2008年，32歲，我去了一趟印度。

離開博物館後，都只係五點多，三人去左Rajiv Chowk附近一個地庫商場行。原來全世界女仔都鐘意購物，Hye 和 Jin完全唔理會我到處走，其實呢度同深水埗差唔多，乜野貨都有，衣服，大吉嶺茶，各類質料頸巾。而且有好多歐洲遊客，睇佢地買野個急性樣，呢度價錢就如香港人十年前係羅湖購物咁平。

係呢個迴旋型商場走左一圈後係一間賣傳統頸巾店搵到Hye佢地，睇到個印度店員個樣子我知道又有麻煩事。

我問jin今次又點。
jin投訴話呢間野啲頸巾好貴，比恆河果邊貴三倍。

我望著店員部計數機，上面標著四千rs，我唔清楚佢地選左幾多件貨，但呢個我完全唔關心。我將部計數機拎黎改成一千，當然地店員反應好大，咆哮著不知講緊乜英語，坦白講我其實聽唔明，但都係果啲話我冇誠意之類廢話吧？

我拉著Jin手離開，店員拉著我不讓我走，這令我有點火大，大力甩開佢大聲地吆喝著No。之後頭也不回直向外走，這刻，我很懷念香港服務，咁多日第一次想起香港，或者真係該回去既時候了。

我同jin講，乜你唔係唔計較錢咩？又對我講呢度既人好窮，比多啲有乜關係之類黎教訓我，點解而家又變得咁小器。

佢反駁我話教訓我既人係hye（有回帶就知話我既人係jin），仲有話唔介意比多少少，但唔鐘意人地當佢傻仔，只係三條頸巾減左都要四千，如果佢肯減多二千既話都唔會咁大反應。Jin有點氣憤地講

呢個本來就係我想法，雖然唔知受到我影響還是Jin一早咁諗，但我對於這種「窮人觀點」係有錢人家上得到認同還是感到一點高興。
而且我明明記得係jin話比多啲冇所謂

可能我偷笑個樣比Hye看到，佢目無表情同我講，佢唔一定同Jin有同一睇法。對佢黎講，煩惱既不過係駛晒錢之後去換錢過程，其他佢唔關心。

又到苦惱晚飯時間，我諗駛唔駛真係入酒店食應該唔難食但又唔值過百美元既晚餐時，Jin拉住我去KFC。

雖然我喜歡過呢種完全唔需要著急既悠閒生活，但一想到在香港KFC每次排隊又要數分鐘時不禁感到很苦惱，尤其這裡是印度。但心忖著反正想不出食乜就算了。

但完全出乎意外地x3， 呢度KFC比香港快唔知幾多倍，由落單收錢到食物送上只係半分鐘左右時間。又一次，感到印度真係個同香港完全兩個空間地方，這個效率對慣了心急既香港人睇來還真係無械可擊。

食緊時，hye指住我斜後方既一班人，話果邊既人同我講同一種語言，問係咪香港黎。
我睇左陣，相信的確係香港人。
hye問我點肯定，或者係中國其他地區既人話唔定。

本來對於呢個提問，我想對佢講，就好似一個在亞視工作既藝人，點睇都唔會錯認在無線工作那樣。但咁答法只會更令別人迷茫，所以我想了想這樣答。

巴打可唔可以加速post多兩篇

工作中，總之今日就會完埋呢日。

就係唔想拖太長。呢個星期內完

巴打加油, 留名等睇結局

舊年同前年去
AC2 同3 都冇check passport

好勁, 12年前仲寫得返出黎

咁有巴打話會
有Youtuber又話會

我既結論係佢地求九其想檢查就檢

好明顯有好多下文先咁入心

雖然中國人多數嘈吵，但呢個係佢地本性，但香港人既嘈吵，主要係因為好奇而產生興奮。我解釋。
hye問我可以分開本性既嘈吵同因好奇既嘈吵？
我話大慨啦。
佢問點分。
我話就好似分辨雄性獅子同雌性獅子果種程度啦。

我同果班年輕人打招呼，佢地反應超級愕然，冇諗過會係印度遇上其他香港人。傾落佢地話係大學生黎印度交流，太詳細我都冇問。
其中一個樣子可愛既女仔問我黎做乜，我指住hye佢地，話黎呢度作國際性親善交流，之後我就返埋位食我既「大餐」。

行左成日，沖完涼後我就訓左，第二日仲有想去既地方，諗住早啲休息早啲出發，大約訓左一個鐘左口。
覺得心口悶熱有少少窒息，仲以為係印度比鬼壓，點知張眼見到Jin成個人壓係我身上。我想推開佢但感到手臂發麻。

我叫佢番落黎，佢話訓唔著想搵人傾計，

我話咁你先落番黎好冇，我就快窒息。
我問佢點解唔搵hye，佢就話hye無趣，話我好多野都冇講我知。
我話我既事其實都好冇趣味，又唔似佢地年輕，兩日唔夠訓會痴線。講既時候語氣唔多好，因為頭好痛，唔知係因為天氣定累，還是兩者加埋。

以為jin會發老脾，點知佢冇不突止，仲反而輕輕地按壓著我太陽穴。

然後好溫柔地道歉。
而我都變得唔好意思，輕聲同佢講係我發脾氣唔啱。

佢話，我好溫柔，呢個時候，多數既韓國男人會一邊咆哮一邊揮袖而去，而我總顧及別人感受。
因為香港人總係好客而不願得失任何人既投機之徒嘛，我講過門係兩邊擺的，有好一面也必有不好一面，反過來亦然。我笑著同佢講。

即是話，我好溫柔，但同時缺乏個性，也沒有堅持，仲使認為事情道理在我手也一樣。
佢問我，點解總係喜歡將自己放在不利果一面

真心地，我唔想佢有太多不必要既期望/期待，或者FF，都係果句，天地良心，唔好以為我咁聖人，係香港，如果你識到我，絕對冇可能認識到我呢面。

我答佢，只係想佢知何謂現實，不要想得太美好。你覺得美好既事，只係因為未睇得久，睇得真確吧了。
這是我那年紀對人生既一個歸論，這論調當然不是絕對正確，但這世上所有道理，都是由自身經驗和知識歸納出來。
對某些人好中，對某些人卻是相反。
所以這世界至咁麻撚煩。

不過我而家的確頭痛，聽日再講我既事啦。
jin話可以，但至少解釋一件事我知就放過我，我問係乜，佢話the thing。我呆左呆，完全聽唔明佢講乜，又覺得自己聽錯，我就叫佢寫低，佢又寫番the thing。

佢講番至記得係返新德里火車上其中一個話題，我話好多人都好似the thing呢套電影一樣內外不一。點知佢完全唔知咩黎，我話之後再同佢解釋

咁我試試用最簡單英文講佢知。中間其實我有畫埋公仔大致再解釋，而家唔駛啦，上google 就得，仲可以用netflix睇埋套戲。所以你話而家人同人溝通幾撲實無華且枯燥。

我話其實係一套1982年經典恐怖電影，描寫一班科學家被困南極基地，然後有一種不明外星生物佔據人身，外表完全冇任何分別。但係佢地要佔據其他人身時會變成可怕既怪物（後來重睇套戲，呢句完全錯，應該係佢地比人類識穿要走至變怪物），而班科學家就係怪物既恐懼同對同伴不信任下如何渡過困境。我試著這樣簡短地解釋。

佢話怪物外型恐唔恐怖，我話超級恐怖，仲試用記憶畫左一兩隻，但比佢笑話好可愛得意。

咁當時你想表達，好多人平時外表冇問題，但需要達到某種目的時會露出內在個性？Jin問既時候，我其實好配服佢既記性，因為我完全冇印象我同佢到底講過乜或者討論過乜野問題。說到底，我冇好認真去理會佢既事。

大慨係咁，我唯有咁答。

即係人人內心都有怪物？jin問。

或者應該講，慾望令我地作出選擇，係應該果敢向前，還是依循法則做事。這是關乎平衡既問題，之不過，我地往往不能太理性思考便是，尤其在美果之前，總不能忍耐而不顧一切撲上前。我咁樣解釋佢知。如果只係單純講句係呀，人人內心都隻怪，應該會想得好錯，人老左就係咁，講野好枕氣，如果係香港同女仔講咁長，多數成頭黑人問號同唔耐煩。

咁即係話，你對我已經冇慾望，還是一開始已沒有慾望？Jin又提出令我難已答覆既問題，誠如自己所說，我只是個普通人，一個總希望面面俱圓而不傷害別人既普通人。
我知道，要答覆這問題，最好方法不是言語，而是行動，輕撫著Jin滑溜背項一邊輕吻著咀唇。然後做最原始既事。

明天繼續第十三天
尾二既一天

性親善交流

睇完覺得 係印度買野心很累
下下都要同人嘈咁...

開頭係既，但慢慢摸熟左都幾有趣。
不過真係好似打芒亨咁，對佢地要有另一套玩法。
千其咪用對佢地果套用係香港人或者其他國家既人。實好反感既。

我明個感覺，之前去土耳奇又係咁，個商店街，個個都my friend,my friend咁叫你入去試食/睇, 買野又係要第一時間講價打對折以下，然後又煩你點點點做唔到個價，不過可以比xx價你，己經全條街最平，點點點點點，
然後唔聽，即走，又叫返我入去話可以比到我講嗰個價，真心攰，睇左2間唔同種類鋪頭，買左d野就唔想再行

巴打每次同Jin搞個陣Hye都係隔離床？

梗係隔離床
只係租左一間房

不過佢好醒背住訓

覺得可以拍做戲好多對白個d
場景主要係火車車廂/恆河邊/酒店房露台咁

有冇3p