2008年，32歲，我去了一趟印度。

大前題係
唔好野都以為自己錯或有問題

原因可能係自身有啲野人地接受唔到
但唔代表錯

重要野面講多次

唔代表自己有咩錯

如果你有睇terrace house就明

雙方好地地有好感
突然其中一方做左啲野
可能只係一句話一個行為

另一方覺得原來對方唔係自己想喜歡果種人
覺得唔夾就直接拒絕唔想拖
世界就係有呢種人


所以我唔會為左令對方好感而投其所好
或者猜測對方鐘意乜有咩啱聽

如果果個係客或想搵著數另計

但真心交友既
我咁大年紀都係一樣
唔會做假
咁樣夾咪夾
唔夾就算

但要老實同大家講
我唔會講假話
因為無論交友或者想拍拖
都希望係真感情

但亦明知或試過上邊既事

我唔會投入太多感情，唔係突然比人block左就好傷

我試過同過一個香港女仔好夾
例如睇野同鐘意既野想法等等

點知突然有日就完全唔再覆我
連電話都唔聽
我就唔開心左都幾耐又成日諗係咪自己做錯乜

不過已經係廿幾歲人既事
果陣仲係用緊call機呀

所以對朋友或有好感既人
我會比個心出黎
但唔會比太多感情開頭
始終人心難測

你唔會知對方點諗
或者佢個性格會比咩反應你

聽uncle 你講完都舒服左好多
呢一排有時都會問自己好多問題。
明明人哋主動俾電話你？
明明一開始都幾開心，點解最尾會搞成咁？
然後啲自卑心態就出晒嚟，人哋又有錢又唔差個樣，點會揀呢啲咁嘅柒頭呀。
跟住就係咁諗原因來否定自己。
佢而家返咗韓國下個sem都未必會撞得返，
咪當發咗場夢囉，只不過我係覺得唔會再可能遇到呢一種女仔。即係好似考DSE，入大學機會得壹次，衰咗就冇

有時真相極可能簡單到你唔信

唔係話人地玩你
可能係對方本來只係比個期自己
夠鐘就醒
幾好傾幾夾都好
短時間又邊了解到一個人？

我二十歲果陣識左個女仔
真心唔想急好想由朋友慢慢了解發展

我上邊咪寫過
我每次突然病都冇好事發生

果陣仲有寫信呢樣老土野
病完過左幾日就收到佢朋友轉交比我既信
一睇完我直頭個人暈晒

佢話我做左啲接受唔到既野話以後咪見

都唔開心左幾耐又反覆問自己衰乜
明明大家相處好開心我又冇做任何衰野

一年後佢無厘頭搵我
原來果日有個追佢既男仔加埋佢最好朋友
話見到我係街拖住第二個女仔喎
仲要咁啱係我病左果日

咁佢信左就討厭我咁囉
十幾歲既靚妹就係咁on99

咁我問你又搵番我
佢解釋話之後同個男仔一齊
最後分手至知怪錯我所以黎向我道歉

雖然真相大白
但我就冇晒感覺，所以之後好快都冇再點聯絡啦
冇憎佢
單純冇晒任何感覺
有啲野過左就過左

做得幾十年人

好多人都見過
有真心膠
有城府超深
亦有喪喪地

唔係個社會點會咁複雜麻煩

總之乜事都好
唔會有一件係單純自己問題
必定雙方都有

但好老實
每次我都會唔太開心，可能我重感情
所以成日提自己唔好太投入

無論任何感情例如朋友家人都好

因為你可以對人好
但你唔會知人地心底點睇你

終於追完
睇到尾好灰

可能係都唔出奇
雖然我無乜印象我有無講到啲咩令對方不愉快
我都係口直心快嘅人
我都會選擇坦白
或者有時得罪人都唔知

但我都試過因為另一個人做咗樣嘢
其他人眼中好少事
但我真心好介意
就慢慢疏遠佢
所以我都明有時人同人嘅關係就係咁
幾好嘅關係都唔一定係永遠

我覺得一段可以維繫到嘅感情，友情或愛情都好
一定係有一方選擇放低自己一部分嘅倔強
去遷就另一個人

正如我講曾經有個人做咗樣嘢我唔鍾意，而疏遠佢
到後來有另一個人做返同樣嘅事
因為太愛佢，會選擇去原諒

好認同
我都係好重感情嘅人
但慢慢都學識唔好太投入

講得太好

樓主之後仲有無同Hye email ? 一口氣追完好感慨

當然冇啦，上邊都寫得好清楚，既然都石沈大海。無謂學果啲浪漫電影咁每年寫一次email果類老土野。

我要求既係平等，唔係單方面，唔知呢點你明唔明?

啱架，不過記得要投入，因為唔投入，就唔會得到任何野，
但太認真無論係感情定做事。如果失敗就會好受傷害。

好奇好想知你有咩事會好介意。

唔方便公開就telegram話我知

不過呢個至係真實，本來成功呢件事。
就只存在少數人身上

開左telegram，如果有咩人生問題唔想係版度留或者只係想吹水既可以message我

https://t.me/che_kwok

都得，加你tg先

我今日先追到post

我都好想知

唉 終於追完
估唔到個結局係咁

呢個應該都係樓主畢生難忘既..愛情

唔算愛情

如果我當時二十歲
我一定留戀傷心到不得了

之前Bookmark咗。睇完，唔知講咩好。但我諗起一本書叫北極風情畫。

PS 其實應該開喺講故台

多謝樓主分享咁deep嘅旅遊經歷。
個時資訊流通量咁低嘅情況，同依家真係好唔同，唔同嘅體驗、唔同嘅投入程度、對當地人同文化嘅互動都或多或少有分別。

本來現實就是充斥著各種無奈和孤獨。
也充斥著各式各樣稱為無能為力的事。

所以大家能選擇時，都應無悔地選一條自己最不悔的路。

而不是其他人認為應該的路

突然醒起返黎睇結果
睇到吊左
如果樓主同jin發展 會唔會有另一個結果

如果果陣係2018年，或者會比較易聯絡。
雖然話科技又唔係差好遠

但2008年。。。就算我有心，都只係靠email / msn
實在好難有任何樂觀期望喎。
何況我返到香港都有email 佢地，不過冇回覆。
咁既時候仲可以點？打IDD 咩，有啲野過左個時機就唔敢。

不如email 下hye 睇下佢近況...
十年都過去左，佢咁成熟既人一定有更深度既發展

我覺得個女仔好似對你有意思