2008年，32歲，我去了一趟印度。

樓豬呢

召喚樓主更新

爛尾？

樓主有冇文都講聲

飛機係晚上十起飛。大約六點幾就到左，係禁區排隊排左好耐，因為職員工作緩慢，機場曾經幾度停電，好彩每次只係幾秒就回復正常，但慘事而家至發生，本來十時開既機，竟然要延誤至零晨兩點!!! 咁即係要呆等差唔多六小時(知道消息時至係九點)，亦因為咁，航空公司送左餐比我補償，呢餐我相信係印度咁耐最好食既一餐，個食飯地方我估應該係航空公司職員至入到既地方，然後係自助餐式任食。

其實呆等時間唔好過，尤其最後又出現令人難已理解既變數，個電子告示板係兩點前一直都顯示我要搭既航班係邊一個閘口登機，而且一直顯示登記時間係兩點三十分，但結果係兩點十五分告示板冇晒任何顯示??? 咁即係取消左定去左另一個閘口？係勁不安之下行過去 help desk問職員，佢地話兩點半閘口會開，到時入去就係。好彩結果都順利入閘。
係機上除左印度人仲有好多韓國人，原來佢地係到香港再轉機返韓國。


jin同hye會玩多一星期左右。返到香港後休息左兩日，就send email 比佢地。不過佢地除非去網吧，否則都唔會收到我既電郵。果陣唔係而家whatsapp年代，等待其實冇咩問題。

係電郵中，都只係簡單問候佢地去左邊，係咪真係去左加爾各塔。有冇遇到咩有趣事，叫佢地記得住四五星酒店等等。
過左兩星期，都係冇回音，我就開始諗，個夢係咪應該要完結，始終如hye講，過左去仲識你老鼠咩。我亦都諗，好多人，都唔會記得上星期食過乜野做過乜，不過當然我冇甘心，都再寫多封電郵各自比jin同hye，不過都係講吓香港既事，同埋諗住年尾去韓國。仲加左佢地msn。但同樣地。

一直都無回音，無打回頭。無block，就好似單純將石仔掉入池中一樣。波汶後了無痕。
雖然我有想過打電話去，不過我好清楚，有一個標準係放係全世界適用。就係如果你約人兩次。
對方都冇offer或者話定一個時間比番你，你就應該識做地行開，唔係就會令人好討厭。

如果對方係有意思聯絡，佢會回電聯，或者msn，又或者好似印度咁，爽快打個電話比我。
社交禮儀就係這樣的一回事。

但生活都係一樣咁過

大約過左兩個月，我都將此段回憶收左心底深處時，我終於收到hye既電郵。這一天，恰好落大雨，平日，但偏偏我病左。每一次我突然病，都會收到唔好既消息。這一次都唔例外。

hye在電郵中抱歉咁耐至回，因為發生左啲事，佢話jin返左韓國後第二日就自殺死了，當我睇到呢句時，我仲好記得個頭好似有好多野沖上黎咁。對眼完全無法對焦，正一係紅都面晒，完全搞唔清係咪我病到仲發夢。
之後沖過涼再返黎睇埋。

hye話jin自殺前一晚，仲大家講笑話要盡快send email比我，廢事我以為佢地係大話精。
但到左另一朝早，就收到jin家人來電。話發現jin吊頸死了，hye話唔好以為呢個係我既責任，無論我留唔留低，或者再做任何事，呢個結局睇怕都一樣會發生，因為jin一早就有精神病，入過院，亦都自殺過。只係後來好似好番咁。但間中會失控咁喊。

個情況，就好似人一個人突然間腦入邊既螺統鬆開，就咁失控了。

最後一段hye寫，多謝我陪左佢地咁耐，但一切都結束了，祝我未來幸福。就係咁電郵到此為止，一封好簡單好簡單，大部份人都睇得明既電郵，我重複睇左成個鐘。反覆去睇清楚，有冇野其實我get錯。
但當然，又點會get錯。

之後過左幾日，我至可以回番個電郵比hye，同時亦寫左一封電郵比jin，但當然兩者都再無回音。
我試過打電話比佢地兩個。但無論用屋企個idd，或者手提個idd，換黎既，都只係一堆聽唔明既韓文機械聲，都唔知講乜九。


少少後記

我記得好耐好耐之前有個ex同我咁講過，做人唔駛留太多記錄，例如相呀，信呀之類，一件事，一個回憶，係記得既自然會記得，當時我梗係覺得亂九咁講，只係佢唔想同我有太多回憶呀。但後來至知，佢講既係啱。

唔好意思，唔係想玩失蹤

無奈人生既計劃總趕不上世道既變化。
個人處在一些極麻煩既事上，搞到幾日都唔可以上黎。

最後多謝大家支持。比起舊登，總算有頭有尾完整記錄左呢次旅程。
稍為憾事係始終搵唔到係博物館留言既絲打。

居然係自殺左

好撚慘

https://www.youtube.com/channel/UC8-cNcnWa634hR8r-9rok0Q

稍為宣傳吓自己youtube.

之前係寵物台都開過幾次直播。
佢叫snake，我由佢兩星期左右就接佢返黎。最記得開頭一星期
唔返工，全日餵佢五次仲要幫佢引屎引尿

到而家佢四歲，係就係遲左好多搞，但可能我對生命有種不安感。
好怕佢養唔大，所以一直唔敢搞咩 fb / ig

希望大家會訂閱。而我會搞埋fb / ig ，希望大家巴絲可以支持吓。
會抽時間講講點養大。

因為好少人由貓bb 時開始養。多數係兩三個月左右就領養或買番黎。

估唔到個結局係咁

希望個結局係作出黎

我直頭希望

大家喜歡睇既，就當一個故仔。一切都係假既。
只係滲入一啲真感情真感覺落去最好。

真係估唔到

寧願冇入過黎睇,屌..................................................................................................................

屌你老母咩等咗咁耐比啲咁嘅嘢我

樓主呢個遊記精彩程度可以出書 最後居然嚟一個冇人估到嘅反彈

到底係咩事令到Jin返到韓國就睇唔開自殺

我覺得完全可以拍戲 連啲對白都好撚有深度

其實#245-249左右嗰幾段係咪其實Jin已經諗住番去就自殺
呢個posst一開頭諗住係睇遊記
睇睇下變左甜故
再睇到最尾好似睇左套bad end既戲咁
rip jin