其實我唔明點解有啲巴打要因為製片方出一個行事風格柒吓柒吓嘅敵人有咁大反應
本身系列作嘅反派敵人都係有各自嘅性格同特點,冇話邊個啱唔啱本作嘅風格嘅
第一集個俄佬Elite guard夠認真、指揮力強,Perkins陰險又惡毒
第二集黑鬼不苟言笑但極重義理同因果,啞妹講唔到嘢但自信、臭串、狡滑
咁第三集出一個多嘢講、敬重甚至祟拜John Wick,但本身除咗戰鬥力外乜都及唔上John嘅敵人點解唔好?
再講佢多嘢講嘅時候都係用嚟避免冷場
而且我覺得作為縱橫全套戲嘅打手型反派,光頭佬嘅角色塑造得幾好幾立體,佢係系列作中第一個對佢實力有其他角度描寫嘅Boss,因有實力而自信充足到可以揚言可以單挑贏John,再因自信而夠膽對John講埋啲廢話(同埋我覺得佢只係想挑戰John以證明自己實力,並唔係真Fans,佢喺飯店梳化嗰啲說話其實句句有骨
)
Hell, 佢仲識玩到揀個靚靚戰場,安排手下做佢道中怪,仲親自落場打燈拍手去Buildup佢自己嘅Boss fight嘅氣氛同重要性
同埋佢呢個角色嘅存在意義,但係襯托John Wick嘅傳說
你嫌佢柒?但佢柒得嚟你仍然會覺得佢好撚犀利,好撚好打,咁嘅話編劇其實已經成功咗