[日劇][2019春番] 輪到你了 (あなたの番です)

真係好老土

一開始就講想玩雙重人格...未開始先劇透

不過你宜家話我知其中一個住宅係癲既會殺人我都信呀

有無人覺得赤池2公婆同浮田叔死都係面露微笑....好恐怖

浮田叔比人殺既方法係佢教過妹尾 妹尾應該唔會咁做...
即係假設係女性兇手

但差佬話鞋印26.5應該係男仔

笑個度OP都有一幕整到條屍笑

鞋印唔一定係殺個時印上去
個殺法係教妹尾即使係女仔都可以殺死比自己強壯既男人

赤池2公婆微笑個度真係好恐怖

唔排除呢個可能
但妹尾方法得三個人知
兇手又點知架呢

說不定妹尾有教過人 而劇中暫時未交代

妹尾會為美里抱不平叫佢反抗 所以比建議人都唔出奇
（eg.見沙和周身傷 問咩事 跟著教佢點反抗/點勒死人）


不過都係估估下 話唔定只係一個黑道常用手法 而浮田叔既死只係黑道尋仇

第 8 集 久住幫部Lift 改名個到笑左

http://www.dianyingbars.com/player/22409-4-7.html



房門之內終於有104室link

104室房門之內
幾好笑不過冇乜新情報

一個唔好彩 佢個人生規劃就可以完了

呢集幾好睇

如果就咁雙重人格就算數都幾on9

可能真係要話其中一個參加者人格分裂 先可以解到有d人既死法咁殘忍 分屍呢d平常人好難會做到

呢幾日又重睇咗一次，發現有好幾個地方都有啲奇怪

1. 威脅信
藤井收到第一張威脅信時(第二集)，背面咁啱係明星嘅新聞，係巧合定暗示？因為久住話佢寫咗明星個明(袴田吉彥)


所以我就懷疑係久住寫信威脅藤井，但久住未必，甚至唔係一直寫信嚇人嘅人，可以對比兩段時期威脅信嘅字跡：

藤井收到嘅（第二集）


浮田(左)同久住(右)各自收到嘅（第七集）

另一個懷疑久住嘅原因係，佢講嘅說話前後矛盾，
一開始佢提過自己載口罩係有花粉症
後來又話唔想被誤會係明星 好困擾之類

其次就係藤井發現洗衣機有個頭時，好驚跑出去㩒𨋢，當時部𨋢已經喺4/F，但點解無郁、無反應？(第三集)


但藤井入返屋後，鏡頭一轉就係部𨋢，而且落返1/F


從衣著推測，呢個人就係久住


喺之後嘅集數都有提及，久住以前係做電梯維修，而且好鍾意𨋢，甚至會幫佢地改名
所以可能係久住做咗手腳，但點解要咁做？
焗住要藤井行樓梯，等第三者(同謀)可以入屋拎走個頭？

至於點解之後久住會咁驚威脅信同殺人，我推測係，久住一直以為自己喺個殺人遊戲入面係推動者／控制者嘅角色（應該仲有其他無開居民會嘅人合謀）
所以佢無諗過自己會收到威脅信
呢點令到我喺度諗 會唔會唔止一場殺人遊戲？又或者一直有人mon住佢地？

久住點解要係有人幫佢殺袴田吉彥前就比威脅信藤井

久住集房門之內咪講左佢會lock左𨋢自己係入面玩維修遊戲 同 載口罩因為成日比人認錯先要咁做

2. 管理員嘅死
第二係有關管理員，好多人對佢嘅死法都有唔同睇法，甚至有人估佢都係主謀之一，但我覺得佢係因為知太多而被殺(一陣再講)

如果大家記得，男女主角住302，而管理員係被吊喺302陽台，然後再跌死
住402嘅係榎本，502係赤池一家；
假設管理員係他殺+垂直吊落嚟，兇手就會係402或502其中一户做
可能初初睇唔會察覺到，但愈睇愈覺會長(早苗)太奇怪，例如佢喺管理員死後不停咁強調“自殺”

當男主問「有可能係他殺咩？」
佢又即係好慌


然後女主應該feel到有啲野，所以催佢老公返工，然後自己又再附和一次“自殺”



返返去正題，一開始提過管理員可能係因為知道太多而死，唔係自殺，係因為咁：


之前有人講過有啲shot影男女主角屋企，個角度都好似係CCTV咁



管理員影咗相又發現到，可能因為咁而被滅口，而個啲cam可能喺男女主角未搬入嚟之前已經set好咗。
而我覺得女主角應該知道咗cam嘅事，但扮唔知；相反男主角就唔知
因為以兩個主角咁鍾意睇推理書嚟講，無可能會覺得管理員係自殺咁簡單
但女主角可能驚俾裝cam嘅人知道自己發現咗，所以翔太一提死管理員會唔會係他殺
菜奈都即刻叫佢唔好提，係自殺（應該驚俾對方知佢地睇到嘅野）

作為觀眾，我諗無乜人會覺得管理員係自殺，因為當時佢地開窗個下，管理員係明顯好似瞓着咗，然後嚇醒咁，最後先跌落去

佢醒咗個反應睇到佢完全唔知咩事，而且仲會掙扎

所以我覺得係402嘅人做，但可能中間卡住咗，所以喺會長同菜奈對話中，先會不停強調係“自殺”，試探佢地睇唔睇到中間嘅事

我覺得久住係其中一個想推進個game進行先咁做
但可能我都諗得複雜咗

比起久住 偵探組仲容易做控制者

久住性格都幾懦弱下 係人面前可以扮 但有d情節得佢一個 佢都係驚驚青青 (除非真係有第二人格)
講佢個集房門之內入面 連比個女人屈都應付唔到


同埋第一張威脅信會估係用開紅筆既幹葉
浮田同久住收到既就真係奇怪 正常佢兩個寫左名既人應該係唔同人殺
但2張威脅警告似一個人寫

只要有Aimer 就會睇

巴打咁好心機

石崎洋子個種人真係好恐怖
而家呢個殺人game 影響到佢個完美人生規劃 唔知會唔會引發佢做啲咩野痴線事

唔俾人搬屋

我都係咁諗
久住原本就冇諗過真係會死人
袴田死左佢幾驚青又後悔
佢唔會係想推進遊戲既人啦
而且佢係𨋢出黎
唔係更加證明左佢係𨋢度冇可能係佢擺個頭咩？

我當時睇覺得
佢地強調管理員係自殺既原因係佢地都驚同遊戲有關

而吊落黎我度
我都覺得樓上有可疑
同時天台亦有可能
因為同個天線鑊一齊吊住
天線係天台至有