2008年，32歲，我去了一趟印度。

如果單純外表，無可置疑地我非常喜歡你，我知回港後我唔可能再遇到好似你咁好既女仔。
但現實就似火車站遇到既無姓女人咁(我同佢地解釋過咩係種姓，果啲睇黎窮到一個點既人，應該連姓都無)
呢刻我地係異國相遇，當大家回到現實軌跡時。我諗，好多野會變質，例如相處上問題。

jin話我想唔想知佢點睇我，我話我想聽。

佢話我唔講大話，亦唔會吹水，佢話佢見過唔少吹水怪都係有錢仔，但只係屋企寄生虫，又成日吹到好大，講到好似乜都係佢地自己爭取返黎，但其實一切只係包裝，佢地係一班連咖啡都唔識沖，冇女仔幫連安全套都唔識戴既傻仔。
佢話我既喜歡包含住好沈重既考慮，而佢只係睇人既內心。

我話大家出生唔同，當然考慮既野都唔同，我羨慕可以諗野咁直接單純既佢，但佢唔知，佢可以咁，係因為一開始已經條件齊備

我話其實我呢種人，係韓國要幾多都有啦。
或者啦，但唔可能再遇上，佢話。
佢話咁結論係，我喜歡佢外表，但未到打算行動既地步係咪咁。
我話可能啦，其實我同你地相遇只係得幾日，如果你想要既係一種互信既關係，而家未係時候，而且香港人都習慣逃避，希望乜事都早有人安排，我地只負責投訴同埋怨別人做得不好，但唔習慣自主創造一啲野。所以你地有各種品牌產品，而我地只會用其他人既出品，然後投訴呢樣投訢果樣過活。

佢話，佢眼中，我至係悲觀，而佢朝住非常積極既方向走。
話如果我放低一啲野，或者會有意想不到既收穫。
我問例如乜，佢話例如我既精液，jin講完就雙手環抱著我頸項吻起來，並且把我壓在床上用乳房搓捏著我身軀把我燃燒起來。

明天開始第十二日

加油

睇完覺得有啲sad
樓主加油

燃燒嗰部分未寫就第二日？！

第十二天

醒後已經十一點多，我用左十幾分鐘至勉強清醒過來，昨晚同Jin激戰，之後同Hye飲酒至午夜三點至訓。累得好想再訓多陣，但心中有些地方想去，勉強提起精神落床。

起來後發覺佢地都唔係度，不過思緒仍然非常混亂無睱細想。
沐浴更衣後出門，可能胃部抗拒印度食物，所以未發出飢餓既訊息，決定坐地鐵出去。
我留低字條講我去邊，但原來一出門，就見佢地係旅館隔離間cafe坐。

hye問我點解唔打比佢地，我話電話費貴所以留左字條，又以為佢地去左唔知邊度玩。
jin話見我訓得好死就自己出去食野先。
就係咁，我地一齊坐地鐵出去，比起之前，而家至覺得有啲輕鬆，因為要去既地方有地鐵，唔駛同司機講價，又唔駛驚比佢地煩住話帶去購物

在入閘地方先要經過檢查，由兩名軍警(因為渣住長槍，所以我咁稱呼佢地)把守。
hye問點解要咁嚴，我就將早幾日Jaipur發生市區爆炸案話佢地知。

印度地鐵不單乾淨，而且還可以見到另一種人，整個車廂內冇人大聲傾計，小孩都安靜地坐，同香港情況完全相反。

或者事實佢地拍出事比人炒，hye講完我地一齊笑，呢個至係答案。

去到國家博物館，這裡收藏著既就係呢個國家歷史同文化，由錢幣／服裝／武器到各種工藝品都有，我地乜都好奇地討論。

jin望住幅畫興奮咁大聲講，古代雀鳥真係咁大？咁點可能殺得死？
我話，古代嘛，好似乜都有可能發生咁，本來想話，中國都有封神榜都係充滿妖魔鬼怪，不過我發現完全唔識用英文講番出黎，就吞番落肚。


jin問咁點解而家又冇晒
我話環境污染太利害，佢地體型又咁大，飲左好多受污染水中毒死晒啦。

咁留言板上又寫左乜，hye指住一塊寫滿中文字既板問。
上面寫既係中文字，而且來自香港。

「上面寫著，美麗的古蹟到處都見，可惜被周遭牛屎垃圾包圍著，無奈！」我試用英文講一次佢地知。


如果有幸見到呢張相，仲要係當日寫既絲打，希望你出黎講番。一直諗，我地只係差左幾日或者更短時間就可以相遇。

好希望亦好難

但網上就係充滿奇蹟
希望當日寫呢幾句說話既絲打能出黎留言。

好中意睇巴打你打嘅故事
希望你繼續
諗返起有一年去峇里島旅行都遇到一個女仔
同佢相處左成日
由朝早到夜晚都不過十幾個鐘
但感覺同佢經歷咗好多野
嗰陣覺得大家都好啱傾 可以話係一拍即合
可惜嗰日亦都係臨飛之前嘅最後一日
走嗰時大家都好唔捨得大家
到我返返香港就無動力同佢繼續落去
畢竟大家嘅生活環境同社會包袱完全唔同
而且去旅行嘅氣氛令到大家可以突然好浪漫
有時諗 喺嗰度相遇然後結束 帶俾自己一個回憶
已經係最好嘅結局

留名追到live

巴打結左婚生左仔未

Diu ho true

仲等緊

仲等緊

waiting

垃圾國度

又要搵樓豬

扑果時係咪另一個響隔離床訓？

有無高登link追下