歡迎想砌模型o既巴絲入黎(13) 除褲變高手

版權唔係bamdie 度咩？

隻初號機你都唔會打算上色ga la
完完全全係遮蓋地獄黎

我已經買齊gaia set油， 準備到時瘋狂遮蓋

睇完佢隻角之後，我決定素組算

係咪要上多個夜戰版本嘅顏色, 咁就要做兩次遮蓋

如果佢真係分色分得咁好，分分鐘素組完消光仲靚過噴油

其實eva 都唔知應該噴消光定光油
佢個感覺好似唔多襯啞色

半光囉

攞走action base 1 插屎眼粒野 咪可以用G29囉
唔知有冇理解錯

Thx

唔係好想將成件事放上枱面, 因為隻嘢本身有啲特別嘅目的
但講下背景故事同埋過程
嗰件係一隻1/350, 長1米咁上下嘅船嚟嘅
喺好早之前我自己就整咗隻1/700
之後個客睇落幾欣慰就同我落訂,但隻嘢直到嗰期就係一隻幾冷門嘅船
即係唔係嗰啲大和型啊, 企業號喱啲年中會誕生幾十隻嘅嘢嚟
所以副模就係啲大陸廠好早期, 好劣質嘅模, 而且係極度多考究失誤
唔係就咁一副蝕刻片, 一兩set補品就可以解決嘅嘢嚟
當初我砌細嘅時候已經係癲到要自己買書(非英語書籍)嚟考究啲遺失咗嘅feature
都係因為咁個客見我咁執著先決定搵我整
隻船本身經歷過幾翻轉手, 所以有好幾個年份有唔同嘅spec, 迷彩同特別武裝
而我同我個客都一致認為佢喺盟軍中期嘅時候係最獨特, 所以就決定揀嗰個年份嚟砌
獨特就意味著特別多嘢唔可以現成買到, 所以要手製, 而我當時要手製嘅就係艦上面啲救生艇同埋後艦橋一部份嘅detail
另外一個難題就係個迷彩, 佢基本上係冇乜前人係噴得啱嘅
一來係因為隻船本身已經少人砌
二來就係佢個迷彩其實port side, starboard side唔對稱嘅
google同埋書籍大部份圖得port side嘅相
三來係個迷彩好九唔搭八, 我記得佢係寫美軍嘅dazzle迷彩scheme, 但實際上有大量漸變同好似甩色咁嘅效果
個迷彩我前前後後用過硝基, 水性亞加力同油彩上咗成個禮拜先滿意
嗰時係我第一次用油彩喺模型, 而我都幾肯定唔用油彩係絕對做唔出喱個迷彩
如是者前前後後買模型連同材料都用咗接近價錢嘅3成, 用咗半年時間先出到貨
個客就當然好滿意, 因為佢自己超鍾意嗰隻船而且會對嗰隻船追求到喱個地步去砌嘅人成個亞洲可能得我一個
但好老實講如果放喺其他人眼中睇一定唔值嗰個價錢嘅
因為好多時啲人係追求作品嘅藝術成份多於準確度
即係例如啲陰影同舊化要好dramatic, 擺出嚟就係一副
「我好撚識砌模型架」嘅態度
咁我自己就好唔鍾意喱啲模型嘅, 我覺得「好味精」
我自己砌模型係一係追求還原, 一係追求表達印象
尤其係船呢啲縮尺咁多嘅嘢, 嗰啲高達式/坦克車式嘅打陰影真係唔啱feel
參觀得多軍艦嘅人就知道望埋去個色差唔會係咁
二來就係船本身年份同翻新日期會直接影響舊化需求
一啲冇意義嘅舊化真係味精到一個極點
所以....講到尾就係我覺得賣模型俾人係一件好麻煩嘅事嚟
真係可以當係賣藝術品咁諗, 當然世俗眼見就係唔同檔次

我成日都覺得將模型當做生意黎做好難, 人地就咁比盒嘢你話要整靚佢完全一頭無水 如果話係朋友都可以幫佢地整, 啲三唔識七嘅真係唔會敢拍心口話做

男人既浪漫

福巴

其實軍模既考量準則同高達好唔同
樣樣野都有根有據
技藝評估有一個好明確既尺度
高達個啲好聽就自由有創意
唔好聽就係老吹亂黎

都係嘅

完全認同ah

我成日都覺得將模型當做生意黎做好難, 人地就咁比盒嘢你話要整靚佢完全一頭無水 如果話係朋友都可以幫佢地整, 啲三唔識七嘅真係唔會敢拍心口話做

其實軍模既考量準則同高達好唔同
樣樣野都有根有據
技藝評估有一個好明確既尺度
高達個啲好聽就自由有創意
唔好聽就係老吹亂黎

太長唔quote了
叫你整靚佢喱啲case我有遇過幾次, 我大牌到推撚咗
又係軍事模型, 有一次係有個cosplayer想搵我砌飛機
因為當時由高達轉玩軍事模型我就係以砌艦colle飛機為主
有個「攝」就話想幫佢條女(個cosplayer)私影嗰時揸架機撚下咁啦
我心入面已經笑緊
唔係話覺得喱個行為on9, 而係根本唔需要咁做...
我諗佢都係想要嗰啲色水齊全, 手掌Size嗰啲手作仔
喱啲肯定唔方賣得咩好價錢, 而且嗰期7仔,ok有嗰本跟diecast model嘅雜誌賣
再唔係佢搵幾張圖P上去咪係囉, 反正佢影完都要執相架啦
跟著我好老實咁答佢冇咁上下價錢我唔撚接
另外一單就同落地巴講嘅有啲關係
其實軍武都有啲痴線佬鍾意自由發揮, 尤其嗰期艦colle隻game出啲if改裝
無可否認當初睇啲女係幾易吸引人落搭(我都係其中一個鹹濕仔)
就試過有個熟人問我可唔可以幫佢改一隻空母做裝甲空母版本賣俾佢
我又係推咗
一來我好老實咁同佢講, 我冇大改船模經驗, 問佢有冇咩概念圖之類提供
二來就係佢budget唔多
最後佢都唔係好知自己想要啲咩成品, 就放棄咗

艦娘個期最記得都係有個日本老母整咗一系列cosplay道具好撚靚

我覺得日本啲老母只要將整便當嘅手藝放落其他地方一定有返咁上下水準
嗰期多得艦娘, 好多以前好難考究嘅嘢都多咗人考古搞到浮上水面易搵好多
我自己就係嗰段時間買好多書返嚟睇, 歷史資料, 設計圖, 模型技巧書一車車
都因為同期多咗人砌船所以互相參考嘅機會多咗, 技術進步得最快

唔該師兄先追咗前面個post好似都係講av金屬油比較差，如果想用其他油e.g. Gaia 係咪會比較建議用噴筆？ 想請問點解其他牌子油唔適合手油

即刻出現了

其實我自己就覺得冇話咩牌子「唔適合」手油嘅
都係睇需要嘅效果同你心目中嘅形象吻唔吻合
撇除顏色嘅廣泛程度, 其實咩油都手油得嘅
喱本田中克自嘅書就講GSI硝基油嘅技術

GSI樽裝硝基油應該算係普遍認為最唔啱手油嘅其實都係只係唔啱香港人喱啲貪快民族啫
因為GSI硝基油要油得好係要落緩乾劑之後再開到勁稀咁油好幾層
正常嘅香港人係唔會Enjoy咁嘅模型體驗
但係都有佢獨特嘅手感同效果出到嚟, 就好似封面嗰隻零戰咁
我見過咁多零戰迷彩入面佢絕對係頭幾位難上嘅
而基本上田中先生嘅作例直頭係完美還原
講返AV油金屬色
我唔肯定你睇嗰啲討論係點樣「差」法, 我覺得好睇你砌嗰隻嘢要求咩亮度同粒子感
暗+大粒子感唔代表係差嘅我覺得, 如果你舊嘢本身係啲機關部件
例如啲鑄製品, 高碳鋼喱啲粒子感大啲暗啲係好合理
另外AV油金屬色其實有單獨嘅一條LINE係alcohol based而唔係water based嘅叫Liquid Gold
https://acrylicosvallejo.com/en/categoria/hobby/liquid-gold-en/
https://www.youtube.com/watch?v=NNfNKWxy80E
我覺得in general嚟講唔算叫「差」喎
Gaia油俾我嘅感覺就係彩度更高更加飽滿嘅GSI硝基油
用筆噴係理想啲嘅

邊隻油手油最少筆痕?

一直好想砌中世紀商船,但真係搞唔掂只好放棄
記得以前e度有個巴打貼過一隻商船改曬用木板好撚靚