2008年，32歲，我去了一趟印度。

如果有結婚
已我年紀可能離埋婚呢

本來而家既世界黎講
旅行識到人然後一齊再結婚又唔太出奇誇張
只係果陣本來就係相處幾日

即係好多背包客都體驗果種
大家係同一地方相遇就結伴玩玩

之後大家各有想去既地方就分開
最多日後聯絡果種超短期旅伴
心態就係輕鬆隨意

如果太在意唔捨得我反而覺得好over

我覺得大家割席就真

如果係讀書或做野識都仲有可能
因為大家會有個比較長期既相處

咁樣過幾日然後就long d
我老啦
真係想唔到個可能性

不過大家願意睇落去
就明白晒全部原由
所以我至咁信命運

明屈啫
覺得我地後生會驚

同埋你睇上面巴打留言
佢差啲比人昆左八千美金呀

根本佢地食住你地奈佢地唔何

唔敢
邊有咁既料
同埋都out晒
你睇巴打都講左而家情況好好多

我相信你地而家去會好愉快

店主大聲話，要每個比五千，唔係唔準走。結果佢又開新價。
我伸手入褲袋拎左堆錢出黎，然後同佢講，呢度大約四千幾，你全部拎去，我地係得咁多。
對付無恥，最好就係瀨皮。

係印度我學識將錢就咁放入袋，一定唔可以拎銀包出黎，唔係怕偷，係怕佢地見到就盡量r貼士搵著數。

店主大聲話jin佢地兩個都要比，唔知佢係咪誠信商人，收左錢就等於交易成立。所以以為只係收左我一個客錢唔得，就係咁塞番比我。
我話就係得咁多，佢地啲錢都係我度，你唔信都無計
我見jin都只係暈暈地，就扮唔急坐低食煙唔出聲，店主就不停講野，我又聽唔明廢是理，果陣四點幾，就睇店主可以表演幾耐。

計番由黎到呢度，到而家想走，都用左成個幾鐘。食完支煙，都係時候走人。我就咁將錢塞去店主手中，當然佢好抗拒咁想比番我。

我就好大聲喝番佢，話我地而家就走，我地就係得咁多。作為參觀費，四千幾RS直頭係買教訓價，泰姬陵一個人至七百多RS。

我冇再理店主表演，我扶起jin 就叫hye同我一齊走，門口有兩個印度佬攔住，我就咁向前迫開佢地，好似大減價班師奶人迫人咁去搶野向前迫開人果種。
店主追出黎捉住我隻手，我大力甩開佢，好簡單話你再咁我就自己跑去搵警察，然後同火葬場果陣一樣，佢係後面不停嘈，我就唔理佢繼續行。印度真係一個有趣既地方，佢地既思想系統判斷，做事方式都好有特色。唔體驗一次點會信。

走到街上，見jin好似昏迷左咁，我就背住佢繼續行，其實我唔知點算，我同hye講，不如送jin去醫院，都唔知頭先果啲係咩藥黎。一陣佢死鬼左就大大大大鑊。

hye話jin訓一教就冇事，我見佢呼吸應該正常，又諗呢度都唔知點call車去醫院，不如行出大街再算。

走出左前園到街上，店主果然唔敢跟，只係不停鬼屌，我叫hye 留意後邊，有人跟黎你就走去搵帶貝雷帽既男人。
雖然睇到佢地哨崗，但我諗跑到去都要分幾鐘。

Station Road都係民居，整條路上連一個鬼佬都見唔到，我背住個女仔同另一個女仔係街到行非常顯眼。兩邊既人都望住我地，有幾個細路跟住我地不停叫1RS 1RS 想我地比錢。細路仔可能習慣一見外國人就問人拎錢，但我心中有少少唔舒服，我諗唔係每一個細路都係咁窮架？定係父母教佢地咁樣做？

唔少三輪車伕都向我地揮手，不過我冇理佢地一直向東走。

hye話不如截架返酒店，我就話唔好，唔知班友會唔會車返我地去工場，係就仆街。
我話至少行到Lahurabir Road個迴旋位至會搵車，睇地圖係條大路，好運既應該有的士。

而家大約四時多，離Lahurabir Road應該要行半個鐘，之前幾日我曾經係個長途巴士站睇到一個溫度計，所以我估呢個時間大慨有三十八度，熱hi死。

黎到哨崗處，有兩個貝雷帽男站岡一個係由沙包築成既防禦點後，仲拎住機槍指住街既人，另一個企係路中央不時檢查經過既人行李。

行到時個貝雷帽截停我地，問我個女仔係咪死左。果種輕挑既笑容至今難忘。
果陣又熱又嬲，唔想理佢扮聽唔到行，點知條友捉住我手，話要檢查吓個女仔有冇野。

唔知而家巴絲去，仲有冇細路跟住叫你比1rs
而家諗番，我都仲係唔多舒服。
同全世界既落後地區一樣，你唔可以有同情心，比一個就成堆上黎。

但我睇過netflix一套記錄片，講世界各地基層窮人食既野。
日本人拍，五集左右

最記得講印度，佢地住既，一定衰過中國落去地區既人住既。
所以我諗，南印或者孟賣或者新德里還好。
但加德滿都恒河呢類既，可能世界末日都不變

樓豬嗰陣個心有冇離一離

咁我唯有劇透，事後我坦白同hye講我驚撚到瀨尿咁滯

我一開始都話扮英雄係最白痴，作為一個典型地道香港人。
最正確係遇強即屈，借花敬佛

但又老實，睇過一啲人地既南美遊記，係唔太文明既地方。
呢類事，唔會太難遇上，佢地實知咩人落單就去踩多一腳。

我都搵唔番，因為我連account login 都冇左。
支持吓呢度啦，果陣爛左尾架，文筆又唔同。
同埋舊登我都頂唔順，呢度個介面好好多

加速

我明，我都好多時有呢個諗法
有時去d相對窮困嘅地方，比人呃，可能計返港紙真係幾蚊，但果一刻會好嬲。
明明平時自己洗錢可能都唔會在意果少少錢
我諗我最在意都係比人呃/比人當水魚，並唔係呃幾多嘅問題

依家都學緊調節心態
所有唔好嘅事/感覺都只係過程，當係旅遊特別嘅經歷，個人會無咁執著

早排去完摩洛哥，其實非洲嚟講摩洛哥都算比較發達
但一樣好多小朋友會問你拎糖/夾硬話帶路然後r 路費
其實見到個心真係有種好難形容嘅感覺
教育真係好重要，同樣出身，有人會選擇學一門手藝，有人選擇用呢啲方式喺遊客身上搵著數...

好奇一問 你覺得摩洛哥危唔危險
好似係都係好多人會拉你去巷仔睇野咁

我覺得唔危險，但有人埋嚟sell 嘢又好帶路又好，唔需要就堅決拒絕
啲人一樣會死跟，但你唔理就無問題，好多都會搵下個目標
特別係fes，Marrakech呢啲多遊客嘅地方更多假導遊
大部都係小偷小騙，最多都係少少金錢上嘅損失，又未去到危險果種。

都會有人拉你去啲鋪頭，我試過睇完真係無嘢啱買，照走都無乜問題，當然有啲會黑面
如果態度好好又有嘢啱其實照買都無問題
記得講價

Cls 邊有諗過諗住係輕鬆遊記 點知睇到停唔到

我諗得太美好

我去旅行都識過啲當地人 同埋超短期旅伴
全部都係分開左之後keep contact一排就冇再傾計
同唔同國籍既人溝通相處幾好玩幾得意

有時諗反起 好多回憶都幾美好（唔係淨係講去旅行）
但係已經過左去 冇得再感受反果種感覺
變左有啲sad 人越大好似越難心動

又睇到live左個post太正 文字同圖既比例岩岩好
繼續出文啦 支持