[信長撚]有冇朋友有興趣聽戰國史？(2)

大板之陣真係一個遺憾 如果一開始聽從真田幸村係咪可以嬴到德川

唔見得 但唔放手一搏就死路一條

大板之陣真係一個遺憾 如果一開始聽從真田幸村係咪可以嬴到德川

一城抗天下有咩可能贏
當時堆豐臣恩顧大名又死得7788佢地D仔想吹雞都冇得吹

大板之陣真係一個遺憾 如果一開始聽從真田幸村係咪可以嬴到德川

一城抗天下有咩可能贏
當時堆豐臣恩顧大名又死得7788佢地D仔又唔見得會幫你
想吹雞都冇得吹

的確，豐臣只係搏德川家康早死，冀望天下大亂，但實際上德川已經鬥長命鬥贏左班死忠

大板之陣真係一個遺憾 如果一開始聽從真田幸村係咪可以嬴到德川

一城抗天下有咩可能贏
當時堆豐臣恩顧大名又死得7788佢地D仔想吹雞都冇得吹

一城抗天下先唔講 但佢地用守城戰打先係問題 一開始連嬴既機會都無左

淀君主張守城果下已經注定要輸

此post已完？

此post已完？

未完呀，今日掛住睇奧斯卡，下午收工post

此post已完？

未完呀，今日掛住睇奧斯卡，下午收工post

Lalaland

此post已完？

未完呀，今日掛住睇奧斯卡，下午收工post

1614年10月2日，豐臣秀賴招攬十萬浪人據守大阪城，並要求昔日豐臣派家臣參與，但大多懼於德川幕府而拒絕，只有福島正則默許豐臣家接收在大阪既糧食。

豐臣秀賴招攬既浪人，大多係與豐臣家有恩，或者係關原之戰因加入西軍而被流放、沒收領地既人，當中最著名既五人眾包括毛利勝永、長宗我部盛親、明石全登、真田信繁及後藤基次，只有後藤基次不服黑田長政出奔外，其他四位都係西軍成員。除左佢地，仲有塙直之、大谷吉治、木村重成、薄田兼相等人，大多對德川幕府有切膚之痛。

豐臣家既作戰策略出現分歧，大野治長認為據守大阪，拖到德川軍疲憊再講和係上策，大野治長既主張亦得到淀君支持，因為淀君經歷過淺井長政、柴田勝家既失敗，經不起城池失陷、家族滅亡既考驗。

然而，真田信繁認為豐臣家坐擁大量兵力，可以主動鎮壓近畿一帶，分隔東西，藉此將西邊既豐臣派大名招攬，在近江一帶抵禦德川家，係類似關原之戰既方針。然而，豐臣家採用大野治長既方案，響大阪城周邊築城防守。

10月23日，德川家康率領大軍抵達京都二條城，準備召集二十萬兵力殺向大阪。本來既豐臣大名如福島正則、黑田長政等人被留在江戶監管，其他大名如上杉景勝、伊達政宗、淺野晟成、九鬼守隆、藤堂高虎、毛利秀就等亦參與此役，島津忠恆兩邊都不參與。

11月18日，德川家康、德川秀忠抵達大阪南部，以天王寺、茶臼山一帶佈下本陣，決定參考昔日信長對石山本願寺既策略，將木津川口海路封鎖，豐臣家派出明石全登防守。11月19日，德川軍淺野長晟、蜂須賀至鎮、池田忠雄一同攻擊木津川口，蜂須賀至鎮拒絕合作，趁天光前攻入木津川口，剛好明石全登不在而輕鬆攻陷。

隨後，豐臣軍派薄田兼相守衛木津川口後方既博勞淵，作為第二層海路防衛線；而大野治長亦派水軍堅守大阪南部既野田、福島城一帶（眼利既應該想起織田信長），接聯抵禦德川水軍既強攻。



木津川口、博勞淵、野田福島之戰

11月26日，上杉景勝、丹羽長重、堀尾忠晴、榊原康勝、佐竹義宣殺向大阪東北部鴫野、今福村一帶，豐臣軍修築多層柵欄阻擋，德川軍初期優勢，但大野治長出擊令德川一度後退，不過響水野親憲、上杉景勝反擊下，德川軍完全控制鴫野。

今福村方面，佐竹義宣雖然進入優勢，但豐臣援軍木村重成反擊，一度迫退佐竹義宣，然而木村重成只係初次上陣，懼怕德川軍既鐵砲齊射，後藤基次於是出擊，訓話道：「新仔，等我教你咩叫打仗！」

後藤基次大喝一聲率先突擊，木村重成從側邊協助，將佐竹軍殺個陣腳大亂，然而上杉景勝攻陷鴫野後，率先到今福村救援，後藤基次認為不利，只好撤退，讓出大阪東北地區，德川家康下令築城監視大阪。



鴫野、今福之戰

11月29日凌晨，西線德川軍進攻博勞淵，當地有大量稻草，德川家康判斷豐臣軍會埋伏其中，派石川忠總收割及牽制，遭到鐵砲攻擊損失慘重。當晚，九鬼守隆派出三艘戰船，與蜂須賀至鎮南北夾擊，由於守將薄田兼相響大阪叫雞，失去指揮既豐臣軍被德川軍輕取，薄田兼相更被豐臣軍戲稱「Orange」（橘武者），即係有得睇無得駛既人。

同一時間，野田、福島城一帶，九鬼守隆、向井忠勝等人趁著大雨偷襲城池，豐臣軍驚惶逃跑，德川軍完全控制領海權，將豐臣家困守大阪城內。

真田信繁見德川徹底深入，於是自告奮勇防守大阪城牆外，最後既堅壁 - 真田丸，真田信繁響真田丸附近修築兩道防線，外圈設柵欄，內圈掘空心戰壕，利用地形高低差拖延攻方腳步，並仿效父親真田昌幸既方法，在城牆上設置多個鐵砲射孔。除左真田丸，附近既八町目、谷町一帶亦有後藤基次、長宗我部元親既部隊駐守。



大阪冬之陣 佈陣圖



真田丸一帶佈陣圖

12月2日德川家康巡視環境後，命令前田利常到真田丸前方既篠山掘壕築壘，不要急於攻。12月3日，豐臣發現下屬南條元忠成為德川內應，將其切腹並欺瞞德川計劃順利。

前田利常於12月4日趁夜奪取篠山，真田信繁挑撥前田：「前田利家既後人竟然投靠德川，你祖先都要哭泣了？」

前田利常大怒，全力進攻真田丸柵欄，真田信繁等待前田軍專心爬壁時，全軍鐵砲齊射，將前田軍打得損傷慘重，被逼撤退。同一時間，聽到真田丸開戰，井伊直孝、松平忠直亦進攻八町目、谷町，此時大阪城出現火藥爆炸意外，藤堂高虎以為內應出手，主動出擊。



真田丸防衛網復原圖

真田信繁、後藤基次等人對進犯既德川軍齊射，兩邊夾攻令德川前鋒蒙受重大損失，井伊直孝高舉戰旗，大喊：「最強部隊赤備在此！浪人有咩可怕？我地係最強精銳呀！」

此時真田丸開門，一隊穿戴深紅盔甲既部隊殺出，高舉六文錢大旗，帶頭既武將手提十文字槍，向井伊直孝大喝：「德川赤備？山寨根本打唔贏正版！我地係真田赤備，真正繼承武田流精神既人！真田源次郎信繁，討教了！」

後藤基次亦高呼道：「全力支持真田，等幕府走狗見識浪人組既志氣！」豐臣軍蜂擁而出，將井伊直孝、松平忠直部隊徹底擊潰。藤堂高虎既部隊亦殺到戰場，雙方由早上殺到中午，德川家康見自軍損失慘重，下令撤退，大阪城南既戰鬥以浪人組奮戰勝利結束

德川家康怒叱前線將領，同時因為兵糧不足，開始有人提出議和，但最終談判破裂。德川軍於是避開真田丸，主力擾亂大阪城，先派鐵砲隊每晚約五時至十一時在城內放響砲，日間出動攻城塔對城內射擊，令大阪疲憊不堪。

12月16日，德川軍出動多門大砲，對大阪城連環轟炸，有幾枚炮彈更擊中大阪天守閣，甚至打中淀君房間，有侍女近臣被打死，淀君被如此光景嚇倒，於是提出議和，大野治長亦同意。



德川軍大砲位置

然而，主戰派既浪人組強烈反對，真田信繁質問大野治長：「眼見大阪周邊穩固，德川軍亦缺糧，點解要放棄優勢，與賊議和？」

「區區浪人又知道什麼？敵軍砲火猛烈，連天守閣都被炸飛，淀殿大人為此受驚，你認為真係守得住？不如借議和拖延時間，等老賊一死就有希望。」

「希望？昔日恩顧大名拋棄我地，據守大阪本來要盡地一搏，今日選擇和談同自尋死路冇分別，為何不明白？」

「區區浪人⋯」大野治長喝退浪人組，準備籌組和談事宜。隔日，朝廷亦派人斡旋，被德川家康拒絕。不過12月18日和談總算正式開始，德川家康派側室阿茶局、家臣本多正純，豐臣家派淀君二妹阿初談判，雙方同意以下條件：

1, 拆除本丸以外既所有防衛網、城壕、柵欄及要塞
2 由大野治長、織田長益做人質
3 豐臣秀賴可以維持原來領地

雙方於12月19日達成共識，德川軍亦停止砲擊，雙方響浪人組反對聲浪下停戰。12月23日雙方開始拆除防備，豐臣軍負責二丸，德川軍負責三丸及城外，德川軍集合全國大名既動員能力，唔駛一個月就將三丸、城外所有防備移除。

大野治長本來打算用和談拖延時間，故意拖延拆除二丸既速度，拖字訣等年老既德川家康病逝。但係道高一尺，魔高一丈，德川家康立即表示：「豐臣家做野咁冇效率，會浪費唔少公帑，我德川家康好人少少，幫你縮減工程時間及費用，睇我幾為你著想？」

於是，德川家康立即派大軍搶封二丸，1615年1月19日完全拆除所有防備，大阪城等同裸城，德川家康非常滿意地撤退，並秘密鑄造大砲、鐵砲備戰。

3月15日，大阪不滿議和，重新響城外掘壕，意圖再度起事，京都所司代板倉勝重立即上報德川。德川家康在駿府享用天婦羅，聽到消息後露出笑容，拍案而起：「果然係小鬼，總會犯下年輕人既錯誤！」

德川家康要求豐臣家解僱浪人、撤出大阪城，豐臣秀賴怒斥：「德川老賊，我父親在世時你可以咁猖狂？我豐臣秀賴寧死不屈」

「人類總要犯上同樣既錯誤。」德川家康動員全國大名，包括豐臣派大名一同出擊，再度攻打大阪，日本戰國最後一戰，即將開始。



挖掘後既大阪城

次回

大阪夏之陣

無期的援軍 - 後藤基次奮死
日本第一兵 - 真田信繁成名
如夢幻泡影 - 豐臣政權殞落
杜鵑的啼叫 - 德川幕府統一

哎，對唔住，拖咁耐稿

終於都黎到呢場啦

哎，對唔住，拖咁耐稿

辛苦哂
唉睇到好心酸

真田

其實德川家康喺大阪之戰係幾多歲架？
點解可以咁耐都唔死得
當年豐臣幼稚園都已經死咗幾件

歷史證明女人真係累事，淀君呢條撚樣一早係老豆死個時陪葬啦
如果唔係佢生粒仔出黎，秀吉就唔會廢秀次
如果唔係佢唔識野係到9up, 大阪城點會撤晒防備
唉，一條咁既女人累死幾撚多人

大板之陣真係一個遺憾 如果一開始聽從真田幸村係咪可以嬴到德川

一城抗天下有咩可能贏
當時堆豐臣恩顧大名又死得7788佢地D仔想吹雞都冇得吹

一城抗天下先唔講 但佢地用守城戰打先係問題 一開始連嬴既機會都無左

淀君主張守城果下已經注定要輸

唔守城死得分分鐘仲快俾德川一次搞掂夏之陣都唔駛打
而且夏之陣咪就係野戰

其實德川家康喺大阪之戰係幾多歲架？
點解可以咁耐都唔死得
當年豐臣幼稚園都已經死咗幾件

70歲到
個陣黎講算係長命