2008年，32歲，我去了一趟印度。

但我冇試過訓火車站等買飛
如果一開始買唔到火車飛我可能恒河都去唔到就算

可能啦
因為印度係個充滿各種可能性既地方
正如第二日係巴士站同售票完全溝通唔到時又會有真好人幫助

不過我想問
你點知訓火車站第二日有飛賣？係你問人定一早知？

Hye帶點歉意問我係咪對呢樣野冇興趣。
我話又唔係，我一直想黎印度睇睇佢地文化同建築，不過呢度明顯唔係咁，只係賣野，唔係真係傳統文化，其實呢句係錯，工場做既都係印度傳統設計，只係心底實在好唔舒服。
我話呢度既野，都只係用黎賣比外國人，就好似赤柱賣既油畫咁，只係比外國人做手信，冇靈魂，只係機械化咁做。

佢問赤柱係乜，我話係個地方，好多鬼佬買野。
咁hye問我唔駛買手信返去咩。
我話將呢度既經歷同佢地講，已經係最好既手信，我仲奸笑左一野

hye問咁我會唔會同佢地講我地發生既事。
我話應該唔會，都唔會有人信，我唔鐘意講真話時反而人地唔信。

hye問點解，我就話，香港人多數相信睇到，或者普遍認知既事，想像力又差。如果同圈既人身邊都冇試過相同體驗既事，就會選擇唔信。

hye話我講大話，話香港人好鐘意旅遊，係myeongdong好多香港人。
我話果種係購物，唔係旅遊。
一切都經過導遊包裝，見到既只係表面，就好似包裝得好靚既禮物盒。但就唔知盒入邊既係好定爛。

hey話我，估唔到我個人咁執著，有時我都搞唔清，大家係咪牛頭唔答馬咀，有時佢地既回應我都理解唔到。不過好後來再諗番，或者佢覺得做人唔駛將每件事都看透，有時膚淺啲，可能做人會開心啲。每次都好似睇穿人性本質會好辛苦。

無耐店主拎左幾杯masala tea 招呼我地，話下午茶時間。搞到我即刻想起幾日前個司機又係話請我去朋友屋企飲茶。

我完全冇意思拎起，咁住hye隻手叫佢咪拎，點知jin係另一邊，好開心咁飲鬼左。
個店主仲話我女朋友都飲左，如果我地唔飲，佢地都唔可以飲，因為我地係客人。
明係想我地覺得唔好意思。

我答番佢，我唔知你地規距，但我只係知，唔想做既野，就唔應該迫人做，我表明而家唔想飲。你地要飲隨便。
係印度，唔駛覺得難為情，有咩直接講，你退佢地實食住上。反正我係客，我唔想就唔想。

我大聲問jin你有冇野要買，因為都係時候走。

jin仲怪我話搞壞個氣氛，搞到人人都望住我地唔郁。
我真心屌左一聲，我話，你有野就買，冇就即走，唔好忘記你答應既野。

jin話有款想買，但有少少野想改，同個工匠傾緊
店主同其他人都望住我，雖然唔多舒服，不過至少佢地都冇咩動作，應該安全掛？

點知過左幾分鐘，我見jin坐係度好似無晒力咁，工匠講乜佢只係識答yes，我就知出事。
我走埋去係咁搖佢。問佢有冇事。
無回應，我知啲茶加左料。

個店主仲好好野，呢個時候仲叫我地選好要買乜，話包送貨，呢種厚面皮，香港都未見過。今日一次過大開眼界。

我話唔駛啦，我朋友好累訓左，下次再黎。講完我拉起jin就走，好彩佢仲叫行得。
我心諗你食pot又話幾勁，唔係加少少料你就訓底咁廢呀。

都預左店主發難，話jin選左支燈，唔可以唔買就走。我問幾錢，佢話要10萬rs。仲係咁九講話工匠都好辛苦，個個都只係識話辛苦。
其實用黎買個教訓，呢個價唔算好攞命，不過我知一同意，埋單條數一定仲甘至走得，既然都係要比，梗係唔好比佢亂黎

不過我果野又係忍唔到，講左句dllm，一講完就諗，如果佢地有個係香港番黎識聽識講廣東話就仆街了。

同賭聖一樣永遠只係識晒冷，都係同一條橋，我話五千，當然店主反應超大，好似做舞台劇咁。
講到好似係我洽九佢。
不過係呢度講價，一步到位就夠，無需廢話。

我冇表示任何急於離開意思，就咁過左一兩個字掛，佢見不停重複同一句我都唔理。就問我最多比幾多。
三千，我答，係，同佢地唔駛客氣，千其咪覺得唔好意思，咩佢地窮想搵多啲，我其實果刻未接受到呢套。至少忍唔到比人老強咁屈。

咁當然店主反應更大。但對付唔合理土，就要用更唔合理去對付。

店主好急咁講野，夾住一堆hindi(印度語)，可能同我一樣用地道話屌緊我
店主話最少三萬，我問番佢覺得我地係咩人。
佢問係咪日本。我話錯，韓國，我話錯，估左幾次，我話我地係泰國黎，大學學期完過黎。
身上得幾千蚊。
不如每人比五百rs你，當參觀費。
當然店主好大反應。話每人五百連班工人都唔夠。

我話咁算，我就咁樣行出去，我見街度有班帶住貝雷帽男拎住機槍係街上站岡，我話佢知呢度收埋幾件恐佈份子你點睇？

店主唔知做乜推左我一野，然後指住我話，你地中國人最卑劣。

我話我地黎自泰國架，幾時話係中國人，不過見佢講乜都咁理直氣壯，我唔爭氣笑左。

註：在2008年，我離開Jaipur就發生爆炸案，60人死亡。所以街上好多貝雷帽男，不過直到我返黎，都係攪唔清佢地係警察定軍人，只知佢地配備小米加步槍巡邏。詳情當年我save低以下網頁link
http://www.hellotw.com/xw/xwfl/gj/200805/t20080514_354603.htm

上邊我覺得都仲係講得唔清楚。
我離開japipur第二日，就係果度發生爆炸案，超好運。

但當時我冇得隨時上網，我直到最尾幾日係新德里一間餐廳睇電視，雖然聽唔明，但睇畫面似印度又見爆炸。
返到香港再問朋友至知。

所以唔好奇怪世界上，好多人好似好無知。乜都唔清唔楚咁。可能佢地真係接觸唔到某類資訊，就算而家咁慣上網，都未必乜都知。

巴打印象中見過你呢個遊記
舊登打過？

2014年個陣去過
同你經歷差唔多
誤入垃圾酒店 係咁誤入旅遊agent
個陣有個agent開我金三角8000
開頭以為盧比就去馬
點知準備碌卡部機顯示係usd 差d中伏

今年再去 唔同曬 冇咁多想水你既人
而靠科技個trip都安全左好多

嘩屌 30000盧比 你當年匯率1：5 成6000蚊

聽講南印啲人友善好多 騙子都少

金三角新德里嗰啲就成街都呃人嘅

我係連續去咗兩日都買唔到車飛
打算放棄再諗辦法，就有個後生印度女仔同我講可以一大早買就會買到
佢都要買飛所以我地一齊等天光
好在有佢我先繼續到行程
真心慶幸每次都會遇到好人

好彩，有個人陪，所以我對印度唔係一面倒負面。

但係的確太多人可能基層，佢地收入同我地差太過遠。
所以一定用盡方法想搵遊客錢。
之後其實我不時諗，如果我冇咁計較，好似鬼佬咁比較寬容無所謂。
會唔會得到很多，我指既唔係咩買野溝女。

係一種旅程上既體驗。都唔太識形容。

有google map ，已經大大減少行錯路既機會。

同埋有咩又可以即時上網搵料，仲有我諗有app 叫的士。
唔駛好似我咁周街截又要講價。

因為唔先講定價，佢地可以收得好過份，雖然果種過份其實都係幾十rs 變幾百rs

都係開天殺價啫，係印度好平常。
我地起乜起物，都幾百億幾百億咁叫價啦

好似話直頭係渡假勝地，好多鬼佬去果度陽光海灘。
不過我就冇興趣，如果要陽光海灘渡假，
梗係沙巴泰國最方便最開心。

我仲諗緊幾時會有人知
喜歡既可以返去舊登睇，
不過呢度寫既，會大改晒，唔係過程，係將多餘既對白del晒。唔好拖太長。
同埋盡量改得地道啲。果陣想扮文學
仲有果陣見冇咩人睇冇咩反應，我又啱啱超級忙就停左了。
可以話爛尾，今次無論幾多人睇，都會完整寫晒。



仲有可能呢度巴絲唔鐘意提舊登，我好間中會入去睇睇，但完全唔係以前果個了，無咩人氣，根本好難有意慾睇。

我睇到你話有兩條韓妹俾人呃咗去睇嘢仲飲咗杯嘢就覺得好熟口面

咁唔知巴打你仲願唔願意係度睇？

巴打轉數好快大反佢轉頭 原來對住印度人用反佢地果招係咁work

唔敢當，你如果回帶睇一次。
你就知我來來去去只係識晒你冷呢招

同埋一切都係機遇，如果果陣冇警察（我九估係），我話報警肯定佢地唔驚。

仲有可以話你知，我有想過當睇唔到。
但我唔鐘意咁，可能老人家性格，有做過有講過，認咪認。
當然我教其他人要精啲，咪學我咁。

真係三歲定八十，所以至咁記得佢地同我講既說話。
例如話我份人執著
果陣只係覺得佢地講野九唔搭八

本身我仲ff 以為你同韓妹最尾結左婚
見到你打呢段 我諗起幾句歌詞：
「誰同行 仍同樣結尾
...
誰亦難 避過這一身客塵
但剛巧出於你」
有冇一齊 同邊個一齊 最後其實都係過客

如果结局係同韓妹一齊左
真係好夢幻

嘩 屌一關始開十萬盧比喎
當尻你地3個人水魚咁cap