其實第1集睇得到常務係想挽救球隊唔好咁快玩完(第11集part1再帶返出常務對球隊初心),奈何常務又要睇集團社長意思去決定球隊運作。社長似乎想考驗常務困境經營,又要慳住錢又唔想咁多無負面新聞,先搞到團長同常務要經常對立。但常務又被團長點醒咗,要反抗二世祖
反而社長暗笑:你做得好
至於你話個球探,我覺得無乜機會歸隊,一來球員買賣講完 二來已經搵咗人頂球探個位。無必要再講
反而得番最後5集,只有兩點想知
1. 開季白團長留隊定按合約走人?
2. 到底會唔會呼應番第1集講白團長帶親球隊,都會令球隊一季內變強隊然後就解散?
如果第2點 係為咗留觀眾追落去而去講,到最尾都無實現到,咁反而我覺得唔好…
我宜家係驚個尾收得唔好睇又爛,因為唔知會唔會開第二季,如果唔開第二季 咁得番5集就要完咗一季睇結果又好似好急。
之前開咗教練團分兩派。講講吓冇咗下聞團長會唔會解決呢個問題,但第11集播完都唔似第12集要講番教練團問題…
反而多人講嘅愛的逼降一集時間好長又好拖戲,而Stove League可以好多野拍,每集先得嗰1粒鐘…如果交換時間,咁Stove League拍一季拍到要拍嘅故仔咁先滿足到觀眾。
我講得太長添
呢套Stove league話悶確實有少少,但又有種張力令你去追…
不過第11集我發現最後30秒已經交代晒嗰場友誼賽。我真係驚連一場正式比賽都唔好好咁拍出嚟比觀眾睇,最少拍一場比賽之中嘅一兩局都好啊