［26］考緊26？你問我答！(5)

［26］考緊26？你問我答！
https://lihkg.com/thread/1502713/page/1

by 丫仔月光光

小妹上兩個月考到牌
元駕考第三次終於pass
衰過落腳、跌車、太接近物體同判斷力弱
深明人矮同輕磅喺26上係蝕左啲
但只要練熟基本功，26都可以好輕鬆
首先講講考試常肥嘅原因同解決辦法啦！
利申：只係想做意見交流，並唔係教學，而且每人用車嘅習慣都好個人，邊種方法啱你都要試過先知！

1.黃金右腳
會落腳嘅原因可能係停得太急或者尾制唔夠，渣26一定要善用尾制，可以幫助穩定架車，自然停嘅時間會挨左。建議停車前預早收油門，由架車溜前，再落腳制減速，拉頭brake，拉極力子，伸出左腳，架車呢個時候差唔多完全停哂架喇，輕輕推一推軑向左，架車自然向左傾

2.判斷力不足
判斷力可以由好多野睇到，有人衝出黎，選邊條行車線，出路口等等，考官一日考咁多人，佢地會鍾意考生爽快啲（唔係渣快啲），爽快意思係唔好比佢見到你猶豫不決。我試過出讓路口明明冇車都慢溜出去，呀sir話明知路口前望到你係許可出嘅，你就比油出，一係就停，一係就車，既然出得點解要慢出？

另外考生都好驚考試途中有行人喺路邊行/踩單車，或者打橫喺你面前過馬路，呢啲情況可以點做呢？如果佢喺你行車線上行緊（唔係行人路），你就要做足望鏡擰頭當過死車咁，我行工業村果日唔知邊條友咁好掉左條車軩喺正中間，咁要做嘅都係打燈望鏡擰頭過左佢。過完之後都要打燈望鏡擰頭行返行車線嘅中間。

咁你渣到安全島位有人衝出黎呢？呢啲時候其實你早就要望到安全島有冇人，情況係可以自己避免嘅。

首先佢唔係斑馬線，道路優先權其實係你到，道理上你唔應該停車。下，唔停車咪肥緊？所以你一早就要望定有冇人，如果有人行緊出黎，你就提早減速溜過去（～20-30km)，溜到過去時個人應該差唔多過完馬路，你可以比返油去。咁果個係呀婆行得好慢呢？佢仲喺路中間喎，呢個時候先至停車，咁個官就預早見到你對成件事嘅判斷力。避免左去到先知有人。
如果係佢突然衝出黎呢，基本上你渣到去路口佢仲要衝出黎都冇辦法架喇，停都停唔切，所以就係最好預早望有冇人要過馬路，自己收一收避左啲情況。

3.過死車
元朗好多時兩邊都會有好多大貨櫃死車，考過46嘅朋友就知道，兩邊有車，中間位置只夠一部車騎線行，或者啲職業van司機會好慢咁兩架平排過。咁學神嘅我地又可以點做？咁所以喺我地做過死車動作（望鏡擰頭）前，要望通左對面有冇騎線黎緊嘅車，切記唔好盲中中跟住前面啲職業司機入去呢個死亡地帶，因為當左右兩邊死車，迎面又黎緊車，你又跟住架van，好容易就衰判斷力不足同太接近物體。我地只需要望到迎面果車黎，就定油30-40左右盡快過哂啲死車，越快過哂，危機越少。

過死車途中需要望下鏡同死車，確保佢地冇打燈要開出。
如果你望通左又入左呢個死車地帶，迎面先有車出現呢？就盡可能睇下自己果邊有冇位可以攝返入去（打燈望鏡擰頭入）然後停車，佢過完就做返開車動作同打燈騎線出返黎。冇位你攝呢就要睇有冇一米安全距離喇，有就可以繼續過，呢個距離大約係一個車門左右啦，你要諗如果佢開車門會唔會撞到你，你亦唔好因為驚佢而縮向自己隔離部死車，都要預一米距離架。真係咁唔好彩呢，佢同你近到冇安全距離，咁你就需要停車，當停左車就唔洗理一米架喇，由佢自己繼續過。
都係果句，盡早望遠啲，多望鏡，要自己掌握前後左右嘅路面資訊。

打住咁多先，歡迎各位學神問下問題，大家交流合格心得，以上嘅野除左係我自己試出黎，亦係每次渣完對於自己有疑問嘅地方返去學院問呀sir，問哂自己驚嘅可能性，呀sir都一定好樂意解答你，我當時係畫埋圖問呀sir啲情況要點處理架。

最後提提大家，唔好跟車咁貼，前面有學神行車就預多兩三個車位距離都唔怕，跟學神起步就自己動作都慢啲，爭取同佢嘅行車距離，祝大家都可以順利pass,安全出車！

十一月強制留名

m仔改左款個考牌官知你拎自己車去考驚有印象影響
但係出m仔真係真心為練車

屌 我架m仔上手改左響喉 唔知拎唔拎到去考路試

巴打你部車易手冇跟埋原裝喉畀你咩

買左車未

CUT線動作如果我變成望鏡拎頭->打燈->拎頭CUT有無問題,我覺我鏡視野真係好細

最後都會擰完頭先CUT,但我打燈前鍾意擰頭睇睇先

有兩個問題
1.如果我行緊2波/3波,前面有紅燈我要停車,其實應該慢慢由3波/2波落到1波之後先拉極力子停車？
定係減速差唔多到燈口位直接拉極力子之後直接踩落1波停？
2.2波/3波行到去讓字路口,而個個路口係要差唔多到盡頭先望到有無車,我好唔好差唔多到路口落返1波？因為如果我行2波而去到路口先見到有車,我驚停唔切
希望大家明我講咩

1, 2波就可以差唔多停車先拉極力子落波，不過我慣左燈位前2個車位落1波慢慢行到燈位再拉極力子 因為有牛肺車有時落吾到波/落空波
2, 吾肯定有冇車就落一波慢行到讓路口前 無車先上反2波

個人做法 望鏡擰頭→ 打燈→望鏡擰頭→cut→再望多次 完成動作

係，我類似咁

5月尾沙駕路試留名

沙鴐既巴打你地走一轉路試既其中一條線要幾耐

4個字

有冇巴打知呢家沙駕排路試要幾耐
小弟4月2強制

因為陣間只係玩一個鍾,玩陣8字出係走一轉路試先

大後日pass到答你

加油巴打我後日先上強制B

建議兩條路試各走一轉, 其他時間8字.
我果陣通常走轉路線攞返啲感覺先, 跟住打一陣8字, 再走第二條路線, 再打8字到尾.
不過8字無人排既話, 場內走一轉先就直接8字, 跟住路線>8字>路線>8字到尾

我果時都七個幾月

我應該會熱小小身先敢出街

我5，6月完強制，今個月先考

一節55分鐘應該可以夠行曬2條路線加打幾次8字

好，下星期應該練足4日，一日兩節

上左第一堂強制
比油起步個陣唔敢比太多油 好驚衝出去

屌哩個時間都無車