首先講兩軍佈署，西軍主要駐紮在關原四周既本陣笹尾山、天滿山、松尾山、南宮山上，預先設定鶴翼包圍陣請東軍入甕。各軍佈署如下：（由西北至東南）
笹尾山：石田三成、島左近
梨木川：小西行長、島津義弘、島津豐久
天滿山：宇喜多秀家、明石全登、戶田重政
山中村：大谷吉繼
松尾山：小早川秀秋、脇坂安治、赤座直保、小川祐忠、朽木元綱
南宮山：毛利秀元、吉川廣家、安國寺惠瓊
栗原山：長宗我部盛親、長束正家
東軍就沿中山道進入狹窄既山道，直到關原才散開佈陣，意味著東軍若被夾擊，將會在關原之地被全數殲滅，東軍據守丸山、關原、桃配山一帶，佈署如下：（由前至後）
關原北道：黑田長政、竹中重門、加藤嘉明、細川忠興、稻葉貞通、戶川達安、田中吉政、筒井定次、金森長近、生駒一正、松平忠吉、井伊直政、織田長益
關原南道：福島正則、大野治長、可兒才藏、藤堂高虎、京極高吉、京極高知、寺澤廣高、本多忠勝
桃配山：德川家康
後方南宮山對應部隊：中村一忠、有馬豐氏、山內一豐、堀尾吉氏、德永壽昌、蜂須賀至鎮、淺野幸長、池田輝政
關原之戰佈陣圖
參考明治時代陸軍參謀部《日本戰史》內容，西軍參加關原之戰既人數大約八至十萬人，而西軍所有大名，根據石高數計算最多有十六萬人左右。東軍參戰人數約八萬人，所有大名石高計算，最大動員數約十二萬人。然而，由於大津城、田邊城調走西軍三萬兵力，令兩軍人數差距收窄，變相為東軍減少劣勢。
本應被居高臨下既西軍盡收眼下，然而山林濃霧遮蔽視野，雙方在日出時份仍按兵不動。
井伊直政從後殺出，搶先越過福島正則，攻擊宇喜多秀家部隊，響起大戰既第一槍，福島正則隨後跟上，揭開關原之戰既序幕。而島左近亦從笹尾山殺出，攻擊關原北道既黑田長政、細川忠興隊；大谷吉繼趁東軍攻打天滿山，就從側面突襲東軍，與藤堂高虎、京極高吉交戰。
東軍前鋒幾乎全數投入作戰，而西軍主要由石田三成、宇喜多秀家、大谷吉繼及小西行長部隊為主。關原南道既大谷吉繼、小西行長、宇喜多秀家響山上多次阻截東軍前鋒攻勢，福島正則更與明石全登激戰連場，彼此互相拉鋸。而井伊直政、松平忠吉突入小西行長隊，亦未能順利得手。
黑田長政修築戰壕、木柵阻擋西軍突擊，以鐵砲殺傷前鋒，島左近被黑田長政家臣菅直利狙擊，中彈受傷一時撤退，笹尾山西軍前鋒一時撤退。隨後，西軍出動三枚大砲砲轟關原戰場，沖散東軍陣型，西軍響初期進入優勢。
關原之戰 繪卷
兩個小時後，東西軍戰鬥持續，東軍前軍幾乎傾巢而出，但西軍松尾山、南宮山、栗原山部隊仍然按兵不動，甚至旁邊既島津義弘亦冇反應，不參戰人數幾乎佔全體三分之二。石田三成派家臣催促島津出兵，但由於家臣冇下馬邀請對方，島津豐久勃然大怒表示：「唔識禮數既蠢材，我唔會出擊既！」
島津義弘亦表示：「如果真係想請我出戰，麻煩做好禮數，再誠意邀請，你既表現令我不被尊重。」（歲久、家久，今次係復仇既好機會。）結果島津軍響天滿山一帶按兵不動，旁觀整個戰事，不論東、西軍，凡係接近既部隊都會攻擊。
同時，石田三成點燃狼煙，招呼松尾山、南宮山等友軍完成鶴翼陣，聯手夾擊東軍，松尾山小早川秀秋猶豫不決，暫時未有動作。
南宮山既安國寺惠瓊收到消息，立即招呼毛利秀元、吉川廣家、長宗我部盛親、長束正家出擊。吉川廣家因為與東軍私下締結停戰協議，響山腳阻擋西軍下山路線，安國寺惠瓊派人質問毛利秀元：「秀元大人，眼下係進攻良機，點解唔出擊呀？」
對方因為吉川廣家拒不讓路，於是尷尬地回應：「我地明白要把握時機，但係我軍正在⋯食飯盒，要食完先有力打仗架。」
「但你個飯盒已經食完了？！」家臣已經無力反駁，結果毛利軍因為吉川廣家阻擋要路，就此在南宮山撤退，人稱「宰相大人空便當」，相關分析之後會講。
兩個決定，影響命運
，而家樓主寫關原個part我真心覺得真係算係最好睇嘅一part
)
如果係後者解釋咁佢自己係基於咩理由覺得自己未洗死？