[秋水安在] 西裝、皮鞋、皮件討論帖 (32)

你上網訂定在裁縫店訂是你自己的選擇，dugdale你自己訂都應該差唔到好多。

自己買Quest cotton加DB cmt 夾埋2k
就咁睇你條chino都還好？
定我整得貴

個個聽完牛sir講信仰可能少左 要出返嗰post回應回應

Thank you

我不嬲就唔多理人做生意的，因為唔關我事嘛
在香港打鞋頭鐵，可以說是我帶起的，因為以前跟本在香港就無這款鐵供應
所以我本身對頭鐵並無偏見
打掌有其作用同目的，咁上面兩個貼文都已交代得好清楚。
咁我要講乜呢？
我想講打膠掌落不落釘，以我的經驗，在耐用程度來說，我見不到有甚麼分別，靚樣另計，落亦無妨。
打膠掌加頭鐵，我個人認為，多嚿魚
膠掌已經足夠抗磨和踢頭。我著鞋數一數二不「鏡錫」，我都唔覺有咁嘅需要，咁你要嘥錢整，當然是你的自由啦！
不過大前提是，個掌黐得好唔好
黐得唔好，本身不是物料的問題，而是「用料」同手工的問題！
我對膠掌打咗年幾，鞋頭踢到凹曬花曬亦蝕曬，但有無分離？無呀嘛，鐵看落會好D嘛？我唔覺囉，講完！

另外，以我十幾年來親自的體驗，最耐磨的掌是意製vibram #2337.

本身都係齋貼膠掌，但未夠一年鞋頭處就開始有空罅隙。會唔會都關手工既事？

唔該巴打，等我睇下先

講開鞋頭鐵 有冇巴打知邊間舖整鞋頭膠？

Finmeresco 香港賣成七八百蚊米都叫入門？Crispaire 都六七百，乜依家入門布咁貴架喇咩

P.S.講緊fresco同NFW 3舊幾

釘既用處其中一個咪防開口囉

大家入門咁高既 窮撚冇資格整衫

岩岩入坑，仲未知價
牛巴你有冇推介

有無人遇過呢d情況 可以點整返好

七八百蚊一米，咁做條褲都係米二三姐
當你cmt 一千蚊，加埋都係二千到
差幾百蚊姐，做jacket就差多D。

其實見到樓上有師兄問平布做褲，我又唔同睇法
你做一條褲，希布大約一米七八左右，300蚊米同500蚊米的布(差6成) 都係差400左右，但唔好忘記cmt價錢係一樣，當收你2千蚊一條，就係2千5 同2千9既分別，差價就由布錢既6成下降到不足兩成。所以如果想慳錢粗著根本就應該去搵第二個師傅而唔係由布入手。再者，都比得二千做褲就應該做好小小先唔會浪費左師傅價錢。
小小愚見

釘落皮底度就無乜用，釘落痴好既膠掌度就好有用。唔好個個睇啲唔睇啲。一直我都無阻止人打鞋頭鐵。

在我度買鞋的人我都會問一句洗唔洗幫手拎去有得補打番個鐵。我和蛋爺算是香港第一批呼籲人打鞋頭鐵的人之一，在此之前，香港除了高和，基本上是沒有鋪頭提供打鐵服務的。當時香港的鋪鞋鋪，就算有鞋頭鐵都只有緊蹄形，Lulu跟Triump要特別從外國訂的，有得補第一批加的鞋頭鐵，就是我們訂了自備過去的，問問許生，大概也六七年前了，當時台灣打鞋頭鐘的風氣，遠比香港濃。

痴完膠底再打鐵？我也做過，在台灣加的，就在我那雙400鎊買回來包鞋撐的G&G Oakham 上就做了；現在如果能重來一次讓我再選？不了不了，多舊魚。唔信的話，我番到香港後影我對JL俾大家望望就知道。

「痴底莫打鐵，打鐵不痴底」，錢多又唔怕核突係都要做的，咁無人阻止到你。

Absolute value差幾舊，%差成倍再者係都買standeven隻explorer啦，隻維尼香港finmeresco 賣咁貴⋯⋯

係香港個價on居姐，finmeresco好嘢嚟

你要咩類型？

我都有，但你叫人買布，唔講叫人去英國買咩？再者Finmeresco太腍身，吸左潮條褲線三四日就無。如果真係要買Harrisons旗下，spring ram好啲喎。

咁打鐵同痴底點揀
雖然我知唔同用途唔同揀法

Finmeresco 3ply都唔係咁腍身姐