
最慘冇直接upload 圖，想分享要搵up圖網搞完再入去貼內貼link

而本書，我只可以提早講，好彩科技進步大家唔駛再靠咁既西書。
佢係連地圖比例都錯，有啲地方以為好近結果行到hihi

印度ge人命真係唔值錢到痴線，窮人係路邊攤哂係度都唔知死左未，d人掂行掂過冇人會理，shopping mall靚一靚，一街之隔爛地一片窮人哀嚎，完全演活左朱門酒肉臭，路有凍死骨，好接受唔倒

工作需要，每次都係做完嘢留多兩三日咁玩，同埋我同巴打嘅旅遊方式完全相反，食住行都用錢解決（例如搭個幾鐘的士都係港紙4x蚊）可能因為咁唔係好放得開，亦都冇巴打玩得咁深入
同巴打一樣，有得選擇嘅其實都係去大路嘅國家。今時今日有google maps真係太方便，歐洲+北非大部分國家都去過。話雖如此，暫時都仲未見過一個國家好似印度咁，住喺four seasons hotel入面，望出去對面街竟然係個貧民窟

期待巴打繼續分享當年精彩往事

真心請教。
你有冇坐火車？如果有，上車會唔會要求睇埋護照？