2008年，32歲，我去了一趟印度。

你係為工作再玩，根本就應該享受式。
即係好似島姦作工幹咁乜都出工數。

點可以好似背包客果種窮遊。
我就唔敢講深入，你睇人地同樣去印度，會去到更多地方同見到更多景點。

一次過追晒
頭尾好似唔同故咁
不過多左兩個韓國妹之後好睇左好多
唔理真假
個經歷應該好難忘

我早2年去完，訓ac2 ac3淨係上車前查飛

https://www.youtube.com/watch?v=4mPERVGRqOM
6:22 佢話上車會check

窮撚表示，sleeper class都要check

上車前，我將自己同jin既背包比左hye保管，因為我都唔知硬座係咩環境
開車後，就知今晚實訓唔著，熱同充滿特色香料味就梗，成個車廂得我同jin兩個老外，個個印度佬都望住Jin，果種眼神，唔駛我答，呢度有絲打去過印度，萬一有坐過巴士，可以代我答係咩眼神。

我冇諗過印度佬可以咁直接，真係成班人，就咁伸手想摸jin，我就唯有同佢地格手又鬧佢地，反正講英文都未必聽得明，就直接廣東粗口屌佢地，粗口都係講地道廣東粗口正，同甩開佢地隻手，我唔明，我見有啲應該有老婆係隔離，都可以咁痴線，睇黎印度基層既男女地位都相差幾遠。

事後想，佢地冇好似後來報紙既輪姦致死案咁，用埋刀又暴力打人，我呢刻面對既算好溫和。
我同jin講都話唔易過，佢反過黎安慰我，話好快會過去。

我諗緊，佢地好似乜都好樂觀好鬆容，唔知係見識得多，定係覺得好多野都冇所謂，不過果刻我都係諗吓，唔會有答案。

中間傾吓計，jin同我講左啲甜野，唔寫得太詳細，都係好似講笑咁，話如果佢比人輪我會點反應，又問係咪男人見到自己女友/老婆比人搞都會嬲爆。係咁既車廂環境，我實在冇咩心情答佢。
因為除左jin，我仲要時刻留心個人財物同護照。

咁即係冇得再偷雞，其實係呢度交流都好。
睇絲打講，我諗其實有機會訓車站可以第二日買飛返新德里。
不過如果冇當地人講，邊知邊敢試。

因為賣飛果個講既所謂英文，其實我都係聽唔明咁滯。
但時代進步，我諗而家一定可以網上買飛，同網上睇睇邊班車有位。
駛鬼驚。

我2013年去ge，果陣除左d大站（其實係好少大站），個個站都好似冇掩雞籠咁，唔查飛真係蝕撚死佢，btw我果陣同行有兩個女仔，得我一個男ge，但冇遇倒你咁癲，咁多狼死印度佬，你一個護住佢地真係好堅，抵你有女冧

live

果陣係抱住搏一搏嘅心態，反正好多嘢預計唔到，見步行步

如果果陣我知可以咁就唔駛咁麻煩

寫快啲

無google map好難咩

我早輪都係無wifi無用google map係new delhi尻行 行埋去貧民區

但其實我覺得用番LP先有個種去旅行遊歷嘅感覺
一有googlemap啲人個個都好依賴自動導航
點對點咁行
但旅行都做到成個香港人又有乜謂呢

第十一天
早上七點幾就應該到新德里火車站，但火車差唔多到城中時停左好多次又耐，結果差唔多中午至到站。

jin話如果永遠唔到站幾好，我話你係咪嗅覺失靈，而且又咁悶熱。忍耐力都係後生既更出色。
但好後來，我至知點解佢好多野都唔想咁快完。

落車後我地三個返到Central Park搵酒店，因為果邊係新德里中心地帶，接近地鐵站想去Janpath(一個購物區)又近，可惜再一次比Lonely Planet玩透，我係火車時已標示左既幾間酒店都”不存在”，唔知資料係假定已執。

hye提議去Hilton，我話唔駛諗一定好貴，佢就話好平三個人一晚都係五百幾美金。
見hye咁講，我諗緊佢地平時過既係咩生活。
我話不了，一晚已經差唔多我成個行程費用，或者咁，你地唔駛跟著我，你地想住邊都得，我另搵地方is ok。
佢地話唔明，錢係佢地出又話係varanasi果陣我都入去過住左晚，點解而家又拒絕。
我解釋番其實係我軟弱，的確唔應該咁做，我個人比得起租酒店錢，但實在住咁貴唔係我計劃內，你就當我一開始到尾都想試一種比較刻苦既旅遊方法。
事實每次見人咩幾萬遊十幾廿個歐洲國家既報導，就好想知，我其實有冇咁既能力跟，就算跟唔足，都盡量試吓。
而且我話，如果黎到呢度又係食好住好，咁不如一開始跟團好過。或者咁講，要享受唔會想黎呢度。
我知道，我答應左既話，肯定連食都去高級餐廳，呢樣唔係今次我想做既野。
至少一次，希望可以盡量堅持到底。
我知，咁諗野實在超級白痴，但等我返到香港至做番個識飲識食鐘意吃喝玩樂既港豬啦。

不過hye依然問，係咪我既原則想過苦行憎生活，又問咁樣得到乜，佢話佢真心問想知。
我就組識左一吓，再同佢講，現實係大部份事情都係無稱為意義既東西。
極其量只係個人既執著，唔想原先計劃好晒既野，因為困難就去改變，更唔希望因為享受而改變。過去人性上既軟弱已經妥協左無數次，至少今次我真心想將個人想法實踐到底。雖然我知任何人睇落都係極愚蠢。

咁即係明知前路係苦都唔選擇甜美既路？
我話，如果呢件係已經決定左既事，我會答係，我會繼續呢條苦既路。
可能我英文表達得好差，都係比較重複問上一個問題，佢話咁樣為左乜？係咪唔想輸比自己軟弱?仲話人唔係不停修正自己行既路去達到更美好既將來？

Hye毫不保留咁講出心底內疑惑，而講真，她講既至係事實，成功既人都係不停改變選擇，已求得到最好結果，所謂堅持到底，很可能係愚蠢既人用黎安慰自己。
我亦老實咁答，叫hye想想，如果有一日，你未婚夫話搵到更好既人，比你更靚更有錢仲願意為佢改變任何野，為左個更好既人而離開你，咁你覺得佢係聰明定卑劣？

Hye如往常一樣，沈思中默不作聲。Jin也默言不語。

hye話大致明我表達乜，即係忠於自己既決定。
我話大慨就係咁。

總之結果，佢地為左想知我能得到乜野既意義就同我去搵平旅館，其實我所知好有限，唯有返去Paharganj。
果度係我黎印度第一日搵旅館地方，整條街有好多比背包客租住平價旅館。

睇左好幾間旅館後，決定係一間名叫Hotel Decert地方住，在議價後已55美元 (大約2300RS) 價錢住三日。稍事休息後，大約三點多再出發，決定慢步走回Central Park，因為我想搵郵政局寄明信片。

到左郵局，雖然係首都內，但同之前Jaipur郵局一樣充滿強烈懷舊風，室內冇冷氣同埋似足七十年代既香港郵局。我問職員寄去香港要幾錢，佢話8RS，比Jaipur時貴1RS。不過郵費咁平令我超擔心係咪真係可以寄返香港比朋友，我實在搞唔清佢地係咪理解我寄去咩地方。

先貼啲相
果陣見到中國野，已經感到中印兩地情。
有巴打話近來至去過印度，唔知郵局有冇改建成現代化。
果陣真係好擔心寄唔到去香港，我記得香港本地郵寄都要 1.5 HKD左右

不如你講講覺得有咩問題？

舊年去，坐過ac2，剩係查飛，冇查passport。sleeper飛都唔查。

可能真係有印度特色，有啲巴打話會查。
睇黎都係佢想查就查

其實嗰程sleeper我剩係買左即時開出嘅飛，嚴格上黎講係偷坐，不過嗰陣個車廂塞滿曬人，個車長黎查嘅時候冇人理鳩佢可能因為夜晚，個個喺度扮訓。

同埋巴打嗰陣買火車飛係點買，我覺得就算係12年後嘅依家，買都仲係好麻煩。

火車飛係第二日行程講左，係新德里火車站內，有一個專比外國人查詢賣飛既office ，入邊拎飛排隊。

到你就埋去櫃位坐，條友問你去邊佢幫你搞。
所以我至買到由agra去恒河同由洹河去番新德里。

所以我只係好運，你地至係堅直接去火車站買飛。
但我想問，乜而家都未有網上賣火車飛咩？有網上賣駛乜驚，一早計劃定買齊easy win

我諗長途巴士都可以網上賣啦。

有網上賣，不過要有印度身分證旅客要申請買火車飛個帳號就要sd email同個部門講，再要等佢批。但係網上都有啲中介幫人買，但係貴好多。