最近睇緊邊套韓劇 【8】

仲要係朴信惠

一早睇左

Signal 好正其中一集客串演自閉 強逼症殺人魔個演員自此之後都係演壞人

醒唔起你講係邊一個，演員名係？

朴信惠好正喎

佢係signal 做完殺人魔又係當你沉睡時又演人渣
其實除左佢演人渣好似之外，南宮民做人渣都係好入型入格，佢係看見味道的少女扮殺人魔，係remember 兒子的戰爭 扮人渣富二代，害到俞勝浩好慘 不過之後紅左，唔使再做人渣

哦 係李相燁，之後佢都唔係長期演奸角，之後都有幾套演過其他類型，好似我睇過同全昭旻合作演嘅嗰套做村姑村仔都唔係演奸角，有一排時期係Running man佢經常出現客串。唔講以為佢做RM主持

MBC真係好鍾意白經

BLACKDOG好有機變神劇FEEL

原來今晚都打算睇，睇過點

我估起碼過多兩集先有比賽

應該冇咁快打比賽
因為岩岩先完季 休賽季
嚟緊推測應該係講升啲新人球員上嚟一隊
利申 睇wiki好似仲有好多人未出

徐玄真世一

應該有會啲友誼賽咁…之後開League

不過真係唔好騎刧咗棒球，借棒球請辦工室政治鬥爭。用少少心拍好比賽

南宮珉做啲好醒嘅角色好正 同上套醫生一樣

終於睇完秘密森林
結局係幾有驚喜但又幾現實
可能本身抱幾大期望睇
睇哂之後有少少失望
成套劇嘅發展就好似男主咁太平穩無乜起伏
無個種一路吊住你癮睇嘅感覺

我睇完第1集，我又無你呢種感覺



除玄振由呢套開始4/5個月接住睇到佢，因為播完呢套 隔離台金師傅2又接住開播

最近睇左上星期完左大結局既抓住幽靈
因大病初好既文瑾瑩做女主角 同埋金善浩做男主角
睇既原因係因為故事題材同埋男主吸引 點知睇頭幾集就發現好多笑位 我覺得成個故事金善浩既演出令套劇大大加分
又搞笑得又暖又MAN 睇樣唔似33歲 好鬼正
睇完大結局 覺得故事黎講叫可以 至少唔係爛尾同OPEN ENDING先
但睇完好空虛

點解唔覺個之前上嚟留吓言，引人陪你追

追緊果時無諗住有人討論呢部劇
好似係韓國收視普普 但我覺得好睇過D普通愛情校園劇

其實洗乜怕醜，就算留言鬧衰質疑一套睇緊嘅劇都無問題 掛

而加諗緊睇唔睇愛的迫降
解空虛

我提提你，愛的迫降個編劇上一套炒過車，以佢幾年先一套嚟睇。追到第5集就要決定棄唔棄


以我呢？幾乎邊類型韓劇都會睇，但有一類治愈系，治愈系遇著故事架構唔扎實，中段拖劇為咗置入式廣告，真係不了
其實有啲出晒名嘅編劇最鐘意寫呢啲劇本，以名演員配華麗嘅場景加入懶有絲意感人嘅對白去彌補故事鬆散。根本故事撐唔到16集

其實之前睇過一套獨幕劇，申善惠同李鐘碩做男女主，背景係日佔時期嘅韓國。個套攝期只得3集，但都幾好睇。唔好怪我唔記得劇名… 申善惠起紅嗰套之後佢有幾套都演得幾唔錯同幾好睇…試試睇

你講果奇我有印象 係咪叫咩死之x贊
之前都想睇